話說，屋企嘅所有開支，包括我啲卡數在內，都係阿太負責找嘅。話方便係好方便，佢搞晒我可以煩少樣吖嘛；麻煩嘅係，會畀佢見到我碌卡買過乜。 講真，有時啲波鞋同玩具嘅價錢，我哋覺得合理，但係對女士們嚟講，已經遠遠超出咗佢哋嘅想像範圍；入境方面可以趁佢瞓咗先搬返屋企，第朝問幾錢就求其講細個數。不過醜婦終須見家謙，到張單嚟到，一切都會無所遁形。 不過最近，畀我搵到個突破位😎 我見到某間銀行有張信用卡(唔講名喇，想知嘅就自己上網搵，費事你哋又話我賣廣告)，只要你碌條數超過五舊水，你就可以自己揀將條數分期，揀三個月嘅話仲要免息；即係話，假設你買千五蚊嘢，你可以將佢分拆做$500x3。喺女友/太太嘅世界觀入面，五舊水一個figure，同千五蚊一個figure，係西環行去柴灣嗰種差距；只要拆細咗之後嘅價錢冇超越佢哋嘅心理關口，就唔會哦你。 而且，呢個服務冇限次數，係無限次三個月零息分期。 直頭係男士福音啦係咪？一知道之後，我就10-1衝去申請，心諗呢次我仲唔耳根清靜？收到張卡嘅當日就立即走去shopping；一貫嘅做法，買完之後將啲戰利品擺晒喺車先，到夜啲全屋瞓晒之後就落去攞番上屋企✌🏻 一路搬啲嘢入屋，一路忍唔住讚自己醒目；偷運入境期間，我見到地下有個名店紙袋。 *****我係同伍家謙一樣咁靚仔嘅分隔線***** 第朝起身，同阿太食早餐。 太：「咦，你又買嘢呀？」 我：「係呀，啱啱有減價好抵，見只係幾舊水咪買下囉。」我一路講要一路忍笑，兼內心OS狂讚自己聰明。 我：「我見你都買咗個袋喎。」 太：「係呀，喂你知唔知有張信用卡只要你碌過五百蚊可以自己揀免息分期三個月？我已經申請咗張卡喇！嗰張卡喺啲超級市場買嘢仲有5%折扣！」 你哋唔會明嗰種由天堂跌落地獄嘅崩潰。 — 完 — Btw，講緊嗰張係 @stancharthk 嘅Smart Card，全新客戶成功申請仲可享迎新禮遇高達HK$1,600現金回贈，想好似我哋咁醒，快啲去 sc.com/hk/smartcard/vince 申請啦！ 受條款及細則約束，資料只供參考，詳情請參閱渣打銀行網頁。 借定唔借？還得到先好借！