「一條女未出發先遊記 - 喊出黎篇」 話說我今日departure time係9：05，訓左半個鐘六點就起身準備出發，唔知唔夠訓定點我竟然以為9點先去到機場，然後極姿柔淡定咁整野出門口，臨出門叫細佬幫我影張活力健康照，係果刻我先恍然大悟 今次仆街了，我聲都出唔到狗衝落街搭的士，finally 我係9：05機我8：25先到，唔俾check in，當初我係因為平（$493連tax hkg-kmg)先搭佢，點知貪字得個貧，我問左港龍正價飛係$2615，即刻灰左，但連呢班機都趕唔到我下站既轉機時間，有諗過買左呢程再從新買埋下一程。結果我放棄左俾我搵到有下就17：05既直航都係$1633，咁我即刻上網book，之後就滿心歡喜去check in 啦，一打開張飛，我忍唔住對住counter姐姐講左句仆街，我竟然book左聽日，而我book 果個網係英國網得外國contact，去counter問又話我張飛唔改得，仲話我個名掉轉左聽日先幫我整到另收返我$500改名費。 跌落谷底既我喊住text在澳洲既灣青叫佢打俾我，其實係聽我喊😂，我的媽，佢話佢可以俾佢skype我打去英國問，簡直我救命恩人，好好彩我食住翠華早餐A打左三次，用我既英文有限公司終於改到名同改返今日😭I love u ran😭，最後我終於獲得登機証一張同埋人間有愛✨ 題外話：由8：30滯留到下就17：05先走得，想訓又唔敢訓，係呀我仲未出發呀好撚慘呀。 是次真心得著：既然已是改變不了的事實，與其浪費時間作無謂的怨天尤人倒不如樂觀去面對，你自會發現光明處😉