有好多網友inbox問我Present Perfect Tense （現在完成式）同Simple Present Tense （簡單現在式）既問題，我講多少少:

Present Perfect Tense 現在完成式
呢個Tense 用於由以前發生，但冇指明特定時間（i.e. yesterday, last week...），又對現在有關連既事。例如 「I have had everything (all these accomplishments). 我已經擁有一切（成就）」。呢度Have係auxiliary verb（助動詞）；had係main verb（主動詞），以past participle（過去分詞）形式出現。係呢一句Present Perfect Tense帶出「已經擁有」呢個時間性。Already呢個adverb（副詞）可以配合使用於Present Perfect Tense，強調「某事比另一件事早發生」，例如「 I would not need to be more successful when I have already had everything. 當我早就擁有一切，我唔需要更成功。」

Simple Present Tense 簡單現在式
一般用於陳述事實、表達概念。例如 「I have everything. 我擁有一切。」Have 就係main verb。Already 亦可以用喺Simple Present Tense，喺度表達「有野比起預期早左發生」，或者「一啲發生左但係你預期之外嘅事」。例如「 I already have everything. 我擁有一切（感覺早左或者意料之外）」。

另外一個問題：用左Present Perfect Tense仲可以加”at this moment”？
我嘅答案係翻譯時要睇當事人想表達嘅原意。我想保留當事人想強調嘅意思，以及我想帶出”This instant”同”At this moment”既分別。雖然中文嘅譯法大家都係叫「而家」，但係意思有少少分別。”This instant”通常配合Imperatives（命令式動詞）使用，好似我片中例子：「Shut up this instant！而家（即刻）收聲！」呢個「而家」帶有「即刻去做某件事」嘅意思；At this moment 既而家就淨係「而家」，當刻嘅意思。基於上述原因，最後我決定加個逗號隔一隔帶有Present Perfect Tense既句子，加”at this moment”喺最後。

PS: 我完全理解口語英文變化好多，我自己講英文嘅時候都會犯正統文法上嘅錯誤。我當初分享英文片段，就係想借生活化嘅題材，以不同嘅表達方式去引起大家興趣，因為解釋英文嘅時候，contextualization 將語言運用搬到去生活上既情景，對理解語言有好大幫助。香港嘅學習英文模式就係缺乏真實嘅context情景去應用同理解，學生學grammar只係機械式不斷造句，睇passage只係睇textbooks作出黎既文章，一嚟欠缺真實性，二嚟邊個會有興趣睇？我希望每一次嘅討論都可以令你有動力去查下、去了解英文嘅運用，甚至問下身邊既人：「應該點講？」。Thank you.