由默書零分到演講冠軍 學好英文有三樣嘢好緊要（二） 有讀者問起，我係點樣學好英文。自問英文唔算特別好，叫做見得下人。今次就同大家分享一下，個人認為學英文最重要嘅三件事。 1️⃣第一，要知道自己想要啲咩； 2️⃣第二，要下苦功； 3️⃣第三，要夠厚面皮。 上次提到，學英文要知道自己想要啲乜嘢，同事要理解自己嘅強項同弱項，再重點培養。今次講第二點，學英文一定要下苦功。 ❗️除非你係一個語言天才，否則學語言係一定要下苦功。再叻嘅人學其他語言嘅時候都一定要打好根基。 上文提到，我嘅聽說能力比較強。但係唔代表我呢兩方面冇俾心機。中學嘅時候參加朗誦同演講比賽，為咗可以喺比賽上有好嘅成績，我煲咗好多次哈利波特，入邊嘅人點樣講嘢、用咩語氣、用咩口音，我會完全模仿晒。用「現代」少少嘅講法，就係不斷mimic/ shadow 錄音帶入邊嘅每一句，不斷重複又重複。 ✅「語感」就係咁培養返嚟。大個咗發覺，有「語感」對於學文法非常有幫助。因為，當文法錯嘅時候，你個腦自然會同你講「喂，呢一句好似唔係好對路喎」。所以有機會的話，都係要多啲浸淫喺英文嘅環境之中。 有時候我又會對住鏡自己同自己講嘢。甚至乎，會錄低自己講英文把聲自己聽返，睇吓有邊啲為發音唔好、又或者係可以改善嘅地方。簡單呢個 feedback loop 好重要。 至於讀寫呢兩方面，我自知比較弱。平時串深字，就真係會逐個逐個字母讀出來，例如 exercise 係 E-X-E-R-C-I-S-E，去到考試默書嗰陣，心裏面就會默念番出嚟。中學嘅時候，全班得我一個人，每個星期剪一篇南華早報，然後寫評論比英文老師改。每一次寫演講比賽嘅講稿，我都會搵一位喺英國返嚟嘅朋友幫我改完又改、改完又改，改到啱為止。細細個未有Netflix嘅年代，我就會上大陸嘅土豆網，專搵一啲BBC嘅劇集，有晒中英文字幕，一邊煲劇，一邊見到唔識嘅字就抄低，然後查字典。唔係講笑，我屋企仲有好多本煲劇時候嘅筆記簿。 其實而家比我細細個嘅時候都好多呢一方面嘅工具，簡簡單單YouTube同埋Netflix都已經可以係你學英文嘅好朋友。再唔係的話聽歌學英文都係一個好好嘅方法。不過真係要識揀邊個填詞。 🤗個人覺得90年代嘅英文歌其實都寫得幾好，聽下啲Westlife 呀，Backstreet Boys 都幾好。再唔係比較現代一啲嘅我會推介英國嘅James Bay同埋丹麥嘅Lukas Graham。James呢除咗唱歌好聽，佢填嘅詞非常有詩意，經常令我諗起林夕。而Lucas Graham嘅歌詞好寫實，有少少似黃偉文。 今次講到呢度，下次繼續。歡迎大家留言討論一下學英文嘅心得。喜歡的話，記得儲存同埋分享俾朋友！加油！ #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #學英語 #英文

由默書零分到演講冠軍 學好英文有三樣嘢好緊要（一） 有讀者問起，我係點樣學好英文。自問英文唔算特別好，叫做見得下人。今次就同大家分享一下，個人認為學英文最重要嘅三件事。 1️⃣第一，要知道自己想要啲咩； 2️⃣第二，要下苦功； 3️⃣第三，要夠厚面皮。 ❗️第一，要知道自己想要啲乜嘢。點解呢，有啲人好明顯咁淨係想考試高分啲入大學。根本對學語言咩興趣都冇。但係有啲人，已經過咗考試嘅年紀，但係又想學好英文增值自己。又或者，有人可能既想考試考得好又想英文真係好。 如果係想考試叻啲，無論係IELTS定係公開試，真心搵個好嘅補習老師慳返你唔少時間。其實好多所謂考試真係講求技巧，如果本身你英文一般的話，而屋企又有能力，去補習啦。 ✴️但係如果你係想改善日常英語，都有好多種唔同嘅方法。你要知道自己讀寫聽說各個方面強弱。 話說筆者細細個嘅時候，一嚟有讀寫障礙，二來又有過度活躍。大家唔好見我而家好似睇好多書咁，我讀小學嘅時候非常之跩，多年來一直比老師分配自己一個人坐角落頭，或者直接坐老師枱前面嘅單人位。而因為身體又唔好經常要食藥，所以成日返到學校就已經好攰。上堂完全冇心機學嘢，英文堂就更加留心唔到。經常默書測驗都唔合格甚至零分。差到一個地步，出咗貓都唔合格，得39分。好記得有一次我爸爸接我放學，問我讀書讀成點，我好興奮咁同佢講，「我今次終於唔係零分啦，有39分！」佢失望嗰個表情，我十幾年後嘅今日都仲記得。 媽咪唔想我荒廢學業，但見我身體差又唔想谷得我太辛苦；一個師奶又唔知點做好，結果就買咗一大堆有聲英文書俾我聽。點知，雖然我有讀寫障礙，但原來我嘅聽力係比一般人敏銳，係不斷聽英文嘅過程，好快就跟住錄音帶入邊嘅人講嘢，仲學埋發音、語速甚至培養左語感。用「現代」少少嘅講法，就係不斷 mimic/ shadow 錄音帶入邊嘅每一句，不斷重複又重複。 結果我細細個係英文說話方面就已經比一般小朋友強。後來學校老師仲搵咗我去參加朗誦比賽，搵咗學校嘅native英文老師執我嘅發音，仲一個唔小心贏埋冠軍添。之後我認真學英文，其實好純粹就係想贏比賽（又真係俾我贏過好多次⋯⋯讀大學嘅時候仲代表香港參加全國賽），冇考慮到學校考試成績係點。我嘅強項係聽說，所以我由細到大我學英文都係由呢兩方面着手。 講返轉頭，其實英文都有分好多種：例如考試英語、學術英語、商業/工作英語、日常生活英語等等。 ▶️如果你係想考試成績好，凡係有系統嘅嘢就可以有應對嘅策略，老實講，識考試就可以（或者搵人幫你）； ▶️如果你係想攻學術，經常要發表論文，寫作要求相對較高，文法、詞彙都好重要； ▶️如果你學英文係要想喺事業上有所提升，甚至出國搵工，咁優先次序反而要以日常聽說能力為主（但如果你工作要經常用英文寫報告就例外）； ▶️如果你學英文係想交朋結友，識多啲唔同國家嘅人，除咗「齋學英文」之外，其實更加要了解唔嘅西方文化，大佬呀，要有內容先至傾到計㗎嘛。 ✅ 如果你想學好英文，不妨問吓自己到底目的係乜嘢，自己嘅強弱又喺邊，又或者對邊啲事物特別有興趣。然後重點培養。 今次講到呢度，下次講第二同第三點。歡迎大家留言討論一下學英文嘅心得。喜歡的話，記得儲存同埋分享俾朋友！加油！ #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #學英語 #英文 #香港女孩 #hkig #hkgirl

🏆 又可以喜當 @jolin_cai 的金曲譯者了！Jolin 今天發的新 MV《甜秘密》，聽了沒、看了沒～～  這首火辣害羞的舞曲，#小腥腥 一定會喜歡 😂 ❤️ 這首是我跟 Leo 的得意之作，玩文字遊戲玩得很過癮啊！  你想看全文，看看我們怎麼翻譯，那些曖昧卻火辣的歌詞嗎？ 有三個管道～  1 最推薦：配著 Jolin 的 MV，記得打開 CC 字幕喔  2 來看賓狗錄的翻譯講解影片，會分析翻譯背後的小巧思喔  3 到嘖嘖免費公開頁面，有中英對照全文  老實說，我不敢在 IG 分享《甜秘密》翻譯全文 XDD 因為我怕有的單字太害羞敏感，IG 演算法會以為我是「不正當」的帳號，送我 shadow ban（就是默默降低我的觸及的意思）。  要請你到 IG bio 的連結中，用你喜歡的方式，收下賓狗的翻譯好禮囉！  快來 IG 主頁，點擊連結，一起火辣甜秘密吧 🔥🔥🔥  #賓狗單字 #英文單字 #單字卡 #英文發音 #英文 #翻譯 #podcast #播客 #podcasttaiwan #podcastsofinstagram #新聞 #新聞英文 #甜秘密 #甜蜜蜜 #蔡依林 #jolintsai #jolin #jolincai #蔡依林uglybeauty世界巡迴演唱會 #蔡依林jolin