New Babies (PART III) 前排Sephora又做75折，忍唔住買咗少少！ • Zoeva 146 Concealer Perfector Brush 見佢同Rare Beauty嗰支遮瑕掃咁似樣，平平哋買返嚟試吓順便比較吓有咩唔同～挑剔啲嚟講，rare嘅角度用落眼底會fit啲就手啲，zoeva斜咗少少，接觸面太大反而推得冇咁好。毛量方面zoeva唔夠rare咁密，感覺上用rare出到嚟嘅遮瑕效果會好啲啲。不過講到最尾其實兩支係幾似，洗咗幾次都唔覺拮皮膚，價錢又差唔多，我覺得是但買一支都得～ • Natasha Denona Mini Sunset & Mini Retro 繼續儲ND嘅mini palette♡︎之後要另外出post講，特別係mini retro真係好靚！ • ONE/SIZE by Patrick Starrr BrowKiki Micro Brow Defining Pencil - Auburn 上個月染咗啡紅色頭，要買返新眉筆match返髮色♪ 求其盲揀咗支auburn色，佢嘅筆芯比起mac嘅眉筆更加幼！好好畫，可以畫到好幼嘅線條，不過有時候太大力會起渣，尾二張圖條眉就係用咗呢支眉筆～佢配埋嘅眉刷我覺得好用過mac，冇咁硬又彈性啲。鍾意超幼芯眉筆嘅話可以試吓呢個牌子！ • tarte busy gal BROWS tinted brow gel - medium brown 好耐冇買過眉gel所以又係求其盲揀，佢係超幼頭好易搽，不過膏體太濕太難乾，同埋用完同冇用好似冇乜分別，唔覺有立體咗嘅效果，整體嚟講冇咩特別。 • RMK Rosewood Daydream Liquid Eyes - 03* 呢支閃閃眼影睇個樣老實講好唔吸引，但推開咗係好靚㗎原來！上到眼係濕潤感嗰種閃，好夠閃又持久，keep到一日唔甩唔會起積線～ • RMK Rosewood Daydream 4 Eyes - 01* 今年秋冬新出嘅眼影色號，粉質幼細好好推，不過淺色嘅顏色唔太顯色。佢隻紅色都幾靚不過而家仲係好熱未有feel用佢住🤣要等多一兩個月先用～眼妝可以睇睇尾二張相♥︎ • RMK Soft Fine Eye Pencil - EX-05* 超好畫嘅眼線筆！滑到有啲跣🤣用佢喺眼尾畫條眼線襯紅色眼影都幾好睇～不過可惜係我油眼上唔夠持久，耐咗會有少少fade out。 • RMK Ingenious Powder Cheeks N - EX-20* 比較適合白皮嘅暗粉紅色，粉質又係好好，好貼皮膚，如果出多啲淺色就好喇🤣. *𝗣𝗥 𝗴𝗶𝗳𝘁 𝗳𝗿𝗼𝗺 @rmkhongkong • Dr. Dennis Gross Skincare Alpha Beta® Universal Daily Peel 幾得意咁，捽2分鐘就去到角質🤔暫時用咗兩塊覺得好有效果！捽完塊面超滑，滑嘅程度拍得住philosophy peel kit！不過除返開一塊要$30都唔平，玩完就算了用返philosophy啦～ • philosophy resurfacing solution 急救滋養煥膚水* 有4%果酸同埋積雪草成份嘅toner，夜晚洗完面唧喺化妝棉再全面抹一次，用咗兩個星期覺得皮膚光澤咗同埋鼻翼隔離嘅毛孔冇咁污糟，敷完deep clean mask明顯睇到冇咁多粉刺/皮脂要清！不過佢就唔可以晚晚用，同埋用咗佢之後我停用其他去角質產品，費事過度去角質搞到皮膚變得敏感。 • philosophy purity made simple 三合一潔面乳* 又係佢呀🤣我而家每朝都用佢洗面♥︎之前已經講咗好多次唔再多講了～ *𝗣𝗥 𝗴𝗶𝗳𝘁 𝗳𝗿𝗼𝗺 @lovephilosophy

New babies (PART II) • Penhaligon’s Scent Library 喺selfridges見到呢個set有10支熱門香味幾得意，雖然每支只有2ml但都噴到十次左右～全部都已經噴過晒，暫時最鍾意嘅係Endymion Concentre, The Favourite同埋Luna♥︎整體嚟講我覺得呢盒嘅味道偏向雲呢拿或者木味，二百幾蚊玩吓都幾抵～ • Make Up For Ever Watertone Buildable Coverage Sponge 想試吓同beauty blender有咩分別，不過呢排冇用粉底所以都仲未開🥲. • Dear Dahlia Lips & Mirror Set Sephora會員積分500分換，有塊好靚嘅鏡同埋兩支唇膏仔，顏色仲要係平時用得着嘅色！店員都極力推薦話換呢個係最抵🤣兩支唇膏都係霧面質感，不過有啲乾唔算好好用。 • Rare Beauty Liquid Touch Brightening Concealer 150C 質地滋潤偏薄身，中等遮瑕度，最正嘅係好貼皮膚！顏色選擇好多，有齊warm/neutral/cool tone. 不過持久度就唔算好好，雖然冇氧化但化咗六七個鐘左右開始起積線。佢嘅刷頭太巨大我覺得好難控制🤣通常我都係點喺手背再用手指印上眼底。買咗返嚟之後日日都用佢♡︎ • Rare Beauty Liquid Touch Concealer Brush 對於遮瑕度高嘅遮瑕膏，用呢支掃真係推得好好，薄得嚟keep到遮瑕度，但反而配返Rare Beauty Concealer我覺得妝感冇我用手指印上眼底咁好🤔價錢只係百幾蚊算係幾抵用～ • Hourglass Vanish Airbrush Concealer - Creme 終於買啱色喇！之前買咗silk太暗，呢支creme就啱啱好。佢遮瑕度極高！所有深色嘅印或者嚴重黑眼圈都可以遮得好好，而且好持久唔會氧化唔會點甩！不過佢有少少顯乾紋，搽之前要注意保濕♡︎ • Beautiful Concealer 其實唔知佢咩牌子，我係臨時喺Donki度求其買用住先😂雖然唔啱色但質地又幾好，唔算好潤但薄得嚟幾貼皮膚，重點係佢$60都唔使超平！ • Visee Eyebrow Pencil - GY001 臨時買嘅眉筆～好似好少見有人review Visee嘅眉部化妝品🤔呢支自動芯眉筆有埋眉刷，畫出嚟唔會起渣一撻撻，不過有時候畫畫下唔係好上色，都係鍾意media多啲♥︎ • Nars 24 High-pigment Eyeshadow Brush 好耐之前喺啲日本妹ig見到呢支掃好似好勁咁，用佢上閃粉眼影實色過用手指。不過我用落覺得都係用手指比較就手😂而家俾我用嚟當遮瑕掃用覺得仲正！特別係遮暗瘡印篤幾下已經遮得好好～ • Natasha Denona Mini Bronze & Glow 雖然佢係bronzer+highlight，但我覺得佢更加似眼影！上到眼實色過日系眼影，仲要又靚又實用又好blend!!! 不過始終佢本身唔係眼影，唔打底容易起積線☺︎︎之後會為佢出個post㗎！Stay tuned~ • 100% Pure Mattefying Primer* 唧出嚟透明嘅primer，唧少少已經夠全面用，推開滑滑哋但佢成份天然唔係silicon based所以唔會塞毛孔～用佢打底有少少遮毛孔同埋控油效果，不過如果長期戴口罩焗住，用佢就唔夠勁了。 * 𝗣𝗥 𝗴𝗶𝗳𝘁 𝗳𝗿𝗼𝗺 @100percentpurehk 未完㗎仲有PART III🤣趁sephora 75折買咗幾樣嘢～會盡快分享♥︎

今日想同大家分享下 @makeupforever 早排新出嘅超高清持久定妝蜜粉Ultra HD Setting Powder！相信大家對呢個蜜粉都唔陌生，好多youtuber/reviewer都大堆！我之前有係story簡單分享過，今日就正式啲影咗條實測片俾你地睇🥰 . BG Info / Selling Pt: Ultra HD Setting Powder ▸ Price: $330/16g ▸ 有固定底妝功效，全日24小時持久定妝 ▸ 長效12小時抗油光 ▸ 9 shades (My shade: 2.0 Vanilla*) . ❶ 粉質+妝感 粉質好輕好幼細，細緻到係空中好似煙咁飄開。上面會呈現一個半霧面妝感，保持到皮膚本身嘅通透感，唔會話上完之後塊面望落扁咗，無咗立體感。 ——— ➋ 遮瑕 今次新蜜粉係有唔同色調，所以會有少少遮瑕度，有調色功能。 ——— ➌ 控油 蜜粉修飾油光效果好，睇片會見到係出油位置拍幾下蜜粉就會即時霧化咗。佢可以吸走多餘油脂，好啱容易出油嘅朋友仔用黎補妝。 ——— ➎ 持久 呢段時間用落黎發現佢真係可以令個妝keep得耐啲，溶少咗，同埋用咗佢之後無甩底妝係口罩到。 . < 色調 > 0.1 Light Baking: 透明色，針對黑眼圈/眼袋做「烘焙」 1.1 Pale Rose: 適合白皙膚色、無咩血色嘅朋友 1.2 Pale Lavender: 適合偏黃膚色，有提亮效果改善暗啞 + 6款Tone To Tone色調 2.0-2.2: Fair - Light ｜3.0-3.2: Light - Medium . 今次呢個新Setting Powder我自己用落好滿意，因為佢定妝效果真係好好。佢係控油力較強嘅蜜粉，雖然我乾肌但依家夏天都用到。佢個粉撲好軟熟，加上有尖端位，可以輕易照顧到眼底鼻翼嘅位置。平時我上碎粉好少會用粉撲，因為驚出黎會厚得滯，無用掃咁薄，但呢款蜜粉夾埋個粉撲一齊用完全無呢個問題🙆🏻‍♀️ 同埋我好鍾意0.1 Light Baking！本身我以為眼底偏乾唔啱做baking，但出黎效果好好，眼底變得好smooth，提亮效果好明顯，亦無卡眼紋嘅情況。 . Your.BeautyTeller x MAKE UP FOR EVER #神級24H爽妝粉 獨家驚喜 8月9-15日期間專享： . 1/ 🛍 親臨MAKE UP FOR EVER 全線店舖*購買「超高清持久定妝蜜粉」並出示此POST 截圖，，即送您「Artist絲絨霧感唇釉#401」及「STEP 1 持久退黃底霜」體驗裝乙份 (價值HK$170) ✨新會員更額外送王牌「超高清無瑕蜜粉餅」體驗裝乙份✨ . 2/ 🛒於MAKE UP FOR EVER網店購買超高清系列面部產品2件或以上，輸入優惠碼 ‘BEAUTYTELLERUHD’，即送「超高清持久定妝蜜粉#1.2」、「雙重防曬隔離妝前乳 SPF 50/PA+++」體驗裝及隨行化妝鏡乙份 (價值HK$145) . *全線香港店舖 (不包括免稅店、Sephora 及澳門專櫃) / 不包括優惠套裝 / 禮品數量有限，送完即止 . #UHDSettingPowder #ThePoweroftheInvisible #超高清持久定妝蜜粉 #神級24H爽妝粉 #makeupforeverhk . * 產品由品牌提供，上述內容為本人真實用後感。 Collab. with @makeupforever