桌遊課程系列 [#vocabno開心share🌋 ] 呢個真係好多人問咩嚟，點解桌遊都有得讀同讀嚟有咩用？ 我上年到今年年頭讀咗三個桌遊嘅課程，分別係Instruction delivery, Programme Design同Debriefing。三個課程都好多社工/社工系同學讀，而老師就有少量。 咁你可能會問，Instruction delivery都要學？唔知大家學習路程中有冇啲老師係你明知佢好勁，但佢教嘅時候，啲學生又學得冇預期咁好呢？同樣道理，玩board games好勁嘅人唔一定能夠清晰教識對象玩個board game。其中一個好重要概念就係「分段式學習」，即係我哋會選擇部分必須知道嘅基本規則教咗先，讓對象開始試玩遊戲，到適當時機就會再將剩餘規則教埋，所以分析規則、將規則斬件同清晰表達就係Instruction delivery嘅主要部分。 至於program design就係針對對象需要同訓練目標揾合適嘅board games，計劃整個週期嘅訓練，例如想中一學生適應中學做projects就可以諗啲合作同溝通遊戲。例如5-minute dungeon (好玩，有興趣玩board games嘅可以上youtube了解吓)。又例如我想自己班中一多啲喺其他人角度思考，就同佢哋玩ito 命懸一線 (我班中一由最開頭玩唔到到後尾合作得好咗而成功過關後係好開心嘅)。 最後Debriefing就係最後一個課程，基本上去到呢個course嘅時候得返最多就係社工，因為老師真係好少會同學生去到debriefing嘅地步。Debriefing就係遊戲過程中/之後引導對象講佢哋嘅睇法。主要我哋嘅問題框架係4F, 即係Facts, Feelings, Findings, Future，對象由遊戲中所見所聞(facts)慢慢思考所學如何影響日後生活(future)。實習嘅時候就會發現問問題唔係咁容易，往往理想中同實際嘅遊戲得著可以有好大落差。如果執意揸住個teaching/program plan去問，就會變咗將自己想法加諸對象身上。但冇得預設問題又好考自己急智同即時反應去食住個勢問，呢個正正係debriefing最難嘅地方。不過好彩嘅係成個過程都會有導師有其他社工/老師俾comments同同佢哋討論，所以得著真係好多。 如果你問我係咪知曬上面所有嘢先走去上堂，我會答你絕對唔係，不過識得我耐嘅都知我唔係嗰種passively等一樣嘢對自己(份工)有用先走去做嘅人，我傾向將自己識嘅嘢變成對份工有用嘅技能。例如我頭先都講我會針對學生嘅情況而同佢哋玩唔同board games, 最開頭同佢哋玩係真係純粹疫情冇曬校内活動，我又唔想佢哋冇曬校園生活，但到讀完program design就開始諗多少少，會諗點樣俾佢哋玩得開心之餘又成班一齊進步。而且都開始諗點樣可以帶返去學英文度，例如我依家會將啲design好靚、張卡冇乜字但其實要講好多嘢嘅board games帶入去English Room, 希望用少啲舊式英文遊戲，例如scrabble、hangman，反而第一步吸引到學生去玩同用英文講嘢先。又用咗唔同themes嘅Rory’s story cubes同一塊白板俾啲學生做shared writing，大家啲反應都好好，我又有時候可以藉大家開開心心咁玩嘅時候順便捉吓啲grammar(好過做功課見到咁多紅色圈啦)。我諗老師真係唔洗學board games，不過所有嘢就係你學咗就係你嘅，你隨時可以運用咁解。 如果想知多啲歡迎問我，真係想報嘅可以揾 @bgifco ，攞到消費券，真係可以善用啲錢去學嘢。 利申: vocabno好窮但冇收廣告費，🐸都想有人落廣告。😂 #🌋👶🏻 🌋 𝐯𝐨𝐜𝐚𝐛𝐧𝐨 🌋 єяυρт ιηтσ уσυя ƒυтυяє ——— #Vocabno #DSEEnglish #hkdseenglish #dse英文 #DSE #dsefighter #22DSE #2022DSE #2022dsefighter #23DSE #2023DSE #2023dsefighter #24DSE #2024DSE #2024dsefighter #HKDSE #Dsetips #JUPAS #升學 #大學 #dsestudygram #studygram #英語學習 #英文教學 #學英文 #桌遊 #boardgames