近期八達通有很多新搞作，例如推出果粉等候多時的八達通在iPhone及Apple Watch。其實早在3年前，八達通已夥拍三星，推出Smart Octopus in Samsung Pay，可以加入Samsung手機的虛擬八達通，令智能電話變為八達通，可用於交通、購物、繳費，以及出入辦公室或屋苑的門禁系統，用家可將實體八達通轉移至Smart Octopus in Samsung Pay，亦可透過不同方法增值。

Samsung Pay除了支援NFC付款外，亦支援MST(Magnetic Secure Transaction)磁訊號安全傳輸付款，除了可當八達通及一般NFC信用卡使用外，更可以扮演磁帶信用卡，意味著能支援一般商戶的普通信用卡終端機。因此，Samsung Pay除可用作電子支付，亦可取代一般的會員卡、以及用來收集電子折扣券。身邊使用Smart Octopus in Samsung Pay的朋友，都笑說現在外出已不用「袋」那麽多實體卡和優惠券在身，比以往輕鬆得多。為鼓勵大家多使用Smart Octopus，我留意到三星最近推出了一連串優惠予新舊客戶，有興趣的朋友，詳情可自行查看吧。

原文(刊於 AM730 - 2020年7月8日)
https://www.am730.com.hk/column/%E7%A7%91%E6%8A%80/%e7%b9%bc%e7%ba%8c%e9%82%81%e5%90%91%e7%84%a1%e7%8f%be%e9%87%91%e7%a4%be%e6%9c%83-225694
#方兄未哎 #八達通 #SmartOctopusinSamsungPay

八達通 Smart Octopus 終於支援加入 iPhone Apple Pay了究竟同Samsung Smart Octopus比較有乜分別？要要先打開 Apple Wallet？有Suica卡仲加唔加得立即去片！

香港嘅 iPhone 用戶，終於可以喺 2020 年嘅 6 月 2 號開始，用手上嘅 iPhone 嘟卡搭車買嘢喇！點設定法？ 今日就同大家睇吓！

只要你係用緊 iPhone 8 或者之後推出嘅手機，更新到 iOS 13.5，就可以用到 Smart Octopus 呢個功能！要加入八達通，只需要去 iPhone 嘅「錢包」功能、之後㩒右上角嘅「+」號，㩒「繼續」、喺「卡類」入面揀「交通卡」下面嘅「八達通」、呢個時候你可以選擇將現有嘅實體八達通卡轉移，又或者買過張新嘅八達通卡。

如果你選擇轉移現有嘅八達通卡，你可以揀「從現有的卡轉移」、之後入返實體卡嘅卡號，如果你嘅卡係個人八達通或者已經啟動自動增值功能，你就要輸入埋出生日期，同埋香港身分證最後四位數字，跟住成個轉移過程就完成，不過舊卡亦都會即時失效！

我就揀咗買過張新卡，最低消費係 $50 按金同埋 $100 面值，揀咗金額之後㩒「加入」、同意埋條款、之後會出現 Apple Pay 付款嘅畫面，30 秒內就完成加卡嘅程序！你張八達通卡亦都會成為你預設嘅「特快交通卡」，喺唔需要啟動 ApplePay 同埋用 Face ID 嘅情況之下，就咁拍卡就可以搭車同買嘢。等我試吓先！搞掂！

幫張卡增值又點呢？只要去番「錢包」、揀番「八達通」、喺餘額旁邊揀「增值」，輸入你要增值嘅金額，最少係港幣 $100，之後揀右上角嘅「新增」、用 Apple Pay 俾埋錢，幾秒之內就完成增值嘅程序！簡單同快過Samsung 嘅 Smart Octopus 好多！

你可能會關心用 Apple Pay 增值會唔會收手續費，我即時收到銀行嘅短訊提示，無論買卡定係增值，都完全冇手續費嘅，咁以後用信用卡增值八達通，又有信用卡積分儲，又唔洗俾手續費！Samsung 唔知會唔會跟進同睇齊呢？

如果你好似我咁手機唔止一張交通卡，其實亦都唔使擔心嘅，特快交通卡嘅設定係可以多過一張卡，相信係因為大家使用嘅頻段會有少少唔同，咁去到邊度搭車，都可以一拍入閘啦！

《Z世代達人》
麥卓華