上星期Apple發佈了不少新產品，Samsung剛剛也舉行了發佈會，一次過發佈了多款新型手提電腦，包括有Galaxy Book和Galaxy Book Pro，還有可作一般手提電腦使用或是打開成平板的Galaxy Book Pro 360。
三部新機中以Galaxy Book Pro 360最貴亦最頂級，有13.3吋（$11,980起）和15.6吋（$12,880起）兩款。可360度旋轉的輕觸式屏幕支援S Pen，其實感覺跟之前推出的Galaxy Book Flex2 5G頗為相似，不過以同樣13.3吋款式比較 ，Pro 360就更輕更薄。實試S Pen書寫仍是一貫的順暢，機身整體設計亦相當簡約，手感很不錯。
Galaxy Book Pro的賣點就是極輕薄，13.3吋版本就只有11.2毫米厚，重量更只有870克，大概只是4部S21 Ultra的重量，以手提電腦來說真的相當輕薄。Galaxy Book Pro同樣設有13.3吋（$10,280起）和15.6吋（$12,880起）兩個型號，15.6吋亦只重1.15公斤，厚13.3毫米，號稱是Samsung旗下最輕薄的手提電腦，除了不能反轉屏幕和使用S Pen外，設計和硬件配置大致跟Pro 360相若。
Galaxy Book就是最便宜的入門款式，只有15.6吋一個型號，亦相對較重和厚，但$7,780的價錢就比之前兩部便宜得多。值得一提的是，今次新系列電腦亦特別強調與電話及其他產品的連繫，以求建立一個自家的生態系統。用家可利用應用程式簡單連接電話和電腦，在Galaxy Book上就可操控電話大部份功能，包括打電話、傳送相片、開啟不同應用程式等，實試操作順暢，在辦公室應該頗實用。
就如iPad可作為Mac的延伸屏幕一樣，Galaxy Tab可用作Galaxy Book的屏幕，並可作同步顯示或延伸模式，實試連接簡單，操作流暢沒有太大時延。
最後是在Apple AirTag發售同時，Samsung亦推出了SmartTag+，同時配合藍牙低功耗及超寬頻技術，利用AR擴充實境時更會顯示失物的距離、方向及大概位置。SmartTag+更有反向搜尋功能，只要按下SmartTag+的按鍵，電話亦會發聲振動，單個購買$328。

最細即影即有相機Polaroid Go
經典即影即有相機寶麗來Polaroid最近推出全新相機Polaroid Go，新機可以說是歷年最大的改變，機身大幅縮細，成為目前世界上最細的即影即有相機。機身尺寸為83.9 x 105 x 61.5毫米，比一般即影即有相機細了很多，雖然體積縮細，不過仍保留雙重曝光、自拍模式和閃光燈等功能。
全新的相紙尺寸也比一般細，維持了正方形顯示區域，每套Polaroid Go相紙分兩盒，每盒8張相紙。全新的Polaroid Go相機和相紙都非常迷你，出外影相就更加方便了。Polaroid Go官方售價$1,099，Polaroid Go相紙16張$188。

真骨雕幪面超人Black開箱
S.H.F.的真骨雕幪面超人Black剛推出，瞬間就炒至近千元兼賣斷市。長方盒印上角色大頭，是真骨雕的專屬包裝，設計簡約不花巧。配件方面，有5對可更換的造型手掌，一對替換的觸角。真骨雕即由骨骼開始雕塑，呈現最像真的可動特攝英雄模型，並還原皮套的質感。這次幪面超人Black非常像真，近距離可以看到黑色的部份有細緻的紋理，各部位都雕造出皮套的摺紋效果，腰帶上色細緻，腰間關節更露出生化肌肉。
不過背後肩膊位的關節輕微被肩甲阻礙活動，肩膊以軟膠造出生化肌肉包裹關節，美觀之餘扭動亦非常暢順，但扭得太多可能會爆膠。髖位的關節則沒有特別包膠，只是下腹位用上軟膠，方便擺姿勢。手肘位的關節亦有精細的生化肌肉塗裝，扭動幅度頗大，拳頭幾乎可以貼肩，膝關節也有生化肌肉塗裝，摺叠幅度極大。頭部採用有光澤的塗裝，嘴巴的金屬色和滲線亦很有水準，可輕鬆擺出各種經典姿勢。官方定價7,700日圓（約550港元），但香港的賣價接近$1,000，值不值就得看你是否粉絲了。

iOS 14.5戴口罩照解鎖
iOS 14.5正式推出，最實用的功能就是可使用Apple Watch解鎖iPhone。疫情之下戴口罩要用Face ID解鎖電話非常麻煩，而更新之後只要你有Apple Watch就簡單得多，在設定中「Face ID與密碼」，開啟「使用Apple Watch解鎖」就能使用。
啟用後，當Apple Watch處於解鎖狀態，而iPhone偵測到用家戴着口罩時，就會觸發解鎖，速度算快。每次解鎖時Apple Watch都會彈出通知和震動，以免被別人偷偷解鎖。要注意此功能並不會認人，只要Apple Watch在範圍內，任何人都能解鎖你的iPhone。不過用家可以即時透過Apple Watch鎖定iPhone，之後就一定要輸入密碼才能再次啟用此功能，同事實測大概2米內都是接收範圍。
此外，iOS 14.5更新後iPhone終於支援5G雙卡雙待。另外，用家也可以在「私隱」中開啟或關閉第三方App的廣告追蹤權限。
行咇易及針卡掃描App
香港政府近年開發不少電話應用程式，今個星期又有新作。香港警察專用的「行咇易」，會用於加快前線行咇核實身份的流程，利用光學字符識別技術，自動辨識身份證。據講可由過往的4至5分鐘，加快至大約15秒，消息指專用電話是Samsung Android電話。計劃將在5月上旬分階段試行，警方指，程式不能讀取智能身分證晶片內資料，而且不能拍攝亦不會儲存任何圖像，只會點對點傳送到中央伺服器，而且電話只供警務人員當值時使用，背面刻有警徽圖案，由警務人員互相監察。
除此以外，政府也推出應用程式「驗證二維碼掃描器」，供食肆用手機掃描顧客疫苗針卡上的二維碼，已注射一劑疫苗螢幕會顯示一個剔號；已注射兩劑疫苗，並已相隔14天會顯示兩個剔號。資訊科技總監林偉喬指，應用程式不會讀取到市民的個人資料，只會識別到市民是否已注射疫苗，因此餐廳也不會知悉市民的個人資料。不過程式目前並未在App Store和Google Play上架，只能在食環署網站以APK的方式供食肆負責人於Android電話下載。

迪士尼整合頻道 Disney+登陸香港有期
迪士尼曾經表示Disney+將於2021年香港啟用，雖然一直未有確切消息，不過最近官方宣佈於10月1日起，關閉旗下於香港及東南亞的18個電視頻道，當中主要包括FOX的多個娛樂、電影台及體育台，以整合媒體網絡業務，不過衛視中文台、電影台及國家地理頻道、野生頻道則不受影響。

中國上海有自由高達
去年7月日本Sunrise宣佈「中國鋼彈項目」，將在日本以外地區建立首座1:1高達立像，選址上海金橋LaLaport購物中心。雖然於安裝高達平衡翼時，被網民拍到有些微起火，不過在4月26日官方也正式宣佈完工，預計調整1個月後，5月28日便會有立像的展演。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#Samsung #Smarttag #即影即有 #Polaroid #幪面超人Black
#果籽 #StayHome #WithMe #跟我一樣 #宅在家

VSTECS 特約網上商店: https://shop.vstecs.hk/categories/wd
以優惠價HK$1099購買 My Passport SSD 1TB+ 旅遊轉換插座
優惠碼 : MEEEEWDPSSD1TB
以優惠價HK$2099購買 My Passport SSD 2TB+ 旅遊轉換插座
優惠碼 : MEEEEWDPSSD2TB

優惠期至2021年4月30日

近呢幾年，使用SSD嘅人越嚟越多，主要喺因為SSD速度快，耐用之餘，體積亦比傳統Hard Disk細。作為一個經常拍片及外出工作嘅人，儲存嘅片段或資料閒閒地都過百GB，一個可以隨身攜帶，而又可靠嘅SSD可以話喺十分重要。今日要介紹嘅，就係呢隻由WD推出嘅My Passport SSD可攜式固態硬碟，我哋一齊嚟睇下！

呢隻My Passport SSD外殼使用金屬設計，配合埋上面嘅波浪紋，拎上手質感舒服，睇落亦都充滿現代感。佢嘅重量對比起傳統HardDisk輕，體積上亦都同一張普通信用咭差唔多Size，纖巧到連放入衫袋，或褲袋等等都完全冇問題，便攜度滿分！

除咗美觀同輕便之外，My Passport SSD仲解決咗以往Hard Disk容易受跌撞而損壞嘅問題。官方稱，My Passport SSD可以有最高1.98米嘅抗跌性能，就算唔小心跌落地，都唔會容易損壞。

呢隻Portable嘅SSD操作十分容易，無論Mac或PC，佢都無需setup，即插即用。配合USB 3.2 Gen-2介面，及NVMe技術，佢速度上可以有高達1050MB/s嘅讀取速度，及1000MB/s嘅寫入速度。加上佢隨盒已經附帶一條Type-C線，及一個Type-A插頭轉換器，等用家可以喺唔同型號電腦上使用。

如果用家想使用My Passport SSD嘅備份功能或設定密碼，就可以利用SSD入面內置嘅WD Discovery程式安裝檔，只要選擇返MAC或Windows系統版本安裝，設定後就可以輕鬆將大容量檔案備份到硬碟或雲端服務，佢亦與Apple Time Machine相容。My Passport SSD支援256-bit AES硬件加密，大家亦可以去WD Security設定密碼加強保護，用家亦都可以喺度登記埋為期5年嘅保養。

等我哋試下使用原裝嘅Type-C線睇下個讀寫表現先！雖然我哋喺一部性能十分普通嘅Notebook上試，但喺CrystalDiskMark實測下，讀寫速度分別都有超過800MB/s同780MB/s，超級快！我哋再將一個大約20GB嘅file過落去電腦試下！全程唔需要30秒，表現好好！

再試埋呢個Type-C轉換Type-A頭！我哋搵咗另一隻同樣使用Type-A頭嘅HardDisk嚟比對，同樣都係大約20GB嘅File，結果出到嚟SSD嘅傳出或傳入速度都比HardDisk快，可見SSD嘅優勢。

現時My PassportSSD仲做緊優惠！大家只要去VSTECS嘅特約網上商店，結帳時輸入螢幕上呢兩個優惠碼，就可以分別用HKD$1099嘅優惠價購買My Passport SSD 1TB+ WD旅遊插座，同HKD$2099優惠價購買My Passport SSD 2TB+ WD旅遊插座！大家仲可以選擇加多HKD$1換購WD My Passport SSD 專用保護袋，咁就有更上一層樓嘅保護喇！

呢兩個優惠碼仲放咗影片喺下面嘅Description位置，方便大家可以直接Copy上去！總括而言，呢隻WD My Passport SSD喺安全性、效能、相容性、以及操作便利度上都有十分好嘅表現，絕對喺一個好選擇！