［匯豐強勢，小小啟示］2021有息派，咪好咯。根本最初就無辜之極，畀英國政府夾硬屈。但，之後又點？

1. 前作（睇最好，唔睇都不影響本文）領展70蚊，小小啟示　（https://fbook.cc/3JCl）。同系列仲有「中概股冇事，小小啟示．迪士尼歷史新高，小小啟示．銀行年尾減按揭息，小小啟示．」， Patreon已寫（https://bityl.co/4Y0h），請訂。或者睇完呢個Post覺得精彩再訂都得。

2. 久休復出，呢篇有啲火。寫文有火係好重要的，冇火嘅應該收檔，唔好呃飯食—雖然我冇收你地錢。咁唔收錢都咁有火，Patreon就仲有火！月頭支持下出火啦（https://bityl.co/4Y0h）

TLDR：2022年5厘息，很好。但2023年呢？會唔會都係買4厘息嘅領展好啲？當然啦，都係睇價。唔買股票嘅人其中一個最大嘅盲點。故事好多人識講，但再好嘅公司都有個價，再垃圾嘅公司都有個假。呢下先最難判斷嘛。你知人地未來十年搵幾多錢，都未必判斷到個股價之後會點的。

3. 匯控近嚟走勢唔錯，上到3個月新高，44蚊了。短答案，當然都係唔應該買。但仲想探討幾樣嘢。首先留意，近期係強，但年頭都仲60蚊，都仲係跌咗三份一。

4. 至於低位？穿過30蚊添，咁有咩人低位撈？多數都唔係你。低位買嗰個叫做平保。服未？3億買落去。錢多咪自然心安，幾時都係財不入急門，你拎啲救命錢去賭，必然輸死。

5. 另外，的確嗰時係全城皆死心，一沉百踩（其實4月已踩咗好多腳）。咁亦都真係有人話，喂，嗰時已經極悲觀啦。事實見到果然如此。都係老教訓，別人恐懼時我貪婪。不過，亦係成日重覆嗰句，當局者迷啦。你而家睇返當然容易，但當時好難去睇到幾時先係「最恐懼」。你代入下，你係個有1000萬身家買晒匯控收息退休嘅老嘢，4月息都唔派，股價仲係咁插 — 而你仲有500萬，你真係仲會買落去？

6. 講返近期，咁呢排升乜？正如寫領展時都討論過，講舊年嗰啲咩9厘息，算吧啦，意義近乎零。講咗N咁多次，「股票係炒將來」，你舊年派幾多厘息，關我乜事？又唔係我有份。好少少嘅你至少應該睇Bloomberg之類嘅2020派息，但更正路應該睇2021 2022，因為，老細，而家都2020年12月啦。投資者會睇幾遠，呢啲真係冇得量化，但very rough rule of thumb，大半年至一兩年都還好。

7. 咁但，當然，係有傳英國（同歐洲）會容許返銀行派息，咁當然會幫到公司，但，傳都傳咗好耐，乜都反映晒。話說回頭，由頭到尾我都覺得係一場鬧劇。你有啲英國銀行，金融海嘯幾乎沒頂，要政府打救。咁拎得政府錢當然有代價，你成為半間國企，總不能亂咁派息益啲Fat Cat．問題係，大佬，匯控08年根本冇問政府拎錢！供股嘛。但今次危機政府一樣管你，「喂我唔使要你啲錢，上次都冇拎到」「到時你就會話要架啦」。

8. （最新你見到超市Sainsbury 回返水畀政府，就係唔想阻撚住派息派花紅。當然香港就有大快活拎咗補就業照派息，又冇話唔得，補就業畀你出糧嘛，咁有出糧咪得）

9. 而另一方面，官嘅嘢，梗係最緊要唔好爆鑊。唔派息，你啲股東咪嘈咯，嘈嘈嘈嘈飽佢，吹得我脹？而我冇見嗰班鬧匯控嘅人去英倫銀行度嘈。事實而家見到，監管當局係過慮，銀行嘅情況遠比佢地想像中好—但，再講一次，官嘅嘢，話知你啦。畀你派息又唔係佢有份，但出咗事佢要孭鑊嘛

10. 但講返股價，都係唔好有乜期望。係呀，會派返息，但派幾多先得？寫文時唔在公司，但睇返大行高盛報告（大約都有個譜）（https://bityl.co/4hwI）—2020年就雞碎咁多啦。但2021就 3毫美金，2022就 4毫美金。即係2021就5厘息，2022就7厘息左右，還好啦

11. 之但係又，以上，係高盛估計啫。而高盛係比較進取嘅（唔進取點justify 51蚊目標價？）（＊）。2021 2022 佢估 3毫同4毫美金派息，街（大圍嘅consensus）就估2毫半同3毫咋（如圖）。如果用大圍（沙田嘅未知）嘅數，就即係2021 就4.5厘，2022先5厘—又唔係好吸引咋

12. 因為仲有一樣嘢，樓上講嗰啲派息—派到先係。銀行始終唔同領展咁，2022咩世界，邊個知？就算2022年得，2023呢？唔係玩嘢，而係真係得罪講句，「好撚多人呢，唔識就咪撚講啦」。唔係咩好火箭科學，你考CFA Level 1都要學，大學讀Finance 101 都一定學，discounted cashflow．你老味你收息收一年架？收兩年？收三年？你計條式係將未來咁多年嘅嘢discount 返晒嘛，直到無限—因為企業可以永生，永生過羅永生（又，唔係有人以為加到無限結果都係無限架可？邊個教你數學？我啲學生一定唔會咁。香港地STEM嘅嘢）。

13. 你要嘅，今年派10厘息都得架，咪預支蜜月畀你（＊＊），之後冇得派咁解之嘛。成個諗法都唔make sense：你買落間公司，梗係覺得啲錢在佢度好過在你自己度啦。否則點解你唔自己炒股票？聽講呢排個個都一個星期執幾成喎。

14. 而N咁多人，都係唔知公司係可以忽然唔派息嘅。4月咪領教過咯，宣佈咗都可以收返，除埋息亦唔會加返畀你（＊＊＊）。由始到撚都合法，亦一路公司做，只係之前啲公司冇咁大冇咁多人受害。嗰班話去法庭投訴去證監告嘅，你見有冇have a case？當然而家股價彈返上嚟咪唔嘈。升上返200蚊錫晒你添。

15. 然後你睇下，領展連今年咁嘅情況都唔使減租 仲似乎唔使減派息，應該真係要核戰或者外星人侵略地球領展先要減租減派息。

16. 事實係，領展上市咁耐（當然都唔係好耐，未夠20年），從來冇減過派息。未必去得到美股講Dividend Aristocrat 嗰種水平（有啲要睇廿年甚至廿五年），但，呢15年間，匯控已經兩次reset派息啦（如圖），仲要供股添。

17. 而舊文都寫過（https://fbook.cc/3JCl），領展呢種穩定性，十分值錢。牙醫同你自己炒股嘅分別，牙醫今日搵80萬，你炒股搵100萬—但佢都係有錢過你（除非你係1億本搵100萬嗰種）。背後嘅alternative path唔同，佢再衰都有幾皮嘢個月，你炒股嘅，倒輸都仲得。

18. 反轉頭講，你見咁多人「靠匯控收息退休」，咪知道呢種「穩定提供派息」嘅嘢係好有市場—只係你嘅期望錯咗啫。呢個年代，冇得穩穩陣陣8厘息架小朋友，怪邊個？美國聯儲局啦，歐州央行啦，英倫銀行啦，日本央行啦，人民銀行啦。其實人類好似幾百年歷史都係玩印銀紙，你有冇見有得收返？你有邊樣嘢會平過五十年前？有嘅，去日本咯，同埋電視機之類（＊＊＊＊）。只係近十幾年更加肆供忌憚咁解。Another Story．

19. 仲有最後一樣，近期銀行股強勢（國際同香港，中資另一回事），亦都同美國長債債息反彈不少有關。銀行就係借短錢放長錢嘅一個遊戲，長債債息升，對銀行息差係好事。

20. 咁做乜長債債息彈？又有人話係因為通脹預期，如是我聞。「不過債息高唔係應該不利股市？」「earnings yield gap嘛」。係就係，但又係嗰句，真實世界唔係科學實驗咁，唔係債息忽然抽上嚟，股市即插—正如之前都唔係債息一跌股價就升。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
（＊）大行報告往往要寫sort of「how we different from consensus」嘅東西，因為要同客交代，「做乜要睇你」。但實情多數係浪費時間，self defeating，好似匯控呢啲，閒閒地五六十個分析員寫，點樣人人都唔同？人人都contrarian，咪人人都唔係contrarian 咯。最後根本大家個consensus都係稻草人。你又話街度個個睇淡我地睇好，佢又話出面間間睇淡我地睇好，事實係人人都睇好。哲學呀。

（＊＊）預支蜜月呢個term幾耐冇聽人講過？證明而家婚前性行為係default，甚至拖前性行為都係default。世界係進步嘅（＊＊＊＊＊）

（＊＊＊）而我到而家都唔明點解有人覺得除咗淨要畀返佢。全世界都唔會咁做。而講嘅十個有十個都唔知咩係除淨。

（＊＊＊＊）呢個亦係量度通脹嘅一大問題，係呀，而家啲電視機平過當年，even in nominal terms．正如你而家啲電話咁撚勁，都係賣幾千蚊，config勁過晒幾十年前嘅　電腦　電話　相機加埋喎，仲要平一大截。不過人類係進步嘛，而家仲叫你睇大牛龜電視用大哥大咩。所以官方「通脹」啲嘢唔好太過走火入魔。

（＊＊＊＊＊）問題永遠係，後生仔就有時間有體力但冇錢溝唔到女，出嚟做嘢就有體力有錢冇時間溝唔到女，到老嘢就有時間有錢但冇體力溝到女都冇用。解決方法？偉哥。所以點解輝瑞股價升極都有（＊＊＊＊＊＊），「你估真係靠疫苗」。或者，做富二代。亦證明偉哥幾咁偉大—佢幫你補返做唔到富二代嘅不幸。

（＊＊＊＊＊＊）任何人同我講　有志者鄧竟成　或者　when there is a will there is a way嘅，我都係傳返輝瑞嘅股價圖畀佢—如果你講嘅嘢成立，人地應該執咗笠。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

【英國生活指數】

Astor’s Kitchen 英國料理±生活tag了我講講講 #英國衣食住行 的#生活指數。

數數手指，其實也在英國生活了4年多，
住過了：
蘇格蘭格拉斯哥Glasgow 14個月，
倫敦Zone 4 Hendon & Colindale 16個月，
Bedford 2年多。

Y先生就已經在英國快9年了!

#衣：
Primark固然是眾所周知的窮人恩物首選~
可惜它是沒有online store的，
一定要到門市。

最抵買的是它的絲襪(£5 1-3對，視乎針數) 、化妝棉 £0.5 120塊) 、睡衣、打底衫、飾物、床單等。
全部大都£10 樓下有交易，clearance的話更是£1/£2 都掃到貨。

Youtube有大量Primark Haul影片，好多英國youtuber 都靠此起家，介紹最新最抵買的產品~
買不買到就要看運氣了。
(勁多代購/買左放上ebay高價轉售)

另外h&m, Zara, Dorothy Perkins Sale也是我愛入手的牌子，很多時£10 樓下就買到單品了!

Y先生則買了不少Jack Wills outlet的西褲和恤衫。也蠻喜歡Superdry (英國偽日本品牌)

而BB衫很多媽媽都推介各大超市的自家品牌，
包括Sainsbury的Tu, Asda的George, Morrions的Nutmeg, Tesco的F&F。

Matalan、Next、TKMaxx也是很多Retail Park必有的商店。

另外，charity shop其實間唔中都搵到高質新淨的二手衫~!

基本上來了英國之後很少買£30 以上一件的單品。

#食：
很多人說在英國無啖好食，
但我覺得自己在英國還算是蠻有食神的!
之前甚至寫了要個系列叫 #倫敦美食多 ,
選擇和價錢實在比在Scotland多太多了 😆
尤其食日本野，
倫敦是非常多選擇的~

如果要和香港/美國比的話，
中餐/東南亞餐的確比較少選擇和貴。
但識揀的話還是會食到非常高質的中餐!
尤其酒樓點心不少人都說質素比香港為好，
可能因為材料和師傅的關係吧。

大閘蟹、胡椒豬肚煲、羊腩煲、百花腐皮卷、
燒鴨、打邊爐、太極鴛鴦飯、通通都吃到~

好吃的越南餐反而比較少，但也不是沒有。

西餐的話Fine dining我相信是比香港平的，
至少同一價錢，在英國吃到的好像比較好。
基本上£30-£50 per head已經吃到不錯的3 courses meal。 但在香港同一環境、質素可能要雙倍價錢吧。

#住：
Scotland讀書時 £1000 已經可以租到間4房2浴室的shared flat。學生還要免council tax免水費~

反而在倫敦的話，Y先生剛畢業隔山租房，在Hendon租了間Shared House房仔，全屋7間房2浴室3廁所，月租1間房已經要£700了(但包bills), 最短簽約6個月 。

後來我來join他，在Colindale拎到了間new built apartment, Duplex 1 bedroom flat, 月租要£1,100 (唔包bills, 唔包council tax) 。它原本是2間studio flat由於有點小，所以發展商把它上下打通變成複式單位，每層都有balcony和浴室，樓上是open kitchen連小客廳、2個storage rooms，樓下就睡房+樓梯底做衣櫃。

順帶一提，英國買屋租樓是計幾多房而完全不會提及實用面積係幾多的。
所以當時以1房單位同一價錢來計，有多一個浴室和露台，仲有上下2層，可以招呼朋友瞓廳。仲有電梯同地底專屬停車位，即時覺得超抵~

雖然就離地鐵站遠dd (約15分鐘), 但屋企對面就有2間超大超市Morrisons+Asda。後來仲開左全英國最大的東方美食Food Court, 又有酒樓和中超~完全係意外驚喜 :)

原本只是租1年，後來續多3個月rolling contract等新屋入伙。

到搬了上Bedford又是另一個世界了。
供樓比租樓平好多，負擔細好多。
Mortgage只是之前租金的一半咁上下。
但屋企是semi-detached, 2Bedrooms, 有車房有花園。
由Bedford回倫敦火車最快35分鐘便可到達，慢車(停較多站) 則1小時左右。

#行
在倫敦無車都唔太大問題，但搬出倫敦後無車真的超級唔方便!

學車價錢棍波是比自動波平的。
要學幾耐考幾多次就好視乎地區和個人。
但我和身邊好幾個朋友都要考好幾次才pass,
這個有機會再講。。。
真的燒了超多錢。。。

合格以後唯有買返架車平d的車幫補返 😅
我架車最後在facebook marketplace 買的，
£600 都唔洗!
用左1年仲賣得返£425! (中間有花了一筆錢維修保養過)

反而車保相較車價就有點貴，每月要接近£100!
車款舊的話還有road tax, (我的當時要約£12.5 1個月)

幸好Y先生有公司車，所有保險保養油錢都不用自己出，一年下來真的慳唔少呢!

暫時講住咁多先~

想知道更多我這幾年的生活可以睇返舊posts或我的Wordpress: https://littleukhker.wordpress.com
(陸逐backup緊過去方便查閱),
也可以留言問哦~

#醫事守護者優先 🇬🇧👩‍⚕️
「在最困難的時候，再微小的善意...都很重要！」英國24日起因應疫情進入為期3周的「全國封鎖」狀態，除了各種特許與必要性工作外，全國全面停班，並限制國民非必要的外出活動。但命令宣布前，英國社會早有「封城預期」，各種政策暗示伴隨著焦慮謠言，亦引發了各地超市的「恐慌採購潮」——於是為了調整社會氣氛，英國的幾大連鎖超市紛紛提出了「NHS免排隊專案」，試圖透過分散或額外增開採購時間，好讓這些守護國民健康的醫護人員，在疲憊救人之餘，也能安心快速地補足所需的所有商品。

英國防疫期間的「超市友善活動」，據稱是由以便宜冷凍食品聞名的連鎖通路「Iceland」率先在北愛爾蘭發起，其主要內容是劃出特定時間給老弱市民「專門採購」，一方面避免這些高風險族群遭到感染，一方面也分散採購擁擠的人潮。之後其他業者也陸續跟進策略，像是最大通路商「Tesco」就選擇在3月22日展開「NHS醫護優先採購」機制。

Tesco的「NHS優先制」活動，主要規定每個星期天，會開放特定的「專屬時段」給醫護人員，採購民生日用品。這一方面是希望在防疫期間，替疲憊工作、超時輪班的防疫醫護，多省下寶貴的休息時間；另一方面也是優先給貨，讓一線醫護能夠直接取得架上的衛生紙、洗手乳...等等不時被掃光的「防疫搶購商品」。

像是照片中的兩位醫護人員，就是在英格蘭中部的紐卡斯爾安德萊姆 （Newcastle-under-Lyme）的Tesco超市裡，受到店員們的熱情感謝與歡迎。由於3月22日剛好是英國的母親節（Mothering Sunday，與復活節的信仰傳統有關），因此所有入店採買的醫護，也都得到了一束所有員工聊表謝意的鮮花。

然而Tesco的「NHS優先日」活動，在部分地區卻引發了災難性的場面——像是在北倫敦的超市店鋪裡，22日就在網路上瘋傳一組「掃貨暴民團」，誇張阻擋NHS護理師入店的爭議影片。

影片中，一名剛結束60小時值班的護理師，原本要趁著優先日的活動採買衛生紙。不料自己在主動出示證件後，卻被排隊的「其他人潮」給轟出去。過程中，封住店家的排隊購物客不斷朝她咆哮：「妳餓我們也餓啊！滾開！」

相關影片與投訴，引發了大量的網路迴響與震驚，有些人表示「很多一般民眾僭稱自己也是醫護...就為了掃貨衛生紙」，也有人表示封店的狀況其實就是自私的民眾，不願意讓醫護先拿走「可以買的物資」。

然而這部「人心黑暗又自私」的影片，雖然引發英國媒體的高度討論與譴責，但綜觀各地的情況，似乎只是個案而非常態。因為在過去的一個月內，英國各地的商店都紛紛打出了「NHS折扣」，就連理髮店也都願意替醫護人員免費理容，一般社會對於醫療人員的尊重與感謝，大多極為正面。

與此同時，就算貨品物流頗為吃緊，在Tesco醫護之亂後的英國各大超市通路，反而大舉跟進「NHS優惠」——像是Sainsbury與M&S就都各自響應「醫護專用時間」，並還微妙默契地與彼此錯開時間，讓無法趕上專賣機會的值班醫護，每天都有替換選擇；而高檔超市Waitrose則乾脆邀請醫護人員「優先結帳」，並保留一定比例的熱賣與掃貨日用品，專門供應給辛苦的「NHS守護天使」們。

事實上，類似的「醫護善意政策」，在全球各地的疫情高峰區都曾出現不一樣但類似心意的變體。例如新加坡在2月初的疫情期間，就曾有飲食中心主動供應附近的醫院診所「免費午餐」，並推廣醫護免排隊的優先享用權，試圖替這些最前線、最拼命的醫療鬥士們，多爭取那怕是幾分幾秒的休息時間。

Photo Credit：Reuters

#UKlockdown #難得不是災難新聞 #KeepCalmAndCarryON #冷凍馬鈴薯泥 #我ok你先領 #英國 #鎖國 #封城 #防疫 #醫護人員 #NHS #健保 #共體時艱 #Britain #UnitedKingdom #thankyou #超市 #衛生紙 #同理心 #國際新聞 #udnglobal #轉角國際

很多人說英國的物價很高，但在倫敦以外的很多城市，其實物價很低，甚至比香港的還低！（但其實物價比香港低是一件很容易的事/_\)這次，我帶大家逛逛英國列斯比較大型和便宜的超市，你會對英國的生活鬆一口氣，因為物價真！的！很！低！

Morrisons：
https://groceries.morrisons.com/webshop/startWebshop.do

＊你訂閱我了嗎？ →https://goo.gl/aqUY6q

------------------------------------------------

【擁薦影片】

1) 學琴 // 鋼琴初學者不得不知的5件事 ｜Nancy Yung
https://goo.gl/Pde9UG

2) 學琴 // 學琴不能用電子琴的秘密｜Nancy Yung
https://goo.gl/aRqAiu

3) 申請英國碩士不得不知的五件事 ｜ Nancy Yung
https://goo.gl/Ugbyha

4) 英國大學宿舍到底有多漂亮？ ｜ Nancy Yung
https://goo.gl/riccyi

5) 台北vlog // 獨遊三天你也可能會發生的尷尬事 ｜Nancy Yung
https://goo.gl/cQPqFa

----------------------------------------

【日常分享園地】

*Instagram: nancynancy05
https://goo.gl/YNhRtt

*Facebook: Nancy Yung南茜日記
https://goo.gl/6Vz6Gy