【 義不容情導讀＃20 ── 最終回 】 實在太忙太累，所以要等到《義不容情》播畢後一星期，才有時間寫導讀，但要看的讀者大概應該都看了，都知道大結局是怎箇一回事，還需要總結？思量數天，我覺得可以探討的，就是去到2019年，亦即《義不容情》首播30年後 ── 此劇於1989年4月3日首播 —— 香港的電視業界還有沒有能力、膽色去創作一套劇情如此癲喪如此去到盡的劇集呢？深明自己只是門外漢，要找答案，就要直接向業界中人提問。 於是乎，我向一位本地知名電視編劇討教，這位仁兄向來以大膽創新聞名，對方利用WhatsApp直截了當地解答：「韋家輝嘅劇，放喺今日嘅內地，應該算係『三觀不正』，太悲慘、太負面，應該過唔到審批，出唔到街。」「三觀不正」是指世界觀、價值觀和人生觀，「好似好人冇好報啦，咁樣係渲染宿命、悲劇主義，即係睇完唔會積極面對人生，唔會發奮向上，唔會愛國愛黨！」咳咳咳～～～！！我問的是香港市場，而不是中國大陸呀，對方繼續解釋：「香港？真係好難講，比如《大時代》咁，第一集丁蟹（鄭少秋飾）掉晒啲仔落街都好踩界，如果換轉係今日，就算出到街，都可能會被人投訴，不過我估S&P唔會畀。」這一句對方沒有說的，不只是被投訴，而是會被狠狠地投訴，而S&P者，是Standards and Practices縮寫，即「電視條例及守則科」，是電視台內部審核自製節目播出後會否觸犯《廣播條例》，據了解，現時三家免費商營電視台之中，以香港開電視的S&P最嚴厲。 好吧，回到《義不容情》裏去吧，覺得怎樣呢？對方繼續解釋：「韋家輝嘅劇，係選擇戲劇性行先嘅，雖然現實，好似法律程序上，係有唔合理嘅地方，但最重要嘅一點，係劇中嘅人物性格合理，戲劇位係符合人物性格，亦都去到好盡，令觀眾好入戲好肉緊。」不過那不代表沒有漏洞，「佢忽略咗一啲理性、寫實嘅位，譬如《大時代》入面，丁蟹喺法院入面嘅戲份好多，但一啲都唔寫實，完全犯駁。」對方形容，韋家輝屬天才型，再加上觸覺敏銳，對身邊事情觀察入微，造就經典。「同埋韋家輝係一個好專注嘅人，聽佢當年度蹺都係可以同班編劇成日都留喺間房，一句聲都唔出，只會聽音樂，佢個人都好專注做一件事，所以佢真係天才，唔係個個都做到，佢做到嘅程度，係會影響生活，佢同張華標都係咁。」說到此處，討論一下子又回到起點，「問題係，如果韋家輝今時今日先出道，會唔會依然有呢套神劇呢？」對方指，現時在電視台工作，向高層賣蹺，首先要滿足一些Selling Point，簡而言之，就是包裝，計算多了。 對方細心講解：「例如《衝上雲霄》，你要賣飛機師，賣有型，賣靚仔，反而條蹺，其實老細未必識得聽，因為老細未必係呢一行嘅人，對方可能係管理層或者係數佬，佢未必係想聽呢啲，唔係好多人識得聽Work唔Work，真係執行到嘅就Work，但韋先生做編劇嘅嗰個年代就簡單好多，即係佢冇咁制度化嘅，每個人有個故事，就可以掟出嚟，而那個年代亦都係創作為主導，同埋領導層都係創作人嚟嘅，佢哋會比較識聽蹺，佢哋真係會從故事本身出發，覺得個故事好喎，咁你就去啦，信你係韋家輝，呢個都係時代唔同，有好有唔好。」上述這段水蛇春說明，亦正好提供一個重要參考，令讀者理解，為何港劇質素每況愈下，當然，成因複雜，並非只得一個因素，要講的話，可以開個講座慢慢講，講到口水都乾。 卅年前的初夏，當時我只得七歲，在新市鎮讀小學，記得家父經常加班至夜深，黃金時間，客廳明明有兩盞燈，家母卻只開其中一盞，即客廳有一半範圍是昏暗的，加上她亦要上班，所以為求方便，很多時都會煮火腿煎蛋飯來吃，兩母子坐在圓檯，一邊吃飯，電視機播放的，正是《義不容情》。這個畫面，來到今天我依然清楚記得，而這些年來，我每隔一段時間，就會聽到家母說：「《義不容情》真係好好睇！」有幾好睇？唔知，因為那時還未有myTV SUPER，所以今次重播，是我第一次由頭看到尾，只是沒有想過，我長大後，會為了這套劇，寫了合共20篇，逾二萬字的導讀。小時候，見到《義不容情》這個劇名，我以為是跟法律有關，但原來又不完全是如此。老實講，今次看重播，我也會在深夜時份思考，為何叫《義不容情》？韋家輝監製過那麼多套劇集，《義》算是最隱晦的一個劇集名字吧。 最簡單的理解，當然是公義面前（正確的事），不容許有情（感情因素），一旦有違這種價值觀，就會衍生很多很多悲劇。像主控官馮世邦（岳華飾）在審理新春謀殺案期間，因為好勝，因為面子，而犧牲公義，犧牴了梅芬芳（藍潔瑛飾），結果造成丁家、李家的悲劇，而最終，這筆債亦由丁有康（溫兆倫飾）向馮美欣（商天娥飾）討回。有讀者問我，為何馮世邦不理會非仔，反而痛錫強強（陳子豪飾）？我想，大概是暗示馮世邦一直不恥兒子馮耀國（李成昌飾）的所作所為，加上有陳少玲（何嘉麗飾）的照顧，所以「無視」這個錯誤，反觀馮世邦最痛錫女兒，她的離世對他帶來沉重打擊，父愛無法釋放，所以就統統落在強強身上，以示自己還掛念女兒，但我覺得劇本寫得很內斂，所以觀眾不容易察覺。 過去兩個月，晚晚追劇，撰寫20篇導讀，絕對是「游大東影視筆記」開頁三年來最大創舉，多謝各位一直以來的支持。 （09012019） #游大東影視筆記 #游大東 #yautaitung #義不容情 #義不容情導讀 #港劇 #TVB #韋家輝