【Be 編輯有話兒： 疫情下的友誼】

疫情已經快兩年，令我們的生活出現翻天覆地的變化。尤其是疫情下的新人，除了婚嫁洗費大增、婚紗相拍攝和婚禮婚宴延期、限聚令的不便，最令新人心煩的，是「友誼」大考驗。

早前有準新娘朋友大呻，疫情下邀請朋友出席婚宴，連自己都唔好意思！「唉，呢兩年真係好少見朋友，明明係熟嫁，之前都去過人地婚宴嫁，但咁耐冇見突然邀請人，好驚人地覺得唐突，自己都覺得唔好意思！成兩年冇見，友情都淡佐好多，人哋一句話疫情唔嚟都冇計啦......都明白嘅咁嘅時勢，但明明係喜事，感覺好似要求人嚟咁......」

結果她的婚宴人數大減一半，亦要「分上下場」、「分房」進行。為了報答抽空出席的親朋戚友，她大減婚宴的台上run down、減少換衫次數，用盡時間跟朋友拍照、聊天，讓每位出席的朋友也感受到20人婚宴的美好。

婚後，朋友有感而發，「原來人少少都有好處！雖然係減佐好多人，但最親最friend 嘅都已經出現佐，留返啲時間同佢地傾計、影相仲好過趕run down，應酬其他賓客。好多朋友都反映返安排比想像中好，大家都好enjoy！最重要係，疫情下都俾面出席嘅，係真朋友呀！我哋都好感動！」

減少聚會、外食，等同減少朋友約會的時間，你有多久沒有見你的好友閨蜜們呢？減少見面又有沒有令友誼減少呢？相信答案是一定的，但正因如此，疫情下情誼還在的，更需要格外珍惜！

#BE_HKinsight #Be編輯有話兒
__
💕Be都開佐MeWe喇：https://mewe.com/p/beautyexchange
💕立即Follow 我哋IG：instagram.com/be_hk/
💕Be都開佐MeWe喇：https://mewe.com/p/beautyexchange
💕訂閱YouTube Channel：youtube.com/beautyexchange
💕搶先睇Be資訊可以喺網頁版cover photo下方，㩒『Following』按鈕之後㩒『See First』

#20181123

今日係好趕但又好充實好開心既一日！
原先前一日比楊姓醫生激親，
差啲趕唔切吊藥.....
好在Tracy姐姐同慧慧姑娘一返工就幫我不斷吹藥房快啲上藥，我先可以趕得到出去做分享。

其實真係好特別好有緣份我先可以識到依個教Nursing既Miss Joanna(BB)😂😂😂！

係有一日，
佢忽然喺我Facebook Page Direct Message我，
話佢係東華學院教Nursing 既Miss，
即將會教到SLE依個病。
我當時因為擔心學業繁重，所以推左。

但後來，
我住院住左兩個幾月，
我被學校建議休學，
我私下再聯絡Joanna (BB)😂.....
我希望自己可以喺休學依一年做有意義既事，
今次依個分享，
係休學依一年第一件有意義既事！

Joanna(BB)😂10月既其中一日過左黎醫院探我，
我好開心又可以識多個朋友！
佢係一個好感性又好有心既Miss❤️
(各位同學仔要好好珍惜)

今日之前，
其實我又緊張又期待，
緊張係因為擔心好似我之前既每一次分享咁，
個場好靜，
無人比反應我.....
期待係因為我未試過同student nurse做過分享，
真係好想去以自己既經歷幫下依一班準護士。

到左今日，
一路吊藥，
一路擔心會趕唔切，
好在Joanna (BB)😂好體諒我~
改左課堂既Run Down ，
我先唔洗禁趕(我最終飛的喺16:30到左東華)

吊完藥無錯係好攰，
但見到啲同學仔，
我精神曬🤣🤣🤣！
原先我擔心既野係多餘既😏

多謝各位同學仔上左成日堂，
17:00都仲可以專心聽我分享。
我唔係咩專業人士，
比唔到啲咩好專業既知識比你地，
但希望你地喺我既分享入面得到新既體會啦！

我希望你地要保持初心，
將來幾辛苦幾忙都好，
要保持你地讀護理做護士既熱誠！
用真心、同理心去關心每一個patient💕

加油💪🏻！
各位同學仔，我地一齊比心機💥🏃🏻‍♀️🏃🏻‍♂️

多謝你地今日既反應，
我講笑既時候你地識笑😂😂，
我幾怕你地無反應呀😅！

當你地大聲笑，
我內心即刻放心曬😆
哈哈，好多謝你地比左好開心既一次經歷我！

P.S. 最後張相送比幾位同我影相既BB🐽🥳
希望你地鍾意❤️

多謝Joanna(BB)😂，
咁樣嗌你會親切啲，哈哈！
同你Dinner傾計好開心好舒服，
等我好返啲，再約你啦☺️❤️

今日好特別，
因為想表達依種興奮，
所以打左口語

P.S.不好意思，
希望各位台灣、馬來西亞和其他地方的你們，
不要介意我這次沒有打書面語.....
因為我真的很想表達我這次跟護理學生經歷分享的快樂。❤️❤️❤️❤️


我既Facebook Page: 我的戰友是狼先生
我既IG Page: @debbie_lupus_sle
我既私人IG: @khk.debbie

歡迎大家加我做個朋友🥰
或者同我講下你地今日聽完個分享既感受🤣
嘻嘻~

30/5 更新版本

【好文分享】我要講嘅佢講晒，由我哋接呢單嘢始末畀大家睇晒。

一開頭我同經理人講，無問題啦當幫吓個舊同事，人哋冇需要都唔會開到聲叫我啦。亦都因為係認識，好多事我都同經理人講將就下啦，人哋第一次搞event係咁。忍一次，okay。兩次，我當你真係唔識搞event。三、四、五、六次，最後嚟個災難式finale。

你水我，唔緊要，真係唔緊要。我當買個教訓，以後小心。
去一個差嘅event，唔緊要，我又唔係未試過企足90分鐘。
無人brief，唔緊要，我識執生。

但係。
依家你係利用人哋對我嘅信任，利用我去搵人笨。
有啲朋友仔真係一心諗住嚟一齊開開心心玩返晚，有啲真係嚟支持我，點知搞成咁。

可能經過呢次事件，會將球迷朋友對我嘅信任催毀、會question我人格⋯⋯而呢樣唔係你三句唔好意思再潛水就搞得掂嘅事！

PS 如果我係神關公 我會喺自己睇波event 叫人憑呢間嘢張收據報名 半價 然後送多支啤酒畀你gurrrr番！！！

ToDate HK

#說好的人善天不欺
#年度災難大電影
#出嚟啦關公
#點解可以覺得人哋係因為一支嘢飲而搞你
#我真係唔知可以講咩好
#大家當晚hur我真係可以忍
#我都明白大家感受
#但係啊主辦你咁處理件事我真係忍無可忍
#甚麼都有底線為何要忍

－－－－－－－－－－－－－－－－－－－－－－－－－－－－－－－－

新增內容：

連日黎都好多人關注今次發生嘅呢件事，我亦見到好多來自去左活動嘅人、球迷或網友嘅留言，你地每一個留言我都有睇，所以希望喺呢到講清楚小小：

首先我想係呢到對所有出席嘅球迷朋友致歉 對唔住！就呢次活動作為嘉賓為活動宣傳、呼籲大家嚟 而大家因而出席 呢點我責無旁貸
作為一個有承擔嘅人，我對出席嘅球迷朋友致歉。

而大家留言中提到話我事前知道安排差、知情不報，存心瞞騙大家我想係呢到解釋一下

我之前所提及嘅安排差其實只在於：安排嘉賓／MC工作方面、宣傳物品冇經我方approval就出咗街等等。而我認為呢啲事係安排上佢對我嘅不公同不尊重，但由於只係影響到我個人；只要安排唔影響大家球迷利益，就無所謂。因為多一個嘉賓，對大家嚟講並無任何負面影響（喺球迷角度 多個嘉賓 大家開心無所謂）

基於公眾利益為大前提下，我方選擇退讓，亦都因此冇同大家提過呢方面安排上嘅失當。

但對於當晚活動上嘅安排 如：冇位坐、小食、或活動上臨時上嘅變故（如：冇抽獎、冇波衫總總），我方事前毫不知情。希望大家明白。

最後我在此對關注此事件嘅各位、受影響嘅大家、所有出席嘅球迷朋友致歉 萬五分對唔住！

從來無論係自己要開工嘅event，定係有自己artiste嘅event，識我嘅人都知我一完event就會post、多謝主辦邀請咁，甚至會預先叫身邊朋友嚟支持下。今次隔咁耐先post，係因為成個project鬧得好唔愉快！

首先要好多謝主辦單位「TodateHK 」邀請。不過呢個多謝，絕對唔係合作愉快嘅多謝！

先唔好去講主辦點樣先斬後奏／點樣要我哋去接受佢哋覺得好合理嘅藉口。 當中既過程包括：無經我哋approval就將promotion materials出晒街、本身講好出一個post 點知要Kannas幫你出多個、嘉賓同MC嘅角色亂到主辦自己都搞唔清、去到現場一鑊粥 風頭火勢 你搞唔掂然後推個嘉賓出去死！人哋幫你係義務 唔係責任。

其次，主辦無論係現場安排、運作、秩序都係得最多兩位同事去應對，完全處理唔到我地到場嘅安排、解決唔到球迷嘅訴求。

即使你因爲認識Kannas，都唔代表我／佢要容忍你所謂嘅「體諒下」。再者，去到冇人breifing、冇招呼，連主辦請番嚟位MC都要問Kannas有咩做，出lift去到走廊多人過行年宵，然後夾硬迫入場要我哋自己搵個位等。水都要到中段再三問先有得飲，而主辦閣下自己好似好忙碌，但係都無時無刻拎住支酒飲！

到底係唔係我唔體諒你 定係你真係好尊重我地？
作為入場睇波嘅球迷，如果因為喺走廊迫同入座嘅安排已經令你著著地， 成功入座先係怒火中燒嘅時候！

所謂嘅「小食」⋯⋯唔係！poster係寫「精緻美食」真係唔好再講！ 可能我人生過去對「小食」兩個字嘅理解有誤。 點都估唔到所講嘅小食係士多$1都買得到既超迷你限定版蝦條定唔知乜媽媽麵！呢包嘢神奇嘅力量就係令人一望就扯火！！！

到開波前一刻：原定節目全部做唔到、嘉賓未安置好、球迷未入座到。然後純粹叫我哋搵個空間企。到開波喇，繼續冇位坐、無水飲、連去個toilet都要經過重重難關先去到。

搞成咁仲好意思中場叫Kannas開咪叫大家再畀錢買下場活動嘅飛，仲要送coupon叫大家去下次活動，然後無論係玩所謂嘅遊戲定抽獎，都係冇安排、冇溝通！說好的送波衫、大量驚喜禮品完全冇影！

而之前喺冇經我哋呢邊同意下、先斬後奏請嘅嗰位嘉賓，人呢？安排呢？Run down度寫佢係MC，然而成晚只係見到Kannas拎住支咪盡力搞下氣氛舒緩下。

就喺無數個？？？？？？？嘅情況下，去到完場個moment我都仲係見到主辦好開心咁一路飲、一路睇波！ 望多你一眼怒火就多一倍！

我敢講 呢單野係我入 行 以 黎，見過最不知所謂、不負責任嘅Event！要大叫中伏嘅唔單止在場嘅球迷，仲有我哋躺着都中埋槍！我哋同各位苦主企埋同一陣線🤹🏼‍♀

最好笑係過去呢48小時，主辦單位嘅負責人分別同我講左3次唔好意思。到底你覺得我應該要諒解你？定係覺得你無錯？你仲要話無諗過人哋會因為一枝嘢飲而令件事演變到咁嘅地步？

咁我真係希望你有心理準備，件事只會惡化落去。
你完事後就話離開左香港，仲要叫我哋忍讓下，過幾日返嚟會出post解釋、又話會follow up?

真心想問你一句：你有無見過人地災難、地震之後，總統會行出黎同你講 我地幾日後會出黎follow up同救人？

總結係
錢 你就袋晒
屎 你屙到一地係
鑊 就人地揹晒

最後最後，喺呢到都要同因為Kannas而嚟嘅球迷、fans、朋友講聲對唔住，因為支持佢嚟咗、畀呢個價錢企足90分鐘，仲要搞到一肚氣。Kannas都覺得好唔好意思！

#敢問主辦方係唔係腦缺鈣
#畀多左24小時等你有合適嘅道歉而你似敷衍我
#經理人唔易做
#形象問題點解決
#懶人包hashtag
#垃圾安排災難處理
#災難性的失敗
#人手唔夠溝通出錯仲要繼續飲嘢
#真心相信小學生搞event也會比你好
#先斬後奏可加無減嘉賓
#poster自動波出街而無經同意
#精美小食簡直係世界級
#對嘉賓嘅尊重猶如乞丐
#現場嘅一切已成定局
#事後處理先令人怒火沖天
#又叫人忍又叫人讓又叫人等
#呢鑊真係唔會忍
#熱切等待你的回覆

#To不知所謂的主辦單位
#From被忽略的女嘉賓及其經理人