【腕錶】美斯手戴Rolex抵達法國 竟然唔係熱炒款！ 日前美斯身穿「Ici c'est Paris（這是巴黎）」T-Shirt抵達法國，吸引數百名球迷到場接機，美斯眼見咁多支持者都好「識做」，一到步就走到機場窗口除低口罩向路上球迷揮手，有眼利嘅網友就發現美斯手上戴住一隻Rolex，並唔係Daytona、GMT等熱炒款式，而係Yacht-Master。 Rolex Yacht-Master系列最早誕生於1992年，專為航海家及帆船運動員而設，同時亦係Rolex首次採用Oysterflex橡膠錶帶嘅系列，號稱錶帶能夠喺各種環境之下都依然持久耐用。今美斯所戴嘅「126655 Oyster Perpetual Yacht-Master 40」，以18ct玫瑰金為主要材質，配備醇黑色錶面以及啞黑色Cerachrom陶質字圈，啞面磨砂嘅外圈令磨光數字同刻度特別鮮明，奢華得嚟又相當低調，定價為$213,000港幣。 雖然相比起Daytona、GMT Master、Submariner系列，Yacht-Master並唔係咩大熱炒賣款式，但能夠被美斯睇中，而且仲要喺一個咁重要嘅場合佩戴，相信一定有佢嘅迷人之處。不過無論炒唔炒款都好，以美斯嘅身價（周薪700萬港元），佢入手126655應該同大家平時去買模型嘅感覺差唔多，而且佢同Rolex又冇合作關係，可以睇得出佢真係鍾意呢隻錶。 #美斯 #Messi #Rolex

【2021 Rolex腕錶】新款Daytona及Explorer II登場！GMT-Master II推出三格錶帶版本 Rolex終於出新腕錶啦，今次除咗有新一代Explorer II，就連Explorer都出咗新款。不過講到最耀目莫過於全新Daytona，隕石錶面配上黑色陶瓷錶圈及計時盤，有些少「熊貓面」嘅味道。另外，GMT-Master II百事圈及Batman圈亦推出三格錶帶版本，而且價值比Jubilee五珠帶版本更便宜，相信又會掀起一波搶購潮。 （圖2） Daytona系列一向備受矚目，今次新款Cosmograph Daytona（116519LN）採用灰色隕石錶面，前所未有地配上黑色陶瓷錶圈及計時盤，搭載新型4130自動上鏈機芯，動力儲備約為72小時，並配備Oysterflex橡膠錶帶，將金屬錶帶嘅堅固可靠，以及橡膠錶帶靈活舒適合二為一，另外亦有配備三格錶帶嘅黃金及玫瑰金款（圖3）。官方定價（左起）為：$266,300（116519LN）、$341,700（116505）、$320,400（116508）。 （圖4） 眾望所歸，Rolex今次推出新款Explorer II（226570）及Explorer（124270）。新Explorer II繼承經典GMT橙針及精鋼錶圈，搭載3285型機芯並配備優化Chromalight夜光顯示，官方定價為$66,400。 （圖5） 最令人意外嘅係Rolex今次竟然推出三格錶帶版本GMT-Master II Batman（126710BLNR）及百事圈（126708BLRO），而且比起Jubilee五珠帶版本更平，兩款官方定價均為$73,7000，相信會掀起一波搶購熱潮。

［🔺Yoko信箱答問🔺］ 我每次睇FB inbox，都見到排山倒海的讀者提問🤔！ 💋護膚問題啦、🏃🏻‍♀️減肥方法啦、🥣養生食療食譜查詢啦、💊營養補充品搭配啦、🍴我的心水食肆推介啦、🍓去邊度買生果啦、🛍問下件衫邊度買啦、💇🏻‍♀️頭髮邊度剪啦、🦷邊度洗牙啦......以上問題真係超級多😆。 最近仲多咗好多好多👉關於Rolex問題，相信係我同大家分享過我的手錶收藏🌟！ 🗣其中讀者V的問題，我覺得頗值得和大家分享💞。 ➡️她問：「👉🏻請教一下，想買隻入門版的Rolex，不想太貴，又想保值，有介紹？」 ➡️我答：「👉🏻我會建議買第一隻Rolex，揀一隻自己喜歡的、而能力上可以負擔得到的款式。具抗跌、保值能力的，一般都不便宜，入門款未必有你所希望的高保值力。 鋼帶運動款除了Milgauss及Explorer II，其他的抗跌力都不錯，但都已經要用超公價入手。 建議先去Rolex.com睇下錶款先，有齊價錢可以參考，計一計自己的預算同喜好，到時再問我你心目中之選，我再俾意見你 ^_^」 然後➡️她表示「👉🏻喜歡的是一款💓貴金屬Daytona；👉🏻而買得起又喜歡的是28mm 玫瑰金鋼Lady-Datejust」。 以下的答案，我認為值得大家參考👀： ➡️「Lady Datejust是女仕不錯的選擇，但抗跌力就好弱，我會揀珠帶而非板帶。或者31mm鋼Datejust都不錯，入手價錢更實惠。重點係以上兩款都唔難買，仲有九五折。 如果真係入手呢兩款手錶，記得一個重點，問清楚個SA：『如果買Datejust，可以排隊買到邊一款Sport Model？』應該可以短時間排到一隻Submariner Date，如果佢可以offer到藍黑GMT更好（呢隻未必咁容易）。如果佢答唔到你，可以即走。因為先買Datejust，AD絕對有能力優先俾你排同俾到你。你當係蝕Datejust賺Submariner，事關Submariner炒價都要近十萬。 Daytona就下一步先諗，將來有實力，將Submariner升級補錢轉Daytona💪」 ✴️✴️✴️💁🏻‍♀️以上，是我去年12月在AD買錶時，SA非直接、曲線透露的「行情」，除非有變（係😎今時今日Rolex的「購買方法」不停變），如果有心買，可以試試上述攻略；如果你有方法可直接排隊買到任何鋼帶Sport Model，歡迎留言交流☺️；甚或有其他問題，請留言，大家交流吓🤝！ #Rolex #喜好交流🥰 #回答讀者提問🙌