【 平井堅新碟《沒能成為你》紀念出道25年 】 _ 如何避免成為「老海鮮」？其中一樣就是放下自我，勇於接受新事物，繼而接受批評。當代日本R&B天王平井堅早前推出、紀念入行二十五周年的全新大碟《沒能成為你》（あなたになりたかった，照字面解是「想成為你」的過去式，意思是「曾經想成為你，可是我沒做到」，故譯成「沒能成為你」更貼切）絕對是一次親身示範 ── 看看那張完全不見樣的唱片封套，便知今次「堅叔」鐵了心試當真。 _ 在攝影師操刀下，三個版本（初回限定版、Fan Club限定版、普通版）呈現出三個「冇樣堅叔」，只能隱約見到眉毛和鼻孔，如此破格，網民紛紛「Mean精」上身，留言取笑：「平井堅幾時轉行搞笑風格㗎？」、「我懷疑佢係被人整蠱！」、「係咪得罪攝影師？」、「藝術嘅嘢識條鐵咩？！」、「攝影師好慳水慳力啫？」、「練咗無相神功？」坦白講，作為出道四分一世紀的樂壇巨星，累積高達3000萬張的唱片銷量紀錄，以其身價及叫座力，大可選擇推出精選唱片，翻唱一些自家經典金曲，再舉辦巡迴演唱會，依然有能力賺到笑，何需勞師動眾，製作一張收錄13首歌的全新大碟（2017年至2021年從未推出的歌曲），還刻意在封面「走樣」，擺到明有話想講：證明自己不想「食老本」，以實際行動跳出只唱R&B情歌的Comfort Zone。 _ 「堅叔」早前為香港歌迷錄製宣傳聲帶時，嘗試解釋今次新碟唱片的照片為何會這樣處理，背後動機絕非單純為了「唧你笑」。「這張專輯，較多關於自我審視的歌曲，特別是新作的歌曲，有點像是5篇以人為主角的小說，專輯整體來說，應該是13篇，自己說這是一張像小說的專輯也有點自負，不過就像專輯名稱一樣，我覺得專輯裏，想要打破現在的困境卻做不到，這樣陷入兩難的主角很多，這次的專輯封面是用了強光直接照在我的臉上，變成像是沒有眼耳口鼻一樣，因為專輯叫《沒能成為你》，所以封面照片就像是，不是自己的某人，抹除了自我的感覺。」坦白講，聽了、看了這段訪問多次，感覺依然是似懂非懂，以本人的有限理解，意思大概是：他作為歌手，好比小說裏的主角，一直冀望能夠突破自我，但總是面對兩難，套用流行音樂的思維，就是在銷量和創新兩者之間取得平衡，絕不容易。 _ 所以今次在《沒能成為你》13首新歌裏，「堅叔」既有些他擅長的抒情作品，而且很多都跟影視作品有關，譬如為《多啦A夢：大雄之南極凍冰冰大冒險》的主題曲《塑造我的心吧》（僕の心をつくってよ）、日劇《四分鐘的金盞菊》（4分間のマリーゴールド）主題曲《#302》、日劇《黃昏流星群》主題曲《half of me》、電影《50次初吻》（50回目のファーストキス）主題曲《無法傳達》（トドカナイカラ），以及受櫸坂46前成員平手友梨奈啟發而創作的《你不知道吧？》（知らないんでしょ？）（2017年「堅叔」在《FNS歌謠祭》演唱新歌《Non Fiction》（ノンフィクション／日劇《小巨人》主題曲）時，平手負責伴舞）等等。 _ 另邊廂，對像我這種至今仍然會聽《輕閉雙眼》（瞳をとじて）、《古老的大鐘》（大きな古時計）、《樂園》或《哀歌（ELEGY）》的非100%忠實歌迷而言，新碟裏不少歌曲的風格都「幾唔堅叔」，包括散發印度風的《1995》、屬於EDM，「堅叔」有玩Auto-Tune的《著聚酯纖維之女》（ポリエステルの女），還有令我不停狂Loop，甚至稱得上是全碟最搶耳的《怪物小姐》（怪物さん），與「堅叔」Featuring的愛繆（あいみょん）應記一功，在電音旋律襯托下，愛繆的硬朗聲綫（又名「中毒性歌姬」，驚！）能夠令「堅叔」招牌偏向陰柔的高音多了變化，感覺新鮮又新潮，頗為流腦。說到今次創作，最初是由「堅叔」主動邀請愛繆合作，並以她作為歌曲原型，描述女性面對戀愛對象「沉晒船」，又不欲失去自我的複雜心情。 _ 更有趣的是，面對這位「做得自己老竇」的天王，愛繆收到邀請一口答應，點解？因為她一直都是「堅叔」的忠實擁躉，難怪愛繆說《怪物小姐》「實現了一個難以置信的夢」！為配合曲風和歌詞內容，唱片公司邀請了曾為「堅叔」、Superfly、安室奈美惠、RIP SLYME和Perfume等拍MV的導演田中裕介操刀，以「一二三紅綠燈」的概念展現男女雙方在愛情擂台上的拉扯角力，「堅叔」跟Dancers一起跳怪舞也是大家要留意的地方。 _ 去 @kkbox_hk 收聽《沒能成為你》（あなたになりたかった）』：https://KKBOXHK.lnk.to/KenHirai_10thAlbum _ 圖片來源：amazon.co.jp _ （01092021） _ #游大東 #游大東影視筆記 #平井堅 #KenHirai #あなたになりたかった #沒能成為你#1995 #怪物さん #知らないんでしょ？#僕の心をつくってよ #JPOP #あいみょん #愛繆 #01092021

#miki_foodiary ••••••••••••••••••••••••••••••••••••••••••••••••••••• 【銅鑼灣】【回味無窮的日式鐵板燒套餐】 疫情無得去旅行，政府消費劵到手， 梗係要去食好西！！ 家姐七月生日 我九月生日 揀左我地生日嘅中間呢一日去左銅鑼韓食鐵板燒😍 第一次係香港食日式鐵板燒，餐廳不算大，和風裝修，有兩張鐵板燒的嘅枱，所以想食可能要提早book位。 ✻沙律 坐下後先來的是前菜沙律，松葉蟹肉沙律，賣相非常討好，有一粒好吸精的小蕃茄，蔬菜好新鮮配上微酸沙律醋，非常開胃。 ✻海膽黑松露溏芯蛋 非一般的溏芯蛋，竟然有金箔，太高級了，而且溏芯蛋配海膽同黑松露，好奢侈囉😭😭好好味囉，口感係溫泉蛋，建議一啖食完，唔係第二啖就冇味。 ✻煙燻帆立貝 可能係有生之年食過最好味嘅帆立貝！！ 好大隻帶子囉！！切開一絲絲帶子肉好嫩，食落冇渣，有海鮮味之餘有一陣菊花嘅清香，同煙燻味好夾，如果係食戟之靈應該爆晒衫☄️🤤😍🤪🤟🏻 餐廳使用了日本頂級刺身帶子，超級大隻，廚房加了菊花將帶子煙燻至5成熟，侍應建議我地用刀切開四分，先品嘗原味，之後如果覺得不夠咸可以點一下的旁邊虎鐵圖案的岩鹽。 食完帶子仲有一口紅酒啫喱，迷你紅酒杯，點綴了可食用的菊花，同紅酒啫喱一啖食，淡淡菊花瓣清香加埋紅酒味，少少甜，剛好清新一下口腔再食下一道菜。 ✻活鮑魚配蟹肉海苔醬 **家姐竟然話鮑魚仲好食過A5和牛** **知佢咩料啦** 開餐之前，先同活鮑魚RIP，真係好新鮮，仲要好大隻，草根人士表示未食過咁大隻活鮑魚。 南非鮑魚無加調味料，保留海水咸味和海鮮的鮮味，鐵板燒至熟度剛好，好彈牙，很好入口。 另鮑魚肝臟都食埋，煎得好香，內臟味道較濃，可配上蟹肉海苔醬同三文魚子一齊食。 **非常推薦，不吃可借** ✻法國鴨肝 鴨肝鵝肝傻傻分不清～～ 我淨係識分好食同唔好食😂😂 鐵板燒鴨肝，夠肥夠軟，特別調味完全唔腥，但太油膩點算？？原來鴨肝下面墊左一塊同鴨肝一樣厚度嘅青蘋果，兩樣一野放入口，非常好味，廚師仲要驚你手殘，預先將佢一分為二再合返埋上碟，好細心。 **另一仲有意大利黑醋，一小片好好味嘅焦糖青檸，兩小條蘆筍，少菊花伴碟** **好味一回事，小心膽固醇🥲** ✻日本A5和牛厚燒/薄燒/西班牙黑毛豬 (肉類三選一） 家姐揀左厚燒嘅日本熊本A5和牛，五成熟，肉肉顏色好粉嫩🤤無筋，油脂重，入口即溶，牛味濃，外脆內軟和脆蒜片一齊食好有口感。 而我就揀左西班牙的黑毛豬薄燒，佢係捲住啲蔥花同乾蒜碎一齊燒，所以好香的蔥蒜味，豬肉淋身冇渣，肥瘦適中，好夠味。 ✻香煎野菜 本身以前會食炒椰菜，但原來香煎野菜有南瓜、茄子同菇菇，好似好高級😂😂😂，同肉類同一隻碟上枱，雖然少少油，但都好味，夠新鮮。 ✻汁物 食完肉肉其實已經超級飽，呢個來了一碗豆腐帶子魚湯，我覺得都幾貼心，清清之前所有油膩感，豆腐好滑，仲有兩片好軟嫩嘅帶子。 ✻蟹肉炒飯 吃不完的炒飯，炒飯偏硬身粒粒分明，但因為已經好飽，可以打包回家，不要浪費！ ✻雪芭 有好多隻味，新鮮生果製造，叫左水蜜桃同柚子味。 最後總結一下 裝修雖然有啲舊，冇高級餐廳格調 但乾淨整潔 食物質素同服務都極好 食材新鮮，擺盤精美 侍應每上一個菜都會講解 好樂意幫手揸機影相 性價比真心極高 節日慶生飯極推薦呀 價錢：$1080 **另加一服務費** ••••••••••••••••••••••••••••••••••••••••••••••••••••• 虎鐵鐵板燒 (銅鑼灣) 銅鑼灣軒尼詩道525號澳門逸園中心12樓 ••••••••••••••••••••••••••••••••••••••••••••••••••••• ♥ Food lover #銅鑼灣美食 #食べるの好きな人と繋がりたい #yummy #delicious #hkfoodblogger #hongkongfood #hkfoodlover #hkfoodpic #hkfoodporn #foodblogger #foodstagram #煙燻帆立貝 #燒鴨肝 #活鮑魚 #日式鐵板燒 #hkigfood #hkfoodie #hkiger #foodphotography #hkgirls #hkblogger #hkinfluencer --- --- --- --- --- --- --- --- --- --- --- --- --- ⭐️想看更多分享，請追蹤及按讚，多謝支持。 --- --- --- --- --- --- --- --- --- --- --- --- ---

【實體唱片沒落？】去年美國僅賣出3,160萬張CD 佔音樂行業收入不到4% 最近卡式錄音帶之父Lou Ottens離世，令人再次憶起那些年用Cassette帶/CD聽歌的日子，隨著時代變遷，大部份人轉用音樂串流平台聽歌，莫講話Cassette帶絕跡，就連CD都危危乎。 據美國唱片業協會（RIAA）最新數據顯示，美國CD銷量自2000年到達頂峰後，其後逐年下跌，上年更只賣出3,160萬張CD專輯，對比2000年頂峰時期足足下跌97%。 無他嘅，自從MP3機出現，加上智能手機普及，除咗發燒友或忠實樂迷會買CD，普遍都係聽電子檔。加上近年手機上網費用愈嚟愈平，速度亦從3G變成4G，更甚至5G，Spotify、Apple Music、Tidal等音樂串流平台湧現，徹底改變大家聽習慣。無咩人咁神心買隻CD返去rip碟再入落DAP或手機聽，更何況依家啲DAP都支援音樂串流平台，又有Tidal呢啲無損音樂串流平台，無論發燒友定係普通用家都各有選擇。 從另外一則統計顯示，喺2020年，音樂串流平台為美國音樂行業帶嚟122億美金收入，佔83%，而CD個比例已經細到差唔多見唔到，反而一向小眾嘅黑膠碟（綠色個行）有上升趨勢。可以見到過去20年大家聽歌嘅習慣從CD過渡到Download，再到現時嘅音樂串流平台。 資料來源：statista #CD #音樂