熱門Ptt文章

[爆卦]respect梗圖是什麼？優點缺點精華區懶人包

雖然這篇respect梗圖鄉民發文沒有被收入到精華區：在respect梗圖這個話題中，我們另外找到其它相關的精選爆讚文章

在 respect梗圖產品中有13篇Facebook貼文，粉絲數超過0的網紅，也在其Facebook貼文中提到， ［今日寫呢啲］週末專題，奈雪的茶。1689個訂閱了，不如月底前做到1700啦，順手賀我生日。反正而家入嗰啲下個月我會退錢。 TLDR：奈雪的茶，市值同隻維他奶差唔多咋！你估係咪真係好好賺？咁當然，你可以覺得隻嘢超抵嘅。大股東賺夠想益你平賣畀你呀可？ ＝＝＝＝＝＝＝＝＝＝＝＝＝＝ 2021比別人知...

　同時也有3部Youtube影片，追蹤數超過11萬的網紅Boba ETtoday，也在其Youtube影片中提到，☛訂閱頻道Subscribe channel：https://bit.ly/3xNoPmM ☛投稿你的迷因短片請洽：[email protected] 對暗號的時間到了，各位看到那Respect之指了嗎？ ☛神比喻模仿4種常見的笑聲：https://youtu.be/4J_...

「respect梗圖」的推薦目錄

respect梗圖 在 福爾思庭 Instagram 的最佳解答

2021-08-16 13:47:44

一直以來都有收到很多女生的私訊 不外乎就是「胸部小到很自卑」 「男友都愛看大奶妹」又或是 「覺得自己長得很醜😞」之類的話 我沒辦法一一回覆到每個認真詢問我的女生 但我覺得有必要在這邊分享一下我自己的感受跟心得 - 說真的在我沒交男友前，我根本不在意我的胸部大小，甚至我也從不覺得自己的長相會影響到一個...

respect梗圖 在 薪水都拿去吃美食 Instagram 的最佳貼文

2021-07-11 09:08:43

#我還有點餓 某天偶然在平凡的內湖巷弄轉角，發現一家浮誇到太顯眼紅白色系的餐廳，當時我第一反應是：「啊，這大概又是哪家網紅美式餐廳吧」(失禮😂🙇🏻‍♀️) 於是我抱著好奇心走進去，才發現這裡賣的根本不是美式餐點！而是打拋豬、蔥油雞、蜜汁燒肉飯這種樸實耐吃的便當菜色😳 而且裝潢不走浮誇夢幻到老梗(?)...

  • respect梗圖 在 Facebook 的最佳解答

    2021-06-28 06:24:21
    有 72 人按讚

    ［今日寫呢啲］週末專題，奈雪的茶。1689個訂閱了，不如月底前做到1700啦，順手賀我生日。反正而家入嗰啲下個月我會退錢。

    TLDR：奈雪的茶，市值同隻維他奶差唔多咋！你估係咪真係好好賺？咁當然，你可以覺得隻嘢超抵嘅。大股東賺夠想益你平賣畀你呀可？

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

    好啦，隻嘢都抽完，而家先講？係，因為忙。但反正關係不大，你齋係抽隻新股呢，根本唔使咩分析，反正只係玩一日兩日，睇乜都多餘。咪講「供求」，但甚至唔好以為超額幾百倍實升，嗰啲「需求」假嘅，啲友孖展之嘛，佢唔會上市追的。

    咁但如果你想知應唔應該第一日沽，可唔可以長期持有，之後追唔追，或者純係想認識多啲間公司，睇下應該點睇招股書，咪睇篇文咯。100蚊都唔使，買幾杯奈雪咋！仲送晒以前嘅幾百篇文（差不多一年！）

    首先要講，街外人睇，真係另一回事。唔好用你閣下嘅品味，去判斷啲嘢受唔受歡迎，更加唔好用受唔受歡迎去判斷隻嘢得唔得。首先有啲公司生意好唔好好易睇到（港交所！），但有啲唔係，例如賭廳，賭最大嘅係超級貴賓，你去研究多唔多人，嘥氣。正如ASML SPGI 之類生意好唔好，你街上邊睇得到？

    仲有，受歡迎呢啲嘢，好易造出嚟，使錢咪得。受歡迎又未必真係多人幫襯，多人幫襯又未必高收入，高收入又未必高利潤，高利潤又唔等於個估值抵，根本係N咁多樣唔同嘅事

    更重要嘅係，好多分析最後都係結果論。做好產品自然會有生意。咁即係冇講過。咩叫好產品？眾所周知，最大市值嘅餐廳，全部都係賣垃圾。麥當勞海底撈大家樂好食咩？即使你講星巴克，在咖啡撚心中，都係垃圾（我就唔識分）。但大公司一定係玩品質控制，行銷，控制成本。同你「煮好啲嘢」完全係兩回事。你要追夢嘅咪小野二郎咁，原宿開間Sushi Bar（＊），一晚做十幾個客算數。但你要上市一定係 味將軍 美心 LVMH。

    所以，你有冇飲過奈雪，根本無關重要。你覺得好垃圾，who cares？我都唔明超級英雄片有乜好睇，但就係有好多人睇。唔好將自己放到咁大，反正香港得一間分店（日本都有一間！反擊日本成功！）。甚至大陸佬覺得奈雪好唔好，都係who cares．麥當勞大家樂好好食咩？「大家樂請分析員食飯都唔係在大家樂啦唏」

    吾友高天佑話齋，呢隻係奶茶第一股。但，唔係奇在賣奶茶可以上市，中國十幾萬萬同胞，一人買一個胸圍都不得了（畢菲特都係咁上下講法）。唔好話賣奶蓋，大把古怪行業都上到市。所以奇怪根本係，做乜咁耐先有第一間奶茶股？真係好好賺？你話呢？

    咁有啲人總係覺得好好賺唔使上市，all due respect，有乜公司真係好好賺唔上市？華懋霍英東定Subway Mars？你覺得佢地上市大得過而家啲龍頭？

    咁睇數啦，奈雪上限都不過係拎340億市值。好多咩？一間維他奶咁嘅估值咋！（定你覺得好抵？）。係咪即時覺得奇怪？奈雪雖然唔係龍頭，但都二哥啦（大哥你估下係邊間？），先340億市值。你老味海底撈打邊爐賣到2000億市值（仲要高位跌咗一半！高峰時4300億！）。安踏賣鞋賣到5000億市值。覺唔覺得件事有啲問題（咁當然，安踏好似有海外嘅，雖然有人話冇鬼佬買）。

    奈雪上限都不過係拎300億市值。Something is wrong la

    BTW，話埋你知，奈雪全部店都直營，我都幾意外。因為傳銷同Franchise 係上世紀最仆街但亦最偉大嘅兩種發明，加盟店嘅嘢，利用啲友追夢做老細嘅心態，封晒蝕本門。但奈雪就係冇做。點解？會考Commerce 或而家咩　企會財教嘅基本嘢啦，加盟店咪難控制品質，啲友側邊租多個舖賣煎釀三寶。

    仲有，奈雪全部舖都係租嘅。咁又睇你點演繹，香港嘅咪話賺埋都係益地產商，但大陸情況又唔同啦，地產商個巴京拎包華冇咁大。人工成本先最貴，而你奈雪我估總不能叫件大媽去做品員啩（冇飲過，唔好問我）。仲有，冇舖又可以扮asset light model啫

    其他嘅，留返文入面講（4000字呀！）。但再講少少。首先你可以估下，奈雪一間舖一日幾多生意？不妨估下。我估冇你想像中咁多，而亦唔關城市事，唔同級別城市都差不多。但500間舖（話開到千幾間！），斬埋就好係嘢。

    之但係，總有盡頭嘛。廿幾蚊杯，其實好係嘢！你不如諗下大陸幾錢人工？仲要二線城市喎。「不如真係反攻日本啦，而家得大阪一間」「星巴克都反攻意大利法國啦」「COCO老番屋都開到印度啦」

    仲有講埋最後一個迷思，「呢啲咁嘅化學嘢好好賺」「啲茶使幾錢成本？」。Yes and no，當然你可以質疑佢造假數買貴貨（點解咁做？因為十派牙都係自己咯），但既然呢隻放上市，應該當住呢隻真。

    事實呢種「呢啲咁嘅化學嘢好好賺」「啲茶使幾錢成本？」我聽咗冇四十年都三十幾年！真的！細個食早餐對面阿叔都係咁講。問題係：咁好賺你唔去開？真喎。以前就話資訊唔流通，而家我知道暴利嘅，點會冇人抄冇人搶？所以呢啲「好好賺」係迷思，你冇其他嘢嘅，兩下就抄到你收皮啦。亦所以點解啲公司要搞咁多行銷，因為貨物易抄，但品味氛圍價值冇咁易抄。
    詳情就文入面講，但你不妨估下，到底佢賣一杯奶茶，入面有幾多係材料成本？（唔計員工舖租其他嘢，只講材料）。我估，一定比你想像中高好多！

    你以為食水好深？我覺得唔係。拿，星巴克就真係杯嘢入面大約10%係材料錢—唔係你以為係乜？sorry破壞你童年。其實你杯咖啡，絶大多數去晒：人工—我總不能整件大媽同你Hello Ivan，租，稅，仲有賺你嗰份。「最仆街係個杯呀餐巾呀分分鐘貴過啲咖啡豆，下次記住拎多幾張返公司炆屎」

    講遠咗，星巴克入面，10%係材料錢？咁奈雪呢？梗係唔止。但你可以估下幾多。

    咁即係買唔買得過？咁就睇文咯。但你睇估值大約知。我當星巴克，1330億市值（美金啦），265億生意，36億純利。或者想睇大陸嘅，海底撈，2000億市值（港紙），290億收入，23億利潤（人仔）。

    咁奈雪呢？咪話上限340億市值。你仲要預佢升喎！計下數咯。一年幾錢生意？文入面話你知（其實招股書都有），或者用心算。500間舖。然後頭先咪叫你估下每間每日做幾多生意咯。

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

    （＊）OK，估都估到佢間嘢唔係在原宿，原宿只有龍蝦包同學生妹。呢句去原宿開間sushi bar係歌詞，小野二郎梗係開銀座，去銀座你就知自己窮。真係的，我在大阪福岡甚至京都食米芝蓮兩星都仲覺得唔貴 — 去銀座就知自己窮，都係去返嘉湖銀座算。

  • respect梗圖 在 Facebook 的最讚貼文

    2021-06-27 23:33:17
    有 257 人按讚

    ［客串娛樂台］畢竟呢個世界上有比投資更重要嘅嘢。例如Stephy！

    1. 係喎，我係鐵粉。而即係歷任啲女朋友（講到好似好多咁，雖然都真係幾多）都覺得我係Bad Taste嘅，因為港女欣就係「平庸」嘅代表，就係「港女」嘅代表。

    2. 即係後來佢拍《空手道》或者《金都》啲友開始覺得佢識做戲，已經係後來嘅時，等於7月你先話意大利會捧盃咁。阿叔未開波前已經講啦！

    3. 所謂先知，就係知早你少少。

    4. 咁當然，有人話要去九展睇過Stephy 演唱會先係鐵粉，我冇。但無論係埃汾太，定係對上幾手女朋友，都覺得我作為一個XXXXXX 居然會聽 Stephy係好不可思議嘅。埃汾太仲好嘢，早排佢發現我有Queen嘅CD，佢十分奇怪，以為我係只聽Stephy鍾嘉欣的。

    5. 應該冇乜人知，但我在01博評寫嘅第一篇文，就係寫万刀甲同Stephy 分手。

    6. 主題我覺得寫得不錯，Stephy紅得起，本身就十分有違常理。你睇佢既唔靚（咁當然靚過普通網友，但我地講明星下話？），又冇身材，唱歌演戲又不甚那個。甚至比楊千嬅更加平庸（嘩，呢句真係一句得罪兩班歌迷）。但，可能就係大家貪佢真係，well，鄰家女孩。佢就係一個屯門屋村妹。你見我而家每次去大興村（多數係食完Involtini JEP行返屋企），經過佛教沈香林中學都會打卡的！

    7. 真喎，呢啲先係「鄰家女孩」。而家當然唔係，但當年係。即係all due respect，你話姚焯菲，咁梗係好J（唔犯法架？）。但，「國民初戀」？邊個國？李東國定卓耀國？人地讀國際學校住豪宅喎，我就冇呢啲初戀啦，你有嘅，你「鄰家」就唔係我「鄰家」。況且，時代不同啦，正如我常講嘅一句，而家？搵處女你去Play Group啦，或者自己養一個，光源氏計劃，farm to table（一定要上床？在枱做唔得嘅？）

    8. 雖然事隔多年我都覺得個主題好，但冇法，寫得唔好。但你咪理，總之就係傳說的起點。01博評算係我第一次寫文「面向公眾」，咁當然亦都畀人屌到開花，每一篇都係，每一篇都有人話咁撚垃圾都可以寫文。不過而家我仲在寫。

    9. 唔止，固然我唔想誇大咩蝴蝶效應。但，真係可以講，冇01博評，就唔會有我呢個Facebook Page．真的，呢個Page係我寫完一輪博評後，覺得應該搵個地方放好啲嘢。於是變有了光。而冇呢個Facebook Page，就唔會有後來嘅Patreon．冇呢個Patreon我應該而家係減咗人工繼續rat race

    10. 咁當然，即使Stephy最初冇同万刀甲分手，照計都會有01博評之後嘅文。但我嘅第一次就獻咗畀佢，你話緊要唔緊要？

    ＝＝＝＝＝＝＝＝＝＝＝＝＝＝＝＝＝＝＝＝＝＝
    11. 講遠咗，台仔單嘢，我都知唔應該咁黑心，「但我早早都話唔work」。台仔配港女嘛，好難的。你普通女仔都仲得，雖然都有啲難度。之前見啲台灣人在香港Group（真人真事，乜我冇話你知埃汾太拎台灣護照？），有個台仔講，話見個香港女朋友又住公屋又成日呻窮，仲諗住佢辛苦叫條女辭職等佢養。點知認真啲問落去，哇靠！條女人工係佢幾倍！哈哈哈（因為條女做護士的，台仔唔知香港做護士咁高人工，以為人地住公屋好窮）

    12. 咁，普通港女都難。港女明星？咪玩啦。加埋仲要分開兩地，好難的。

    13. 唔止係錢。咁你講錢，阿嬌老公啲所謂「身家」，你香港啲月球人星球人心諗：你老哥咁嘅水平都配溝明星？話年收入一千幾百萬（台幣喎！），連香港一個屋村醫生都不如。

    14. 當然，你去到阿嬌Stephy呢啲級數，真係唔使亦唔打算使條台仔錢，擺明係真愛（正如上面個屋村護士嘅case）．問題係直頭個金錢觀念都唔同。你見阿嬌都講，自己錢自己買嘢，都睇到條台仔傻眼呀。

    15. 再講一次，唔係話咩邊個洗邊個錢，我99%肯定呢兩對，啲財政係互相獨立嘅。但你換個角度睇，中國人（！）講竹門對竹門 雷門對鳴門，真係有道理的。大家對金錢嘅睇法太唔同，點可能一生一世？

    16. BTW，葉念琛昨晚中咗丹麥大炒威爾斯 40倍波膽。唔知係咪一個啟示。我點知？都話我係鐵粉。《人約離婚後》我入場睇咗三次，《失戀日》我都入場睇咗三次。雖然我睇葉念琛都不停畀人話我Bad Taste，但我信歷史會還佢一個公道！

    17. 唔使好多年，香港國際電影節嘅焦點影人就會係佢。「葉念琛：MK活地亞倫」。至少肯定早過「羅守耀的暴力美學」

    18. 如果真係同万刀申復合呢，就真係真人版《失戀日》呀！戲如人生呀。

    19. 唔好意思，查小欣上身，咁真係人家家事關我叉事，我又唔係人地條蟲。但即係，N咁多評論都係咁架啦。香港邊撚個唔係專家樣樣多多意見？由克里米亞局勢到秘魯選總統，由香港樓市到NFT，邊個唔係多多意見？正所謂意見像屎眼，人人都有個，幾多人就臭嘅。你有人睇嘅，你咪講飽佢，而唔使講咩「屌你講埋啲咁嘅垃圾都咁多人睇」。正如你睇啲次級聯賽啲友都覺得「咁廢都十萬八萬個月，我落場好過」—until你落

    20. Last but not least，下面個「筍盤閃現」…….嘩，AI真係好可怕！

    21. 你諗下，最初我寫01博評，搞咗成晚先寫到2000字。而家呢篇2000字嘅文我只係寫咗半個鐘，呢啲咪進步。

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

  • respect梗圖 在 Facebook 的最佳貼文

    2021-06-10 02:27:35
    有 184 人按讚

    ［維基自肥計劃］王維基個package 畀人vote down咗，5億港紙就咁見財化水。但，乜水投反對票？

    TLDR：衰咗，但至少畀你見到，唔係打籠通嘅。當然只爭300萬票，0.3%股數，3000萬唔夠，肯定唔順超，但希望在人間，今年已經畀舊年接近好多。咩人反對？其實應該問，點解同2020比，贊成票多咗8000萬？留意下，2020年5.15批9000萬股，舊年股東會時股價4蚊，而家9蚊。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

    1. 唔知大家有冇去過股東會，我都去過下。香港嘅股東會呢，十居其九大家最關心就係食嘢，以前有啲公司，去翠亨村有飯食都試過。我亦食過麗晶大賓館嘅自助餐。

    2. 但後來「投資平民化」，傳媒報道，以前少數人玩嘅股票遊戲，變咗有晒攻略。咪吸引晒一大堆師奶，點心黨。唔係佢地特別叻，只係佢地特別得閒。當時集體式經營，有班師奶阿叔，有晒日程表，三點去邊食，四點去邊食，邊個商場有免費車都睇埋。星期六日佢地就去啲輪商講座呀，然後就去樓盤銷售呀咁。真係以為香港係索馬里飢荒。

    3. 我自己見過嘅，搶嘢食已經係小事。啲友係直頭拎走！點拎走？放入喼！甚至連啲一包包嘅奶精，啲友都掃入喼。

    4. 傳媒去報，仲要人人通風報信，拎完著數仲要放上網話畀人知。咁就必然玩爛個遊戲，呢啲絶對係香港精神。

    5. 後來就醒啦，喂，既然公司平時請開財經公關，「咁不如叫埋佢地檔駕啦」。結果攔阻呢啲食嘢黨嘅責任，就落咗去啲弱質纖纖嘅後生女仔（多數係女）身上。往往就由佢地分西餅畀你，唔好自己拎。等於你去酒店自助餐食刺身 食燒牛肉咁，畀你啲友自己拎，就變咗《合家歡》嘅許冠文咁，成舊燒牛肉一嘢拮走架啦（不過《合家歡》諷刺大陸人，我樓上講嘅絶大多數係香港人，反而啲財經公關就唔少係港漂）

    6. 正經講，股東會呢，好多正經事做嘅。早排Exxon埃克森美孚，就輸咗個proxy fight，有兩件「激進投資者」選咗做董事。最過癮係你唔好以為佢地買好多貨狙擊Exxon，原來只係渣住0.02%，5000萬美金（公司市值2500億），但有人投票支持。

    7. 香港地嘛，股東會除咗食嘢，有時有其他嘢嘅。但有時咪啲小股東自己發表下偉論，台上啲大孖沙咪忍你，畀你講飽佢，最後一樣達到目的。

    8. proxy fight？都有，但好多係換管理層呀，拆骨呀，提名董事呀咁。遠有大劉狙擊嘉道理半島酒店，而根本「華置」本身都係狙擊返嚟，原本愛美高吊扇嘛。近嘅，東亞銀行或者中巴咯。

    9. 但，proxy fight去搞薪酬，仲要搞到嘅，就真係比較少見。反正大家都覺得，啲乜乜薪酬委員會都係圍威喂，上午就你批我，食完飯下午換間公司就我批你，啲獨立非執董更加係拎完錢出都未必出現。

    10. 但實情都唔係咁嘅，你見，真係會畀人vote down的。證明個制度仲未完全搵笨。

    11. 兩單前事，第一單係呢個獎勵股份，係打算發畀王維基嘅，總共4600萬股，嘩，真係5億嘢，一年都成億。霍建寧舊年都不過係拎億幾港紙，all due respect，長和系幾多市值，HKTV幾多？長和系一年賺幾錢，HKTV又一年有幾錢賺？

    12. 另外，2020年 2月疫情剛爆，HKTV受追捧，股價大升，公司即時就批咗新股，連登仔鬧到九彩。5.15．9000萬股，佔擴大後股本9.9%，即係原本8.2億股，變做9.1億股。當時經UBS，批畀不少於六個專業投資者。咁可能係啲大戶或基金，冇現真身的（實情都唔係好多錢）。

    13. 記住呢9000萬股，股東會年年6月開，咁今年同舊年嘅股數，係多過前年（2019）的。

    14. 先講啲橡皮圖章嘢，普通重選董事呀，通過財務報表呀之類。2019 年股東大會，4.3億贊成，反對票1萬股（唯獨有條友88萬股反對，但都只係極細數%）。

    15. 到2020 年，4.9億贊成，1100萬股反對（2.5%）。留意因為已經批咗新股，股數多咗。反對票係多咗，但贊成票多得仲多，所以似乎不能話嗰班接貨嘅就係反對同你搞局。仲有留意，薪酬個投票（每一項分開投）3700萬股反對（7.4%）。

    16. 今次呢，贊成嘅5.1億票，6300萬股反對（11%）。見到反對票多咗好多的。

    17. 至於戲肉，王維基嗰5億獎品，記住，大股東（王維基自己）及關連人士（佢表哥）冇得投。

    18. 2020年都有投類似嘅嘢，但係N年前嘅option了，當時500萬股贊成，8700萬股反對，你見係大比數反對的。

    19. 相反，今次呢5億獎品，8300萬股贊成，8600萬股反對。就真係只差少少。300萬票，3000萬港紙唔夠，0.3%總股本。王維基應該講晒粗口了。真係出錢搵個人頭買都得啦，但點會早知。

    20. 你比較返兩年，反對票都係咁上下多，但贊成票多咗好多。係咪嚟自接新股嗰堆友？未必一定，但可能性唔低，睇數字都吻合。畢竟有邊啲人會8000萬股而舊年未出現？況且股東會投票多數都係基金。咁但你問，做乜佢地2020年又唔贊成？

    21. 好簡單，因為，2020年6月仲坐緊艇！當時股價係4蚊多啲。記唔記得成堆係5.15接貨？潛水嘅梗係唔高興。但而家？今年起起跌跌，今年買嘅輸錢多。但從冇低過9蚊。5.15拎貨嗰班，執唔少啦。

    22. 拿！Andrew Wiles呀！我交行貨都寫呢啲呀！到我出返關仲得了？！快啲支持Patreon啦。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

你可能也想看看

搜尋相關網站