［非關財經］不過都見到財經新聞報，其實都關事。彩蛋：你要見寫 Soccer Superstar 就知道係美國新聞

1. 美斯個心入面諗乜呀，巴塞點負佢呀，拉馬西亞啲乜恩怨呀，就等各位人地肚入面條蟲去評。

2. 但你問我，美斯離隊仲有一個好重要嘅原因： 巴塞冇錢！ 就係咁簡單

TLDR：一間錢大媽，應該等於兩間巴塞，甚至係幾間巴塞。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

3. 固然點去衡量「冇錢」都好多方法，但應該即時巴塞忠粉都知，巴塞而家真係冇乜錢。

4. 想當年阿叔打 CM3 或 4嗰時，「巴塞」係被認為 「無限金錢」的

5. 但事實足球世界邊有呢回事？ 即係中東油王都唔係 「無限金錢」，有「無限金錢」亦唔代表要畀你玩。

6. 我成日講嘅例子，5萬蚊甚至500萬對李澤楷都係散紙不如，冇咗都唔知。但你有機會見到佢，試下叫佢畀你丫。 係對冇全無影響呀，但點解要益你？

7. 巴塞點解搞到冇錢，你可以慢慢睇文，簡單啲嘅去睇Swiss Ramble (@SwissRamble) 嘅Twitter都得，人地專業的，唔通你又串人未睇過西甲冇資格講？

8. 睇專業嘅金融撚寫，好過你啲仙都唔仙網友，可惜好多人係連睇幾隻字都懶，最好兩句講完畀佢。係喎，世界咁簡單，你點解未發達？點解其他人要學咁多嘢？點解我每日都要睇咁嘢？即係你覺得你資質好過我100倍？好丫

9. 講返，你亦見到「歐超聯」呢個鬧劇，Dirty Dozen 12間會，邊個最早跳船？邊個死攬住歐超聯唔放？ 你見英超 車路士 曼城最早跳船，然後到另外四間，你覺得係偶然？英超Big Six相對地財務狀況好啲，做乜同你一齊癲？

10. 頂到最後嘅當然係皇馬巴塞，甚至因為呢壇嘢化敵為友，夠晒好笑。原因？大家都冇錢。

（當然仲有皇馬 佩雷斯在 西班牙 政商球（黑？）幾道都呼風喚雨，聽聞法庭都睇佢台戲，一早打晒招呼話冇事。雖然聽講西班牙係有司法獨立 民主選舉的，呢啲陰謀論就大家自己判斷。）

11. 你睇轉會市場嘅動作，蘇花今季最大嘅轉會，甚麼辛祖 大文豪之類都係去英超係咪？亦都見到皇馬巴塞 而家真係不能再洗大錢買人，冇得呃的。

12. 最後三個remark：

13. 球會as a business，係極之shitty．原因有好多，但主要因為現代足球生意真係相當怪雞：一方面好商業，另一方面又好唔商業。即係點？即係當你嘅行家（其他會）都會當間會係燒錢嘅玩具，咁你想賺錢就極難了，你啲球員一定去晒人地度。但反正對家啲球會唔係上市公司，只係有錢佬玩具。

14. 而照舊，今次唔講維他奶啦。今次我講，屌，一間錢大媽，已經大過晒所有你咩熱捧嘅英超西甲球會！我講真的，上星期講過，錢大媽上市拎250億人仔估值，大約300億港紙。而家曼聯市值都不過係200億港紙市值咁上下！

15. 最後，好多講德甲50+1，足球唔應該係有錢佬玩具，應該屬於球迷云云。先唔好講嗰句好難聽嘅「咁你以後唔好睇英超睇德甲丫」，亦唔好問啲球迷到你隊波年年踢英乙你仲係咪飛去英國睇（根本你都冇咩社區連結，我們都是Glory Hunter，想社區連結去睇港超，會好啲）。

16. 但至少你見到一樣嘢：西甲皇馬巴塞都suppose會員制，唔係財團金融撚，唔係油王，唔係大陸錢。但Doesn’t stop them from 不停燒錢 搞到間會財政不支。本人非西甲球迷，但我理解，啲友出嚟選會長，咪就係不停同你講「我會買C朗！」「我一年簽一星！」「我留任就保證美斯留低！」，你話「我會保守理財」嘅，保撚證你唔使選。根本球迷都係早早食晒啲棉花糖，十年後話知你洪水滔天。

17. 最後，作為一個局外人，我覺得美斯離開巴塞對雙方都係好事。根本上季已經應該走。呢個同我好唔好波過美斯無關，甚至同美斯好唔好波都無關，只係再鋒利嘅刀都有生锈嘅一日。大佬，我剛做分析員嗰時（2007？），在魯營已經睇美斯。而家魯營都仲係美斯！

18. （OK，當年我都睇緊 Timo Boll世界第一，而家仲係佢打奧運決賽，但乒乓波點同。倪夏蓮60歲都仲打緊奧運。況且倪夏蓮唔係收十萬鎊週薪嘛，亦唔係打歐超聯）

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［今日寫呢啲］我記得有一期雜誌，封面係陸東，一句：「我正在買貨」。十分有型（https://bityl.co/7nd1），原來剛好十年前

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

冇呃你，就係大字標題，Ivan都係「我正在買貨」，不過諗諗下都有啲低能，即係講「我正在呼吸」一樣。有邊刻我唔係買緊貨？咁當然唔係日日買，但，「都唔係每一秒都呼吸緊啦」。定你當呼吸係成個循環？「咁買貨都係」。「唔買貨嘅日子我就係儲錢買貨」。所以唔買貨就係買貨嘅一個過程，雞就係蛋生蛋嘅一個過程，正如李小龍話齋，「生命是一段等待死亡的歷程」

好，講完哲學嘢，講堅嘢。事實我當然身體力行我嘅哲學（新書有講），供完樓打完邊爐嘅閒錢，就拎晒去買股票，月供指數ETF都佔唔少。但，當再有閒錢，我都仲會玩個股。一來過癮，二來亦都為平衡心理。原理好似啲減肥計劃咁，太地獄式嘅，一啖雪糕都唔畀食嘅，根本做唔到。

而我在Patreon係但凡有乜買賣都會講，不過暫時都係只買不賣。點解係而家買？冇乜點解，因為有閒錢。總之戶口有十幾廿萬我就會身痕，點都搵啲嘢買，cash is trash。

買咗邊隻？就睇文入面講了。不過畀啲提示你：首先，博通Broadcom 傾緊買SAS，冇錯係統計嘢嗰間，150-200億美金呀！但SAS冇上市的。另外，Amazon同SalesForce近年行得好埋（兩間我都有持有），甚至有人話Amazon會買起SalesForce，齊齊對抗Microsoft Google—但點會批？

照計，大約估到我買咩東西了。不過呢度只係第一隻。仲有第二隻，係港股，但悶嘢，你估唔到的了。

想知，就訂Patreon，固然唔會包生仔，以前我買嘅都中過伏，但至少我都買埋，輸錢就一齊。咁我而家冇穿冇爛，唔使返工，隨時可以搬去台灣丫，咁你話會唔會隻隻輸錢？但你只係跟輸嗰啲冇跟贏嗰啲就梗係你問題啦。

大師冇點你嘅，Nike同愛馬士成日都講，我都唔明做乜有人話係N年前求其remark提過又當自己中，仲要兩隻我都有買，Nike都好多人新疆棉時有跟買（你班友仔丫）。

但都係想講BlackRock，1000銀都嚟緊頭，日講夜講啦，代表作。但做乜咁強？就似乎同每日一圖第一張有關，見到ETF嘅減價戰見底，開始反彈（其他台有冇話你知？），咁作為大玩家嘅BlackRock當然爽。但點解之前ETF收費係咁跌，BlackRock都不停升？因為根本係公司想見到嘅局面。即係Amazon Free Shipping．仲唔明？就睇文啦。

另外兩個圖都畫面出腸，唔賣關子，免費益你。首先見到，歷嚟都係美金強，美股就跑贏其他國家，反之亦然，跟得好足的。但呢兩年，美金弱，而美股繼續大幅跑贏，咁你可以估下之後係美股跑輸（冇話跌呀下），定係美金大升。

最後一個嘅，略嫌佢數據唔夠多。但睇晒今屆歐國盃嘅十二碼，睇下由球證吹雞到起腳用幾耐。見到呢，入嗰啲，真係普遍都時間長過射失嘅。唔使咁心急嘅。當然可能唔係「因為」心急射失，心急只係病徵，背後係反映咗球員冇信心壓力大腳仔軟，想求其快手搞掂走人。

Good Read嘅，第一篇極長，但極豐富。講中國嘅超級通脹。但，唔係而家嘅中華人民共和國，而係遷台前嘅國民政府。大家都略有聽聞，但點解會超級通脹？有人話打仗，但真係咁簡單？好多地方都打仗，點解唯獨國民政府爆鑊？況且，打仗前，已經超級通脹。點解會咁？只係因為印錢？文入面有解。一個關鍵係：你個政府點收稅？收唔到稅會點？

第二篇，簡而清，Wise在倫敦上市，間公司原本叫Transferwise．實在係倫交所一大勝利，亦都慢慢改變緊之前一路積弱嘅英國股市（脫歐咁多年就跑輸咁多年）。仲有其他啟示，文入面講

最後一篇，Creator Economy market map，成個生態系統全攻略咁滯。固然因為我都係一分子所以成日貼，但，呢個亦係quite something，鬼媒都開條team去cover，特別整個newsletter．香港？唔覺有喎。

循例講埋，Patreon 20蚊同40蚊年費（記住年費！）讀者，我係免費送書嘅。都值百幾蚊呀。而年費係有85折的，好似冇乜其他人畀咁高折頭，但我由第一日已經係咁。你亦可以諗下點解。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［大師冇點你］繼續馬不停蹄，忙過返工。但越嚟越多讀者支持就係我動力，希望大家都可以搵到錢，實現自己想做嘅嘢。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

呢個亦係我鍾意投資呢件事嘅地方：可以大家一齊富貴，唔係zero sum game．亦唔存在話我昆你啲錢，講真，啲讀者中隻Nike或理文化工，夠佢畀幾年嘅Patreon啦。唔阻行家搵食，但你要明白好多其他嘅東西，實情係一個財富轉移。

先講大陸降準，真係久違了，我甚至唔記得上次係幾時，我甚至唔記得而家存款準備金率係幾多，我甚至幾乎唔記得而家人民行長係邊個。以前做分析員年代唔係咁，固然嗰時勤力啲，但真係時代唔同。以前人民銀行經常週末玩降準（或加存款準備金），或者減息加息，早期仲要好老土地係加減0.27%，十分中國特色。嗰時成日都要星期五晚出email，甚至會有人打嚟問，長途電話都會。但自從習近平上台後，就少咗好多呢啲操作。

唔知存款準備金係乜嘅，可以讀下中學經濟，或者我Patreon入面都有解。但存款準備金，就係限制咗銀行放錢嘅能力。咁所以好多時降準，即係減存款備備金，被視為利好，「放水」。但係咪真係咁？不過至少你留意下，啲中概股反彈的，仲有個別嘅成交都幾大。

講返大市，都話驚都冇驚過，連港股咁弱雞都可以反彈（留意收市先講降準），美股更不用講。星期四晚先又話咩股災，哈，星期五晚道指又新高。又唔再擔心咩經濟唔得了。我堆Core List表現都不錯，有乜？咪又係嗰啲嘢。

根本我從來都唔叫你trade嚟trade去，Patreon啲讀者直頭嫌我出入得少（對上好似係4月買LVMH同愛馬士，唔計月供嗰啲）。但真係有人走去話我拉生意叫人買股票仆街死財演害人。我星期五生日飯食Cobo House 8道菜，你計下你trade幾多股票先夠我食一餐？會唔會太睇得起自己？（插呢段嘢目的唔係炫富，有乜好炫？你覺得我會係幾十萬身家，定幾億身家？重點係吸引你每次都睇晒呢篇「今日寫啲乜」）

每日一圖兩篇都講經濟（係喎我冇讀經濟又講經濟，點丫？你夠冇讀文學夠嚟批評我寫文）。第一篇講油價，我係極之怕啲人同我講高油價然後講返石油危機。同講「聖誕鐘買匯豐」一樣，講嘅人除咗出賣年紀，亦證明同個世界完撚全脫節。大佬呀，咩年代呀？我入面嘅圖話畀你知，根本油價而家唔多影響經濟，而商品價格亦唔多影響通脹。你估真係你來貨貴咗就轉介畀客？個世界唔係咁運作的，你有能力嘅，成本跌咗你都可以加價。冇嘅，你輸到執笠都冇客買你嘅嘢。

第二個圖，中國經濟。如果認為啲數全部係假嘅，咁唔使討論（＊）但，認真討論嘅，全世界都係三味：消費，投資（又叫固定資產形成，你當起橋起路咁，唔係買股票嘅投資），淨出口。咁邊樣先係拉動中國經濟嘅？話埋你知，絶對唔係淨出口，N咁多年都唔係，同好多人以為咩「中國經濟靠出口」完全唔同。點解會咁？文中有解。

Good Read 兩篇。第一篇不用多講，贏歐洲國家盃股市就會升，「我半年前已經叫你買英國股市」（唔通買意大利？）。第二篇仲好玩，黑膠好賣（當然同串流冇得比），甚至銷量高過CD。但搞到啲音樂人好煩惱，特別係小型嘅唱片公司或獨立歌手。點解？因為出唔切貨。但點解會咁？文入面解。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
（＊）但偏偏呢啲人又最鍾意討論，我都唔明，話係假嘅有乜好討論？正如套AV如果知道係假拍，咁做乜仲討論條友點解可以插足個半鐘都未射？你鍾意嘅插半年都，好似魚樂無窮咁。（＊＊）

（＊＊）而家連呢段「今日寫呢啲」都有埋 remark，示範你知點在啲最悶嘅嘢搵創意．當年方俊傑都係寫電視節目表介紹而出位，有人報交通消息都可以出位。