一直以來做Career Coaching都會要求團隊同埋自己保持專業，同埋盡量唔好鬧人，較早前我哋其中一位教練（五星教練，從來沒有接到任何投訴）收到一位求職者的投訴：

「我覺得你完全幫唔到我，你冇俾到認同感我，
放心，我會上網唱你哋，我真係由去完見你當晚返屋企喊左成晚，食咗兩大桶爆谷，喊左三日先平伏到心情。我唔會原諒你，你都唔駛再覆我，但我要講返呢番說話出嚟平衡返自己情緒，我唔想自己因為見完你而唔開心到抑鬱。」

收到投訴之後，我即刻問教練：「你講咗啲乜？」

其實求職者係因為月入$40,000的Big 4 CPA，有兩個打算，所以想問我哋意見：
1. 因為Big4競爭太大，所以希望去2nd Tier做
2. 因為想穩定，所以想減自己人工去到$18,000-20,000，做Receptionist

依兩點教練都唔係咁認同，我哋好細心咁同佢分析並指出佢嘅履歷表同埋面試技巧問題，透過模擬面試不斷彈彈彈，我哋覺得唔好就要指正。

之後，第二日收到：「Career Coaching 可以令人好受傷。我知你哋覺得幫緊人，但其實實際係對方唔覺得你幫到佢仲覺得自己上去比人呃左錢覺得自己好蠢再比現實生活重擊受傷多一下。自己都繼續喊咗成朝，一陣要落去再買雪糕食。」

生活唔容易，每人都有自己難處及問題，你既然過嚟搵我哋，就要接受我哋嘅意見及批評。其實好多人都想上嚟搵「認同感」，但係如果我哋只係跟住你嘅意思，講你鍾意聽嘅嘢，實際上係幫唔到你。我哋可以瞇埋眼，提供罐頭式嘅服務，但係點解每次都咁費心神，因為每一個人都係獨特的，都有自己獨一無二的履歷表、面試方式，所以我哋要即場根據你嘅性格去度身訂造，好嘅我哋會讚、差嘅我哋會彈。

食咁多零食對身體唔好的，就係因為着緊，先叫你唔好再食零食，唔會盲目比認同感。

所以有時自己都會反思，其實Career Coaching應該係比專業嘅意見(雖然有時候會傷害到人)定係麻木咁樣比認同感，令到人得到短暫嘅快樂，好開心咁樣走呢？

11月及12月頭Career Coaching已經全滿。

現在加開12月中檔期：

12月份:
1/12(二) 🈵
2/12(三) 🈵
3/12(四) 🈵
4/12(五) 🈵
5/12(六) 🈵
6/12(日) 🈵
7/12(一) 🈵
9/12(三) 🈵
10/12(四) 尚餘最後兩位
11/12(五) 尚餘最後兩位
12/12(六) 🈵
14/12(一) 尚餘最後三位
15/12(二) 🈵
17/12(四) 🈵
18/12(五) 尚餘最後兩位
19/12(六) 尚餘最後三位

#Careercoaching
#職涯規劃

如果人人去見工都係咁「9s」....sorry sorry，應該係咁「easy」，呢個世界幾咁美好呢！

=====

#讀者投稿 ：叫我陳生得喇

上個月去見工，填完form之後坐咗8個字都冇人理我，隔離仲有一個女仔又係等緊見工，佢一早填完，明顯等得耐過我。

Receptionist其實有不斷打內線搵個HR，聽得出佢好勞氣，因為冇人聽佢電話，間唔中亦安撫我哋：「你哋可能要等多陣，負責個同事行開咗。」

雖然等咗好耐，覺得好浪費時間，不過Receptionist都盡咗力同埋好有禮貌，加上市道又唔好呢，忍啦！反正都上咗嚟。

悶到一個點，忍唔住同隔離個靚女吹水：

「你都係見工呀呵？」（問完都覺得廢）

「係呀！」

「你嚟咗幾耐呀？」

「早你20分鐘左右，真係等咗好耐。」

「如果呢排唔係冇其他工見，我諗我走咗㗎喇。」

「係囉，不過見Receptionist幾好人。」

就喺呢個時候，傳說中嘅Elsa終於出現喇，計次序當然係隔離位靚女見先啦，咁我又繼續等喇。

等等等，又過多半個鐘，傳說中嘅Elsa又行出嚟叫我入去，不過佢自己冇入房，一打開門，係頭先個靚女。

「Hi，係咪group interview？」

「唔係呀，佢請咗我，我而家係HR喇。」

「吓！」（我曾經諗過係咪電視台整蠱定係Kevin仔拍玩爆你個腎之類）

「呢間公司之前個HR賠錢即走，所以冇人做HR，頭先個Elsa係老細秘書，佢客串in人㗎咋，啱啱請咗我，我而家係HR喇。」

「咁樣。」係，就係咁樣。

靚女唔係直接請我，因為佢都係啱啱返咗工一分鐘，原來Elsa叫佢負責1st in，如果覺得我ok，就出去搵Elsa，再由Elsa通知另一個部門主管見我，即刻做埋2nd in唔使來回兩次嘥時間，僥倖地，見完之後一日，呢間公司都有打嚟叫我正式返工。

呢間公司唔大，得60幾人，人事部又得靚女一個人做晒，行政仲幾混亂，難怪之前嘅員工走得咁急，但係靚女HR嘅心態同我一樣，就係大家都冇其他offer，做住先囉，不過一齊填form等見工嘅人忽然變咗HR，真係鳩屎得嚟又幾有趣，我仲記得當時佢嗰句：「佢請咗我，我而家係HR喇。」

後來我有問過靚女HR，當日即見、即請、即刻開工in我，人工係點計？嗰陣簽咗合約未？佢話冇計，因為只係幫手in一in我，前後大約用咗20至25分鐘，當我見緊部門主管嘅時候，佢已經同時間走咗喇，第二日先正式返嚟簽約，所以都係早我一日入職，而家我哋兩個一齊騎牛搵馬，過咗第三波肺炎先算啦！

「喂，你係聶生？想問下可唔可以幫我請Sales？」

我：「我冇做headhunt喇，介唔介意透露係邊間公司？我叫舊同事搵你吖！」

聽完對方講，先知佢係我以前一個舊客，不過連HR都走埋，個老細要親自打嚟，印象中上一次幫過佢公司請Sales，所以佢先搵到我contact，咁快又走咗？

傾傾下，呢位老細變咗訴苦，佢唔明點解公司留唔住人才，自問人工不遜於市價。其實薪酬係重要，不過要留人仲有好多因素，包括culture同埋配套。

我唔喺佢公司任職，答案未必全面，但起碼呢位老細有heart搵原因，而且想做啲嘢去改變。我舉咗個例，以前我headhunt公司每逢有求職者嚟見工，係連水都冇杯，上網見過有candidate話我哋唔夠大體，當時幾位同事見到呢個comment都笑咗，其中一個話：「老細識得睇呢啲forum幾好呢，Staff自己都冇配套，我個friend間公司有部咖啡機，真係同人唔同命，士氣好好多！」另一位同事插嘴：「歸屬感都差好遠啦！」

希望多啲老細知道，公司配套好，員工唔止可以提升士氣同埋效率，仲會好自豪㗎！

講得入迷，忘記電話另一邊阿老細聽緊：「邊有咁多空間擺部咖啡機呀？」

「咖啡機又唔一定要好似高達咁大既，我平時去client visit嗰陣，見過有客人擺咗部NESCAFÉ®即磨咖啡機，佢哋個coffee corner細細地又唔掗位，係幾型㗎！輕觸式螢幕之餘，一機仲可以沖調即磨咖啡同多款即溶飲品，當日receptionist就㩒咗杯咖啡畀我飲，又真係幾香幾好飲喎！坦白講即時對佢間公司嘅品牌形象加哂分，成件事好型，做headhunt咁多年，有啲公司上到去真係feel到死氣沉沉，不過呢間就見到個個員工都醒神，唔知係做得開心吖？定係飲咗咖啡提神？可能係相輔相成啦！」

「咁我應該要整返部。」

我：「多方面配合啦！真㗎！用一個打工仔心態去答你，營造良好嘅工作環境同氣氛好重要，對留住人才有關鍵作用。」

「咁你係咪可以幫我請Sales？」

我：「我冇做headhunt好耐喇。」

「你而家賣緊NESCAFÉ®咖啡機？」

我：「唔係唔係，我轉咗行寫廣告，提提你，公司如果買咗部NESCAFÉ®咖啡機，仲有機會上個coffee workshop，學到咖啡知識之外，順手搞埋個team building又得。」

「你仲話唔係轉咗行去賣NESCAFÉ®咖啡機？」

唔係呀🙈我真係寫廣告㗎咋！所以想了解詳情，大家直接去呢度睇會更加清楚👉👉👉 https://bit.ly/2zzNqDi

#NESCAFÉ即磨咖啡機 #留住人才 #營造良好工作環境 #一機可沖調高達48款飲品 #輕觸式螢幕 #一按自動清洗功能 #CoffeeWorkshops #TeamBuilding