［九厘息下話！派到就係！］匯豐減派息，下次學精啲啦，朋友。

1. 九厘息下話？派到就係。然則買美債嗰個係儍仔？

2. 拿，冇呃你；「事先張揚」，昨晚節目有提（https://bit.ly/2UvPrs4），直頭個題目都係講係陷阱！唔信你自己去睇一次，就昨晚咋下。你走寶鍾意睇啲垃圾文圾垃節目就幫你唔到，人當然有壞品味嘅自由。

3. 其實收費專欄都有講。呢度訂：https://bit.ly/2UTRRPZ。　搞唔掂就PM我。

4. 非幸災樂禍，好多朋友（特別年紀大嘅）買咗。但都係講事實

5. 唔止一次講過，金融海嘯前間Wachovia Bank（＊），美聯銀行，又係行家，有啲拆借往來，當年都美國十大，十幾厘息，我仆去買添，已成廢紙

6. 好簡單，呢個世界上，係冇「穩穩陣陣九厘息」嘅，五厘都冇，三厘其實都冇

7. 你去望下美債幾多厘息，然後基本上anything above that 都係「有風險」

8. 最簡單嘅，匯率。或者買債券嘅，中間價格會上落。當然當你唔睇，渣到尾（事實應該咁），隻嘢可能唔找數，可能債務重組

9. 股票嘅，理論上好似永續債，唔會「還錢」。咁首先公司可以爆煲。但唔係話匯豐會。

10. 首先就股價可以跌，咁但當你唔理嘅，我年年收息算，很好，但係咪得？

11. 更常見嘅問題係，可以減派息。從來上市公司都會減添息，就算有任何「𠄘諾」都冇法律效力。你咪去告匯豐。一定要派息唔派可以告嘅，叫債券，或優先股

12. 你望撚住個股票機，睇舊年嘅派息，已忽略埃汾（其實人人都會講）話你知第一教條：股票炒將來嘅- 何況，而家舊年派息都彈弓手收返-記住提咗出嚟嘅錢先係你。當年啲同事出完花紅都拎出嚟，廢事公司執笠。

13. 好少少，識睇預期股息率，識睇彭博睇埋下年。又如何？今年得，下年呢？下下年呢？你要嘅我派兩年特別息畀你都得，但之後呢？

14. 咁CFA101啦，你金融資產嘅價值，discounted cash flow 嘛。你咪試下整個excel 然後刪咁三年以下，睇下剩返幾多

15. 始終個問題係，你個派息有幾visible？有幾sustainable ？

16. 而多數都係睇盈利。固然蝕錢都可以派息（TVB舊年咪係），唔犯法冇古惑，但不能長久。

17. 所以，你見有9厘息，咪知好多人根本唔信！係呀全世界得你咁醒發現9厘息呀可？

18. 你甚麼領展 中電之類3/4厘息，咪就因為派到嘅機會大啲。當然都冇必然，就算政府保證都可以改。

19. 呢個世界冇咩係永久嘅（除咗人類嘅愚蠢），真係誰人又相信一世一生這膚淺對白。

20. 中過伏後，下次學精啲啦。我2007年咪中過，而家就尤伯連納同你講呢啲

21. 但話說回頭，成件事都幾吹脹，我同高明利世民昨日已講。肺炎最大贏家，梗係各國政府，大政府鐵定回歸，個人自由放埋一邊，企業都係

22. 大佬，政府幾時連公司派息回購都管？我以為大陸先會！而家英國先行

23. 但當然背後唔係冇理據，唔好逢左必反（政府禁公司派息仲唔左）。節目提過，舊文都有寫，你公司如果唔掂要政府救嘅（https://bit.ly/2X5t26m），就梗係有條件，就不能拎納稅人嘅錢去益股東，或者高層出花紅，或者轉頭炒晒啲友（拿！又係早兩日先講過！！）。

24. 呢個道理上係成立嘅，況且政治上都係，冇政客會畀你咁搞—問題係，匯豐幾時有拎過政府救濟？呢個先係問題！

25. 有啲銀行根本就係國有，唔係講大陸，英國都係。以前寫過（唔搵link了）皇家蘇格蘭銀行RBS都係國有，意大利甚麼Siena Bank Monte del Paschi亦係。嗰啲銀行係政府大股東，就唔使講

26. 但，匯控其中一個最光榮（雖然冇乜人理）嘅紀錄，就係2008佢係極少數冇伸手問政府拎錢嘅銀行嘛！供股之嘛！供股係拎股東嘅錢！唔係政府錢。

27. 於是個搞笑嘅地方就嚟啦，根本你冇拎過政府錢，但一樣禁你派息。咁你心中諗乜？「屌，原來唔拎佢錢都要畀佢管，早知一早照拎！咁辛苦做乜」。呢啲就係真正嘅左膠思想點樣會回歸，制度迫成的，做得好嘅照樣罰，咁我使乜做咁好？

28. 仲有，匯豐聽聞有力爭過，大佬，我啲盈利由亞洲由香港嚟喎，又唔係搵你英國啲錢，更加冇拎政府救，咁都要屈？但唔好意思，當年你話「遷冊」避共嘛，咁你係英國公司HSBC plc嘛，結果英國一樣咁共。

29. 咁當然啦，我理解，例如你英國匯控啲員工，低級嗰啲，都受惠於政府嗰啲咩代出糧政策。但，如果咁就叫「拎政府錢」，就可以控制到你唔派息，咁就真係同大陸「要不是黨乜乜乜」差無幾了。唔好笑，有啲左膠真係覺得「政府畀個經營環境你」都係受佢恩惠，仆街，冇撚交稅的？你冇啫，匯控有，我都有。

30. 利世民兄一句，所謂先知，咪知早你少少咯。有冇昆你？睇少啲膠文啦。

31. 最後一講，呢堆嘢係在巴士打的。九個字左右啦，千七字，係慢過上次聯儲局好多架啦，因為呢篇用電話打，至憎用電話打文。但冇法，為讀者利益著想嘛！幾撚偉大。

32. 真係最最後一講，同好多次一樣，今次啲料又係在溫傑度睇到的。雖則佢寫文冇我咁好（哈哈），但料就真係又快又齊，大家可以去睇睇佢。

（＊）應該講過下，Wachovia讀「話高肥亞」，唔係「話粗肥亞」。行家就知。

▼配信ルール（重要）
伝書バト　
荒らし
配信にいない方の名前出す
全て一発ブロックします！
いない方の名前出したり、誰誰とやってなど全部ブロック対象なので気を付けてください(^ム^)

▼チャンネル登録
http://bit.ly/2sJhJDk

▼Twitter
https://twitter.com/K2xbP7k

▼YouTubeでは主にゲーム実況の動画投稿。　雑談をメインにゲーム配信をしています。是非配信も遊びに来てください(^^)

【ファンレター等　宛先はこちら】
〒106-0032
東京都港区六本木7-15-7
新六本木ビル 5F
株式会社ライバー　マハラジャ宛