【 終於都寫Tay Tawan 】 _ 一入泰娛深似海，我自己也有點估不到。 _ 因為早前某個深宵於Netflix左撳右撳，無意中找到一套名為《一年生》（Sotus: The Series／2016）的BL劇，打開了從未涉獵的泰劇天地，驚訝原來傳說中令一眾腐女「We嘩鬼叫」的同志劇，竟然是如此低質求質（信我，睇一年生頭幾集，真係會反白眼到上天花板兼藐住熄機），兩位男主角的演技（Krist Perawat與Singto Prachaya，簡稱Krist-Singto）又那麼稚嫩，如果只是單純FF兩名男生在幕前親親，何不選擇台灣的《越界》（HIStory）系列？ _ 不過實情是，只要有人跟你一齊討論，追劇的興頭可以隨時湧現。用三倍速看罷《一年生》和《一年生2》（Sotus S: The Series，第二季整體水平提升了不少，可以在YouTube看足本，有繁體中文字幕）之後，又見到Netflix購入超人氣泰劇《因為我們天生一對》（2gether: The Series），知道男主角之一、飾演Sarawat的Bright Vachirawit就是早前掀起中泰網絡大戰的主人公，好奇心驅使下，又很黐綫地睇晒13集，就連5集特別篇《因為我們依然天生一對》（Still 2gether）都殺埋，我發現，此劇製作水平雖然進步了很多，但情節依然「離晒大嫂」，加上生硬直接插入的植入式廣告，假如閣下是個[「認真L」，棄劇指數很高，但因為一邊睇一邊（恥）笑實在給我很多快樂和滿足感，加上Bright-Win真心很靚仔，這種明星效應，足已令粉絲「瞓身式着迷」。 _ 何謂「瞓身式着迷」？看過紀錄片《Social Dilemma》也知道，只是「極度沉迷」的另一種自欺欺人，看似「無害」的說法，你會不由自主的在「YouTube公海」狂掃，按照大數據推薦，甚麼都會睇，甚麼都想睇，我好奇到底「泰劇」這個領域還有甚麼驚喜，他們的非戲劇製作又去到哪種水平？結果無意中給我發現Tay Tawan這個人，擁有70%中國人血統，超帥氣，2014年加入GMM Grammy，擔任頻下收費頻道Bang Channel節目《Five Live Fresh》其中一位主持，2015年Bang Channel停播，他變成GMMTV藝人，開始拍劇，他在《Kiss Me Again》（2018）和續作《Dark Blue Kiss》（2019）播出後，憑「大男人」Pete，跟拍檔、飾演其男友Kao的New Thitipoom一同爆紅，人稱「Tay-New」，以孖公仔形式主持飲食節目《TayNew Meal Date》。2020年，他成為「綜藝王」，主持《魅力廚房》（เสน่ห์ห้องเครื่อง）、《和Tay Tawan漫步Fest》、《School Rangers》以及現時在當地人氣強勁的《Friend Club》，風格生鬼，經常在幕前展現真我（超怕玩過山車和揈揈揈的機動遊戲），令好感度攀升，近日又有主演新劇《I’m Tee, Me too》逢周五播出，曝光率極高。 _ 也得說實話，跟師弟Bright-Win，或者同期出道的Gun-Off相比（沒看過《Theory of Love》，但有看過《I’m Tee, me too》，或者睇完前者，這句會改寫）Tay-New的演技水平明顯高一級，眼神、面容表達情感轉變，甚至拍親密戲，都見到有層次，雖然作為粉絲，都會想永遠見到Tay-New合體，但在電視台眼中，二人「拆夥」各自單飛無可避免。New Thitipoom早前已有一套翻拍韓國電影《假如愛有天意》的《Classic Again》，而Tay Tawan則主攻劇集，暫時有三套新劇在手，包括《Hello Flower》、《Military of love》以及改編韓劇《Hello Monster》（記得你／2015）的《Remember you》，其中《Remember you》近日已開鏡拍攝，而Tay Tawan的角式造型同時曝光，其角色其實對應韓版、由朴寶劍飾演的李民（長大後改名鄭善浩），是李賢（徐仁國飾）的弟弟，小時候失蹤，認為是哥哥拋棄自己，長大後成為律師，為了吸引哥哥的注意而連續殺人，角色演繹難度極高，相信Tay Tawan為這次演出花了很大功夫。 _ 圖片來源：twitter _ （09102020） _ #游大東 #游大東影視筆記 #taytawan #林陽 #Irememberyou #泰劇#hellomonster #taynew #newtay #朴寶劍 #韓劇 #friendclub #newthitipoom @_godricleung @siukitdesmond @polca_hkcafe #rememberyou @taynewhk_kindergarten @taytawanfc @taytawanhkfc @gmmfamily_hkfc #yautaitung #09102020 #LGBT #boysloveboys @studythai.withme

02-04/2017 電影睇睇睇 由最鐘意到最無感排序😂 . 星聲夢裡人 La La Land 一向對音樂劇麻麻冇諗過自己會咁鐘意呢套，可能係歌曲對口味又可能係有陣隱約ge懷舊味，不過講懷舊其實覺得又有少少怪，明明成件事好復古但D人又會用iphone好搞笑。中間冇乜歌果段有少少悶，不過個結尾我幾鐘意，好似人生咁，就算是成功都總會帶著少少遺憾，假如人生可以從頭開始，結局又會變成點呢？ . 藥到命除 A Cure for Wellness 本來冇乜興趣，係播trailer時立眼幾眼覺得美工做得幾好，成套戲D場景有D復古feel係我好鐘意果D野所以先入場睇，點知都幾超出預期，由一開始主角入去果場已經開始俾成套戲個氣氛鎮住左，然後隨住響療養院入面慢慢跟住沈落去，所以就算睇完諗返起D劇情係錯漏百出，響睇緊果陣都會俾個氣氛帶住令你忽略哂D唔合理位。當然直到最後穿橋我依然係覺得WTF哂左成套戲，但其實唔咁寫又真係埋唔到尾😂 . 思裂 Split 差D就錯過左ge傑作，男主角堅係做得好好，一個人做哂八種人格，然後係feel到佢真係變左另一個人，兼仲要用某個人格黎扮另一個人格，真係功力少D都演唔到咁精彩，而劇情上都唔差，一條短橋可以拍到咁長都唔覺得拖戲，仲有明明唔係恐怖片，但有幾個位係真心驚，十足outlast咁恐怖😱另一唔係太鐘意係佢爬牆果下成件事即係變到唔夠真實，而且變左做個笑位同柒柒地tim😂 最後結局都幾好，竟然會連返去個導演響十六年前拍ge另一套戲，如果有續集張兩套戲串連返一齊就好玩咯😮 . 盧根 Logan 講到明最後一齣唔洗睇都知佢會死，主要係睇佢點死je😂 成套戲個feel我都好鐘意，一來冇諗到催淚位會有好幾個，二來變種人就快絕種，剩低ge要屈膝求存果隻蒼涼感真係冇乜邊套英雄片做到出黎。除左必睇老版狼人之外，完全冇預計過個細路女係會咁搶戲，係真係交到戲，另外佢地D化妝又係冇得彈，加皺紋加眼血絲，成個滄桑感提升左好多，反相響D三級位例如個妹妹抱住果個人頭堅係低成本cult片咁款，可唔可以做得逼真少少呀😂 . Power Rangers: 戰龍覺醒 細個好期待睇戰隊變身打打打，大個反而想睇多D變身前ge日常劇情。其實套野比想像中多細節位，五個主角都係唔同種族膚色，有欺凌有自閉都有蕾絲邊，令角色立體好多，畢竟大部份入場ge都應該係有一定年紀，睇落唔會齋打咁低能，而Krispy Kreme廣告堅係正同高質，襯返顏色又做到笑位又唔覺夾硬黎，變形金剛盒蒙牛真係學下野啦😌 又話說原來黃戰士係Becky G黎，歌就聽得多做戲都係第一次睇，如果佢唔係咁矮我覺得佢仲有女主相😂 唔該快拍續集啦啦啦😂 . 創世魔劫 The Girl With All the Gifts 其實睇之前都feel到佢似劇情片多過動作片，所以就算片商包裝到成套荷里活片咁我睇完都唔會話失望，相反我係幾鐘意呢套野。其實驚嚇位佢又真係冇乜，反而重點落哂響生態比喻同人性自私之類，超鐘意個結局，應該都算係完得最靚ge喪屍片，「點解我要為左你而死？」，同埋老師起身果滴眼淚，真係冇得彈。BTW，我真心唔明MK仔女ge笑點係點，成個城都企哂喪屍，應該係好震撼同緊張，點解佢地會覺得係笑位然後笑左出黎ge😒? . LEGO蝙蝠俠英雄傳 The Lego Batman Movie 感覺都係對上套大電影好睇D，但呢套都唔差，睇完會對batman呢個悲情英雄形象崩壞😂 又冇諗過佢除左玩好多之前咁多套batman電影，仲踩過界玩埋華納其他戲，夠哂大堆頭，另外我睇中文配音都幾搞笑，連開場D公司logo都要講野😂 不過睇到尾其實都幾攰😌 . 攻殻機動隊 Ghost in the Shell 講左咁多年終於響戲院睇到係有D感動，但同時都幾失望，雖然預計到荷里活化個劇情一定會簡單好多，但結果出黎只係套有形無神ge爽片。其實攻殻最大魅力除左大量科幻野，最重點係佢內裏仲包含左好多哲學野，雖然電影入面開頭都有玩到少少講女主角對自己存在ge疑問，但到最後解題果下突然變左電視膠劇化真係WTF，另外九課又係好可惜，雖然成班成員都差唔多出齊，但全部都係得一兩幕，原如切左佢好過啦，唯一好玩係戲內大量香港景，加埋D CG真係靚到癲 . 外星生命 Life 感覺似捉到鹿唔識脫角，呢個題材其實有兩個方向可以玩，一係盡情到當恐怖片咁拍，一係就玩培養感情，但成套戲又唔夠恐怖刺激，想行感情條路但又好快玩完，唯一可取係個結局，雖然佢尾段專登拍到咁含糊都有諗過佢會咁玩，但最後見佢真係夠膽咁拍其實有少少驚喜的 . 📷 iPhone 6s ➡️ Slide the Slides #馬高影音雜誌