［補習天王的風險管理］本人不仇富，亦不落井下石。但純技術討論。係咪有啲改進空間？

1. TL；DR – 呢種賣內幕貼士嘅方法，係deemed to fail的。唔應該薄利多銷，應該做客制化，高端，私人銀行咁玩。

2. 純技術討論：犯法係唔啱嘅，捉到就罪有應得。「但諗下點唔畀人捉到」

3. 正經，非抽水。春風化乳，有教無淚，誨人好倦，埃汾教過書，私校津校都教過，中一至中七都教過（都幾好嘢，兩年教晒七級）。唔敢話挫肉英才，比較似係誤人子弟，corrupt the youth。但至少離開時都有口皆悲，學生普遍評價都幾好，而家結婚都仲會請我去飲，有事都問我意見，有啲仲成為呢度嘅讀者，甚至課埋金支持埃汾，呢啲就真係愚子可教，為師含笑九泉。

4. 但即使我仲係教書年代，仲未加入中環萬惡（但好過癮）嘅金融圈都好，即使我當時仲係個酸臭窮知識份子都好（詳見「安雅會談」，自己Google），我都唔係嗰啲道貌戇然嘅教書佬。我並唔係因為高人工而去教書（否則後來唔會丕咳三份一去做銀行），但錢幾時都係好重要，有錢是好東西。

5. 所以我唔會好似啲行家咁批判補習天王。難聽啲講句，你眼紅人地啫。尼馬（冇錯巴西巴塞巴黎嗰個大三巴球員）其實由出道開始已經成日畀人批評，更多係佢嘅私生活，但我鍾意佢夠坦白。佢話（大意）：畀著你係我，後生，有錢，有力，唔通唔玩？留返七十歲先玩？（我加嘅）。正是如此。

6. 早排同朋友飲茶（包括安雅會談在場嘅兩位），又講開教書，我算係教得最耐（兩年）。至少我年代，教師中，都有個講法：好多教書都係三年內走人。唔係頭三年太惡頂，而係到三年後，你人工一加又加，一個唔該拎埋個cert Ed （PGDE教育文憑），你拎三皮幾嘢人工，但社會其他工作經驗係零，你仲點轉工？

7. 唯一出路就係做補習天王。實不相瞞，我都有咁立志過，甚至去見過，甚至有真補習天王見我。仲記得在佐敦，山林道對出彌敦道附近，某大牌補習社。當時見我嘅，係已經幾出名但未係買豪宅（屯門啫）嘅高式卡，Kevin Ko．

8. 聽聞佢已經退出江湖多年，咁為免年紀輕嘅讀者（呢度有冇？）唔知，高式卡真係相當咁出名。點出名？出名到《愛出貓》（仆街呢啲咁撚爛嘅戲我都入場睇）都要醜化佢，有個叫「高式古」嘅角色，而後來高式卡直頭出律師信的．彩蛋係，後來出碟，佢個名變成陳順發。唔知乜水？英文係Oxide Chan．仲唔知？咁證明你冇乜睇港片。Oxide就係彭順！咁陳順發當然就係彭順加彭發（＊＊），套戲正係彭順有份導演

9. 講返，我對蕭源甚麼，冇乜批評。黃國英話齋，呢啲補習天王，學生肯去畀錢，家長又支持（大多數都係家長畀啦，真係援交去補習咁痴線咩（＊＊＊）），咪完全證明所謂主流正規教育嘅失敗，日校老師嘅失敗。而天王（例如林逸欣）搵到咁多錢，就可以話正規學校係underpaid佢，市場肯畀佢，咪值。補習天王就係重視individual talent嘅行業，英超球星都係，investment banker都sort of 係。我從不眼紅人地，因為人地值。我冇美斯咁好波，亦冇陳美詩咁好波（唏波呢啲嘢好主觀），所以人地搵得多錢過你，優勝劣敗，有幾撚難明？

10. 講咗一大段都未入正題，只係想講，我無意針對蕭源，或做正義撚。當然犯法係唔啱的，我亦唔會Blame the system，佢係破壞咗個規則，同埋製造不公嘛，坐監就抵。

11. 而舊文都寫過（https://bit.ly/2ZEBaMA），有利益嘅嘢，自然有人出古惑，走後門。人性嚟的，唔好咁虛偽以為人人係君子馬蘭奴，世界只有馬蘭頭。球員轉會消息又好，諾貝爾奬又好，入美國大學又好，公開試試題又好。有high stake，自然有人犯險，自然有啲技不如人但有錢嘅人，想出術。

12. 但，你話馬後炮又好。其實蕭源呢種玩法係，係實會出事的。亦都係類似推土機執銀仔咁。

13. 你見到個矛盾在邊嘛？一方面，佢sell嘅，係內幕消息，本人好撚堅。但內幕消息，by definition 就係唔可以畀人知。請問，如何你可以用一樣，唔可以畀人知你知嘅嘢，去大鑼大鼓搵生意呢？

14. 所以，你話我冷氣軍師都好。首先，大家唔應該犯法。但如果係要咁出術嘅，就梗係唔係收幾舊水然後講畀幾百個學生聽（＊＊＊＊）。呢種玩法唔可以做薄利多銷。一定係私人銀行，tailor made，我只係做幾個有錢仔學生，但收佢每人一百幾十萬，只係講畀幾個人知，咁可能冇咁易出事？

15. 所以同樣道理，你見啲咩微信女咩內幕消息，必然係假。仲要你錢都冇比，仲有人地波波相睇。一定係流料。係堅料點會咁派？唔怕坐監？

16. 記住，純技術討論。大家唔好犯法。入赤柱擺壽酒，係冇人得閒嚟飲的。

17. 呢篇我幾滿意，如果大家反應好嘅，聽日我寫多篇類似嘅。講PTGF扯皮條，亦都係近期案例。咩係PTGF？我都唔知，好似啲化學物品嚟的，Polymer之類，PTFE啲朋友掛

（＊）呢篇其實特登玩咗好多四字成語，同學們可以拎去做中文Proveread．包括呢個Proveread都係要Proofread的

（＊＊）講開彭氏兄弟，當年我見過有條報紙題，叫做「彭氏兄弟迎娶李心潔」，真係改變我三觀。可惜冇相，亦可能係我曼德拉效應

（＊＊＊）又講開，我有個中學同學，唔係援交搵補習費咁痴線。但佢係本校地理科狀元（其實其他科都係），拎咗嘅獎學金（官校啲奬學金，一千幾百，尤如垃圾），第二日就拎去補Linda Lau。呢啲就叫市場取態。即係等於你捐罐橙汁畀道友，佢應該會想去賣咗佢然後去吸毒咁。

（＊＊＊＊）都未計，如果太多人知，根本你個消息就已經失咗意義，仲會令你風險更大。如果真係四份一考生都補佢，又知內幕，你估會點？四份一人拎Ａ？定係老廉好快搵到佢？

------------------------------
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

《做生意最大死穴?》- 希望你無俾我講中!

做生意最大死穴是什麼? 最近最多哪類型的商舖執笠? Why? 希望你唔會中這個死穴!

。。。。。。。。。。

Proofread 咗四萬次，終於今日 hit PRINT 啦!😅 358頁，6月份正式出街! 爸爸、媽媽、老婆、三個女設計的封面，all in one book!

我新書《李根興的生意哲學》 將於2020年6月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

。。。。。。。。。。。。。

全文內容

前兩日見到個做懷舊相機嘅朋友， 係邊個就唔好講啦， 我同佢交流下生意點做嘅時候，就同佢講你有無留意到你盤生意可能係一盤好難做嘅生意。

最大死穴係.... 你做緊「一次性」生意。 你sell完一大輪嘢，人客幫襯你買部幾百幾千元嘅舊相機之後，一次，之後唔知幾時再回頭。 一社運/肺炎，生意額就會大跌。 今個月可以賣1000部機，下個月就分分鐘一部都賣唔出。 根本好難預測下個月或者下年嘅收入。 飯都需要日日食， 但懐舊相機可以十世都唔買。

咁就死啦，生意好嘅時候就入一大批貨， 招兵買馬，開好多分店，飛機大砲樣樣齊， 砸住曬啲現金係道。 大吉利是，一個生意差，就執都執唔切，啲貨分分鐘要用跳樓價清貨。

我話做生意， 盡量要客人 (1) 重複性購買，(2) 累積性， 即係盡量下年今日嘅客，就多過今日嘅客。十年後嘅客，就多過下年嘅客。 你嘅客，貨底或金額可以累積上去。年年增加。 今日我揸住廿間舖，下年大慨知道會多過廿間。今日我有100個基金客，下年我大慨知道會多過100個客。 個個月收租金，個個月收基金管理費，係重覆性嘅，係累積嘅。

做懷舊相機， 做二手車， 包括我以前做咗12年生意買賣都好， 人客幫襯完一次之後，下次真係唔知幾時返嚟。 問題就四萬個，生意就只做一次。 呢盤生意真係好難做，仲記得，我2009年曾經一年我就賣咗172盤生意，但2010年做幾多單，嗰時真係估唔到。 因此過幾年後我我決心轉型。

咁做懷舊相機，點樣可以令到人客係重覆性同埋累積性呢? 我話佢講，你冇諗過把你盤生意變成會員制。例如， 我亂噏啲數字啦，你每個會員收月費300， 咁上嚟你個舖頭嘅時候就免費有杯咖啡， 兼每個月可以換兩部3000蚊以內嘅相機玩下。 如果你收到1000個會員， 咁就已經每個月三十萬穩定收入。

入會再加1000蚊按金，咁就已經130萬 upfront 先袋落袋。 想換多啲次數或者可以玩貴啲嘅相機? 每月就收會費500 800， 甚至1000。分 Entry，Gold, Platinum 或 Diamond 等級，預繳一年嘅，再畀個八折佢。預繳兩年，就再畀個七折佢。咁upfront 及持續性就袋更多錢。 一千個會員，唔會個個月都返嚟。做 Gym 一樣，好多人畀咗錢就唔記得，但即使全部機租出去，一千部機，每部機當成本800蚊，你入貨價就係80萬。 成本80萬，upfront 已經袋咗百幾二百萬， 再加埋佢每次返嚟嘅時候你提供其他配件、服務、 影相團、 進階工作坊等箍住個客， 所有其他嘢都係成本價，但會費先至係純利潤。 條數點計，你自己諗。

或者客人根本唔使親身上嚟，每個月佢寄返部機畀你，你就馬上就換部新機，寄返畀佢玩下。 網上教埋佢點玩，每個月限換兩次機又好，限十次又好，無限次都好，Netflix 當年(1997)就係咁樣開始，郵寄 Movie DVD，會員制度， 畀多啲錢嘅，就無限次更換， 速遞都快啲。 打低咗當年嘅巨無霸 Blockbuster， 成為今日市值近2000億美金嘅公司。

行以上嘅制度，你就累積緊會員，同埋今個月大約知道下個月能夠收幾多會員費， 打風落雨/社運/國安法/肺炎，全街無晒人，都無咁驚。

記住做生意無論點大都好，最忌就係「做一次性」嘅生意。 你睇下而家坊間蝕大本/執笠嘅公司，好多都係一次性的， 大咁又點? 話執就執。

重複性、累積性，你盤生意做唔做到呢?

盛滙商舖基金公司網頁
www.bwfund.com

李根興創業之友 (講生意) https://www.facebook.com/EdwinNetwork/

李根興商舖之友 (講舖) https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

恐慌嘅時候，更需要睇清楚啲。

肥人知道呢篇文真係寫得遲，本來我乜都唔想寫，依家見到個勢係全世界順水推舟圍堵中共就更加唔想寫，但係姣婆係好難守寡既，尤其是呢排成日俾班極度恐慌既人trigger… 我決定代肥控制員寫，因為我呢邊收視率高過佢。

好，開波！
--------------------

“We had better learn to doubt our inflated fears before they destroy us. Valid fear have their place; they cue us to danger. False and overdrawn fears only cause hardship. Even concerns about real dangers, when blown out of proportion, do demonstrable harm.” – Barry Glassner, American sociologist, author of The Culture of Fear.

網絡世界千奇百趣，好多網上既意見同評論，如果同傳媒製造既輿論結合（不論有心定無意），係會對社會有非常深切既影響。例如以前有政權會向群眾灌輸恐懼，挑起群眾之間既仇恨，或令群眾不知所措，進而控制群眾。呢種手法，不論以前納粹德國、現存或者已覆亡既共產國家、甚至自命民主自由既開放社會如美國都有出現。當政者及其黨羽，就係利用群眾既錯誤認知，以感性因素去扭曲大家既認知同決策能力，咁就可以達到佢地既政治目的啦。咩政治目的？好多種既，下至失敗政府要掩飾施政失誤，上至衝出國際統治全世界都有。

所以唔好話咁樣係「誇張」、「陰謀論」、同「乜都拉埋政治來講」呀，因為人類歷史就係充滿呢種叫 fearmongering既手段－用有目的地散播同誇大一樣不愉快既事情既手法，去引起大家既恐懼來控制群眾。現今世界，庸碌無能之輩當政比比皆是，唔識控制群眾既情緒，點樣遮掩政府既無能同做錯事既後果？不過肥人今次唔講法律，我學下一般既KOL咁「跨界別評論」先，所以呢篇文我講生物醫學，particularly 係將近來我係周遭聽聽埋埋既恐慌言論歸納一齊，逐點解釋。
--------------------

首先，等肥人我同大家重溫一下近來有關武漢肺炎既新聞標題：

信報報導「河南超長潛伏期病例疑94天確診」
HK01就話「逾5000疫廈元朗區最多　衛生署拒回應真偽」
Business Focus既報導就恐怖啦，話「肺炎突變新冠腦炎?　北京醫院首證病毒能侵襲中樞神經系統　感染肺炎併發腦炎北京醫院：患者意識曾陷入混亂」
CCTVB報導「私家醫生可收患者呼吸道樣本交政府陳肇始稱可及早減低傳播」

仲有零零星星報導例如：

「伊朗新冠肺炎疫情增至145死55歲國會議員不治」
「伊朗新型冠狀肺炎疫情失控，再有一位高級官員病逝。」
「【新冠肺炎・伊朗】數名官員先後染病身亡　23國會議員確診」
「新型冠狀病毒南韓確診個案累計增至逾7千宗死亡人數維持在44人。」
「【新冠肺炎．最新疫情】意大利確診個案逾萬　美國突破千宗」
上面堆報導實在睇到好多人好恐慌，尤其是本來對科學／病毒／醫療／疾病無咩認知既人，呢兩個月睇新聞就好似睇恐怖熱線咁。於是搞到好多心理質素差，表面受過教育既人墮入恐慌之中。

然後，我聽到身邊好多人竭斯底理咁驚叫：

「個肺花！個肺花！個肺花！個肺花呀！」
「呢個唔係流感呀！唔好再錯誤同流感比較啦！」
「潛伏期變長呀！無病徵既隱形病人都會傳染人架！」
（隔離果個choke到，咳兩聲）「我以後唔同你坐埋一齊呀！我唔想死呀！」
「如果唔係香港人衛生意識好，堅持戴口罩，香港一早淪陷啦！依家已經無新病例！你睇鬼佬幾污糟！又唔戴口罩，病又話唔使入醫院，返屋企休息，依家美國同意大利都爆發啦！」
「呢D廢老唔戴口罩，鬼唔望佢地中招死全家！政府應該強制人戴口罩！」

以上說話我全部聽過人講，最後一句我最撚火滾，你自己恐慌就好啦，咒人死仲要政府好 draconian 咁立法同執法？俾個民主自由既國會你仲可以普選，你都會選班人渣出來，然後大比數通過立法強制抽血抽組織，強制所有人有無問題都要戴口罩，仲可能要將人tag完再限制人出入自由。1984呀！

我日日做mon post狗睇網上既post，好多share出來又會令人恐懼既post，大部份都係有好多空間令人胡思亂想，如果你對科學尤其是 research methods, medical science, microbiology, virology等等唔認識的話，你鐵定會誤讀誤解再誤判… oh wait，睇返上面「利用群眾既錯誤認知，以感性因素去扭曲大家既認知同決策能力」，BINGO! 咁就搞掂你啦。為咩事要搞掂你？唔講啦，因為你會用陰毛論、陳雲信徒、唔好乜都政治化來駁我。

--------------------

依家太多post講呢個新型冠狀病毒，例如Facebook有個印度人既 Infographics on Covid-19，好詳盡，但咁又點呢？大家對病毒以致肺炎、流感、醫療系統等等都毫無認識，講到咁深入你地都會誤解或者一頭霧水。咁樣樣，好多人因為無足夠既basic knowledge，又先入為主咁因為自己既恐慌情緒相信左錯既資訊，要同佢地「解毒」，就好似同藍絲講咩叫法治一樣困難，真係太監洞房無撚用。

--------------------

好，依家開始【法網肥人講病毒】！

1. 眾所鳩知，武漢肺炎係由新型既冠狀病毒 Covid-19引起。Covid-19係冠狀病毒科 Coronaviridae裡面其中一種，佢係屬於 positive-sense, singled stranded RNA virus (正鏈單股核醣核酸病毒) 。RNA病毒有好高突變率，因為病毒既RNA polymerases缺乏 DNA polymerase 既proofreading能力，所以佢地好難有 nearly identical既 sequence。仲有一點好重要，病毒同病菌唔同，病毒係需要靠 host cell (宿主細胞)先可以生存，離開 host cell 佢地不能複製，不能運作，只有死路一條。所以一開始就話新病毒同SARS個sequence有幾多幾多 percent 相似，我即刻叮左一下，然後好多人傳話新病毒點點點可以生存好耐，我更加叮多兩下…. 邊個放呢D料出來既？

2. 另外，呢隻病毒並非 retrovirus (逆轉錄病毒, class VI single-stranded RNA-Reverse Transcriptase)，唔會將自己既RNA用 reverse transcriptase (逆轉錄酶)塞入host cell既基因裡面，然後適時復發。咩係retrovirus呢? 例如會引起 T Cell Leukemia 既 Human T-cell lymphotropic virus type 1 (HTLV-1)，或者引起愛滋病既 Human Immunodeficiency Virus (HIV)。呢個病毒，亦唔係好似肝病毒科乙型肝炎咁，唔係 retrovirus 但會有reverse transcriptase去將 viral genome incorporate 入host cell，所以就算不幸中左，都唔會話咩病者會成世帶住個病。所以我每一次聽到人講「就算中左都一世帶病呀」就會好抆，冠狀病毒變愛滋，黐L線！

3. 冠狀病毒既結構好簡單：一個 viral envelope，外面有protein spike，裡面有RNA，that’s it。佢地個replication mechanism (複製機制) 就係病毒接觸host cell後進入 host cell，然後係host cell個細胞核nucleus裡面複製。複製完之後就由host cell cytoplasm (細胞質)裡面製造既 necleocapsid (核蛋白衣) 加埋細胞核既 endoplasmic reticulum (內質網) 既phospholipid membrane (磷脂層)包住病毒RNA，經由host cell 既Golgi apparatus (高氏體)帶出host cell 繼續傳染人。呢個複製過程，當然會破壞甚至殺死 host cell啦。咁知道呢點有咩用？Phospholipid membrane係lipid bilayer (脂質雙分子層)，lipid bilayer係怕番梘soap既！咁勤D用番梘洗手就得啦，使撚用甲醇咩屌你，你嫌命長？

4. 有人話：「咁基因突變都得架嘛！個病毒咪做到所有野囉！」喔，係咩？如果咁簡單，呢個世界既大學就唔需要有生物系，而且達爾文應該無人理。首先，病毒點解會有基因變異？簡單講就係 replication 之中，有polymerases 抄錯條 sequence，例如本來係 ATCG 既，抄成 ATTG，跟住無 proofread 就掉出去。又有一種變異，就好似屬於Orthomyxoviridae 既influenza A virus咁，裡面有八條 RNA segments，可以係 replication既時候洗牌。呢種 replication 既錯誤或者洗牌，積埋積埋，小則變成 genetic drift/antigenic drift，大則變成 genetic shift/antigenic shift。前者可能將某一個半個 surface protein 結構變左少少，整體來講人體免疫系統仲認得出，變異後既病毒殺傷力有限。後者可能將原有病毒變成新既 subtype，大部份人既免疫系統都認唔出而死傷無數。假設，新既冠狀病毒係由舊有冠狀病毒（包括 SARS）天然 antigenic shift 變出來既，咁點可能係短短兩三個月再次 antigenic shift 呢？如果基因突變去到呢個地步，肯定顛覆生物學界既認知。但好多本來就無讀過生物既人會唔認同，佢地會搏命咁話基因變異點能夠預測！肥人話你知，唔係預測，而係不符合現實同暫時無人能夠推翻既理論。如果新病毒可以係短時間內變成 retrovirus，可以無任何條件下生存好耐，隨意改變 latent period潛伏期，隨意改變傳染力同殺傷力的話，科學家應該點 classify 佢呢？簡單講，長頸鹿頸長先叫做長頸鹿，如果長頸鹿變成 Mike Tyson 條頸咁短，咁我地應該叫佢做 Mike Tyson 定長頸鹿？如果新冠狀病毒有 HTLV-1既retrovirus能力，有hepatitis B 既 reverse transcriptase，有 flu A 可以 shuffle RNA 既能力，又有 HIV 既超長 latent period，你會叫佢做 coronavirus 定 super virus?

5. 講基因變異，要一個變異既病毒基因可以流傳，病毒本身必須要不斷繁衍，宿主傳宿主咁一代傳一代，病毒先可以續存。呢個就係進化論，survival of the fittest。古代有好多生物不能續存，就係因為被環境淘汰，例如有理論認為三葉蟲因為蛻變機制 (instar and molting) 有問題，結果難以生存，最後被大自然淘汰。如果病毒勁到咩人都可以一野就殺死佢的話，佢點傳播？宿主死左，無人帶佢地去傳染其他人嘛！病毒唔係病菌，可以係環境種生存好耐，病毒只要離開宿主好快就會死，就算有飛沫帶住，我地環境中既太陽紫外光、oxidizing agents、濕度與氣溫等等會令佢地好快收皮。病毒唔係倪匡衛斯理《藍血人》裡面隻「獲殼依毒間」，可以變成游離電波周圍飄。大家明白進化論，就會明白病毒學101既常識，從而 debunk 左一個不斷流傳既流言：「隻病毒好勁，好多人死架，傳播得又快！」傳播得快，不等如勁，而太勁既病毒，難以傳播。係呢度，傳播得快，同隻病毒之間並無關係。病毒殺傷力勁，傳播範圍就會窄，傳播速度都會慢；病毒殺傷力一般如普通流感的話，傳播範圍先會闊，傳播速度先會快。如果新聞瘋狂報導好多人死就等如勁，咁非洲同中東都有好多基督徒男女老幼被人大規模屠殺，你會唔會覺得信耶穌係死路一條？

6. 又有人話：「呢隻病毒唔同流感呀！唔好再同流感比啦！呢隻病毒會死人架！呢隻病毒無藥醫架！」首先，除左冠狀病毒同流感病毒，仲有 Respiratory Synctical Virus (人類呼吸道合胞病毒) 同 Rhinovirus (鼻病毒) 都會引起呼吸道感染疾病，隻隻都係病毒，病毒一向未必有有效既藥物醫治，隻隻都會死人。你地以為流感有得醫？用 Tamiflu 都未必得架，而且有可能有嚴重副作用。咁冠狀病毒同流感病毒有咩唔同? 有人話death rate高，無vaccine，latent period又長又短，病人無病徵，但呢堆因素唔係用來分別病毒勁唔勁囉。Death rate 高低由咩決定，點計？Vaccine有咩用，target 咩？latent period 點解會長短不一？有無病徵同嚴重性有咩關係，係咪好似異形咁，你怕有人無病徵但會 sudden death？你地睇得太多 WhatsApp D人無啦啦訓低既片段啦，你又知人地係武漢肺炎死？New England Journal of Medicine 有篇叫 First Case of 2019 Novel Coronavirus in the United States既文，提到美國華盛頓州有個病人1月19日入廠，20日確診，一直都係 supportive care，直到染病第11日，即係入廠第7日，醫生先用 IV 俾 remdesivir (瑞德西韋)，然後佢就退燒，其他症狀都消失或者減輕。咁又點解會係無得醫？大家記住remdesivir (瑞德西韋)，遲下會再講。

7. 仲有，我最憎既「個肺花！個肺花！個肺花！個肺花呀！」呢句，我想同講呢句既人講，肺花，係因為照 X-ray 既時候個肺有 consolidation/infiltration，呢個問題唔單止係肺炎，肺癆甚至cancer都會肺花。你怕咩肺花？流感去到嚴重的話，都可能肺花，因為你有 pulmonary consolidation or infiltration。肺花係因為你個肺 filled with liquid, exudate, pus 甚至 blood from hemorrhage。理性少少，冷靜D，肺花講一次就得，repeat 幾次無幫助。

8. 孤勿論點，呢隻病毒都只係一隻呼吸道感染既病毒，一隻真病毒，一隻同流感一樣會令人病，亦會令人死既病毒，只係流感令人鼻塞，但一樣有機會令人肺炎。呢個新病毒佢所有既威力都係傳媒、WhatsApp片段、社交媒體既報導俾佢，就好似有D 人，你聽佢大名如雷灌耳，一見到真人原來係柒碌又無料到一樣（我懷疑我自己都係咁）。其實有無人真正去了解上面我所講既野？無人話你聽你可以當呢隻病毒無到，話之佢死，但係一開始就進入恐慌狀態，咁你係咪俾人耍緊呢？

--------------------

講完上面既病毒既基本知識，不如講多少少基本病毒檢測既知識。好，依家開始【法網肥人化身肥控制員】！

外面成日有人話：「哎呀，個病人21日後先確診呀！」「哎呀，佢隻狗弱陽性呀！」「哎呀，本來係陰性依家係陽性呀！」「哎呀，南韓同意大利爆發，突然好多人確診呀！」Now TV 更報導「鑽石公主號在日確診香港人　康復回港後再檢測呈陽性」

究竟，呢堆確診數字信唔信得過？我意思唔係話邊個國家信唔信得過，而係呢個 test method 同個 protocol 信唔信得過，會唔會有 uncertainty 或者error? 一開始，我地可以睇下 Journal of the American Medical Association 3月9日既文章，Diagnostic Testing for the Novel Coronavirus，裡面有講到 false positive/false negative 既問題，仲有病毒測試既regulation，測試既 guideline等等。文中有提到，開初發展出來既病毒測試有 false negative，顯示出呢個測試既設計應該係有問題。另外，FDA，CDC與美國各州政府之間都有分歧，州政府當然想為居民檢驗啦，但因為個測試係新開發，有大量問題同 uncertainy，所以FDA “made clear that laboratories were encouraged to develop tests but could not use them for clinical diagnosis without FDA’s “approval, clearance, or authorization during an emergency declaration.” 咁 what does that means? 如果你讀 law 的話，我expect你可以 read between the lines。

講返個測試，檢驗新病毒一般都係會用 RT-PCR (Reverse transcriptase-polymerase chain reaction 逆轉錄聚合酶鏈式反應)。好多人，包括肥人好多行家與同事甚至客仔，一聽到咩DNA測試，就以為呢個 test 無L敵啦，一定準確啦。Oh Sorry，no! 撇除所有「中國的會爆炸」同「中國有咩係真」呢兩個因素，一個test既結果是否可信係建基於樣本收集同檢驗方法，無論你係美國，意大利，南韓，日本定中國，樣本收集同檢驗方法先係 main point！

檢驗呼吸道感染疾病，你地話收集咩樣本好呀？Saliva? Sputum? Nasopharyngeal aspirate (NPA)? Bronchial lavage? 如果係上呼吸道病毒，咁 NPA都足夠既，sputum 都可以，但saliva 就應該要reject。但有時呢類既樣本都未必有足夠既病毒樣本去驗，病毒深入氣管去到肺氣泡(alveoli)，樣本可能要係bronchial lavage先夠做。仲有，收集樣本既手法，部位，儲存方式，收集時間與檢驗時間既差距，樣樣都會影響結果。支棉花棒「了」得唔好，你或者都會無 result。

好啦，到講 RT-PCR啦。RT-PCR係需要 medical scientist 去砌一段 primer 出來開始做test。為左檢驗結果既可靠性，scientist通常會係新病毒入面抽一段比較穩定既 RNA segment 出來做 primer。可惜，有好多情況下，RT-PCR會俾個錯既答案你。

第一，primer 既設計好影響結果，上面都話段 primer 要係抽病毒一段比較穩定既 RNA segment 出來做，咁如果你抽錯左呢？第二，樣本既 DNA/RNA sequence 既integrity好差，甩頭甩骨咁，結果就會受影響。即係上面所講既樣本收集出現問題呀！第三，樣本純度低，或者份量少，又即係上面所講既樣本收集出現問題呀！咁個 tech 或者 scientist 要係咁加 PCR cycle去 amplify 個 sample，咁 amplify 出來既樣本就有好大機會係 false positive，呢點會影響所謂確診既可信度，亦係咁肥人我見到漁護處話瑞士花園個阿婆患者隻狗呈現弱陽性反應，我當下笑 L97 左出來。大佬呀，你是咪無足夠 sample 就鳩 amplify，然後個 result 根本有問題你都聽長官意志，鳩簽個名話係弱陽性呀？陽就陽，陰就陰。Result 唔 significant 或者 inconclusive，你出咩報告jack? Invalid 啦！仲有呀，病毒係 host specific 架，會傳染人既病毒，又點會無啦啦傳染狗? 眾所鳩知冠狀病毒係靠人類細胞上既 ACE2 (Angiotensin-converting enzyme 2，血管收縮素轉化酶2)來進入人體細胞啦，狗 ACE2既同人既一樣？

寫下寫下，喂，原來未寫數據演繹同政策問題，太長啦，下次再續！

#跨界別吹水
#本來要免於恐懼唔跟隨共匪起舞
#依家又俾共匪睇穿你班人既心理
#個勢變啦全世界同共匪切割了

《做生意最大死穴?》 - 希望你無俾我講中! 做生意最大死穴是什麼? 最近最多哪類型的商舖執笠? Why?

。。。。。。。。。。

Proofread 咗四萬次，終於今日 hit PRINT 啦!? 358頁，6月份正式出街! 爸爸、媽媽、老婆、三個女設計的封面，all in one book!

我新書《李根興的生意哲學》 將於2020年6月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

。。。。。。。。。。。。。

全文內容

前兩日見到個做懷舊相機嘅朋友， 係邊個就唔好講啦， 我同佢交流下生意點做嘅時候，就同佢講你有無留意到你盤生意可能係一盤好難做嘅生意。

最大死穴係.... 你做緊「一次性」生意。 你sell完一大輪嘢，人客幫襯你買部幾百幾千元嘅舊相機之後，一次，之後唔知幾時再回頭。 一社運/肺炎，生意額就會大跌。 今個月可以賣1000部機，下個月就分分鐘一部都賣唔出。 根本好難預測下個月或者下年嘅收入。 飯都需要日日食， 但懐舊相機可以十世都唔買。

咁就死啦，生意好嘅時候就入一大批貨， 招兵買馬，開好多分店，飛機大砲樣樣齊， 砸住曬啲現金係道。 大吉利是，一個生意差，就執都執唔切，啲貨分分鐘要用跳樓價清貨。

我話做生意， 盡量要客人 (1) 重複性購買，(2) 累積性， 即係盡量下年今日嘅客，就多過今日嘅客。十年後嘅客，就多過下年嘅客。 你嘅客，貨底或金額可以累積上去。年年增加。 今日我揸住廿間舖，下年大慨知道會多過廿間。今日我有100個基金客，下年我大慨知道會多過100個客。 個個月收租金，個個月收基金管理費，係重覆性嘅，係累積嘅。

做懷舊相機， 做二手車， 包括我以前做咗12年生意買賣都好， 人客幫襯完一次之後，下次真係唔知幾時返嚟。 問題就四萬個，生意就只做一次。 呢盤生意真係好難做，仲記得，我2009年曾經一年我就賣咗172盤生意，但2010年做幾多單，嗰時真係估唔到。 因此過幾年後我我決心轉型。

咁做懷舊相機，點樣可以令到人客係重覆性同埋累積性呢? 我話佢講，你冇諗過把你盤生意變成會員制。例如， 我亂噏啲數字啦，你每個會員收月費300， 咁上嚟你個舖頭嘅時候就免費有杯咖啡， 兼每個月可以換兩部3000蚊以內嘅相機玩下。 如果你收到1000個會員， 咁就已經每個月三十萬穩定收入。

入會再加1000蚊按金，咁就已經130萬 upfront 先袋落袋。 想換多啲次數或者可以玩貴啲嘅相機? 每月就收會費500 800， 甚至1000。分 Entry，Gold, Platinum 或 Diamond 等級，預繳一年嘅，再畀個八折佢。預繳兩年，就再畀個七折佢。咁upfront 及持續性就袋更多錢。 一千個會員，唔會個個月都返嚟。做 Gym 一樣，好多人畀咗錢就唔記得，但即使全部機租出去，一千部機，每部機當成本800蚊，你入貨價就係80萬。 成本80萬，upfront 已經袋咗百幾二百萬， 再加埋佢每次返嚟嘅時候你提供其他配件、服務、 影相團、 進階工作坊等箍住個客， 所有其他嘢都係成本價，但會費先至係純利潤。 條數點計，你自己諗。

或者客人根本唔使親身上嚟，每個月佢寄返部機畀你，你就馬上就換部新機，寄返畀佢玩下。 網上教埋佢點玩，每個月限換兩次機又好，限十次又好，無限次都好，Netflix 當年(1997)就係咁樣開始，郵寄 Movie DVD，會員制度， 畀多啲錢嘅，就無限次更換， 速遞都快啲。 打低咗當年嘅巨無霸 Blockbuster， 成為今日市值近2000億美金嘅公司。

行以上嘅制度，你就累積緊會員，同埋今個月大約知道下個月能夠收幾多會員費， 打風落雨/社運/國安法/肺炎，全街無晒人，都無咁驚。

記住做生意無論點大都好，最忌就係「做一次性」嘅生意。 你睇下而家坊間蝕大本/執笠嘅公司，好多都係一次性的， 大咁又點? 話執就執。

重複性、累積性，你盤生意做唔做到呢?

盛滙商舖基金公司網頁
www.bwfund.com

李根興創業之友 (講生意) https://www.facebook.com/EdwinNetwork/

李根興商舖之友 (講舖) https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw