話說早幾日我哋 #狂氏電影綜合症候群 裡面發生咗個小風波，有版友分享佢曾經upload過嘅一張未上畫新戲《#濁水漂流》劇照被版權擁有人指侵權，需要刪除圖片兼再犯的話會被禁fb帳號。睇落係好大件事，引來相當大迴響... 乜發行咁大牌？分享劇照幫你宣傳都唔得？點先得點先唔得？需唔需要罷？ 總之人心惶惶。。。 我向事主版友拎齊資料準備向發行公司查詢之時，相關PR同事都主動聯絡我解釋清楚，而家轉述返比大家聽： . 話說上年九月發生過該電影片段流出事件，之後有人轉發到大陸網站。電影公司即刻做野，要求fb... twitter... 微博... 唔同平台下架未經官方發佈嘅內容。應該喺下架前，我地追得超貼又神通廣大嘅版友已經將一幅cap圖留咗底，亦轉發到我地群組裡面，而咁啱呢個畫面係未曾被正式官方發佈… 近排有網上影展，電影公司努力打擊網上侵權內容，所以掃咗一轉各平台，咁啱揾到我地版友上年九月呢個post，所以就要求fb删除。 . 如果你問我… 成單野係個意外 事主版友根本唔會知係流出片段侵權內容，見到有好野就同大家分享咁簡單… 咁搞一搞真係嚇親 電影公司又係無錯既，佢俾人偷咗條片都係受害者，盡力用官方渠道去同各平台溝通下架侵權內容都無可厚非 亦無可能賴落Facebook，佢收到版權持有人嘅要求，做返應該做嘅野都合理 要怪就怪流出片段條友… 搞到咁多人唔安樂 . 電影公司想同返大家講，唔係禁止大家分享電影材料，只要係官方發佈嘅就一定無問題，當見到侵權內容無辦法下總要做返啲野保護自己