《 鼓勵文：人生是心電圖 》

是咁的，心電圖（ECG)是紀錄心臟電傳導的節律跳動，是用於診斷心律異常的方法。由於我並不是想教書，我不會跟你說PQRST是什麼～

我只是想說，做姑娘看過無數人的心電圖，見到tachycardia （心跳快）、brachycardia （心跳慢）、好多好多唔同的pattern 。更深刻莫過於心臟停頓（Asystole），心電圖同TBB膠劇一樣，一條平線。

人由在媽媽的肚子內心臟開始努力在跳動，直到最後一刻。但心在跳動，你是否真的活著呢？🤔
多少人披著笑臉，假於人前，忘記生命的意義。

計我話，做依行好多責任，好多壓力，但都有一班好朋友好同事，好大的成就感，如果真係有夢想，想成為一個有heart、英明聰心的小RN，請堅持落去！

見到報紙有很多人輕生，我身邊也有親人走上不歸路，想同你、你、你、你同你講，人生同ECG一樣，有快有慢、時起時落，唔會成世都在低潮/高潮！

只要你一日有呼吸有心跳，你也可在活得精彩！
所以唔好因為身邊有一兩個陰險小人、是非精，老屎忽而低落傷心，佢只是你心電圖上的一個artifact！

加油！努力！虎紋搵到食！🤗