[ 感恩背後是殘酷 ]

感恩節於我們總是距離太遠，那是關於火雞與南瓜派，大吃大喝，疏離的家人勉強團聚，荷里活電影常見情節。

記得唸大學時有位美國教授強調她從不慶祝感恩節，「那歷史相當血腥」。當時還以為她是不屑從俗之類(我是不好學的廢青，唸大學時只顧跑兼職，至今依然追悔)，直到好些年後，終於恍然。

一般美國教科書說法：1620年冬天，102個英國清教徒為逃離荷蘭教廷的迫害，乘坐「五月花」號前往美洲新大陸，到他們期盼中的New World定居。然而半數人登陸Plymouth海岸後，因抵不住寒冷天氣而病死。

然後原住民印第安人及時出現，教導英國移民如何耕作捕魚；翌年11月，農產順利大豐收，英國人邀請原住民朋友一起聚餐，長達三天，分享快樂分享愛——這是一般人認知的「世上第一個感恩節」，純愛電影般幸福。

假如現實如此美好。
一如格林童話原型為充滿血腥的民間傳說，近年不斷有歷史與民族學家跑出來澄清：這不是事實之全部。

教科書沒告訴孩子的是，英國清教徒正式登陸Plymouth六年前，歐洲人已把天花帶到該處，殺死大量印第安人，所以英國人才能「因利成便」佔去土地。

那位拯救新移民於危難的Wampanoag族人，懂得說英語，是因為許多年前被賣到英國當奴隸，後來輾轉回到祖家，遇上英國清教徒，間接改寫美國命運。

形容那場跨種族秋祭饗宴為「首個感恩節」，也是不盡不實：原住民本來就會頻密地舉行慶祝收成儀式，每年六次，歐洲人也有類似習俗，所以當時未有所謂Thanksgiving的概念。

而吃過那一頓收成後，兩派居民只是和平了短短50年，後代開始敵對，1675年最終爆發了著名的King Philip’s War，Wampanoag族慘敗，超過一半人口被殺，領袖Metacomet的頭顱遭割下，掛在當年英國人登陸的港口，而那天剛好是半世紀前，兩個族群聚首慶祝的秋收日——後來美國總統林肯把這日訂為感恩節，自此成為節日。

回到2019年。這一年的感恩節，世上的人大概懷著不同的心情。
美國人感激祖先活下來。印第安原住民繼續沉痛悼念，因為沒甚麼值得慶祝。

在遙遠的香港，人們感激有影響力的議會選擇在此刻結伴同行。
更應當感謝的，是以自由和公義之名，一直奮不顧身的一群，讓看來不可能發生的事情，終於發生。

［普利茅斯大學宿位爆煲記］唔好意思，舊文都唔記得幫 獨角號 share。幸好呢篇冇咁有「時間性」。

海外樓，係呢五年其中一個最熱門嘅課題。無他，一來局勢唔好有人想移民，或者買個保險。二來，香港樓貴。升唔少都唔係最大問題，係單價貴，加上交易費貴，買一千萬樓一出一入冇咗成球嘢都唔奇。聰明嘅香港人當然睇到商機。

或日，你埃汾都有去啲海外樓盤講座喎。是的，其實冇乜關係，不過可以利申我冇海外物業。樓嘅嘢，同股票好唔同，真係可以好冇可比性。「日本樓」，係六本木（仲有冇？）定四國四萬十市已經爭好遠。

傳統智慧好多都錯，但講地產，露畸唇露畸唇露畸唇，都仲係冇乜死錯人。固然香港有香港獨特嘅問題，但全世界其實都係咁上下，民主又好獨裁又好，左翼政府又好右翼都好，都係一樣。就係啲友搬晒去城市。因為嗰度先有工作機會，配套好。後生仔寧願在城市住劏房都唔會返鄉下等死。日本如是，美國如是，大陸一樣係咁。所以你睇啲咩負擔比率去覺得樓市有泡沫，輸死你（http://bit.ly/2J5Rb2F）。你睇深圳中位數收入，一樣冇可能買得起樓。咁但，深圳嘅樓唔係深圳中位數收入嘅人買嘛，係全國最富有嘅人買。東京倫敦，或多或少都係咁

所以，明了，就係只買最旺嘅地方，冇乜走雞。除非政府玩到遷都。但，即使緬甸遷都，你都唔係買奈比多樓啦下話，雖然sell仰光樓條友好似著咗草。一座城市嘅底氣，都唔係政府可以十年廿年可以拆走的。

但，如果貪平買啲三四線城市，就祝你好運。

文中呢個例子，就係英國樓。英國樓當然係熱門，香港人戀殖嘛。客觀嚟講，有啲有仔女果邊讀書，一雞兩味。英國嘅法制亦都相對地好啲。同埋至少你都仲識英文，你在仰光層樓爛咗尾，我就唔知你點拎住堆圈圈鎖鏈嘅文件同人理論。

買英國樓，仲話住畀學生住添，學生宿舍。我懷疑有冇啲怪叔叔，係博人地女學生交唔到租可以肉償。我個朋友早排在日本買層樓，個租客又係女學生，我地就已經陰陰嘴笑。唔好話我睇得四仔多呀，英國真係有咁嘅東西，都幾猖狂。BBC呀，唔係我老作（http://bit.ly/34qxgpK）。

好丫，租畀學生。有冇諗過學生邊度嚟？大學嚟咯。咁你間大學收生唔足你咪仆街？

呢個故事就發生在普利茅斯(Plymouth)，軍事撚或英撚會知係海軍重鎮，但你有冇搞錯咗？你係房東，唔係蘇絲黃喎。當地經濟就固然麻麻地，但唔緊要，之前一路都靠學生頂住。咩學生？普利茅斯大學

普利茅斯大學啦喎，唔知呢度有冇舊生，但都係照講，認真麻麻地。你睇排行榜都係中下游，140間排到80咁上下，即管慢慢話我知排名榜唔係一切，嘻。

但唔緊要，有智慧不如趁勢，之前十幾廿年，英國教育一向係靚招牌，傻仔都搵到錢。但，然後係乜呢？脫歐。

估下咩學校死先？係咪LSE收唔夠人？定Warwick（個名好熟，好似幾好的）冇人讀？點都係死啲低排名嘅先。普利茅斯大學，十年唔夠，學生由三萬人跌到兩萬人。咁邊個幫你租屋？

之前幾年呢個故事十分好sell，不停有新樓動工，結果供應過剩。基金就早早沽貨，接貨就係你班好有錢嘅香港人。鍾意又有時間可以睇返Financial Times嘅成個故事（https://on.ft.com/2PLufwm）。但簡單嚟講，一係就大城市，一係就好大學咯。

BTW，其實使唔使有咁多大學？唔知，但近來多人問呢個問題。不妨話埋你知，普利茅斯大學，正係90年代初，英國「學位量化寬鬆」印陰司紙嘅產物（陶傑話嘅）。以前？理工嚟之嘛。有返咁上下年紀嘅記得呢段歷史。邊個搞出嚟？之唔係讀書唔成嘅馬卓安。然後香港跟埋一份添。

呢度仲有另一篇文講　（https://on.ft.com/2psFYVP）普利茅斯大學宿舍泡沫，慢慢睇，大把奸狡嘢，你以為英國人好善良啫。入面解埋畀你知，啲咩「八厘保證回報」，有幾搵笨。（簡單嚟講就係，我執笠咯，冇錢啦，破產）

拿，又係誠意呀，我個導讀長過篇文的。

記得讚好 獨角號專頁，因為係獨家供稿。開地盤畀埃汾自然係恩人，亦即係你地恩人