#27
Michelle一定是騙我的。
管她是因為恨我多年，還是因為被我利用心有不甘，反正她肯定是騙我的！
女人那麼狡猾，編個大話根本沒難度啊。
更何況，說什麼華小姐不用MSN，還覺得讀書辛苦？根本破綻百出！

.

我一口氣跑回家，撲到電腦前馬上登入郵箱，新郵件裡還是只有廣告信。
我來不及把垃圾郵件刪掉，便匆匆敲下一封新郵件︰

「華小姐︰

你回來香港了嗎？我聽說你好像回母校了對不對？
我一直都在等你回來啊，我……
能跟我見一面嗎？
一面就好，有些錯過了的話，無論如何都想親口對你說。
即使你已經不是當時的你，即使你的想法早已改變，我還是很想在你面前說一次。
我的電話仍是OOXX-OOXX，一直都沒變過。
原諒我好嗎？打給我好嗎？
這次，我無論如何都不會再讓你難過。」

.

把郵件發出去後，我再登入星空論壇，打開asd34567的會員版面，只見她上次登入日期早在2006年8月，亦即我們最後一次見面那時間。
儘管如此，我打了幾句話，發了站內信給她。

再仔細一想，之前那個無名氏不是言之鑿鑿說她會回來嗎？
儘管我一直破解不了系統，但從結果來看，那個無名氏果然就是華小姐本人吧？
於是我把站內信copy & paste一份抄送給無名氏，發完之後又覺得說得不夠詳細，又再補充幾句，同時送到兩個帳戶。

如此重重覆覆發信七八次，我瞪著螢光幕，還是覺得電郵太被動了。
我想要她的回覆。
我想知道她的想法。
哪怕是恨我也好、罵我也好，回一句說話給我啊！

.

我死心不息地想，既然她在香港，當然會用電話吧？
於是我連忙試撥她的號碼，但果然還是跟去年一樣，告訴我電話無法接通。
我不死心，換成家用電話試撥了兩次，再下樓跑了兩個街口找了個電話亭又撥了兩次，但結果仍是一樣︰

「對唔住，你所搬打嘅電話無法接通。」

並不是我的號碼被封鎖啊……
我深深歎了一口氣，倚在電話亭裡翻開掀蓋式電話，再讀一次她最後一封SMS︰

2006/6/14 21:15
『我很慶幸遇上了你們，只希望最後這段時光，也能跟你們快樂度過。普通朋友就夠了，別無所求，不會麻煩你太久。希望你能答應，等你電話，一直以來謝謝你』

當時的她，大概也跟我現在一樣焦急吧。
匆匆，時間已經前移了一年半，那時著緊地連打十幾個電話、連發9個SMS的她，早已不在這裡。
也不在美國，不在任何地方。
如果真如阿堅和Michelle所說，華小姐已經決定展開新生活的話，被拘束在這個時空中無限輪迴備受煎熬的，就只有我一個而已。

但我依稀覺得，這只是對我的懲罰吧。
等我的刑期完了，她就會在遍體鱗傷的我面前閃亮登場，樂不可支地說︰
「呵呵，等你嗰時cut我線cut得咁開心呀啦？」

只要我能堅守下去，一定會有這一天的。
對吧？華小姐……

.

第二天一回到學校，阿堅就把我抓到走廊一角︰
「喂！你同Michelle尋晚……」
「講咗你嗰邊嘅情報先。阿Bi又講咩呀？」

他搔搔頭︰
「尋晚我都未送到阿Bi返屋企，Michelle就打嚟啦。聽阿Bi講佢喊咗成晚啊，我哋都傾唔到電話……」
發現我睥著他，他才連忙改口︰
「唔，咁所以呢……阿Bi冇詳細講我聽咩事啊。佢只係叫我同你講，Michelle冇講大話。」

「冇講大話？嘿！邊個信呀？阿Mi同我講，話佢哋學校冇人搵到華小姐。係因為華小姐主動要求探校，所以先『順便』邀請佢做嘉賓喎……又會有咁橋啦！仲要話華小姐因為讀書辛苦，所以唔再上MSN。你信唔信？」
「咁又的確係……同我哋認識嘅佢唔太一樣嘅。」

.

「係咪呀？所以我話佢一定係講大話！因為我拎咗張證據出嚟，佢先至求其作啲嘢咋嘛。好心佢，想呃我都做下功課先啦。」
「不如……再聽下佢哋點解釋先啦……」
「唔想聽。同埋我都唔會再去補習架喇，趁而家未交1月學費。反正我連alumni都睇唔明，補嚟都嘥氣啦。」

「唔……咁……不過呢，阿翔啊……」
阿堅閃閃縮縮，看起來就不像要說好話。
「想講咩？衰嘢就唔好講喇。」

「又唔係衰嘢嘅。只係、即係呢……假如、假如咋！假如子……華同學真係唔會返嚟，咁你繼續咁樣落去都唔係辦法……不如都係……」
「我＃！咁仲話唔係衰嘢？假設性問題唔答呀！同埋佢咪返咗嚟囉，係我冇方法聯絡佢之嘛！最衰又冇佢屋企電話，如果唔係……咦？等陣先……」

我腦中閃過一絲線索，只覺得跟阿堅有關，便用力地盯住他看。
也許眼神太嚇人，阿堅後退了半個身位︰
「做、做咩……？」

他的動作觸發我的記憶，我連忙抓住他的肩膀︰
「阿堅！你、你……佢最後嗰次點搵你架？」
「吓……咩……咩點搵我？」
「華小姐呀！你上次咪話，佢臨飛之前幾日約過你出嚟嘅？又話當時佢電話已經cut埋，決心離開香港。咁你點解會約到佢？唔會係飛鴿傳書卦？」

「吓？咁、咁耐之前嘅事……」
「你去佢屋企樓下等佢？」
「我冇等過啊……」
「咁即係點呀？你快啲同我諗清楚！」

.

阿堅深深嘆一口氣︰
「真係記唔起啦，我一早決定忘記晒子昕……華同學嘅事。不過……唔，你咁講起，當時我哋約咗喺佢屋企附近，咁又……我去到嗰時佢已經喺度，應該係預先約好嘅……」
「咁你當時點聯絡佢架？係咪電話？你係咪有佢屋企電話號碼？」

「你冷靜啲啦，可能係MSN約好呢？同埋就算係電話，Michelle咪話佢搬咗屋嘅？可能電話都轉埋呢。又或者……」
接下來阿堅又說了一堆理由，什麼現代人已經不安裝家用電話啊，華小姐可能撥了133啊，華小姐用公眾電話啊……囉嗦個沒完沒了。

「得，唔使再講。阿Bi同阿Mi係咪堅持佢哋冇講大話？佢哋仲有咩要求？」
「都係嗰啲啦，叫我同你講下、勸下你咁囉……」
「你勸唔到我架喇。」
「咁我都知……」

「但係咁！如果你搵得返當時華小姐個電話，我就同你一齊去聽佢哋解釋。」
阿堅瞬間變苦瓜臉︰
「咁、咁你即係玩我嘅啫……」
「唔好咁講，呢招都係跟阿Mi學嘅啫。」
「你真係……唉……算啦算啦，我盡下人事啦……」

阿堅垂頭喪氣地走回課室，但我了解他的個性，知道他是連小學時的紀念冊都珍藏的人。
除非他當時為了情傷、或者最近為了Abby而把所有關於華小姐的東西都丟掉吧，否則，他肯定會把電話號碼這種資料保管得好好的。

.

我對阿堅說的是真話，我的確不打算再去補習社。
放學時阿堅勸了我幾次，我都非常堅定，結果他就像個孤獨老人那樣邊嘆氣邊離去。
而我則直奔回家，準備再想辦法搜索華小姐的網上行蹤。

沒想到剛登入網絡，我就收到意料之外的消息。
星空論壇的站內信箱裡，有一封回信。

----
✏陪朋友去自修室追女神，點知喺補習社又識多個女神
又曦

*鍾意睇嘅朋友請share ❤
55個Share繼續～

上一回︰http://bit.ly/2Carq1F

#陪朋友去自修室追女神
全集︰http://bit.ly/2kyjbRt

買【Tefal法國特福】 極致黑艷系列28CM不沾深平底鍋 按這裡→https://lihi1.com/fgj22
詳細食譜內容→https://bit.ly/3sr2CIU

韓式辣炒年糕
材料：
韓國年糕800g Korean rice cake
韓國魚板150g Korean fish cake
蔥段60g scallion
洋蔥絲60g onion
高麗菜300g cabbage

調味料：
韓國辣椒粉30g Korean chili pepper
韓國辣椒醬120g Korean hot pepper paste
醬油35g soy sauce
砂糖40g sugar
水700ml water

作法：
1.用水將韓國年糕清洗過。
2.鍋中倒入水。(Tip：水量要能醃過年糕)
3.再加入其餘調味料，混合均勻。(Tip：正統韓式風味糖加很多)
3.醬料煮至微滾，放入韓國年糕，拌勻煮滾。
4.加入魚板、洋蔥、蔥白段，以中火煮約7分鐘，至醬汁濃稠微收汁。(Tip：年糕用煮的不是炒，燉煮年糕才能軟Q入味。)
5.再加入高麗菜、青蔥段，拌煮至蔬菜熟軟即可。(Tip：時不時翻炒一下，以免年糕黏鍋。)


同場加映：
起司風味辣炒年糕
作法：
1.撒入適量起司絲(shredded cheese)。
2.加熱煮至半融化，即為起司風味辣炒年糕～



-

楊桃美食網
http://www.ytower.com.tw

Youtube
https://www.youtube.com/user/ytower01

Facebook
https://www.facebook.com/ytower01