【豬年食得有營 - 鮮蝦嫩雞釀冬菇伴西蘭花】

就快過年啦，除了辦年貨，亦要諗定團年飯同開年飯食咩好。唔想樣樣餸都煎炸多油，可以考慮多啲蒸焗灼嘅菜式。而咁多種烹調方法當中最能保持食物營養和鮮味嘅，一定是蒸。今次介紹一個鮮蝦嫩雞釀冬菇，配清蒸西蘭花俾大家！

材料：
- 鮮啡菇 6 - 7 個 (用啡菇比較好，因為較結實，蒸後唔會變色變形)
- 鮮雞柳 100克
- 鮮蝦 6 - 7隻 (建議選較大隻嘅蝦，因為蝦熟了會縮水)
- 西蘭花 1棵
- 醃料：適量的鹽、黑胡椒、生抽

蛋白芡：
- 蛋白 3隻
- 雞湯 2杯 (約480毫升；建議用有機的雞湯，避免使用雞粉)
- 生粉水 2 湯匙 (生粉 2湯匙，熟水 30毫升)
- 適量的胡椒粉

做法:
1. 將雞柳洗淨，剁碎成免治雞肉，加入醃料醃10分鐘
2. 將啡菇洗淨，切去菇莖，儘量切深，可以釀多些雞肉
3. 鮮蝦去殼去腸，洗淨
4. 西蘭花洗淨，切小棵
5. 將免治雞肉釀入啡菇內，於雞肉上鋪上鮮蝦一隻
6. 將西蘭花鋪好在碟旁
7. 將蒸氣焗爐底部的水箱注滿水，選擇 ”Steam-Med 原氣蒸” 模式，調至 28分鐘
8. 當鮮蝦嫩雞釀冬菇蒸完，可於上面淋上蛋白芡，完成！

蛋白芡做法:
1. 煮滾雞湯，轉細火
2. 加入蛋白，拌成蛋白花
3. 加入胡椒粉，適量生粉水，慢慢變稠身就可以熄火！.

食得有營小貼士：
1. 鮮蝦、雞肉都是高蛋白質又低脂肪的食物，比平時釀半肥瘦的免治豬肉低卡健康。
2. 鮮冬菇是優質的植物蛋白質，有纖維之餘又不含膽固醇。
3. 蒸西蘭花是最健康的蔬菜烹調方法，如果白灼會容易流失營養於水中，炒又不易熟；相反蒸就可保留西蘭花的營養。

希望大家有個健康新年！

#Panasonic #PanasonicHK #蒸氣焗爐 #30L大容量 #純蒸氣烹調 #蒸又得焗又得 Panasonic Cooking Hong Kong

【Annie營養師解迷思 - 雞翼點先可以健康食？】

上回講到自已是雞翼控，明知雞翼有皮，易肥又唔健康，但每次見到，都忍唔住食完一隻又一隻。
至於雞翼點煮較健康？假如使用相同食材及調味料，理論上烤焗或者蒸煮會比用油煎炸健康，但當添加醃料（如滷水汁）或調味料（如蜜糖、糖、鹽、豉油），進食時則要計算添加的卡路里。

不同的雞翼烹調方法優點缺點：
．蒸雞翼：口感軟滑，可保留蛋白質，但味道或會稍為偏淡。
．灼雞翼：最快熟方法，但留意不要放太多水，否則會似煲雞湯，令湯水有雞味和雞翼營養，雞翼反而無味。
．烤焗雞翼：烤焗熱力平均，確保雞翼均勻熟透，表面微焦脆卜卜，惹味可口。不過，要小心留意火喉，避免烤燶雞翼，因焦黑物質容易含致癌。
．煎雞翼：煎雞翼香脆可口，不過煎煮時要落油，相對較肥膩，烹調時間亦較長。
．炸雞翼：皮脆肉嫩、香口惹味，但熱量最高，最肥膩。

最值得留意的是蒸烤雞翼: 利用新推出的蒸氣焗爐「健康減油蒸烤」功能，高溫水份子滲入雞肉，將油份迫出。保留雞肉嫩滑鮮味之餘，亦能烤至表面微微焦脆，增加口感。

食譜:
<香草烤雞翼>
材料：
- 雞翼8隻（建議選購較大隻的冰鮮雞翼，一來雞翼烤後會輕微縮水，揀大隻的會有較多肉食；而且冰鮮雞始終較急凍雞新鮮，較能保持雞肉鮮味和營養)
- 醃料: 適量的鹽、香草碎、黑胡椒、蒜頭
做法：
1。雞翼洗淨抹乾，以醃料醃大約20分鐘。
2。將蒸氣焗爐底部的水箱注滿水。將焗爐較至”Healthy Steam健康減油蒸烤”模式，調至190度預熱。
3。於金屬盆鋪上錫紙（用來載著雞翼滴出來的油)，將雞翼(皮向上)放上網架。
4。預熱完畢後，將金屬盆放入蒸氣焗爐，時間調較至20分鐘。
5。20分鐘後，外脆內嫩的香草烤雞翼輕鬆完成！

#Panasonic #PanasonicHK #蒸氣焗爐 #健康減油蒸烤 #雞翼控 #雞翼全攻略 Panasonic Cooking Hong Kong