#SharedomoBulletJournal . 今年係我正式用bullet journal嘅第三年，終於的起心肝嘗試介紹下呢一個System，如果有野講錯歡迎大家指正，有咩問題都歡迎大家留言一齊傾！ . Bullet Journal(子彈日記)係一套超級flexible嘅紀錄系統，同平時有日期有排版嘅記事薄唔同，成本bullet journal由日期，目錄，以至所有格式都係由自己畫出黎嘅，只要求其一本薄一支筆就可以create屬於自己嘅BuJo！而BuJo主要有以下幾個基本元素： . 1// KEY 首先BuJo係鼓勵你寫低腦海內所有野，包括to-do list，約會，expenses，甚至心情，所有ideas等等，等你可以專心工作，學習或者創作等等。要有系統地紀錄咁多野，就要建立一套方便自己嘅符號，例如”•”代表task, “x”代表已完成, “*”代表urgent等等，呢套符號可以幫助你快速記錄(Rapid logging)、分類同埋有系統咁整理諗法，當你想睇返自己有咩未完成嘅task可以一目瞭然。 BuJo仲有一個獨特嘅concept稱為migration，基本上係將你過去未完成嘅task抄去下一個月/下一日，係migrate 嘅過程你要思考一下呢個task仲有無需要保留，如果係自己一直拖延，migrate左好多次嘅task，就要諗下係咪已經唔重要/自己潛意識根本唔想做，從而考慮淘汰唔重要嘅任務。呢個反思嘅過程可以令你更加有效率，將時間專注係真正重要嘅事上面。 . 2// INDEX 基本上好似一本書嘅目錄咁，因為BuJo嘅特點係完全無限制，容許你將生活大小事都紀錄係同一本BuJo入面，有時出現內容唔連貫嘅情況並唔出奇，例如monthly log下一頁可以係食譜，有左目錄日後reference返就好容易！ . 3//Future Log 同year plan差唔多，主要目的係簡單記錄幾個月之後嘅行程、任務、目標等等，到咗嗰個月就可以將future log上嘅計劃migrate到monthly log，做更仔細嘅計劃同安排。 . 4//Monthly Log 記錄當月嘅To-do/event等，同平時月曆用途一樣。 . 5//Daily Log 可以仔細記錄每日嘅to-do list，亦都係rapid logging 同埋一開始設定好嘅紀錄符號發揮功能嘅地方。 . 自問都唔係解釋得好清楚，建議大家上youtube 搵下有關嘅介紹，有埋片會清晰好多😂 . 我自己用左Bullet Journal三四年嘅心得感受: 1//自由度極高，可以完全設計一本100%符合自己需求嘅手帳，過程之中可以不斷嘗試新格式新排版，不斷修正令本BuJo更加實用更加有效率，我而家已經返唔到轉頭用傳統手帳。 . 2//提高效率，令成個人更加有條理，唔會高估自己嘅記憶力，減少左好多大頭蝦嘅情況。最重要係，有種get my shit together嘅安全感，就算生活忙碌混亂，事情很多，都不至於完全迷失方向。 . 3//有效建立新習慣，可以根據自己嘅目標設計唔同嘅tracker紀錄自己嘅目標同進度，例如每月儲蓄，想睇嘅書，每日習慣等等。由於一直keep住提醒自己同埋檢視自己嘅進度，唔會再好似以前咁，年頭訂立嘅目標去到年尾已經忘記得一乾二淨，比以前更加容易達成各種目標。 . 4//BuJo都有缺點嘅，例如寫daily log每日都要migrate 一次，完成時間較長嘅task就要不停重複抄寫。尤其係返工嘅時候其實無咩時間慢慢寫，所以我自己其實已經無用daily log，淨係用weekly to do list。 . 5//如果從來都無寫手帳嘅習慣，想依家開始試用bullet journal，我會強烈建議唔使特登買本簿，首先搵啲用過嘅記事簿培養每日紀錄嘅習慣先，等自己習慣左用手帳記事，先再去買靚靚簿做bullet journal都未遲，呢個係見完太多失敗例子嘅真心勸告🤣 . 以上Photo credits: https://bulletjournal.com/pages/learn，下一次分享我2020嘅bullet journal