【晶鑽神棒，請賜我去印力量！】
ID.AZ Crystal Toning Swab 晶鑽去角質亮膚淡印棉棒（一盒20支)

又到咗百瘡齊放嘅潮濕翳焗季節喇！呢個moment賀爾蒙分泌仲旺過旺中，面上嘅細菌可謂生機勃勃呀下！呢個天氣之下皮膚特別容易出油、粉刺、暗粒乜乜乜，分分鐘爆瘡爆到mother都唔認得呀！哎呀，幾時都話皮膚同你班港豬一樣咁難服侍，一時一樣！要減少佢跳掣爆粒暗啞情況，定期做去角質是必須的！


有啲懶醒豬以為做咗深層清潔就冇必要再搞什麼去角質，喂留意返呀，佢地係兩樣嘢嚟架！去角質顧名思義係去除皮膚核心外圍嘅死皮，幫助核心內圍更加吸收後續護膚品！成日有豬妹呻話買幾千蚊支精華都唔吸收，除咗可能佢炫富吹水之外，亦好有可能係因為角質太厚所致！


最近瘋瘋試用咗ID.AZ新品「晶鑽去角質亮膚淡印棉棒」，你睇佢個名又晶又鑽咁，就知佢笨非池中物啦！佢outlook係一支XXL版棉花棒，包裝入面嘅精華多到令我一度懷疑可以同小瘋女開心些牙！可惜特製棉花棒只得一支，基於衞生問題，一支只可用一次亦不能與他人共用喔！


未試之前老子參閲咗佢成分，睇完我真係freeze咗喺度... 喂洗唔洗玩到鑽石呀寶石呀珍珠咁dum本呀？！寶石當中仲有齊紅、藍、紫寶石！以瘋瘋嘅窮L認知，平時呢啲富貴之物，高富美先擁有得起架嘛！家下連鑽石同珍珠都集於一碌豪比大家，促進肌膚嘅微循環，令膠原蛋白自我增生，同時嫩白肌膚，抑制dark色素，防止皮膚衰老！Bling Bling肌不是夢啊～


另外佢仲含有蘆薈葉、綠茶、積雪草提取物等又pure牙又true嘅植物成分，快速舒緩鎮靜受損嘅肌膚，加快傷口癒合，仲比埋水分皮膚令佢keep住柔軟！塊面鞋過腳踭？No way！


最最最最精彩係結合咗7%AHA（果酸）+BHA（水楊酸），有效溶解厚角質，促進皮膚表層嘅新陳代謝！當中脂溶性嘅BHA特別適合改善塞爆黑頭、粉刺同暗瘡嘅皮膚，因為佢可以穿越充滿油脂嘅毛孔，清走入面嘅老化角質細胞，仲好有手尾收返細啲毛孔添！


安nestly，喺呢個哪有錢買鑽石嘅年代，竟然能以蔗渣價錢歎出燒鵝味道，連新鮮出爐嘅瘡印都可以極速淡化！丁丁豬試用完都話下巴啲鬼竄粒少咗，上妝又貼咗，真係nice豬到不能！乾性皮膚一星期用兩次，油性皮膚一星期用三次！其他注意事項同用法就且看YouTube分解啦喂～