馬鞍山甜品推介🍨 想食好多年嘅甜品店🤤 好多選擇，中西式都有 比較特別嘅係自製烤焗甜點系列 其他例如芋圓、愛玉、奶凍、抹茶、心太軟、拿破崙、窩夫乜都有 成個Menu都想食😍 最抵係Waffle Tea Set 星期六日都有👍 店內仲有擺賣公平貿易本地食品、果乾、咖啡、茶葉，使香港及發展中國家的農民、婦女受益🌱 _______________________________ 🧀 現烤半熟費城奶酪 ($56) 好細份，不過又真係好好食喎🥲 芝味濃郁軟滑，底層嘅曲奇餅碎好香牛油味，比芝士撻好食好多！ 加埋酸酸地嘅紅莓粉，口感豐富🍓 上面仲有球北海道3.6牛乳雪糕，一凍一熱感覺良好，依個要獨食先夠🤧 ◇ 🧇 海鹽牛奶拖肥香蕉窩夫 (下午茶$68配花草茶，單點$56) 想食依個窩夫好多年😂 小編幾個月前食先$60 啱啱上Openrice睇最近加咗價 依間Waffle係比利時列日窩夫 麵糰混入比利時珍珠糖，即叫即烘 好有麵粉、小麥香，幾飽肚 雖然都香脆，但比較可惜嘅係，見唔到珍珠糖，應該溶咗，因為出面食過有D地方係清楚見到粒珍珠糖 🙈🙈 最近見人投訴咬到一粒粒糖🤣 即係有進步啦😂 不過整體都好食嘅 香甜的海鹽焦糖醬+焦糖香蕉+脆杏仁片+曲奇碎+牛乳雪糕 冇難食嘅理由😆 🌹 玫瑰花草本茶 (原價$28) 好大杯👍🏻 ◇ 🥭 桂圓。芒雪 ($48) 媽咪叫咗依個 芒果雪糕+龍眼+芒果+小丸子+西米，都好食 不過相比其它甜品 就肯定普通D，冇咁特別😗 🎈 #甜匠 地址：馬鞍山鞍祿街18號MOS Town Street 新港城中心大街(2期)地下12-13號舖 營業時間：1530—0030 View More Here #yantung馬鞍山

🇭🇰平反文💁🏻‍♀️要幫依間日本涮涮鍋店平反下先🤣因為我睇依間餐廳喺Openrice嘅review係劣評如潮🙈因為Openrice通常都會係多打手出文讚好，好罕有會好似依間咁近期篇篇文都被踩到一文不值😮 - 見啲人主要都係鬧佢哋服務差又貴又食唔飽📝鬧到我覺得我當日係平行時空，因為個experience同佢哋所講係完全好唔同🤨咁我當日係食6pm第一輪，都有陸續坐滿晒，但都唔覺啲service有好差，搵服務員問嘢攞嘢都好快手呀亦唔會冇禮貌🤔 - 價錢方面係唔算平，人均大概$300-800，但係可以對住維港海景咁食我又覺得係fair禾，不過就記得要訂枱book定窗邊位🌃唔怕熱仲可以坐室外添，但如果係坐室內牆邊位就真係會唔太值喇💁🏻‍♀️我就建議日落前開始食係最好，個景靚啲影相又夠自然光，食到最後變埋天黑就更perfect喇可以兩種景睇晒🤣 - 至於話唔飽嗰啲人應該係散叫🤔因為我哋叫咗$1488二人set係飽到勁多嘢都食唔晒好浪費呀🙈我覺得個份量勉強可以夠3個人食添嫁👨‍👩‍👧平啲嘅話就有$1188二人餐，但會相對少好多嘢食會冇咁抵喇，menu相喺最後一張💁🏻‍♀️ - 講返當晚食嘅嘢先，其實真係樣樣都唔錯，有啲仲幾有驚喜添😍前菜拼盤好豐富，有幾樣都幾特別幾深刻，例如有招牌美人卷同鮮山葵牛油果🥑刺身拼盤擺得幾靚味道亦唔差🍣(上網見有人投訴話啲魚生係腥臭，話爭鮮都好過佢😂)沙律我哋揀咗美人農場沙律，佢個賣相係意外地好吸引好colorful🥗係會覺得有誠意唔係hea, 裡面有三文魚、士多啤梨、合桃、牛油果、各種蔬菜🥬 - 另外有個雙拼年糕薄餅係幾特別，一邊係宮崎地頭雞肉，另一邊係明太子🍕最後最signature就係個美人鍋喇，佢係比咗溫泉蛋我哋撈，牛肉好似有十塊左右，切得幾大塊所以淥完都好掛湯好掛生蛋漿嫁😋btw佢原本仲有跟個烏冬嫁，但最後冇黎到反正我哋完成係飽到食唔落🙊 - 而個甜品係依餐我最鍾意嘅一樣，係會隨時隨地都諗起想再encore🤩佢叫美人甜卷，裏面個餡可以揀用水果或者雪糕，然後外面係用咗好似越南菜嗰啲米紙包住🌯我哋就揀咗要雪糕，外面個米紙係煙煙韌韌，裡面係有抹茶雪糕、白玉、芒果、黃豆粉🤤咬落係好有口感味道亦都好有層次，係必食‼️ - 至於飲品佢有個drink menu，有好多選擇都可以揀唔洗再補錢😌我揀咗依杯我都唔記得exactly叫咩，類似係cranberry peach oolong，我仲擔心會伏伏地，但依杯調得幾好飲，有烏龍茶做茶地甜度唔高啱啱好🍹 - 終於講完成餐食咗嘅嘢😂真係同review 啲人講嘅好唔同，所以寫長咗少少幫佢平反吓，希望其他人去食嘅話都會好似我咁唔會覺得中咗伏啦😜 ————————————————————————- 塚田農場 TSUKADA NOJO 📌 尖沙咀廣東道3-27號海港城海運大廈2樓OTE 202號舖 Shop OTE 202, 2/F, Ocean Terminal, Harbour City, 3-27 Canton Road, Tsim Sha Tsui (7-min walk from Exit L6, Tsim Sha Tsui / East Tsim Sha Tsui MTR Station) 📌 沙田沙田正街18號新城市廣場1樓105號舖 Shop 105, 1/F, New Town Plaza, 18 Sha Tin Centre Street, Sha Tin (Exit A3 , Sha Tin MTR Station) 📌 觀塘觀塘道418號創紀之城五期(apm)3樓L3-L13號 Shop L3-L13, 3/F, apm Millennium City 5, 418 Kwun Tong Road, Kwun Tong (1-min walk from Exit A2, Kwun Tong MTR Station) ========================== 。 。 。 。 。 #tsimshatsuifood #tsimshatsui #harbourcity #尖沙咀美食 #victoriaharbour #harbourview #japanesefood #尖沙咀 #shabushabu #維多利亞港 #維港 #海景 #海港城 #和牛 #涮涮鍋 #美人鍋 #sukiyaki #sukiyakibeef #日本料理 #日本菜

#OS1306 🇭🇰 佐敦 💛 酒店特價HK$38米芝蓮一星點心 🥢 One Star Michelin Dim Sum 💛 -- 👨🏻‍🍳 米芝蓮冷知識 👩🏻‍🍳 ⭐ 同類別中出眾 ⭐⭐ 廚藝高明、值得繞道前往 ⭐⭐⭐ 最高級別，出類拔萃料理，值得專程造訪。 -- 真心好野，所以今次內容比較多。🤣 疫情關係，酒店中菜館做緊優惠，最平HK$38一份點心，真係值得一試。優惠詳情可以睇下面P.S/餐廳FB/餐廳OpenRice睇睇，最緊要記得訂位。😛 其實我點咗唔少熱氣野，欣賞佢哋都唔會好油，所以整體食完之後唔會好重油膩感。 -- 👉👉 餐廳環境 & 餐牌可以睇後面! 👉👉 -- 🐷 帶子蒸燒賣 HK$38 燒賣皮做得比較薄身，有帶子係面頭好似好勁咁，其實係薄薄地嘅。勝在燒賣真材實料，明顯食到入面嘅鮮蝦同豬肉。 . 🥢 逸東小籠包 HK$48 小籠包皮厚度剛好，唔會一夾就穿，而且好多湯汁。 . 🌶 XO醬炒蘿蔔糕 HK$38 蘿蔔糕做到每一舊都薄薄嘅脆身，而且唔會成口油，但可惜XO醬味道唔夠重。 . 🔥 金沙脆豆腐 HK$38 豆腐個皮做到一定厚度，偏厚身少少，所以唔會一夾就碎，都係唔會油膩感。不過有啲人可能會prefer個皮薄身啲。 . 🥢 脆皮流沙包 HK$38 最外面唔算特別脆身，整體包比較厚身。流沙真心流心，偏向結身嘅奶黃味。 . 🦐 蜂巢海鮮芋角 HK$38 蜂巢炸皮好脆，好多芋蓉，中間有鮮蝦，食完會飽肚嘅選擇。 . 🦐 春風得意脆皮腸 HK$38 原來係腸份包住炸鮮蝦春卷，腸粉比例上比較少，炸鮮蝦春卷好脆，而且啖啖蝦。 -- 📌 茶芥 HK$28/位 📌 另收加一服務費 📌 優惠暫時做到月底 📌 優惠只限平日午餐時段，指定日子除外 📌 用餐時間為90分鐘 (三個時段 11:00-12:30; 12:45-14:15; 14:30-16:00) -- 美味指數 🌕🌕🌕🌕🌗 樣貌指數 🌕🌕🌕🌕🌗 抵食指數 🌕🌕🌕🌕🌘 服務態度 🌕🌕🌕🌕🌑 餐廳環境 🌕🌕🌕🌕🌑 -- 🏠 逸東軒 📍 佐敦彌敦道380號香港逸東酒店B2樓層 -- 📎 #OS之為食佐敦 📎 #OS之為食荃灣線 -- 📎 #OS之黃店 -- 💛 0612 Eaton HK 出文表示尊重員工立場，當日服務或受有限度影響 💛 酒店普慶自助餐廳 批准甜品擺設 "香港加油 HK Times 2019 0609 0612 0621 0701 …" 最後被投訴下換咗