［雖然精神病但沒關係—都要坐的］冇事就喬布斯，有事就邱德根（定林義鈞？Sorry，我一時唔記得）

原文： Theranos’ Holmes May Pursue ‘Mental Disease’ in Her Defense　（https://bityl.co/3SDU）

直入廣告：請支持Ivan Patreon（https://bit.ly/31QmYj7）．係呀，好多廣告呀。免費台係咁架啦。

TLDR：點解佢可以瞞天過海呃咁多人？因為係女，仲要名校，後生，靚女，綴學創業。仲要金髮，藍眼睛，黑衫，把聲又磁性。仲請返教授逆挑廢老，仲請返自己舊男朋友逆挑男權！你要嘅嘢都有齊。所有騙局同陰謀論都係咁，因為你想相信係真嘅。

1. 都唔止香港人鍾意睇人仆街，其實美國人都好鍾意。America. They want someone to love, but they want someone to hate, quickly

2. 萬眾期待，睇呀美女Elizabeth Holmes今次點死。點知佢話，自己有精神病喎，唔係有心犯法的，不知者不罪呀大人。咁都得？人地有專家報告添，聽講美國啲醫生好專業嘛。

3. 精神病嘅嘢，都要臨床診斷嘅，聽講係。但你當大家冇常識都好，一般人聽到條女之前搞場咁精彩嘅大龍鳳出嚟，而家又話你知其實當時佢有病，好難唔笑。直頭令我諗起，嗰時Tiger Woods 話自己有病，「性上癮」，坊間不少人都諷刺佢，鹹濕就鹹濕啦，性上癮my ass．仲有人整條Banner 嚟串佢：（https://bityl.co/3Skt）。「性上癮，噢耶，梗係啦，咁啱呀？我都係喎」（Sex addict? Yeah. Right. Sure. Me too）。舊文有提過（https://fbook.cc/3FNL）

4. 實在條女，真係麻煩多多，精甩邊，之前又試過同人和解，唔止搞得掂啲投資者（可能投資者唔想畀人知道自己咁笨柒），同證監都和解到，當然條款冇講。而早前，呢條女，請律師又唔畀錢（https://bityl.co/3SEV），結果律師都走埋。

5. 講咗咁耐，都未講到底係咩來頭。唔知嘅，睇我舊文，我自己幾鍾意個題：If you can only be good at one thing, be good at lying… Because if you're good at lying, you're good at everything　（https://fbook.cc/3FLZ）

6. 呢條女，真係近幾年最大嘅騙子。個雞棚搭到好大，傳媒爭相吹捧，仲有無數咁多名人同投資者被昆，應該比得上馬多夫，甚至更勝馬多夫。佢嘅事蹟，威到拍紀錄片（The Inventor: Out for Blood in Silicon Valley），出書（Bad Blood），本書又再拍戲。Jennifer Lawrence演佢，分分鐘拎奧斯卡都靠呢套（其實拎過啦）

7. 冇心機睇舊文嘅，簡單講一次：條女嘅故事簡直係勵志過華潤勵致，固然屋企係上級中產，但唔係富豪，唔係靠父幹。考入史丹福，中間綴學創業。原來之前有親人癌症死咗，佢立志要改變世界。讀書呢啲嘢太無聊啦，結果仔都撇埋，開公司（Theranos）請返自己個教授。嘩，可歌可泣。

8. Theranos搞乜嘅呢？西飛利咯，驗血。不過唔係一般咁驗。大家驗過血架可？都知道要抽血，啲手勢唔好嘅姑娘搞一大輪（或者本人肥大啦下，但其實廿年前抽水啲姑娘都搞一大輪），甚至拮幾針（頂丫），基本上你請半日假走唔甩。然後仲要等一兩日咁。

9. Theranos就勁咯，篤手指驗血。唔使抽血！而且仲要係幾蚊美金！仲要好方便，你去七十一驗都得，唔使去化驗所，仲要幾個鐘有結果。勁未？改變世界啦。

10. 史丹福靚女學生喎，梗係引嚟大量媒體吹捧，女版Steve Jobs嘛（因為成日著黑色turtle neck），仲有大量名人加持，勁人入股。掂晒，上晒封面，無數人拎嚟研究，《女版賈伯斯成為人生贏家的20 個秘密》《她都身家40億了，就不能不相親嗎？》，成為start up界嘅郭嘉文，個個都研究佢成功心得

11. 咁，就梗係炒車啦。因為成間公司，係假嘅。個技術不存在，實驗數據係假嘅，財務數據更加假。其實條女好早已經知道唔work，但fake it till you make it，可能有奇蹟呢，況且洗濕咗個頭，咪一個大話冚另一個大話，if you are not cheating, you are not trying

12. 當然最終都係被Wall Street Journal嘅記者踢爆咗，個記者聲名大噪（其實之前已拎兩次普立茲獎），我亦都好似係嗰時開始再訂返Wall Street Journal．個記者當然之後亦都出書，就係上面講嘅Bad Blood，叫好叫座，本書仲拍埋戲（＊）

13. 想講嘅係，點解咁多人受騙？點解冇人質疑？點解個雞棚十年先爆？—係喎，人地2004年廿歲已經搞間公司，2015年被踢爆。咁多勁人咁多投資者，完全冇人發現？

14. 答案就係，葉念琛（！）。下？！係呀，葉念琛。所有嘅嘢都係掩眼法啫，你睇到嘅未必真，真嘅又未必畀你睇到。去到最極致係乜？就係根本你睇到都扮睇唔到，疑中留情，幫佢搵理由。因為人就係只係想睇到自己想睇到嘅嘢！

15. 我是十分認真的，上次講WireCard (https://fbook.cc/3FNP)有講過呢個理論。其實好相似，點解Financial Times一早質疑間公司，但德國當局唔跟進，反而幫公司去對付「外國勢力」，甚至唔畀人沽空隻股票。因為，覺得「外國勢力亡我之心不死」。「你梗係唔抵得德國公司成功想抹黑」。

16. 點解會有咁嘅心理？就係因為德國公司唔爭氣嘛！以前都寫過啦(https://fbook.cc/3FNR)，一間蘋果嘅市值，早早已經多過30間德國DAX指數成份股加埋，德國作為以前嘅科技大國，一間似樣嘅tech公司都冇，點忍？佢地係幾咁期待有一間公司可以爭返口氣！OK，你地話佢假，但如果佢係真呢？

17. 情況就好似個又樣衰又毒嘅肥仔咁，忽然有個美女投懷送抱。咁你地個個都覺得係呃佢錢啦，但，佢一定唔會咁覺得！佢就算覺得，都會說服自己：你班友唔抵得我呀？！因為你唔會明佢有幾渴求。如果萬一，真係真愛呢？「我只覺得　大家得不到才對你紅著眼」

18. Theranos點解呃到人？基本上只係因為條女。換著你整件中國大媽，肯定兩個月畀人踢爆。

19. 條女，滿足晒你地所有嘅想像。你想要女創業家嘛，有！仲要係Anglo Saxon金髮美女（十八廿二時仲靚），仲係後生女！仲要史丹福但drop out！加埋對藍眼睛，磁性嘅聲線，永遠嘅黑色衫。仲要請返自己教授，仲要請返自己之前條仔做COO，完全係新一代挑戰上一代，女權挑戰父親。點會唔信？好多人都話佢講嘢極有說服力，假嘅都講到變真。

20. 真的，如果你問我有乜教訓，就係騙局同埋陰謀論一樣，係為咗填補現實嘅不足。點解陰謀論多人信又傳得快？因為你想佢係真。同樣地，只要你想有美少女創業家，自然就一定有！好彩就有真嘅，唔好彩咪有假嘅。

21. 另一教訓，我都講過了。當匪，當最大的！你見咩Catch me if you can嗰啲，出冊仲可以幫FBI，又周圍分享。等於華爾街狼人（唔係狼爾街華人），又係可以周圍演講呃飯食。

22. 雖然條女冇得分，但話晒單嘢搞到又出書又拍戲，真係坐監都抵啦。你睇，人地個故事拍大片，Jennifer Lawrence喎！你對比之下，香港科學園嗰啲咁嘅濕鳩嘢，咩咖啡兄弟呀，比較匯率app呀（仲要你親身去間舖頭唱！），AI判斷你應該學咩外 語呀（仲流過上次歷史媽媽嗰個），飲食營養app呀（scan啲小朋友膠玩具就當示範！），唔通有人會拍戲？

23. 最後又係廣告時間，你睇到呢度肯定有心。點解你投資贏唔到錢甚至成日輸錢？其實多數係性格缺憾。睇多啲埃汾嘅文，有助提升功力。唔好停留在畀個冧把你，或者教你計乜乜比率咁低層次。日日聽我講嘢，日子有功，唔包你發達，但可以減少失誤，就已經勝過好多人。請訂Patreon（https://bit.ly/31QmYj7）．昨日食白果，開張一個月嚟首次，唔開心。「雖然都收咗五百幾人」

（＊）不過個記者舊年離開咗Wall Street Journal．點解？好簡單，錢。我鍾意佢咁老實，唔會一大輪廢話，就只係錢。咩回事？因為Wall Street Journal唔容許啲記者收錢去演講（應該好多報紙都唔畀），但佢本人講明，我好受歡迎喎，好多人搵我，損失咁好多機會。所以咪唔撈。就係咁簡單。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

《做生意，點計數?》又出盡18年功力，同你分析各行各業做生意，點計數?
(錄影日期2020年4月7日(星期二)下午4時山頂)
摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
- 外賣店是 4，2，3，1
- 大型食肆是 4，3.5，1.5，1
- 肉/餐種多 4.5，2.5，2，1
- 菜/餐種少 2.5，2.5，3.5，1.5
- 主攻飲品是 2.5，2.5，3.5，1.5

(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
- 自家品牌/自己生產是 1，2，5，1-2
- 來貨轉售是 6，3，1，~0
- 便利店是 6.4，2，1，0.6
- 大小超市是 8，1，1，~0

(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
- 自助洗衣店是 2，0，6，2
- 地產代理(美聯)是 3(回贈/廣告/經營成本)，5，1.5，0.5
- 夾公仔(台主制)是 1，2，5，2
- 夾公仔(自營店)是 3，3，3，1

總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。

現在肺炎疫情會影響所有數字 ，但困難時間總會過去，大家加油!

聯絡李根興 Edwin whatsapp (+852) 90361143。租舖買舖最歡迎😉

。。。。。。。。。。。。

內容全文:

依家全世界都叫減租，但其實租金佔生意額應係幾多呢?

2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。

香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?

第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。

做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。

但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。

外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。

大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。

賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。

賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。

專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。

一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。

(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。

零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。

最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。

但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。

例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。

(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。

一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。

但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。

Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。

夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。

但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。

總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。

當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。

困難嘅日子總會過，大家撐住，加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

［用愛心防堵疫情］ෆ╹ .̮ ╹ෆ
🤝→_→🤞🖖🖕🤙✌️🤟這些手勢可以嗎？🤣
#武漢肺炎疫情，在全球蔓延狂燒，南韓最近病例也不斷攀升來到12例，沒想到昨日南韓自由韓國黨議員召開「病毒NO！健康OK！」為題的記者會提出防疫對策，本以為是要發表什麼重大決策，結果發表了「雙手比出大的愛心」來取代握手的行為，還煞有其事的正經擺出手比愛心的手勢讓媒體拍照，讓不少南韓網友看到影片之後，都傻眼回應：「有夠搞笑的」、「覺得心寒」、「不要再做多餘的事了」、「是在開玩笑嗎？」、「有夠傻眼！」博君一笑之餘，大家還是要認真防疫喔！
#其實還蠻有梗的
#少女心爆棚的打招呼方式

https://m.facebook.com/story.php?story_fbid=650718359002435&id=237776059583039

《做生意，點計數?》

又出盡18年功力，同你分析各行各業做生意，點計數?

錄影日期2020年4月7日(星期二)

摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
- 外賣店是 4，2，3，1
- 大型食肆是 4，3.5，1.5，1
- 肉/餐種多 4.5，2.5，2，1
- 菜/餐種少 2.5，2.5，3.5，1.5
- 主攻飲品是 2.5，2.5，3.5，1.5

(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
- 自家品牌/自己生產是 1，2，5，1-2
- 來貨轉售是 6，3，1，~0
- 便利店是 6.4，2，1，0.6
- 大小超市是 8，1，1，~0

(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
- 自助洗衣店是 2，0，6，2
- 地產代理(美聯)是 3(回贈/廣告/經營成本)，5，1.5，0.5
- 夾公仔(台主制)是 1，2，5，2
- 夾公仔(自營店)是 3，3，3，1

總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。

現在肺炎疫情會影響所有數字 ，但困難時間總會過去，大家加油!

聯絡李根興 Edwin whatsapp (+852) 90361143。租舖買舖最歡迎?

。。。。。。。。。。。。

內容全文:

依家全世界都叫減租，但其實租金佔生意額應係幾多呢?

2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。

香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?

第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。

做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。

但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。

外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。

大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。

賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。

賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。

專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。

一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。

(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。

零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。

最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。

但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。

例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。

(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。

一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。

但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。

Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。

夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。

但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。

總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。

當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。

困難嘅日子總會過，大家撐住，加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw