「邦民女」你細細個實聽過，歷任都係女神級嚟，藍色西裝斯斯文文，加個雙手好有氣質咁放喺肚仔上面嘅 pose，再同你鞠個躬講句邦民PROMISE易借易還，係咪好有畫面呢？

今年邦民女回歸喇～而家靚女咁多，一上 IG 成版都係佳麗三千，邦民同事們揀到眼都花，今次決定搞新花臣，候選咗四個妹豬入圍，舉行《邦民人氣選：女神練習生》俾佢地鬥餐飽，逢星期二晚 11 點半仲喺 ViuTV 舉行《邦民特約：女神練習生》任務挑戰賽添！

琴晚播嗰集，四位妹豬好似啲大學 freshman bb 玩 OCamp 咁，先要計數搵目的地座標，再答 IQ 題賺車費，再喺鬧市走嚟走去鬥快搵目的地，比賽集數學、地理、通識、體育堂於一身，教育意義濃厚！行勻成條東鐵線，最後終於俾佢地搵到目的地，不過個 game 鬥快嘅，由 Carrie 暫時領先！

邦民人氣選：女神練習生

#邊個係你心水
#邦民人氣選 #女神練習生 #邦民遊戲節目 #全民票選女神 #新一屆邦民大使
#全民投票開始咗 #下個月仲有專業評審賽 #7月中新邦民女誕生
#PROMISE #邦民 #邦民日本財務 #易借易還

#佢地嘅IG #記得follow喇
@angel_hok @carrie1030 @dear_eunice @katekng
@promisegirls_official

須受條款及細則約束
邦民日本財務(香港)有限公司保留一切最終批核權
忠告︰借錢梗要還，咪俾錢中介
查詢及投訴熱線︰3199 1199
放債人牌照號碼︰1328/2020

《無異之局》荒村異聞（一）
　　
同好多香港人一樣，蘇子儀係一個非常鍾意行郊野公園嘅女仔。每逢放假得閒嘅時候，佢都總會約埋一班朋友周圍走，想喺香港嘅唔同位置留低自己嘅足跡。
　
而另一方面，佢亦都對香港行山界嘅都市傳說感到非常有興趣──例如Ocamp行山撞鬼、山魅、西貢結界之類嘅「故事」，佢都幾乎聽到識背。但即使係咁，佢都冇從冇諗過類似嘅事有一日會發生喺自己身上……
　
記得當日係十月八日（星期二）。因為正好係大學Day off，所以佢約咗兩位大學朋友即興行山──今次嘅目標係去睇黃竹山廢村。
　
「子儀，點解今次會揀呢度嘅？」坐小巴嘅時候，佢嘅其中一個朋友Lois一邊掃Instagram一邊問。
　
「係囉，廢村聽落咁得人驚。」坐喺旁邊嘅阿Yan接住講：「平時妳都唔會揀呢啲地方嘅。」
　
「吓？妳哋唔覺得好特別咩？一個大城市裡面有個荒廢咗成半個世紀嘅廢村。」子儀笑住回應：「何況妳哋兩個成日話想行短程嘅，呢個咪啱晒囉。」
　
「哈哈。」阿Yan聽完乾笑一聲。
　
對佢同Lois嚟講，行山最大嘅價值就係影一輯青春健康充滿陽光氣息嘅靚相然後擺上 instagram，本身景點背後有咩意義根本就唔在乎。
　
所以當佢哋見到其他人影落嘅相係名乎其實嘅「廢村」，多少係有啲失望……但既然口快快應承咗會嚟，留喺屋企又怕更無聊，結果最後都係選擇出嚟。
　
＝＝＝＝＝＝＝＝＝
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
　
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
　
【廣告】《無異之初》、《無異之地》各大書局有售！
＝＝＝＝＝＝＝＝＝
　　
佢哋三個照住網上嘅行程教學，由馬鞍山郊遊徑嘅水泥路開始行，經過昂平然後接上麥理浩徑第四段，再走一段路就轉入茅坪古道。
　
「幾時到㗎？」Lois停低落嚟抖氣，平時少做運動嘅佢行到呢度已經上氣唔接下氣。
　
「差唔多喇。」子儀望住電話回應，對成日周圍走嘅佢黎講呢段路根本係小兒科，「上面話見到矮牆再行就會有條小橋，過埋條橋就差唔多到。」
　
一直行，終於見到教學所指嘅小橋，橋下面係一條清澈嘅小溪。當刻橋上面正好有個年邁嘅伯伯喺度休息緊，等到三個少女行到過去嘅時候，伯伯好奇咁開口問：
　
「妳哋係咪想上去黃竹山村呀？」
　
「係呀。」子儀禮貌咁點點頭，「伯伯，我想問係咪行呢條路就啱？」
　
「冇錯冇錯，」伯伯轉身指向左手邊，「妳哋過完橋轉左就會有條路上去廢村。但要小心啲……條路本來就多青苔，尋晚仲要落完雨，所以應該會幾滑。」
　
「嗯，一定會。」見阿Yan同Lois都喺陰涼嘅小溪旁邊休息緊，子儀決定同伯伯講多兩句：「伯伯上山都係嚟睇廢村？」
　
「呵呵，都睇咗好幾年囉，話晒係咁有歷史嘅地方。」伯伯笑住回應：「記得當年日本仔打到嚟嘅時候，成日都會嚟呢邊搞掃蕩……所以後生嗰班都搵機會逃走，結果慢慢就冇晒人住。」
　
「原來係咁。」雖然上網已經睇過類似嘅歷史，但子儀都盡量表現到學到嘢咁。
　
「小妹妹，如果妳對廢村有興趣嘅話，其實香港仲有另一個當年都幾出名嘅……」
　
「仲有另一個？」
　
「嗯……叫做白湖村。」
　
子儀皺起眉，來來想追問下，但阿Yan同Lois正好抖完行到過嚟。
　
「行得啦！」阿Yan捉住子儀隻手講。
　
「哈，咁伯伯都唔阻妳哋喇，拜拜。」伯伯揮揮手，然後就從佢哋嚟嘅方向離開。
　
「其實妳一早知點行啦，仲洗咩問人喎。」阿Yan細細聲咁講。
　
「咁難得見到有人，出於禮貌都應該講兩句嘅。」子儀回應。
　
穿過小橋後，佢哋一直沿住台階上，轉眼間就到達廢村範圍。映入眼簾嘅係一個仿如古代遺跡嘅景象──可以見到大部份嘅石屋都已經倒塌，剩低斷壁殘垣，而周圍都長滿綠草，感覺充滿生機……
　
「只要冇咗人類嘅干擾……大自然就會係咁樣發展。」子儀感嘆咁講：「呢刻感覺就好似睇緊未來地球嘅縮影咁。」
　
「做乜妳今日講嘢咁奇怪嘅。」Lois講，阿Yan聽完即刻偷笑一聲。
　
同子儀唔一樣，佢兩位朋友明顯對呢度冇太大感覺。當刻又正好天有厚雲，喺冇咗陽光嘅狀況下想搵個好位置影相都變得困難。而且成個廢村其實相當寧靜，假如唔係一直有人講嘢嘅話，大概真係會覺得陰森恐怖。
　
結果佢哋行咗一轉後，最後揀咗一個廢窗嘅位置影相。
　
「麻麻地……」阿Yan睇完啲相之後講：「不過執下可能都得嘅……子儀，一陣係咪睇完呢度就落山架啦？」
　
「嗯。」子儀回應嘅時候一直盯住平台下方，即係佢哋頭先上嚟嘅道路。
　
「咁一陣Lunch食乜嘢？係咪出返市區先？」
　
「更係出去先！」Lois率先讚成，「我記得觀塘新開咗間甜品店……」
　
「喂。」子儀打斷咗佢，「我好似見到下邊有人……」
　
「係咪頭先個阿伯？」阿Yan問。
　
「唔係，著嘅衫唔一樣……而且……」子儀講講下停咗，轉身望向阿Yan佢哋，壓低聲講：「佢上到嚟了。」
　
下一秒，有一位著住黑衫黑褲、戴住黑帽嘅男人嚟到廢村平台，本來一身都勉強算係標準嘅運動打扮。但最奇怪嘅係佢居然戴住黑色口罩。
　
好地地邊有人行山係會戴口罩？再加埋佢銳利嘅眼神，所以第一印象自然係偏向壞嗰方面……係賊上山打劫？抑或係遇上偷渡人士？
　
「不如走囉？」Lois神情不安咁提議，阿Yan即刻點頭同意，「子儀……係咪另一邊都有路走到？」
　
「有……」子儀都唔敢望返過去，「網上面話有兩條路，行右邊就可以出返去麥理浩徑……」
　
三名少女即刻動身，但只係行咗幾步，背後嘅黑衫男子突然開聲講：
　
「喂，妳哋三個。」
　
一聽完，佢哋即刻停低腳步。子儀感覺到旁邊嘅阿Yan全身震咗一下，而Lois差少少就會驚到尖叫出聲……當然佢哋可以選擇唔理拔腿就跑，但子儀卻鼓起勇氣轉身望過去。
　
「你……到底想點？」子儀盯住黑衫男子嘅雙手，見唔到有武器之類嘅危險物件，「如果係想打劫嘅話……」
　
「打劫？」男子聽完冷笑一聲，「我要打劫會唔會揀荒山野嶺？」
　
「嗚……」Lois聽完更加驚，「咁即係劫色……」
　
「假如係劫色嘅話，妳都可以放心，三個入面我都一定唔會揀妳。」明明已經講得好細聲，但男子依然聽得好清楚，「聽住……妳哋而家腦海裡面諗嘅嘢全部都係錯嘅，我只係想提醒妳哋。」
　
「提醒？」子儀皺起眉頭。
　
「妳哋揀錯日子上山喇。」男子接住講：「一陣落山嘅時候，記住無論發生咩事，遇到咩人都好，千祈唔好回應……要一直行、死命咁行、唔好停低、唔好回頭……直至翻出市區為止。」
　
「點解要咁做？」
　
「與其要我慢慢解釋，不如妳哋快啲行動。」男子轉身，「趁仲有機會離開呢度。」說罷，佢就沿住石階落返下面。
　
「喂！」子儀本來想追問，但阿Yan即刻拉住佢。
　
「條友明顯痴線㗎，妳仲理佢！我哋快啲走喇！」
　
見佢兩位朋友嚇到面都青晒，子儀當然都唔敢亂做決定，而係照原定嘅路徑離開廢村開始落山。
　
「我今日真係唔應該嚟……早知就留喺屋企追劇……」阿Yan邊行邊抱怨。
　
「對唔住。」子儀道歉。
　
照道理，穿過古徑之後走一段路應該就會去返麥里活徑。但意外嘅係，呢段幽深嘅小路居然行咗足足大半個鐘都未出得返去，間唔中仲會有陰風吹過雜草，感覺就好似有人隨時會喺草叢裡面突然彈出嚟咁……
　
「嗚……」Lois終於忍唔住喊出嚟，「到底仲要行幾耐……」
　
「子儀……妳係咪記錯方向呀？」阿Yan一直拖住Lois隻手行，但睇得出佢都就快去到崩潰邊緣，「會唔會行左邊先啱？」
　
「唔係，個教學明明係寫呢條……妳哋望下前面！穿過埋草叢應該就係！」
　
彷彿見到曙光一樣，三人即刻加快腳步，然而……穿過草叢之後，眼前並唔係一條明確嘅山路，反而係熟悉嘅石道，而且……
　
不遠處仲有道小橋。
　
「呢度我哋頭先咪嚟過囉？」阿Yan即刻意識到唔妥，「就係呢度遇到嗰位伯伯……吖！？」
　
啞、啞、啞、啞、啞……
　
頭頂嘅烏鴉叫聲嚇到阿Yan尖叫一聲。子儀起初仲猶豫緊係咪應該走回頭路，但又諗返起頭先嗰個黑衫男人叫佢哋要一直行……「唔好停低、唔好回頭」。
　
「各位……」諗到呢度，佢本來想為兩位朋友打氣，但Lois卻突然捉住佢隻手……
　
「下、下面……嗚……」當刻Lois已經喊到妝都化埋，佢合埋雙眼，指住石道下面嘅河溪……
　
子儀望過去，呢刻有兩個小朋友喺溪邊彎低身，背對住佢哋喺度玩水，嘻嘻哈哈咁笑得非常開心。但此時此刻見到咁嘅景象，當然係更覺得毛骨悚然……然而更令人心寒嘅，係Lois接住嘅下一句……
　
「我頭先……嗚……見到佢哋……係冇眼耳口鼻……」
　
阿Yan聽完即刻驚到同Lois攬埋一齊。而子儀就一直盯住下方，直到背後響起一把熟悉嘅聲音……
　
「咦，妳哋幾個點解返轉頭嘅？係咪蕩失路？」
　
係頭先遇到嘅嗰一位伯伯。
　
子儀想擰轉身去望，但身體偏偏冇辦法作出回應。
　
「明嘅……伯伯我呀……當年都係一樣……走咗入嚟，走唔返出去。」
　
郁唔到、亦都冇辦法開聲，只係維持住同一個動作。下一刻，開始注意到周圍有「人」從唔同方向走出嚟……橋嗰邊有、下方溪間有、前方嘅石道亦都有。當中有男有女，全部人臉上嘅五官都模糊到好似消失咗一樣。
　
「我哋其實都唔想傷害妳哋……但冇得揀……」
　
子儀感覺到背後嘅寒意越嚟越重，但佢依然冇辦法掙扎開……
　
「我哋只有咁做……先可以搵到離開呢度嘅路……」
　
四周嘅「人」開始慢慢行近過嚟，下面小溪嘅兩個小朋友亦都一樣。當刻，三位少女全部動彈不能，只可以企定定任由周圍嘅「人」宰割。
　
但就喺下一刻……
　
「我就知道發展會係咁。」黑衫男子突然喺草叢間走出嚟，「提咗妳哋發生咩事都唔好停落嚟。」
　
意外嘅係，男子嘅出現瞬間驅散咗周圍嘅寒氣。本來仲包圍緊少女們嘅「人」都即刻倉惶而逃……下一瞬間，子儀終於郁得返了。
　
「唔好擰轉頭望。」黑衫男子再次提醒，「由我身後呢條路走，一直走，就算跌低都要即刻起身走……」
　
　
「……今次一定會搵到出口。」
　
（待續）
　
　
《無異之局》正式開始連載。預計頭半本書進度應該會係幾快，希望各位可以睇得盡興啦。下集暫定星期二或三出。
　
《無異之地》實體版出咗啦！記住支持下呀～
　
p.s. 留言有人物關係表。

－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
Patreon 都開咗啦，八月中正式開始！
https://www.patreon.com/echoofheart?
－－－－－－－－－－－－－－－－－
　
【廣告】《無異之初》、《無異之地》、《時間守衡者》、《絕命上映》、《絕望走廊》、《絕無轉機》各大書局有售！
　
－－－－－－－－－－－－－－－－－
　
IG：echoofheart

中大俾人既印象係村姑書蟲、荒山野嶺、打野戰、咸濕Ocamp、野豬仔、唔係好presentable、好多canteen但無間好食，簡單黎講係一群柒柒地既理想主義者。佢地唔少天真到有啲傻，但佢地對一啲理想既追求，例如自由、民主、人權、公義等等，係好堅定。

我唔係話其他大學無或者唔堅，而係中大收生分數唔低，考到呢個分仲揀呢間U，證明佢個人唔係十分睇錢。呢群傻鳩係可以考幾條A然後讀一科畢業出黎搵萬零蚊，仲要好開心。

但我地唔記得咗一樣野，搵幾錢從來唔係斷定一個學生好唔好既因素，而係對學術既追求同更重要既係，對人性光輝既追求。

我唔同意中大學生，或者香港學生搞搞震讀屎片呢個講法，學生好，大學生好，中大學生都好，如果作為社會未來主人既佢地都下下講錢既話，呢個又會係一個何求醜陋既社會。

但呢幾個月以黎，到今晚係中大，你未必完全同意佢地既手法，正如我亦唔完全同意，但當佢地願意以個人前途為賭注去爭取自由、民主、公義、真相，無人可以否認佢地展現既勇氣同對理想既追求。

光復香港，香港從來唔係一個地方，而係一群人。
時代革命，無人可以阻止，因為呢群學生遲早會接管呢個時代。

各位加油。

今次帶大家行一個CUHK Hall Tour (+Room Tour)，等大家了解下我係有趣既大學生活、中大書院生活同中大宿舍生活! 一次過帶大家睇睇我過去一年係善衡既房入宿放左啲咩同各種玩既設施，體驗下大學生活haha

唔知大家係咪係Study Leave期間啦 :D 大家都考完DSE了，猶疑緊DSE後做咩好? 不如睇下一年後既中大學生究竟過去一年做過啲咩 :)
------------
大家記得去我既IG同我既個人網站睇一啲個人筆記同生活分享 :)
Instagram: www.instagram.com/ffclassroom
Website: http://ffclassroom.com
------------
業務合作Email: freezyflameff@gmail.com
有任何問題/ 合作機會可以透過Email找我!

#中大 #cuhk #hall life

放JUPAS了～入中大嘅你諗到揀邊間書院未呢？
我地嚟自善衡＆和聲 可能有其他書院大小事我地都唔清楚 路過嘅中大同學歡迎你地留言補充:D

00:08 如何收風？點搵冷門資料？
01:30 第一身感覺大分享！
04:11 小總結
05:28 都市傳說？

Special thanks to cameraman Wyc@Major in Travelling

Instagram: https://www.instagram.com/cheryllpy/

#粵語Youtuber #大學 #大學生 #CherryVDO

放JUPAS了～入中大嘅你諗到揀邊間書院未呢？
我地嚟自善衡＆和聲 可能有其他書院大小事我地都唔清楚 路過嘅中大同學歡迎你地留言補充:D

00:50 利申先～

中肯部份
01:18 書院制度是甚麼？
02:06 書院對你的影響
04:28 中大有甚麼書院？
05:02 各書院概況

我們的感覺
06:04 對不同書院的印象～

Special thanks to cameraman Wyc@Major in Travelling

Instagram: https://www.instagram.com/cheryllpy/

#粵語Youtuber #大學 #大學生 #CherryVDO