#gfmurmur9437 希望抽到我😞🙏🏻 真係好對唔住，負面長文慎入 講下背景先，我係一個有depression嘅女仔，佢都有少少depression同anxiety.我地喺交友app識，我同佢差4年。我地住得好遠，佢係我初戀，佢O2，一齊左8個月，過程都幾艱難下。 我地一直都視對方為結婚對象。佢好錫我，就算冇乜錢都會願意為我洗錢，會包容我嘅缺陷同缺點，好遷就我，對朋友粗聲粗氣，但唯獨對我好溫柔。我都好愛佢，我唔捨得洗佢啲錢，願意同佢捱窮，我可以比曬所有野佢，包括條命。 但問題就黎喇，我係一個極度自卑嘅人，同埋太情緒化，姐係就算小小事都覺得係自己錯，自己好冇用。我自傷成癮（但係已經為佢努力戒緊），我地之間只要有少少拗叫，甚至只係我冇做到佢想我做嘅野嘅時候（我知佢係為我好），跟住話我，好無力咁話我，我就會開始傷害自己，最後係佢吞左啖氣氹返我，我都依然覺得好自責，好心酸。我成日會覺得，佢同我一齊好辛苦，我唔配做佢女朋友，佢值得更好，我真係好唔配做人諸如此類嘅野。我都知我好唔成熟，我抗壓能力太低，但我真係完全控制唔到。但係佢仲會話「我好愛你」、「我唔會離開你」、「我唔會怪你」。而我都仲係好愛佢，我唔捨得佢，但同時又覺得he deserves better.所以每次我情緒爆發嘅時候，都覺得呢段關係好難捱。雖然佢話唔會離開我，但我覺得我咁難忍咁負面嘅性格會令佢終有一日頂唔住。有時我想就咁死左佢算，因為我好唔配。但我都知佢壓力好大，係我冇體諒佢，只係顧自己情緒...... 其實仲有一個問題，就係佢太鐘意收埋自己。其實一開始識佢嗰陣，佢會對我全盤托出，乜野心事家事都同我講曬，但近排唔知佢返工壓力大定點，佢習慣左收埋自己，佢唔開心嘅時候會對我好冷淡，同我講比佢自己一個靜下，ok我可以比啲空間佢，我陪喺佢身邊，但之後我問佢咩事佢都唔肯講。其實每次都係咁我好唔開心，我都想聽下佢講，我唔想我地之間得喜樂可以分享，我唔想佢谷住喺個心度，呢個問題我同佢講過兩次，佢話係因為唔想我擔心，但我成日都同佢講，我唔開心唔緊要㗎，最緊要你開心。我真係好唔想見到佢一個人唉聲歎氣，我覺得自己好似不被需要咁。但相反，我唔開心，想自己cut線靜下，佢就唔比我走，之後係咁講野氹返我，但佢想靜下嘅時候我係咁氹佢，佢反而會覺得煩。我覺得好唔公平，我唔開心會講曬出黎，佢唔比我cut線，就算我幾想有私人空間都唔比，ok,但佢唔開心就可以cut線，可以有私人空間，可以唔話我知咩事，好唔公平，我唔想咁，我想大家一齊face on. 試過兩次最離譜嘅係佢一個月之後先同我講返一個月之前因為啲咩好唔開心......但係佢居然同我講話男人嘅設定就係咁，習慣咩都收收埋埋......我都想知係咪真係咁，可唔可以解答下我。 其實我一直都相信，兩個抑鬱嘅人一齊會負負得正（當然亦有可能會相反），係，我地的確都為彼此撐左好耐，會support住對方，但有時候有啲難關似乎比一對正常嘅couple更難渡過......大家可唔可以比啲意見我，我真係唔想同佢分開。 多謝你地肯花時間睇到呢度🙇🏻‍♀️ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig