提提大家，今日可以去拎公共交通補貼！一蚊都唔好蝕，港鐵班契弟年年賺錢年年加價，我哋已經蝕咗好多畀佢哋，唔使多謝林鄭，佢畀返啲錢香港人係應該嘅，如果政府一早回購港鐵，調控票價，我哋根本就唔使逢16日就去嘟一嘟！

領取補貼4方法及地點：
1. 在每個港鐵站、輕鐵客務中心、指定公共運輸交匯處及指定渡輪碼頭內設置的補貼領取站拍卡領取
2. 在7-Eleven、OK便利店及惠康（包括Market Place by Jasons、Jasons ▪ Food & Living、Jasons ichiba及3hreesixty）的所有分店，向收銀員表示欲領取補貼
3. 透過八達通手機應用程式領取（只適用於備有NFC的Android流動裝置，或已配對八達通流動讀寫器的iOS流動裝置）
4. 可在八達通服務站拍卡領取

以下是查詢可領取補貼金額：
https://subsidy-enquiry.ptfss.hk/tch/enquiry

【交津懶人包】由聽日16號起，大家終於可以攞政府交通津貼啦，之後每月16號都係領取日。不過，記得攞交津係有3個月時限，即第一筆錢要係5月15日前攞。

金額方面，只要用八達通搭滿$400，超出的金額會由政府補貼25%，上限$300。但唔可以合併八達通卡計算。

今次大部份公共交通工具都包括在計劃內，但的士當然唔包啦!

交津計劃不限年齡同入息，自然冇入息審查，而且基本上不需登記。不過，如果你揸住嘅係港鐵都會票等特別票，就需要到自動登記站登記，咁開支先可記錄係八達通。

至於攞交津嘅地好多，總有一個係附近：

(1) 每個港鐵站、輕鐵客務中心、指定公共運輸交匯處及指定渡輪碼頭內設置嘅補貼領取站 ；
(2) 7-Eleven、OK便利店和惠康嘅所有分店；
(3) 八達通手機應用程式 (只適用於備有NFC的Android流動裝置或已配對八達通流動讀寫器嘅iOS流動裝置)；
(4) 八達通服務站

大家經過記得去嘟一嘟，唔好蝕咗! 想查翻公共交通開支摘要、補貼金額及指定車船票的登記狀況摘要，可以係呢個網址做到：

https://subsidy-enquiry.ptfss.hk/tch/enquiry

#公共運輸費用補貼計劃 #交通費要高過$400至有 #補貼上限$300

#Now財經台
===============================
- 下載《Now財經》App，睇盡財經及地產新聞 -
iOS：http://bit.ly/11bgYgy
Android：http://bit.ly/ZLf9WC
*記得將我哋個page設為「搶先看」呀*

===============================

八達通由推出至今，儲值上限一直都係維持喺港幣 $1000。有時買下嘢飲同埋搭車就當然夠用啦，但係有時又真係未必夠用個喎，好似日泊嘅停車場費用咁，泊多幾日都未必夠，所以詢眾要求，八達通由 2019 年 12 月 1 號開始，就提高最高儲值上限到港幣 $3000 喇。

如果你嘅實體八達通卡係喺 2019 年 12 月 1 號之前發出，你有兩種方法提升最高儲值額。你可以去就近嘅八達通服務站，撳一撳個畫面，揀提升儲值限額，跟住拍卡，你張儲值咭嘅儲值上限就成功提升咗喇！

如果你嘅 Android 手機有配備 NFC 同埋安裝咗八達通 App，你亦都可以打開你嘅手機八達通應用程式，喺選單揀管理八達通卡，揀返你要提升嘅嗰張，再揀提升儲值限額，跟住拍埋卡就搞掂！

如果你用緊嘅係三星手機嘅 Smart Octopus 功能，你亦都可以直接喺八達通手機應用程式入邊，揀返提升儲值限額嘅 Banner，之揀 Smart Octopus，再直接揀返提升儲值限額，進行身份認證咁就搞掂哂㗎喇！

《Z世代達人》
麥卓華

八達通手機應用程式早前又有更新，今次加入咗乜野功能呢？ 今日就同大家睇下。

今次都算係一個比較大嘅更新，全新設計嘅介面，比之前更清楚顯示OEPay戶口、Sim卡八達通同埋Samsung Pay八達通卡嘅餘額，而相比之前要去到App入面嘅「轉入」、「轉出」功能幫八達通卡增值，宜家已經更新為「增值」選項、唔熟呢個App嘅朋友仔亦都唔駛周圍搵啦！

另外，官方表示今次更新加入咗查閱過去3個月嘅交易紀錄功能。你可能會話、唔係一向都有呢個功能咩？ 我哋不如回帶睇下，之前要查閱有關嘅交易紀錄，一定要用有NFC功能嘅手機拍卡先做到。更新咗之後，只要好似我咁，在App入面啟動免NFC查閱功能，再用卡確認，之後打開八達通App就可以即時查閱到交易紀錄。你可能會問、有乜用呢？其實如果你想睇下小朋友嘅交易紀錄同埋有無亂買野、呢個功能就唔駛次次問佢哋拎卡咁尷尬，亦都可以實時睇到相關嘅數據。另外，用唔到NFC嘅iPhone用家亦可以透過呢個功能去查閱到交易紀錄啦！

《Z世代達人》
麥卓華