雖然這篇neway唱幾耐鄉民發文沒有被收入到精華區:在neway唱幾耐這個話題中,我們另外找到其它相關的精選爆讚文章
在 neway唱幾耐產品中有6篇Facebook貼文,粉絲數超過43萬的網紅果籽,也在其Facebook貼文中提到, 雖然卡拉OK行業越嚟越式微,但阿晴依然好鍾意唱K,可以同朋友聚吓舊、唱吓歌、享受吓夜生活。可惜疫情下連Neway都結業,唔知香港嘅卡拉OK仲可以做幾耐呢? bit.ly/2RnmG1S #而家連燒烤同唱K都容納唔到好多人 ============== 《果籽》MeWe 👉🏻 mewe.com/p...
同時也有1部Youtube影片,追蹤數超過80萬的網紅果籽,也在其Youtube影片中提到,5月4日,阿晴手機上突然收到幾個朋友傳來訊息:「你檔嘢執咗喇!」追問之下她才知道,原來Neway被呈請清盤,阿晴頓覺晴天霹靂,「以後冇得唱歌了⋯⋯」 阿晴今年45歲,卡拉OK剛引入香港時,十多歲的阿晴已經和朋友去排隊唱K,她試過去酒廊上台唱,「要排隊一枱枱輪住上台唱,所以一到我哋就點串燒歌,可以唱...
neway唱幾耐 在 果籽 Instagram 的精選貼文
2021-06-21 11:30:06
雖然卡拉OK行業越嚟越式微,但阿晴依然好鍾意唱K,可以同朋友聚吓舊、唱吓歌、享受吓夜生活。可惜疫情下連Neway都結業,唔知香港嘅卡拉OK仲可以做幾耐呢? #而家連燒烤同唱K都容納唔到好多人...
neway唱幾耐 在 麻甩女子祖·美食插畫提案? ?? ?????? Instagram 的最佳貼文
2021-05-09 23:58:32
【唱K同朋友嘅小經歷🎤】 #阿祖食得嘅插畫 等吓做分享吓自己嘅回憶😹 暴露年齡! 你又有幾耐冇同朋友唱K呢? ——— 💜阿祖主題刨冰開催中💜 5-6月限定店,你點可以錯過🍧 ——— #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hk...
neway唱幾耐 在 歪歪 Instagram 的最佳解答
2021-05-12 09:47:50
對上一次neway唱k已經係19年…… 呢兩年冇男人ktv都唔敢說心事了 搵咗好耐只係搵到部分唱歌片 覺得有啲奇怪 我冇理由唔拍晒成首㗎喎 突然醒悟:我肯定係每首歌得幾秒冇走音😌走音嗰啲我自己鏟晒 1.必殺技 2.痛愛 3.初見 4.悟空 #neway #古巨基 #林峯...
-
neway唱幾耐 在 果籽 Youtube 的最佳解答
2021-06-08 21:00:125月4日,阿晴手機上突然收到幾個朋友傳來訊息:「你檔嘢執咗喇!」追問之下她才知道,原來Neway被呈請清盤,阿晴頓覺晴天霹靂,「以後冇得唱歌了⋯⋯」
阿晴今年45歲,卡拉OK剛引入香港時,十多歲的阿晴已經和朋友去排隊唱K,她試過去酒廊上台唱,「要排隊一枱枱輪住上台唱,所以一到我哋就點串燒歌,可以唱耐啲唔好蝕吖嘛!」後來有K房,她又試過在櫃枱拿LD碟進房唱,唱完出去換第二隻。她甚至買了一部卡拉OK機回家唱,因更喜歡K房的氣氛,所以繼續去K房唱。唱至今天仍在唱。
https://hk.appledaily.com/lifestyle/20210606/XK63XANNBNAIRPRBQJR6ZV3TUU/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#卡拉OK #唱K #Neway #K房 #串燒歌
#果籽 #StayHome #WithMe #跟我一樣 #宅在家
neway唱幾耐 在 果籽 Facebook 的最讚貼文
雖然卡拉OK行業越嚟越式微,但阿晴依然好鍾意唱K,可以同朋友聚吓舊、唱吓歌、享受吓夜生活。可惜疫情下連Neway都結業,唔知香港嘅卡拉OK仲可以做幾耐呢? bit.ly/2RnmG1S
#而家連燒烤同唱K都容納唔到好多人
==============
《果籽》MeWe 👉🏻 mewe.com/p/as.appledaily
《果籽》TG Channel 👉🏻 t.me/appleseedhk
立即追蹤接收最新資訊
=============
收看更多精彩影片
訂閱《果籽》YouTube Channel 👉🏻 bit.ly/AppleseedSub
=============
💪🏼 VIP撐《蘋果》計劃
每月$300起: bit.ly/33LO1yC
neway唱幾耐 在 港式情侶 HKstyleCouple Facebook 的最讚貼文
【 #那些年的港式情侶 - Neway清盤 真正唔捨得嘅係以前啲回憶】
「各位Neway既k迷係咪玩得好開心呢?」(有聲)
今日一早見到Neway申請清盤嘅消息,相信好多人(包括小編)都唔算好意外,畢竟疫情打擊真係大。不過內心都難免有少少不捨,與其話唔捨得Neway,不如話唔捨得以前唱K啲難忘回憶。
.
仲記得當年小編仲讀緊中學,一班人每逢考完試早放都一定狗衝去唱K,校服都唔換了,唱K要緊!嗰時K-lunch仲係$39蚊唱兩粒鐘,求其打電話去前台叫兩杯甜到生腎者之石嘅「波斯貓」就開波。然後你哋開始點歌,開始有人抱怨自己首歌輪極都未到,開始有咪霸掉低句「喂我飲歌」就搶埋你點嗰隻歌,開始有啲hihi點完又要開伴唱,又或者怕醜唔唱,問「邊個㗎隻歌」,全場竟然靜到聽到支咪啲回音......
.
唱多幾隻歌之後,啲騎呢友開始慢慢上水,先有A君唱周董死都要唱埋段rap但完全唔夠快,又有B君用哭腔唱歌乸埋晒口面,再有C君逢人唱歌必和音,你唱一句,佢就用氣音重複返你呢句最後嗰幾粒音,忍咗好耐先無執佢一身......
.
一輪熱身之後,你膽粗粗同你暗戀對象合唱万刀甲同Stephy嘅情歌,「太慣看你左邊笑臉~」、「差點想碰你的肩~~」。雖然你哋啲音完全和唔到,甚至見到其他人由歡呼聲變到開始面露難色,但你望住佢笑,唔小心同佢視線碰撞,成間K房,啊唔係,係成個世界,就好似得返你同佢。
.
最後終於嚟到唱K嘅尾聲,大家開始機關算盡,唱完一次副歌就cut,臨尾仲要插首13分鐘、古巨基嘅《勁歌金曲》先滿意,以求榨盡每分每秒。唱到就快斷氣終於唱完,個mon即刻傳嚟熟悉嘅畫面,成班歌手爭住問候你:「各位Neway既k迷係咪玩得好開心呢?」,你仲好小學雞咁串返佢「唔開心啊!」不過其實問心,你係好開心嘅,甚至內心暗自發誓,返去一定要練多啲歌,下次無人可以再笑我走音!
.
「一開心唱飲歌~不開心唱飲歌~」以前嘅開心好簡單,可以係笑個fd走音,可以係一齊喺K房賣醉,唱到天昏地暗。見到Neway清盤嘅消息之所以難過,唔係因為唔捨得Neway(有啲歌都唔齊嘅,呸),而係我同你都驚,呢個屬於青春嘅回憶會成為絕唱。
.
「喂,今晚旺角瓊華通K,Come?」
.
#最嬲係唱唱下有人cut咗你隻歌 #啊唔小心撳錯 #又或者點歌點錯首演唱會版 #勁多廢話要講 #情侶 #愛 #愛情 #語錄 #拍拖 #香港 #搞笑 #回憶 #80後 #90後 #集體回憶 #唱K #neway #再見了我的青春 #我的初戀 #我仲想入去唱mirror的
.
即like 港式情侶 HKstyleCouple 緊貼更多港式愛情生活資訊❤️!
IG : https://instagram.com/hkstylecouple
歡迎Dm投稿戀愛趣事,我哋等緊你㗎😙!
neway唱幾耐 在 張晨("鳥"不起) Facebook 的最佳解答
《人生哲理-不要隨便飆高音》
呢個哲理,要講一段往事。
大學時代嘅一份Part-Time,記得全部都係哥哥姐姐、
加埋我呢個豆丁,咁青春,自然啱傾。
而啱傾,嗰個年代就會去唱K。
而唱K,又經常有啲「喂,我個fd都嚟」嘅場面出現。
記得主管大佬Peter 入到K房,杯Fruit Punch都未到,佢電話就響。
我隱約聽到佢講咗四句。
「喂!點呀。」
「喺邊?同班同事放工唱K咋。」
「係呀…係呀…咪佢哋囉…銅鑼灣Neway…」
「好…陣間見。721號房…」
呢4句 阿Peter 嘅表情係由輕鬆、到凝重、再到絕望。
之後佢同其他人講:「阿榮哥話…佢都嚟坐下喎。」
其他人聽到,面容都不自然地扭曲,有種「掃興」嘅感覺!
咁「掃興」?Reject佢囉!!!使咩畀佢嚟!
(怒氣值10%)
「唔畀佢嚟好煩㗎。榮哥話晒老行尊。」
Sandy姐點起煙,冷靜咁講咗句。
我當年入世未深,但依然大致明白。
總之就係前輩級,而且小器,鍾意人哋迎合佢。
好,榮哥果然轉眼就到。
見佢比我哋年紀略大,戴副粗白色眼鏡,講嘢都係大大聲,懶搞笑咁(呢一點似我,所以更加憎佢)。
而我啲同事呢?個個都變到好客氣,對住一連串嘅爛笑話,仲好畀反應!
其中一個爛Gag是咁的:
「喂!(突然搶咪)唔好唱住!問你哋IQ題!知唔知點解小明喺99樓跳落嚟都無死到呀???因為…(爆咪)佢好彩呀!!!!!哈哈!!」
好彩?好彩Sandy姐抆住我咋,如果唔係我已經車咗個煙灰缸過去。
(怒氣值15%)
去到中段…話「嚟坐下」嘅榮哥已經當咗呢度係佢嘅私人concert,不斷插歌。
我首《第二世》真係有機會…要等到第二世先唱到。
呢個時候,榮哥見我咁納悶,叫咗我一聲:
「喂!晨仔!呢首你陪我唱!」
我心諗?陪?你賠返百幾蚊畀我就真呀!
成粒鐘我唱咗首《目黑》咋,仲要係唱Fiona嗰Part呀!
(怒氣值95%)
OK,我沉住氣…望一望首歌…
係曹格嘅《背叛》。
我忍住內心嘅笑容,拎起支咪,心諗:「廢老,你買板唔知訂啦…《背叛》個高音嗌位,我沖涼嗰時起碼練過百九幾千次…緊緊相依的心如何Say goodbye ?Let me show you la!」
一開始,佢雄渾嘅聲音已經搶閘而出,
一首咁高音嘅歌,頭段去到咁盡,尾段實無氣。
於是我緊緊跟喺後面,伺機爆佢!
果然去到副歌,我爆啦!!!
『緊緊相依的心如何Say goodbye!!你比我清楚還要我說明白!!!』
我快馬加鞭,策馬奔騰,從後而上!佢臉色一變,發現300呎嘅K房之內,竟然瞬息畀我嘅音域包圍,嚇到佢有音影!
『把手放開不問一句 Say goodbye!!!!』
去到呢一句,分勝負了。
佢把聲已經扯到盡,漸見沙啞…我再吸一口氣!!諗住喺最後一句將佢滅聲。
呢個關鍵時候,大佬Peter輕輕力按一按我手臂,我望一望佢,佢其實咩都無講,只係微笑,繼續輕力按住我手臂。
唔知點解,明明未入社會大學嘅我,嗰一刻竟然明白佢嘅深意。
如果將佢幻化成一句對白,大約就係
「後生仔,不要隨便飆高音。對住呢啲人,何必呢?」
(怒氣值0%)
『當作最後一次對你的溺愛~冷冷清清淡淡今後都不管…只要你能愉快…』
最後呢段,我收掣。無再飆高音,畀榮哥嗌盡佢。
唱完,榮哥用勝利者嘅眼神望住我。
但我已經無咩感覺。
我只係望住自己一直尊敬嘅Peter,佢依然無講咩,笑笑口。
但我諗,我做啱咗。
社會上,你有能力飆高音,但都要睇場合。
榮哥係咩人?由班同事買佢怕就知-麻煩人。
而且喺行內可能有啲影響力。
你影響力唔夠佢Fight,
又要找佢麻煩,分分鐘就係麻煩到班同事。
自己就話Parttime一個,爛命一條啫。
但成班前輩都係Full-time。
佢哋承受得更多,但忍咗成晚都無發作,
你邊有資格強出頭?
而且…仲要諗Peter嘅身分。
佢先係阿頭,畀你衝出嚟贏咗,佢又顏面何存?
佢或者唔介意,但呢種尷尬,你可以避免。
高音嘛,人人都有。
但幾時飆、幾時收;幾時放、幾時留,先係大學問。
而矛盾嘅係,
當你學識晒呢個大學問嘅時候,
你已經失去咗呢把高音,
同時,
都唔係咁多人夠膽…喺你面前飆高音。
IG: cheungson88
https://www.instagram.com/cheungson88/
*成日叫人加IG…但都無咩嘢睇…不過而家真係有啦!
因為人生第二次斷咗十字韌帶,
所以用Ig stories記載咗「唔知會長達幾耐」嘅「斷裂心得」!哈哈…
=============