【 賣文時間／橫睇掂睇第四篇 】 _ 睇劇耗費心神和時間，「投資」極大，假若追看至中途才發現有「爛尾」可能，又不能乾脆「棄劇」，確實內心交煎。近年「教訓最大」的經典例子莫過於「HBO神劇」《權力遊戲》（Game of Thrones），為了追趕進度，讓自己能夠在第八季（2019年4月首播）播出時同步收看。提前一年多從第一季追看至第七季，結果發現最終季的故事發展水過鴨背，第三集「人魔大戰」（The Long Night）之後的劇情更是完全暴走，當下除了瘋狂爆粗外（鬧到而家），就只有幻想自己「𠝹櫈」，畢竟痴心錯付如撥出去的水，怎也收不回，為免再度「受傷」浪費光陰，「開劇」與否的其中兩個標準是：時間短、集數少，剛於Netflix上架，並迅速登上點播排行榜（9月15日排名第九）的日劇《激辛道》（ゲキカラドウ），就是近日的成功例子，全季12集，每集大約30分鐘左右，結果看完頭兩集後便決定追看到底。 _ 《激辛道》並非「本季新番」，而是今年1月在東京電視網（TV Tokyo Network，簡稱TXN）「Drama Holic!」（ドラマホリック!）時段，即周三深夜12時過後播出的「2021年冬季深宵劇」，演出陣容不算吸引，男主角是現年32歲的「Johnny's WEST」成員桐山照史，《激辛道》是他入行接近20年以來首度擔正，雖然由2002年出道開始已走偶像路線（2002年跟Johnny’s事務所簽約後，翌年加入B.A.D，2014年再以「Johnny’s WEST」成員身份繼續演藝事業），幕前演出不少，奈何外貌平實，是那種很難一下子就能夠讓人記住的演員，直接點說，就是觀眾緣一般，拍劇時遇不上一些很吃重的角色，倒是劇場界發展不錯，已多次做主角，但難以衝出本土，說不定劇中飾演上司的資深演員平田滿，香港讀者認識他的機會，較桐山照史還要高。事實上，平田滿絕對是全劇「人氣最高者」，另外幾位主要演員，包括泉里香、中村嶺亞、森田甘和前川泰之統統「生面口」，正因欠缺卡士，追劇反而變得純粹：就睇下你個劇本寫成點！ _ 故事講述主角猿川健太（桐山照史飾），是大型飲品公司的白領，負責業務推廣，有天突然獲通知要由大阪總部調往東京分部上班，結果遇上一班「騎呢同事」，悉數皆嗜辣，而且不是「十小辣」的淺嚐程度，是「辣到反艇」的博命級數，初來埗到的猿太為了加快融入團隊，明明不習慣吃辣，也要頂硬上，結果從中有所領悟，對工作和對人生都有全新看法。誠如上司谷岡和彥（平田滿飾）話齋：「辛辣的『辛』，可以讀作辛苦的『辛』，但『辛』字再加上一筆，就會變成幸福的『幸』！」嘩～～人生啊，天天也有甜酸苦辣，只是辣度（困難與障礙）有高低而已，乍聽又是日劇那種充滿正能量的慣常設定，但今次透過連環吃辣來包裝，感覺不會過份老套，加上每集都有大約三分一時間，透過影像和旁白，呈現爆辣菜式的烹調和進食過程，部份更是超級近鏡，令人食慾大增，當飲食節目來看也可以，對於一眾喜愛日本的香港人來說，《激辛道》可以視為世紀疫情下無法「返鄉下」的一種心靈慰藉。 _ 此外，《激辛道》雖然是《孤獨的美食家》（孤独のグルメ）系列的姊妹作，但前者群戲多（那些用來表達「太愛吃辣」的誇張舉動，加上廚師瘋狂加辣的過程，令人更覺好笑），有劇情推進（先有困難，再有解難），能呼應主題，而且桐山照史喜感頗強，突顯角色天真而充滿幹勁的性格，使得故事變得「易入口」，反而後者並不屬「類型劇」（即沒有劇情），看過一兩集，發現來來去去只有松重豐一個人自說自話，食飽後再得到心靈滿足，這種獨腳戲著實悶到爆，決定放棄，心諗怎能夠拍足九季？唯一解釋得到的理由是，成本極低，口碑不俗，才會長拍長有。 _ 原文刊於《am730》 標題：激辛道 —— 辣辣辣辣辣辣到觀眾有得著（2021年9月15日刊登） _ （18092021） _ #游大東 #游大東影視筆記 #日劇 #激辛道 #ゲキカラドウ #桐山照史 #泉里香 #中村嶺亜 #森田甘 #前川泰之 #平田満 #netflix #am730 @am730 #18092021 @everydaylifestylist @foodandtravelhk @bon_jpchannel #孤獨的美食家 #松重豊

Now TV 新自選服務主打 獨家歐美劇 ！ 得獎冷門神作？！爭議性劇集？！滄海遺珠？！ 《Now Studio》 四月啟動！ 美劇市場在疫情新日常下漸成為各家平台兵家必爭之地！除了平時備受留意的網上點播平台Netflix 及Amazon 外 , Now TV 都開始為香港用戶的美劇迷開通專有自選服務名為 《Now Studio》主打獨家劇集！九叔就同大家了解一吓《Now Studio》到底搞邊科！ https://nowplayer.now.com/ondemand/seeall?filterType=appPlayable&nodeId=202103160000476 ◼得獎冷門神作 當中完整六季喜劇《富家窮路 Schitt’s Creek 》收獲2個金球獎及9個艾美獎，身為喜劇迷的九叔 一直想找來一看卻苦無來源，今次算是得嘗所願🤩。其他尚有 收獲2019年金球獎最佳男主角(2季，美國已續訂第3季)的《 拉米的瘋狂美國夢 Ramy 》 與及收獲金球獎及 艾美獎最佳劇集的《 Mr.Robot 》。 ◼爭議性題材劇集 安樂死爭議題材《死亡天使Mary Kills People》 講述女主角日間作為急症室醫生拯救生命，晚間則成為收費為末期病人提供安樂死服務的死亡天使。另外尚有《應召女友 The Girlfriend Experience》及 《脫衣舞俱樂部P-Valley》 等敏感題材劇集。 ◼滄海遺珠 權力遊戲“小狼女”Maisie Williams主演黑色幽默喜劇《死剩兩星期Two weeks to live 》女主角 Kim誤以為尚有兩周世界末日，頓然決定成為少女殺神為父報仇殺出一條復仇血路！其他尚有Flyfire , Castle 小生 Nathan Fillion 破格演出的警探劇《The Rookie》與及雖然第三季後被取消但第一二季仍然是神劇級的英國科幻劇《真.人類HUMANS》 。 ◼使用體驗！ 現有Now TV用戶可在機頂盒的自選服務選擇《Now Studio》或 Now Player App 內的欄目收看。未購買自選服務亦可試看劇目中的首集，而且在Now Player App 中還可以下載到手機上方便隨處觀看。 大家可以襯復活節假期一試《 Now Studio 》 服務。

【喺Economist嘅香港辦公室打GVG】 話請《經濟學人》嘅姊妹刊物《1843》，早前聯絡我話想做訪問；而個訪問特別之處，就在於要同受訪者做一件佢平時中意做嘅嘢。世界各地嘅社會人士，就係跑步食煙購物睇展覽館咁樣。 本來做外媒訪問，我當然提議嘅就係「行山」，透過行山去講下山頂嘅風景，又講吓自己有幾鍾意香港呢個地方之類果類大路嘢啦。點知因為武漢肺炎，話喺戶外太危險，呢個建議唔得。 結果，記者睇完《Unfree Speech》同埋《Joshua Teenager vs Superpower》，就反建議問可唔可以打機。我當時都嚇左一跳，話自己打開GVG，但都有啲懷疑，呢樣野會唔會上到呢種國際媒體。 而且都有問佢哋，就算肯都好，又到底點樣搵個地方可以打機呢，去我屋企又真係唔係咁方便⋯結果佢哋真係搵左兩部PS4返嚟，仲要買埋《Gundam Versus》，自己係屋企練左幾鋪。 然後幾日前，我就真係上咗位於太古港島東商業區嘅 《經濟學人》office，同兩位記者打咗大半個鐘GVG，成件事真係覺得好超現實，得意得嚟亦都幾有違和感。 打機當然緊要，但同時我都講咗對於未來政局研判，包括如果立會個半，北京會唔會搞臨立會2.0，一口氣DQ成70個議員，到時又點破局，透過要挾取消獨立關稅區，即「國際攬炒」反制中共。 當然為咗豐富訪問嘅內容，而純粹講述遊戲亦都冇乜特別，所以當然佢哋都要從點解我鍾意睇高達呢個角度入手，咁記者就問咗我好多關於高達嘅劇情，我都提到自己好鍾意睇《鐵血的孤兒》。 結果，兩位記者今晚就話我知，佢哋啱啱留意到，原來Netflix有Iron Blooded Orphans睇，之後為左寫呢篇訪問，兩個經濟學人記者真係睇緊呢套動畫，仲問我鍾意邊個角色咁樣。 可能有好多人覺得睇高達或者追動畫，係細路仔先會做嘅嘢？但其實好多動畫都有好深嘅寓意，反映社會實況，充滿政治含意，尤其是係高達所承載着嘅反戰思想，以及對於政體權力鬥爭嘅描寫，都係相當仔細。 點都好啦，都辛苦晒兩位記者無啦啦因為呢個訪問，竟然要去追《鐵血的孤兒》嘅動畫，唔知呢篇訪問見街之後會寫成點，但都真係希望呢套最呼應到香港實況嘅高達動畫，能夠讓到國際社會可以從一個更特別嘅角度，了解香港少年投入抗爭以致戰爭，種種掙扎同埋心路歷程。