【腕錶】日本藍 G-Shock MR-G「勝色」系列 驟眼睇「勝色」呢個字，大家可能諗唔到究竟佢係咩色 (甚至可能莫名地諗起「勝瓜」)；但其實所謂「勝色」，係指日本武士道精神中嘅「勝利顏色」，翻譯返做人話呢，就即係深藍色。如果都係唔明呢，就可以去睇下G-Shock出嘅MR-G「勝色」系列啦。 「勝色」系列總共有三個型號，分別係MRG-B2000B-1A、MRG-B2000R-1A，以及MRG-B1000BA-1A，三款都用上重結晶鈦金屬錶殼，外型極具厚重感。配鈦金屬錶帶嘅MRG-B2000B-1A時標、錶冠及錶面螺絲用上黃銅色；而配毘沙門龜殼紋氟橡膠錶帶嘅MRG-B2000R-1A就係古銅色。錶面同樣有日式鱗紋圖案，並以「勝色」作點綴。(售價HK$25,780) 而MRG-1000BA-1A就係更為輕巧嘅版本，同樣使用鈦金屬錶殼，同樣有「勝色」細節 (售價HK$23,380)。 功能上，三款都能配有接收時間訊號和藍牙通訊功能，並可顯示兩地時間、星期。MRG-1000BA-1A可顯示日期。