早排彈咗求職者阿俊去一間旅行社做，起初佢雄心壯志，又話要做旅遊大亨，睇見佢咁上進，我梗係開心啦！不過由於呢個位係Sales Manager，畀公司捽數就梗，大約3個月之後，阿俊已經開始向我求救。

「喂，聶爺！頂唔順呀，仲有冇工介紹呀？」

「吓？上次明明聽你講同幾間airline傾緊合作，唔係撈得幾好咩？」

「好條命！一個禮拜幾十個會要開，GM又set到個kpi離哂地，根本冇可能meet到target......(下刪一千字)」

「你冷靜啲先，咁你平時用咩方法去reach啲客㗎？」

「咪send email囉！日日返嚟send百幾個email，明明啲package同discount已經好吸引，都硬係冇單，唉！」

之後每隔幾日，阿俊都好似錄音機咁，send同樣對白嘅voice message嚟，問我有冇工介紹。

呢個情況維持咗兩個月左右，阿俊終於決定劈炮唔撈。直至有一日我手痕入email剷嘢，先發現原來佢曾經send過一封機票連酒店嘅生日優惠電郵畀我，不過個email就去咗junk box，白白嘥咗個promotion。

阿俊係勤力仔嚟，奈何用錯咗方法。其實有好嘢要推廣，應該用1O1O Business Solutions個MMS宣傳service吖嘛，唔使浪費時間follow up，又唔使估個客睇咗未，個性化訊息直達手機，有圖有盛又識郁，一目了然，傳送率高過email好多。

最重要係你同個客都有得益，試想像下，如果連你公司啲優惠同埋一番心血都石沉大海，就等於白做㗎喇。

話時話，間旅行社又叫我搵人，唔知我再彈阿俊去見工，佢會唔會同我絕交呢？