［身痕文學］係喎，王家衞vs 金基德，比較文學。

TLDR：玻璃杯as a metaphor。借來的空間，借來的時間。

1. 實情睇過好多次，最初戲院上唔肯定有冇睇過，但VCD呀TVB呀有線呀睇咗N次。然後有年電影節都睇過，仲要係在旺角（朗豪）！

2. 當然又係嗰句，唔同年紀睇有唔同體會。細個睇可能只係當黑社會片。大個少少，就梗係睇劉華同張曼玉在個電話亭打茄輪。

3. 再大個啲，睇萬子同張學友雀館。或者係梅窩巴士，大角嘴麗華戲院等等嘅風情。（又，「今日我喺呢度賣魚蛋，聽日我喺中東賣飛彈！」，完全反映返當年中東局勢兩伊戰爭，結果到而家仲係阿富汗）

4. 再大少少。扮文青睇咗2046 花樣年華 等等後，又睇返 《旺角卡門》，的確見到好多嘢已經有雛型。亦證明王家衞玩「商業」一樣係得。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
5. 唔係話「商業 vs 藝術」完全冇界線，但我嘅unpopular opinion係：好多人只係用「藝術」去掩飾自己嘅嘢唔掂。你寫得掂垃圾文識寫標題黨，先有資格講我不屑玩呢種遊戲。

6. 早排連睇9套金基德，佢當然從來都冇玩到「商業」嘅遊戲，但我有理由相信佢一樣識玩。因為佢嘅電影就係好鍾意刻意誤導你，你以為會咁咁咁，就唔係。呢個亦表明佢知道一般「商業」電影嘅玩法，佢就特登唔玩，吹咩

7. 你話王家衞唔計算咩？我覺得佢一樣好計算，正如我覺得金基德一樣充滿計算。只係人地計算嘅玩法唔同。佢地知道鬼佬想要乜。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
8. 正如最簡單最入門級嘅「xx as a metaphor」，我都寫過，金基德《慾海慈航/援交天使》嘅石頭（代表審判），或者係《漂流慾室/島》嘅魚鈎（代表控制），《情慾穿心箭/情弓》嘅弓箭（代表父權傳統），甚至係《感官樂園/空屋情人》嘅哥爾夫球棍（片名就係3-Iron，投閒置散嘅嘢）

9. 《旺角卡門》呢？就係「玻璃杯」，玻璃杯代表嘅係「從良」，正常人嘅生活，心中嘅安寧，亦即係《吳清源》嘅棋局，《英雄》寫書法。劉華成日打爛晒啲杯（呢個象徵佢追求寧靜但偏偏人在江湖柏木由紀），張曼玉（表妹！）話唔想佢冇杯用，所以自己收起咗一隻，如果需要嘅可以去搵佢。意思已經講到好明。

10. 《旺角卡門》仲有一個重點：「借來的時間」。呢個亦係《天若有情》（我知唔係王家衞）嘅主題，A Moment of Romance（英文戲名），歡情太暫，只求望一望，讓愛火永遠的高燒。正係劉華同吳倩蓮著咗草去澳門，先可以好似普通情侶咁安樂一陣，但好快已經有人拉返佢去現實。正如《旺角卡門》一樣，劉華同張曼玉去大嶼山依泣一陣，又係有江湖事拖返佢出嚟。只怨歡情何太暫，轉眼分離緣有限。

11. 呢個亦係金基德《漂流慾室/島》嘅情節，正係大家朝不保夕先可以扑過不停愛恨纏綿，到真係齊齊幫間愛巢油油（代表安家生活）就冇戲唱了，男嘅孟浪女嘅控制慾，冇得玩的。

12. 事實啲童話就係 自古美人如明將，不許人間見白頭。只講一句「從此快快樂樂生活落去」。因為冇「借來的時間」，冇外敵，就變咗為啲無聊嘢嘈了。結婚就係極唔浪漫嘅一回事，日日都係嘈塊廁所板放上定放低，或者阿仔讀邊間幼稚園。文藝作品中嘅男女係冇呢啲問題的，所以幾時都話，文藝女青年這種病，生個孩子就好了。冇乜嘢比生個B更加能摧毀一個女文青在你心中嘅印象。如果唔夠，生多個。你見到中學校花叫佢衰仔drink drink water，包你咩幻想都冇晒。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
13. 係喎，其實夫子自道，當然我唔係自比王家衞。但你懂的，我亦唔使好多人睇，有2000個true fans撐Patreon已經好夠。我一樣識玩垃圾標題黨遊戲但我就真係 倦也悶 在某天已拒絶再玩。正如我唔會出嚟寫北京交易所，個撚個平時講到大陸嘢政策不能預計唔知佢想點，但忽然又中南海直線上身，又個個變身國師知晒之後幾百步棋想點。

14. 正如我識玩考試遊戲，但襟芒四十幾歲人啦，仲去讀書咩。正如我都識玩辦公室白領遊戲corporate ladder，唔算好叻但叻過好多人啦，但一樣：

15. 但我厭倦 倦也悶 在某天已拒絶再玩 （其實鍾意安全地帶版多啲，但唔識日文，而廣東話版填詞真係好）

16. 當然啦，玩過而又唔太失敗，先可以講呢句。正如我入到港大，咪先可以話你知，「咪又係咁」「不外如是」。正如我出到本書，先可以話你知，「咪又係咁」「不外如是」。但就要試過先知嘛。

17. 總之，《旺角卡門》好睇的！必睇！

18. 都話，雅俗共賞，MK仔當黑幫片睇，少女睇劉華，男仔睇萬子，文青可以懷念舊香港。

19. 我就憑弔我逝去嘅青春。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
20. 噢其實，《旺角卡門》講嘅亦都係「拒絶再玩」嘅故事。劉華早已厭倦呢啲仇殺生活，但正如上面講，人在江湖柏木由紀，明明佢想了無牽掛，但偏偏太多情。有個仲係想做大事想證明自己嘅馬仔烏蠅（張學友），有姑媽，有表妹。

21. （劇透）最後劉華係搵到隻杯，但結局都係死咗。冇錯，就係死咗，先搵到心中嘅寧靜。呢個亦係金基德好多戲嘅主題：捨棄肉身然後得道。有時係死咗（《聖殤》，《春夏秋冬》嘅老憎），有時係魔幻化（《感官樂園/空屋情人》最後個磅變咗零）。

22. 拿，都話比較文學！金基德vs王家衞。真係拎去寫論文都得。當然兩個導演其實唔太似，王家衞更加係一個「金句」導演，而且好多時都唔係拍現代。金基德粗糙好多，多數都拍現代，但始終都唔係好入到「主流」，你鬼佬都冇幾多個敢講自己好鍾意佢，特別呢幾年人人metoo．

23. 睇就一定睇，有機會睇完寫多篇。但好多時呢啲「有機會寫」都最後冇寫。邊得閒？始終仲係未去到搵夠上岸唔使做啲錢多到用唔晒（否則使乜搞Patreon？）

24. 最後大煞風景講多句，麥芽糖餅as a metaphor．張學友在大角嘴賣嘅魚蛋，一蚊串，1988年。你睇下而家一串魚蛋幾錢？呢啲就係尼克遜廢除金本位制嘅後果啦。

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【 睡到三點 】

近日掀起網絡熱話的ViuTV節目《ERROR自肥企画》，四位主持：「Dee哥」何啟華、「193」郭嘉駿、「肥仔」梁業以及「反省中」的吳保錡各自獲製作團隊賦予「自肥」機會，其中「193」的新歌《睡到三點》MV （ https://bit.ly/2SgcDvv ） 於周二晚（18/5）的第12集裏正式公開，由「格仔導演」劉諾衡（Mike，化名MIKECOLD B.）掌鏡，「小薯茄」的阿冰和「啱Channel」的樊沛珈（阿Gi）擔正女主角，MV截至今日（21/5）下午四時半的點擊率已超過51萬，更成為YouTube本地熱門短片冠軍。

為配合新歌宣傳，「193」今天下午突然在個人Instagram直播「新歌解說會」，從歌曲創作理念、歌名，以至有批評指他靠Auto-Tune執聲幾個範疇，統統都有花時間耐心回應。在英國Bangor University主修心理學的「193」直言，《睡到三點》的歌名本來叫《Déjà vu》，此乃心理學專有名詞，中文解作「既視感」，簡單點說就是似曾相識，「意思係你明明印象中呢件事已經發生過，但其實你係剛剛先遇到，就係一個咁嘅思緒嘅交錯喇。」何解最終會變成今天的出街版本？原來跟市場推廣策略以及現年18歲的美國樂壇新人王Olivia Rodrigo有關。

《睡到三點》由 Madboii 作曲，並身兼編曲和監製，「193」則負責填詞。在Instagram的「新歌解說會」上，「193」解釋原本這首歌叫《Déjà vu》，並將這種「似曾相識」的意思放進歌詞和MV之中。「本身首歌無論係歌詞，定係MV上都有呢個意思，希望大家睇完之後會思考一下，究竟兩位女主角（阿冰與阿Gi）係咪真人呢？定係有一個係真，有一個係假呢？」

不過現在推出的歌名卻變成《睡到三點》，「193」坦言這是按照市場推廣策略而修改的新歌宣傳手法。第一個原因是撞歌名，「其實上一個月呢，有首英文歌叫《Déjà vu》派咗台，都有幾千萬人聽，我費事撞歌名。」

「193」沒有指出那是誰的作品，但那首《Déjà vu》其實是美國樂壇新人Olivia Rodrigo的新作，MV於4月2日在YouTube首播，至今累積瀏覽率已突破7,000萬 （https://bit.ly/2RyL3K0） ，這位被喻為「2021年最閃亮新人王」的Olivia Rodrigo本來是演員，今年一月推出第一首派台歌《Drivers License》 （ https://bit.ly/3oycvUs ），結果橫掃全球，深得年輕人喜愛，連續8個星期成為「Billboard Hot 100」冠軍，更在英國單曲榜達奪連續9周第一，更穩守Spotify全球單曲榜第一位連續54日，MV至今累積點擊高逾兩億，而日前她在「2021英國音樂大獎」（The BRIT Awards 2021）現場演繹《Drivers License》，YouTube的點擊率在一星期內累積超過900萬。 （ https://bit.ly/34a9bFr ）

撞名，亦因為太過常見。「193」直言試過在Google搜尋「Déjà vu」這個關鍵字，「應該會Search唔到我首歌，反而會Search咗呢啲心理學嘅Terms，會Search到人哋嘅MV，所以就諗住改一個中文嘅歌名，『Déjà vu』中文係叫『既視感，我覺我好奇怪呀呢個名，然後就同《自肥》Writer阿暉（麥可暉）傾，傾傾下就決定用《睡到三點》，幾有意思。」是的，以派台宣傳而言，叫《睡到三點》能夠用得到的點子確比「Déjà vu」來得多，當然選擇容易增加曝光的字眼吧，而「193」連DJ或音樂節目主持怎樣介紹新歌也想到了：「DJ Tag歌嘅時候可以講，個主唱都有個『三』字，同埋『睡到三點』嘅意思好廣泛，究竟係因為你身邊冇伴侶陪住你，所以你先三點都未起身，（因為）冇人叫醒你呀，定係你尋晚經歷一件好傷心嘅事，所以你需要瞓到三點？呢個係一個思考空間囉。」

如果細讀《睡到三點》的歌詞，譬如「Shawty的心／就像海底針／咪笑我痴筋 baby／사랑해요」、「睡到／三點／想起／Last night／気持ち」，既有廣東話，又有英文、韓文和日文，又如「總會想起天真講過同你結婚／想你為何藍剔不覆我／跟你遇見／令我一生改變Getting Better／到海角天邊／跟你浪漫相見」，乍看有點詞不達意，甚至有人站在道德高地看此曲，認為內容毫無涵養，負責填詞的「193」解釋，歌詞曾經多番修改，不一定要有意思，「我就係想佢盡量向MK方面發展，即係MK妹最鍾意聽嘅嗰啲情歌，老一輩係聽唔明㗎，其實啲歌詞你完全係睇唔明咩意思，因為歌詞唔係好需要有意思，而家嗰啲18、19歲嘅Rapper，佢哋加好多Auto-Tune嗰啲情歌，擺上YouTube已經有幾百萬人聽，我就係希望可以做到呢啲MK情歌。」

而在直播開始後不久，「193」便說《睡到三點》的編曲風格較為新穎，「聽開流行曲嘅人係唔慣聽呢啲歌，邊有流行曲係個Hook（即歌曲賣點，一般會把Chorus用來作為Hook），即係Chorus會擺喺最頭？我就係特登將呢個洗腦嘅Hook擺喺頭中尾，但一般流行曲只會出現兩次。」他還解釋新歌點解要用Auto-Tune。「大家好似仲未慣Auto-Tune，我唔係因為唱唔到所以加Auto-Tune，呢個係一個Trend，令到首歌嘅聲音更加有質感，呢啲係一啲新嘅嘢，希望帶到畀大家。」Auto-Tune為現時流行音樂製作很常用的一種人聲效果（Vocal Effect），其中一個常見用途為將歌手原本的聲線改變成仿如機械人的聲線，「193」指這種技術在中外相當流行，「你聽下Juice Wrld、Post Malone同埋Travis Scott等等Rapper全部都係用Auto-Tune，係好基本嘅嘢嚟，所以想澄清番，我絕對唔係唱唔到。」

【 ERROR ╳ 格仔導演系列報道 】
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（21052021）

#游大東 #游大東影視筆記 #睡到三點 #error自肥企画 #ERROR 郭嘉駿 Denis Kwok 193 阿冰 - PingpingNg Ah Gi 樊沛珈 #廣東歌 做乜膠睇電視 我睇咗啲乜嘢 港人講電視 港女講劇 格仔mike導絕對應該有應援會

早一陣子跟朋友聊天，提到舊式電影院，勾起我一段不堪回首的往事。

那是我第一次約會女生看電影的失敗經歷，但還好，凡事都總有第一次，我應該早一點學會這樣安慰自己。

我約她在香港最繁忙的旺角，進行第一次的約會。選擇旺角沒有甚麼特別原因，只是當時的學校很近那邊，午飯時間、下課後或者休假，有空都會到那邊的圖書館／書店／影音潮流商店流連，感覺對那邊的環境比較熟悉，萬一約會出了甚麼預期以外的事情都能較容易隨機應變。

那時候仍然有所謂MK妹（註：MK是旺角的英文縮寫），說起來其實怎樣才算是MK妹，真的很難說得準。是否每個在MK出沒的女生都是MK妹？MK妹到了其他區域，但衣著打扮行為舉止不變是否就不再MK？這些我都不知道。我只知道，我約會的那一個她，一點也不MK。

她是維多利亞港對岸著名女子學校的學生，算是校內數一數二的女神。我們在聯校合辦的義務工作活動中認識，能夠成功約會她完全也是出乎我意料之外。當時仍然流行用ICQ（網上通訊軟件），有天我們談到電影的話題，她提議去看電影，是一部愛情電影。機會來了，我當然馬上應約，甚麼補習班，家課通通都拋諸腦後。

考慮到一般的電影院人很多，為了能有多一點寧靜的私人空間跟她好好的看電影，我選擇了一間舊式的電影院，金聲戲院（1）。那是當時僅存少數的舊式電影院之一。舊式電影院和現今的很不一樣，一般只有一個放映廳，空間就像學校的禮堂一樣大，而且還有上層，有不同等級的座位。入場門票是人手劃位，座位編號是手寫的，日期也是用印章蓋上，不同等級的座位用上不同的顏色紙。

當日我按照約定在旺角地鐵站跟她會合，她的打扮很時尚醒目，亦不失氣質，是人群中一眼就認出來的那種。初時她還不知道在哪裡看電影，途經新式的百老匯電影院，還問我為甚麼不進去。我們走到那所大電影院，經過磅重機（2），把票交給職員撕掉一邊，走上了破舊的樓梯，坐在禮堂的正中。

我還記得那套電影，是劉德華和鄭秀文的《孤男寡女》（3）。環看場內四周，幾百個座位大概只有寥寥數人，而且彼此相隔十數行。當時我還自以為這是很高明的決定，我們就像電影名稱一樣，孤男寡女，將會有一個很私人的約會空間。

在電影快要開始的時候，銀幕開始緩緩捲動，傳出幾聲嘰嘰聲響，是金屬滾輪的磨擦聲，那是舊式影院常見的狀況。銀幕開關是手動的（後期或許曾被改成了電動），總之感覺就像學校合唱團出場的畫面，電影在緩慢滾動中的銀幕仍未完全張開時經已開始播放了起來。

電影很快就播放完，離開時由於本身已經很少觀眾，加上我們都沒怎麼說話，感覺份外的幽靜。過了好一陣子她才吐出一句話來。她說從來沒到過這樣的電影院，我當時還以為她覺得這次體驗很特別，還回應說這不是很有意思嘛之類的廢話。離開電影院之後，我還順道帶她去位於附近的學校入內走了一圈，本來的計劃是之後找吃的，但她當時說有事急著要回去，那我就只好送她離開。

那次之後她就再也沒有跟我約會，回應ICQ訊息的頻密程度也慢了很多，字數也越來越少和精簡，很快我就意會到，我們大概不會再有甚麼聯繫了，慢慢失去了聯絡。現在我還是搞不清楚的是，她當時是否真的很不喜歡那次電影院的約會，還是有別的原因。但至少我至今仍清楚記得這段小插曲，其實我當時的感覺是很不錯的，或許未必真的是因為能跟她約會，反而是我很享受那些古舊的環境和氣氛，也許我爸媽從前的約會也是這樣的，對吧？

而那次，也是我最後一次到訪舊式電影院。

－－－－－－－－－
圖片來源：網路圖片

（1）金聲戲院位於旺角豉油街／花園街交界，於2005年重建，現址為新寶戲院。

（2）磅重機，量度體重用的機器。以前很多舊影院大堂都設有，原來是因為當時不是很多家庭都有能力購買，亦沒有必要購買，因此在公眾地方設置磅重機以增加收入這個點子便應運而生。（謝謝網友指教🙇🏻‍♂️）

（3）《孤男寡女》，2000年香港電影，由杜琪峯和韋家輝導演/監製，劉德華與鄭秀文首次合作演出的都市白領愛情喜劇電影，由同名廣播劇改編而成。當年以3521萬港幣成為當年香港最賣座的華語片。獲得第20屆香港電影金像獎最佳電影、最佳導演等五項提名。（資訊來源：維基百科）

————————
https://instagram.com/lessonsfromtime