【 #那些年的港式情侶 - 扭阿媽買走音燈籠、通宵玩蠟燭！盤點最掛住嘅中秋回憶 】

諗返起以前中秋節每次都覺得自己好不孝，一做完節就急都急唔切同阿媽講：「媽咪我同FD去海濱玩，得啦唔會好夜！」然後半夜三更阿媽打嚟鬧又唔願走：「其他同學都未走啦，又有通宵車！」然後索性玩到天光先返屋企...
.
其實以前中秋真係好有氣氛！掛滿燈籠嘅屋邨、扭咗阿媽好耐先買到嘅走音卡通燈籠、偷玩蠟燭同看更展開嘅游擊戰、畀MK仔煲蠟燒到個頂黑咗嘅涼亭、總會撞到好多好多熟人嘅海濱同球場，甚至係老豆求其頂住檔先嘅碌柚燈籠... 無乜大型燈飾打卡位，但幾支蠟燭、一副啤牌（可能加多幾罐Jolly Shandy）都夠成班同學玩到夜深～
.
明明以前中秋凌晨都仲係勁多人玩燈籠蠟燭，近幾年見到愈嚟愈少人落街玩，直頭位都唔使霸... 其實今晚會掛住嘅除咗喺出去玩嘅回憶，更加有雖然仲有keep住電話，但無乜勇氣再打去約佢嘅勇氣嘅朋友仔，我好掛住你啊其實！！
.
#細個點蠟燭仲要好驚辣親 #唔小心辣親都要扮無事發生 #其實痛到hihi #有無人都係咁 #集體回憶 #回憶 #情侶 #愛 #愛情 #語錄 #拍拖 #香港 #女朋友 #hkig #搞笑 #中秋節 #中秋 #海濱 #大埔 #燈飾 #燈籠 ＃煲蠟
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

【 #那些年的港式情侶 - 當海洋公園唔再係我哋心目中嘅OP】

海洋公園嘅三大機動遊戲「跳樓機」、「越礦飛車」同「滑浪飛船」，將會於今個月月底退役，完成帶畀三代人歡聲笑語嘅歷史任務。其後園內嘅「幸福摩天輪」、「飛天韆鞦」、「海盜船」等都將會陸續拆卸，換上新嘅遊樂設施。對此，有網民諸葛亮上身話「一早估到」、有網民成頭黑人問號「呢三個唔係全樂園最正嗰三個機動遊戲咩？」、有網民忍唔住揶揄「執_咗佢算啦」、「全部改做釣魚咪幾好」。海洋公園就回應話今次呢個大改動係想「為香港人打造新嘅集體回憶」。只係當搭纜車都要收錢、最標誌性嘅跳樓機都成為歷史，取而代之嘅回憶仲應唔應該叫做集體回憶？海洋公園又仲係唔係當年中學雞最興成班同學仔一齊去嘅「OP」？
.
「成世人總會有一次 畀個FD呃咗上跳樓機」

仲記得小編當年第一次同成班中學去海洋公園，就畀同行唔知邊條hihi水咗去玩跳樓機，條友拍晒心口同我講話無事㗎，同搭𨋢差唔多。點知上到去之後部機愈升愈高，上到最頂我就快不行了，但部機仲好似玩我咁停咗喺半空。人到咗生死關頭就會失去理性，我開始聽到有人講晒粗口鬧佢隔離個FD昆佢，又聽到有MK仔大大聲「撻全朵」示愛，不過個愛字都未講完，大家就一齊落咗去... 返到地面個FD子望住我笑咗笑，講咗句：「第一次好爽呢？」，估唔到我嘅「第一次」就咁畀人呃走咗，而之後我都用同樣方法，昆咗幾個跳樓機後輩：

「唔驚㗎！同青蛙跳差唔多高之嘛！」
.
「浪漫不過同暗戀對象搭摩天輪 在高處凝望世界流動～」

而喺一班同學仔入面，梗有一個你心儀嘅女同學，你見細膽嘅佢唔敢玩海盜船，就扮晒肚痛話自己都唔玩，製造兩個人獨處嘅雞會。轉頭又以「海盜船條隊好似好長啵」為由，拉咗佢去搭永遠都唔使點等嘅摩天輪。闊落嘅車廂入面，你哋偏偏要挨住坐，你望住佢側面，忽明忽暗嘅燈光下，可能係你錯覺啦，佢好似有啲面紅，唔通佢都鍾意我！然後你就下意識錫咗落去，個茄輪好似足足歷時咗成個世紀咁，直到工作人員大大力拍你個車廂叫你死返出黎，你哋先鬆開。有人話初戀都係無結果嘅，你同佢都唔例外，但你永遠都唔會唔記得對方嗰陣嘅神情同語氣。尤其係之後你哋會合返其他同學，大家都好有默契咁無講，只係之後全程，你偶爾都會喺偷望佢嗰陣，發現佢都偷望緊你～
.
「有人話成世人最少要去三次海洋公園...」

一次係阿媽帶你去，一次係同另一半去，一次係帶啲仔女去。你可以話畀佢知，以前老豆細個最鍾意玩滑浪飛船，次次唔玩到底褲濕晒都唔願走；同你媽咪去就次次都要玩飛天韆鞦，因為佢好細膽，剩係玩到呢樣同摩天輪。可惜嘅係，你無機會親身帶佢搭多一次，show唔到畀佢睇當年你同朋友玩「瘋狂過山車」，係點撞到頭都甩... 又或者我哋唔捨得嘅唔係海洋公園，而係佢實在裝住太多太多，屬於青春，屬於一班中學雞組團去威，屬於愛情同友情嘅回憶。
.
P.S. 記得當年喺海洋公園第一個玩嘅機動遊戲就係飛天韆鞦！即使大個玩親都暈，仍然都會因為童年回憶而去排隊...... 咁多個即將退役嘅機動遊戲入面，如果只能夠揀一個留低，你會揀邊個？
.
#最濕滯嘅激流又有得留低 #每次搭完都一定有人問 #下完咗架拿 #以前成班人去op真係好開心 #搭纜車仲會撩對面架車講嘢 #情侶 #愛 #愛情 #語錄 #拍拖 #香港 #搞笑 #回憶 #80後 #90後 #集體回憶 #海洋公園 #再見了我的青春 #我的初戀 #而家其實仲有無威威司令呢個人
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！

【 #那些年的港式情侶 - 梗有幾首歌你齋聽讀白都認得～】

「如果我下一秒就死 你會同我講咩牙
_啦！唔係，係goodbye先啱牙～
唔得牙，goodbye都唔夠浪漫 ，你要同我講goodnight至啱牙
仲要著哂西裝 gel哂頭 好靚仔先黎見我牙」
.
每次唱K總會有個屎忽鬼同時分飾歌手同演員，一邊唱一邊仲要背埋首歌啲讀白，然後搞到在場所有人都好想嘔，同時好想毆打佢... 究竟點解隻歌咁好聽，要加啲咁跳嘅對白，麻煩負責嗰位導演出一出嚟先😑

P.S. 如果張圖啲讀白你全部都一睇就知係乜歌，呵呵，咁你同小編一樣都係有啲歲數嘅人（哭咗）
.
#我叫浩然牙 #無人想知啊關我咩事啊死狗公 #如果浩然唔係咁靚仔會發生的事 #觀塘 #情侶 #愛 #愛情 #語錄 #拍拖 #香港 #搞笑 #回憶 #80後 #90後 #集體回憶 #唱K #neway #情歌 #MK #不許你注定一人 #快啲快啲快啲
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

點解D港女咁鍾意睇少女語錄?
其實有冇必要送女朋友返屋企?
女朋友成日話冇衫著可以點做?
究竟48kg 行李重D 定 48kg 女友重D?
睇完條片包巴打絲打有共鳴。

(感謝連登Lihkg 討論區及十萬個激嬲女朋友理由)

--------------------------------------------
製作團隊:
Present by: Royal Media HK
Actors: Yogurt Au 歐詠寶, Zoey
Voice over: Ricky, 維維
Camera: Sony A7R II
Director: Kira Chu
--------------------------------------------

►Website: https://www.royalmhk.com
►Facebook: https://www.facebook.com/royalmediahk
►Instagram: https://www.instagram.com/royalmediahk

快啲訂閱支持我地啦！