又多5個Zoom interview tips 🖥 [#InterviewReady🌋 ] 上次個post講左5個zoom interview既tips，今日就同大家講多5樣要留意既嘢啦 1️⃣ 自己既儀容衣著要整潔得體 雖然話係video interview，但係又要睇落smart㗎嘛。除左要留意dress code之外 (e.g. formal, smart casual), 另外都建議你全身換晒見得人既衫啦。如果你下身係睡褲，萬一要移動或者攞嘢而見到就唔好啦。同埋唔好慣左用平時online上堂嗰個頹樣interview啊，有gel開頭既記住要gel好，女仔都可以化個淡妝，或者至少搽返個唇膏，唔好面無血色啊。 2️⃣ 留意自己既飾物 呢樣同上次個post背景嗰個point有啲相似，就係唔好因為想well-dressed就戴啲太誇張既飾物，例如垂釣耳環嗰啲啊。Online interview 既時候面試官淨係見到你膊頭對上，所以如果有啲部分太浮誇既話容易分散左佢既注意力㗎。我前兩日同人傾啲重要嘢，但因為佢一路講野對耳環就一路fing，我都一度冇專心吸收佢既說話。所以呢，如果唔想自己講既野比面試官無視既話，最好就將個重點擺返喺自己道啦。 3️⃣ 留意鏡頭角度 上次講左要留意鏡頭位置，要習慣望著鏡頭講野。但其實鏡頭角度都好重要㗎！自拍開都知啦，影大頭又唔靚，低炒又會有雙下巴，高炒又mk喎。Online interview 都一樣，最好就令個鏡頭平視自己，令視覺效果就好似真人面試咁，就萬無一失啦。唔好zoom到咁埋啊，好大壓迫感㗎！ 4️⃣ 所有電子嘢都要較靜音！🔇 因為係用電腦interview，所以意想不到既情況特別多，例如signal whatsapp email啲notifications啦，又或者電腦冇電既提示。所以喺面試之前，除左一貫既要將手機較靜音之外，亦都要喺電腦quit晒所有有機會send notification既app啊。同埋如果你係用apple系列，有時當你電話響既時候，電腦會一齊響🤯所以記住要熄左“call on other devices”先啊！（同埋記得熄鬧鐘😂） 5️⃣ 面試前自己練習下 其實online interview又要注意眼神，又要留意坐姿等等，好容易一緊張就咩都唔記得晒。所以最好呢就係自己練習下，例如用電腦錄自己既self-introduction然後睇返睇下有邊啲位可以改善啦。熟習下對住鏡頭講野，咁到正式面試既時候就可以自然啲放鬆啲啦。 不過又咁講，自己同自己練又點會夠呢？始終從旁觀者角度會睇得清楚啲㗎嘛~ 所以點解唔join我地既mock interview workshop呢~~ 除左可以客觀咁同你分析你interview時既長處短處之外，我地仲會根據你揀既科問返你相關既題目。我地有齊各大院校唔同課程既interview題目㗎！（主要都係前人種樹，我地啲後人就可以乘涼啦🤪） - M O C K I N T E R V I E W 安 排 -