熱門Ptt文章

[爆卦]mk仔意思是什麼？優點缺點精華區懶人包

雖然這篇mk仔意思鄉民發文沒有被收入到精華區：在mk仔意思這個話題中，我們另外找到其它相關的精選爆讚文章

在 mk仔意思產品中有35篇Facebook貼文，粉絲數超過0的網紅，也在其Facebook貼文中提到， ［身痕文學］係喎，王家衞vs 金基德，比較文學。 TLDR：玻璃杯as a metaphor。借來的空間，借來的時間。 1. 實情睇過好多次，最初戲院上唔肯定有冇睇過，但VCD呀TVB呀有線呀睇咗N次。然後有年電影節都睇過，仲要係在旺角（朗豪）！ 2. 當然又係嗰句，唔同年紀睇有唔同體會。細...

　同時也有12部Youtube影片，追蹤數超過4萬的網紅五哥頻道，也在其Youtube影片中提到，【 YouTube陰謀】有答案啦 ?陰謀系列 - http://bit.ly/2RW8oVd ⭐️如果鍾意哩條片，就記得比個Like同埋訂閲我嘅頻道啦！ https://bit.ly/2F6Y2M8 ?如果你希望可以鼓勵五哥，支持我每日努力出片分享實用資訊，可以點以下連結： https://p...

「mk仔意思」的推薦目錄

mk仔意思 在 谷Live Instagram 的最佳解答

2021-09-03 13:50:35

【JNY on the beat】樂隊Dusty Bottle解散後，JNYBeatz以Producer Artist姿態繼續音樂路途，聯乘193郭嘉駿@ERROR推出首支派台歌《你是我的Bae》，能夠featuring 193，當然要與對方一起拍MV，更邀請到有「港版赤木晴子」之稱的Mandy譚旻...

mk仔意思 在 月巴氏～ Instagram 的最佳解答

2021-08-03 10:58:57

看完《大MK日》，是好撚激動的。 也想起我的MK歲月。 我的MK，盡在信和。 一篇好幾年前的舊文，寫90年代的信和。經撚過刪改。 ————————————————————— 【香港冇咗信和？你不如一刀捅死我】 借問聲，如果我第時死咗，骨灰可否撒在信和？ 1.如果骨灰真的承載著所謂靈魂，與其永遠屈...

mk仔意思 在 徐永豪|HKU中文學士碩士|DSE中文補習 Instagram 的最讚貼文

2021-08-02 05:50:17

SummerCourse全爆滿，你哋一定好奇怪點解得一間班房😂因為嚟緊嘅中文科轉學制（2024閱讀+寫作+實用文），所以我申請咗星期六早一個時段開多一個課程教S3/S4💪🏼為咗方便同學仔就揀咗最方便嘅Mk分校，但開報一個鐘就FULL，之後再申請都加唔到房，因為英皇導師都好搶手👍🏼所以早起的鳥兒就有L...

  • mk仔意思 在 Facebook 的精選貼文

    2021-09-03 19:24:06
    有 122 人按讚

    ［身痕文學］係喎，王家衞vs 金基德，比較文學。

    TLDR：玻璃杯as a metaphor。借來的空間，借來的時間。

    1. 實情睇過好多次，最初戲院上唔肯定有冇睇過，但VCD呀TVB呀有線呀睇咗N次。然後有年電影節都睇過，仲要係在旺角（朗豪）！

    2. 當然又係嗰句，唔同年紀睇有唔同體會。細個睇可能只係當黑社會片。大個少少，就梗係睇劉華同張曼玉在個電話亭打茄輪。

    3. 再大個啲，睇萬子同張學友雀館。或者係梅窩巴士，大角嘴麗華戲院等等嘅風情。（又，「今日我喺呢度賣魚蛋，聽日我喺中東賣飛彈！」，完全反映返當年中東局勢兩伊戰爭，結果到而家仲係阿富汗）

    4. 再大少少。扮文青睇咗2046 花樣年華 等等後，又睇返 《旺角卡門》，的確見到好多嘢已經有雛型。亦證明王家衞玩「商業」一樣係得。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    5. 唔係話「商業 vs 藝術」完全冇界線，但我嘅unpopular opinion係：好多人只係用「藝術」去掩飾自己嘅嘢唔掂。你寫得掂垃圾文識寫標題黨，先有資格講我不屑玩呢種遊戲。

    6. 早排連睇9套金基德，佢當然從來都冇玩到「商業」嘅遊戲，但我有理由相信佢一樣識玩。因為佢嘅電影就係好鍾意刻意誤導你，你以為會咁咁咁，就唔係。呢個亦表明佢知道一般「商業」電影嘅玩法，佢就特登唔玩，吹咩

    7. 你話王家衞唔計算咩？我覺得佢一樣好計算，正如我覺得金基德一樣充滿計算。只係人地計算嘅玩法唔同。佢地知道鬼佬想要乜。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    8. 正如最簡單最入門級嘅「xx as a metaphor」，我都寫過，金基德《慾海慈航/援交天使》嘅石頭（代表審判），或者係《漂流慾室/島》嘅魚鈎（代表控制），《情慾穿心箭/情弓》嘅弓箭（代表父權傳統），甚至係《感官樂園/空屋情人》嘅哥爾夫球棍（片名就係3-Iron，投閒置散嘅嘢）

    9. 《旺角卡門》呢？就係「玻璃杯」，玻璃杯代表嘅係「從良」，正常人嘅生活，心中嘅安寧，亦即係《吳清源》嘅棋局，《英雄》寫書法。劉華成日打爛晒啲杯（呢個象徵佢追求寧靜但偏偏人在江湖柏木由紀），張曼玉（表妹！）話唔想佢冇杯用，所以自己收起咗一隻，如果需要嘅可以去搵佢。意思已經講到好明。

    10. 《旺角卡門》仲有一個重點：「借來的時間」。呢個亦係《天若有情》（我知唔係王家衞）嘅主題，A Moment of Romance（英文戲名），歡情太暫，只求望一望，讓愛火永遠的高燒。正係劉華同吳倩蓮著咗草去澳門，先可以好似普通情侶咁安樂一陣，但好快已經有人拉返佢去現實。正如《旺角卡門》一樣，劉華同張曼玉去大嶼山依泣一陣，又係有江湖事拖返佢出嚟。只怨歡情何太暫，轉眼分離緣有限。

    11. 呢個亦係金基德《漂流慾室/島》嘅情節，正係大家朝不保夕先可以扑過不停愛恨纏綿，到真係齊齊幫間愛巢油油（代表安家生活）就冇戲唱了，男嘅孟浪女嘅控制慾，冇得玩的。

    12. 事實啲童話就係 自古美人如明將，不許人間見白頭。只講一句「從此快快樂樂生活落去」。因為冇「借來的時間」，冇外敵，就變咗為啲無聊嘢嘈了。結婚就係極唔浪漫嘅一回事，日日都係嘈塊廁所板放上定放低，或者阿仔讀邊間幼稚園。文藝作品中嘅男女係冇呢啲問題的，所以幾時都話，文藝女青年這種病，生個孩子就好了。冇乜嘢比生個B更加能摧毀一個女文青在你心中嘅印象。如果唔夠，生多個。你見到中學校花叫佢衰仔drink drink water，包你咩幻想都冇晒。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    13. 係喎，其實夫子自道，當然我唔係自比王家衞。但你懂的，我亦唔使好多人睇，有2000個true fans撐Patreon已經好夠。我一樣識玩垃圾標題黨遊戲但我就真係 倦也悶 在某天已拒絶再玩。正如我唔會出嚟寫北京交易所，個撚個平時講到大陸嘢政策不能預計唔知佢想點，但忽然又中南海直線上身，又個個變身國師知晒之後幾百步棋想點。

    14. 正如我識玩考試遊戲，但襟芒四十幾歲人啦，仲去讀書咩。正如我都識玩辦公室白領遊戲corporate ladder，唔算好叻但叻過好多人啦，但一樣：

    15. 但我厭倦 倦也悶 在某天已拒絶再玩 （其實鍾意安全地帶版多啲，但唔識日文，而廣東話版填詞真係好）

    16. 當然啦，玩過而又唔太失敗，先可以講呢句。正如我入到港大，咪先可以話你知，「咪又係咁」「不外如是」。正如我出到本書，先可以話你知，「咪又係咁」「不外如是」。但就要試過先知嘛。

    17. 總之，《旺角卡門》好睇的！必睇！

    18. 都話，雅俗共賞，MK仔當黑幫片睇，少女睇劉華，男仔睇萬子，文青可以懷念舊香港。

    19. 我就憑弔我逝去嘅青春。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    20. 噢其實，《旺角卡門》講嘅亦都係「拒絶再玩」嘅故事。劉華早已厭倦呢啲仇殺生活，但正如上面講，人在江湖柏木由紀，明明佢想了無牽掛，但偏偏太多情。有個仲係想做大事想證明自己嘅馬仔烏蠅（張學友），有姑媽，有表妹。

    21. （劇透）最後劉華係搵到隻杯，但結局都係死咗。冇錯，就係死咗，先搵到心中嘅寧靜。呢個亦係金基德好多戲嘅主題：捨棄肉身然後得道。有時係死咗（《聖殤》，《春夏秋冬》嘅老憎），有時係魔幻化（《感官樂園/空屋情人》最後個磅變咗零）。

    22. 拿，都話比較文學！金基德vs王家衞。真係拎去寫論文都得。當然兩個導演其實唔太似，王家衞更加係一個「金句」導演，而且好多時都唔係拍現代。金基德粗糙好多，多數都拍現代，但始終都唔係好入到「主流」，你鬼佬都冇幾多個敢講自己好鍾意佢，特別呢幾年人人metoo．

    23. 睇就一定睇，有機會睇完寫多篇。但好多時呢啲「有機會寫」都最後冇寫。邊得閒？始終仲係未去到搵夠上岸唔使做啲錢多到用唔晒（否則使乜搞Patreon？）

    24. 最後大煞風景講多句，麥芽糖餅as a metaphor．張學友在大角嘴賣嘅魚蛋，一蚊串，1988年。你睇下而家一串魚蛋幾錢？呢啲就係尼克遜廢除金本位制嘅後果啦。

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

  • 谷Live

    mk仔意思 在 谷Live Facebook 的最佳解答

    2021-07-29 16:05:52
    有 88 人按讚

    【JNY on the beat】樂隊Dusty Bottle解散後，JNYBeatz 以Producer Artist姿態繼續音樂路途，聯乘 郭嘉駿 Denis Kwok 193 推出首支派台歌《你是我的Bae》，能夠featuring 193，當然要與對方一起拍MV，更邀請到有「港版赤木晴子」之稱的Mandy譚旻萱擔任女主角。

    JNYBeatz、193與Mandy都是後生仔女，一同拍MV很快熟絡，不過JNY則表示有點緊張：「係需要啲時間warm up，始終係自己第一個MV所以有啲緊張……」在旁的193打趣問：「定係驚同女性有身體接觸老婆會嬲呀？」JNY說：「兩樣都有啲啦。」而Mandy都覺得JNY很入戲，塑造出一個高冷慢熱的形象：「佢比較慢熱，所以我要aggressive啲，不過熟絡啲之後就拍得好舒服。」193發揮搞笑本色插嘴說：「JNY有家室㗎，啲用字小心啲呀你，哈哈！」

    以往JNYBeatz主力幕後工作，今次「踩過界」其中一個目的是希望將不同面貌的廣東歌帶上主流樂壇，他表示：「香港真係冇人做呢啲嘢呢啲音樂，主流好鍾意溝女歌，好鍾意情情塔塔，分手呀，但係冇啲好有型嘅溝女歌。」193亦有同感：「我都想帶啲另類啲，so called indie啲嘅音樂帶上主流，因為香港聽嘅音樂類型真係好窄，第一次聽已經覺得『呢首爆喇』！」193笑言：「呢首歌target到MK妹嘅，不過係大啲嘅MK妹，哈哈！《睡到三點》係細啲嘅MK妹，《你是我的Bae》是廿幾歲嘅MK妹，MK妹一定聽情歌，而且呢首歌詞係有啲意思過《睡到三點》，一定爆呀！」
    ------------------------------------------------
    JNYBeatz -《你是我的Bae》(feat. 193)
    曲: JNYBeatz / Karris Sauch
    詞: JNYBeatz / Delta.T 蛋撻頭
    編: JNYBeatz
    監: JNYBeatz / Karris Sauch

    #JNYBeatz #郭嘉駿 #你是我的Bae
    #香港製造 #MadeInHongKong #香港人撐香港音樂
    #2021新歌 #新歌 #廣東歌 #2021廣東歌
    ----------------------------------------------
    👍🏻 Facebook：https://bit.ly/2HZAgDL
    ♥️ IG：https://bit.ly/34PhuYx
    ⭕ YouTube：http://www.youtube.com/c/谷Live
    📍 MEWE：https://mewe.com/p/谷live
    🏆 谷撐音樂流行榜：https://bit.ly/3q6yB0l

  • 月巴氏 / Work Super Guy

    mk仔意思 在 月巴氏 / Work Super Guy Facebook 的最佳貼文

    2021-07-18 10:03:30
    有 859 人按讚

    看完《大MK日》，是好撚激動的。
    也想起我的MK歲月。
    我的MK，盡在信和。
    一篇好幾年前的舊文，寫90年代的信和。經撚過刪改。
    —————————————————————
    【香港冇咗信和？你不如一刀捅死我】

    借問聲，如果我第時死咗，骨灰可否撒在信和？

    1.如果骨灰真的承載著所謂靈魂，與其永遠屈在那些好悶（而且好貴）的骨灰龕場，不如撒在信和，讓我留守信和直到永遠好了。
    2.第一次踏足信和，90年代初。當時我好迷高橋由美子，但不知道哪裡可以找到高橋由美子（的Product），好心同學專誠在某個放學後，帶我去一個我從未去過的商場。
    3.WOW，當我一聞到朕除就好肯定咁同自己講：這將會是我餘生都Keep住行的好地方。
    4.正如食Buffet有既定步驟，我行信和，一樣有。咁多年來，都是先落地庫——90年代的我，習慣先巡視日本Idol的CD和雜誌，當時有三四間舖頭專售這類產品，我買開的是《Bomb!》（貪佢夠平，又細本，易收藏），但真正鍾意睇的是《Up To Boy》，顧名思義，就是一本內容專為男孩而設、既健康（Idol們都穿上健康水著）又有益（青春期）身心的雜誌。而真真正正最想睇的其實是《Video Boy》，一本網羅大量一手「愛情動作片」資訊的高級成人影視雜誌，可惜，唔夠膽買囉（不過又真係有買過噃）……這時候，為平息充塞著內心的澎湃鹹意，我會去Comic Box睇美國漫畫。90年代，香港突然興起睇美漫，我唔執輸睇埋一份，但主要睇公仔，啲美式英語太深。
    5.然後上三樓（嚴格來說是二樓，因其中一層是閣樓）——我的頭立即擰向右邊——上到三樓第一間舖頭的櫥窗永恆地展示大批寫真集的火辣封面！天真無邪（就奇）的我從來只敢隔住玻璃，望實那性感迷人風景，始終不敢行入去買番本嚟睇……望夠了望到連自己都覺得唔好意思了，就去中間條巷第二間舖頭，一間叫做「漫畫之森」的舖頭；在這間舖頭，你不會搵到《龍珠》和《叮噹》，而只會搵到花輪和一及丸尾末廣——我第一本（也是最後一本）丸尾末廣漫畫，便在這裡入手。我記得店主（抑或是店員？）是一名文質彬彬四眼青年，幾Nice。
    6.然後落一層去漫畫市場。那是日本翻譯漫畫最興旺的年代，我當時合共追緊十五套漫畫，同時又不停發掘新書，每次入漫畫市場，都必定跌錢……偶然心血來潮，會去賣明星相的舖頭，選購心愛的蘇慧倫靚相。至於一樓（即閣樓），好少行，記憶中，去親，都是為了Book度假屋。90年代過暑假，梗係（男男女女一齊）去Camp啦。
    7.有幾年我少去咗（所謂少去，是一星期才捨得去一次）——翻版碟最盛行那幾年。就算去，三樓有一大忽我都專登不行過去——成大忽都賣三和四仔。Yes，我鹹，但冇呃你，咁多年來我只在其中一間光顧過一次，而且是陪朋友買（朋友找我壯膽），實在難以置信（到講出來都冇人信）。當後來嚴厲打擊翻版，那一大忽舖頭經常落閘，成個Area猶如死城，卻依然殘留著一大朕煙味，散不去。
    8.有人總是說，90年代才是信和最好的時光，如今風光不再；我卻認為，信和根本從來沒所謂風光不風光，而只是一直緊隨潮流，一直是潮流反映和縮影——出面興乜，便自然在信和出現：明星相、翻版碟、格仔舖、Game舖……就連地庫那間專賣日本Idol產品的，現在也因應潮流兼售大量韓星Product。難得是，在被潮流Keep住支配下，場內又總有些比較特立獨行的舖頭能夠繼續開門營業。
    9.如果你跟我一樣蒲信和多年，其實已參與了一段發生在香港、但範圍覆蓋日本台灣韓國、時間幅度接近三十年的流行文化史。成個香港，唯獨信和，體現了這段歷史。
    10.唉原來已有兩星期冇去信和。信和或許不需要我，但我需要信和，過去的信和煉成了今天的我，這是構成我生命的重要場所。如果香港冇咗信和，你不如一刀捅死我。

你可能也想看看

搜尋相關網站