#Edan粉絲唔好錯過 #反轉方舟動物團 #值得反思 #長文 兩位公子下星期正式開學喇，趁仲有時間就帶咗佢哋去睇新戲【反轉方舟動物團】，主角由 Edan Lui 呂爵安 同陳欣妍聲演㗎🎙！Edan把聲好生鬼，仲好有親切感呢🥰！第一次聲演嚟講算做得相當不錯！ 呢套戲講述5萬隻動物登上挪亞方舟⚓️漂流百幾日，都未搵到陸地🏖，而船上嘅糧食已經耗盡🆘，呢個秘密俾主角長鼻獸「菲尼」同好朋友黑面狐「莉亞」聽到嘅同時，亦不幸同時跌咗落大海🌊，後來菲尼醒返，發現自己身處喺好似天堂咁安穩嘅長鼻獸大部落中💕，但呢個大部落卻對所有外來嘅動物充滿敵意😡。同一時間，莉亞被沖至荒島後🏝，發現呢個長鼻獸大部落原來就喺火山下面🌋，而呢個火山隨時都會爆發，所以菲尼同莉亞要盡快諗辦法令長鼻獸一族同方舟上嘅動物安全離開火山帶。 呢套戲除咗有歷險嘅刺激外，亦有唔少親情、友情線，呢套戲教曉小朋友要勇敢、團結，幫助別人、撐朋友，相信自己。金寶湯同羅宋湯雖然有少少驚，但睇完後好興奮，不停同喵奴討論【反轉方舟動物團】嘅內容呢。 另一方面，喵奴覺得呢套戲大人都好適合睇。【反轉方舟動物團】就似周星馳嘅戲咁，不同年紀嘅人睇會有不同嘅睇法👀。 戲中嘅兩位主角菲尼同莉亞其實都係小朋友，但佢哋嘅家長一直向佢哋灌輸「你哋要好似大人咁成熟啲，唔好再闖禍」，主角反駁「但我哋真係小朋友嚟喎！」揭露現今嘅家長都無視小朋友應享有純真嘅童年，反而只著重小朋友唔好「闖禍」，唔好帶俾家長麻煩嘅心態。 究竟我哋身處在同溫層內，應該要設法融入同等價值觀嘅同類，得到佢哋嘅認同，定係應該保持理性嘅思想💭，堅持自己嘅一直奉行嘅理念呢？而我一直身處嘅「同溫層」他朝一日被完全破壞，我又應該繼續留守呢個頹垣敗瓦嘅地方，定遠走高飛呢🛫？ 又如，面對「弱肉強食」嘅世界，我哋應該保護我哋嘅同類，定係以「大愛」形式，接納所有外來異類呢？ 喵奴覺得呢套戲都幾似我哋現今身處嘅社會，現實得有點殘酷☹️。 睇完後，大人會有更多反思🤔。 #親子好去處 #好戲推介 #卡通片 #暑假電影 #親子活動 #mirror呂爵安 #爆笑聲演

【盛夏友晴天 算係近年迪士尼最差嘅卡通電影？！】 ……🚨含少量劇透…….. 我係迪士尼個page見到以下呢啲comment： 1.【剛睇完，都算好睇，劇情一般下，覺得編寫的跟島上孩子完全無溝通，只根女角有直線聯係，只是三個人同魚的相遇，比賽又無刺激感。】 2.(票房冠軍) 【只因呢排無其他戲睇… 其實主線好雜亂】 3.【睇左 算係近年迪士尼最差既卡通電影 水準大幅下降 比之前彼思動畫,喱部差少少】 4.【小朋友睇會覺得唔錯。嬉嬉哈哈 講下友情。重色輕友。 非常非常平庸。沒出色之處。 跟inside out 和 coco 差了幾十個馬位。】 樂壇點解會『已死』？ 就係因為香港人好鍾意用以前嘅好做比較 八九十年代啲歌好聽…所以而家啲歌就唔好聽 《Inside out / coco 》太出色…所以新嘅就唔好睇 點解一定要咁比較？佢又唔係續作…又冇關連 如果拍返《inside out 2》你又會話炒冷飯 所以PIXAR好明題係想玩一啲完全唔同 新鮮嘅主題 之前幾套都好複雜 好meaningful 今次就玩小品簡單 我自己就覺得好清新 年頭已經有一套《soul 》 年中再嚟多套 我就會覺得佢將成功方程式不停重複 新海誠《天氣之子》 又係好複雜好多野講 反而咁簡單嘅卡通真係好耐冇睇 雖然Mirror同Error都係ViuTV出品 但你唔可以咁樣比較 因為路線唔同 《Inside out》 同《Luca》亦一樣 我唔明點解主角要跟島上孩子溝通？？ 島上居民得幾個作用 1.擾亂父母 2.畀父母攪攪陣 3.最後跳起yeah同BBQ 人類根本就係得嗰死飛仔 爸爸 同 茱莉亞 有作用 其他根本係茄喱啡 比賽唔刺激咩？比賽刺激唔係在於比賽本身 係在於路卡點樣完成比賽之餘 又唔好畀人發現佢係海獸 落雨唔刺激咩？好刺激喎！ 我本身係以為有人潑佢水咋 點知玩到落大雨咁激 之後嗰幕英雄救美仲好浪漫添 有人又話悶 有人又話主線太亂？？？ 套戲就係太簡單 所以先會有人覺得悶 主線亂？ 主線就係得兩個主角想贏比賽 而茱莉亞只想贏返次比賽 所以一齊組隊 另一邊路卡父母想搵返個仔 ～完～ 個故事仲簡單過《Finding Nemo》 邊到亂？(黑人問號) Warrior 一定好聽過BOSS 歌詞又有意思 我一定鍾意Warrior多啲 但我第一次聽到BOSS嘅時候 係覺得開心 因為曲風好新鮮 有別於Mirror之前所有歌 而隻舞都係 成個感覺好好玩好輕鬆 歌同戲都係一樣 聽得多 睇得多 都想轉變創作風格 作為觀眾聽眾 唔好一嚟就話差過之前好多 今次唔得 乜乜乜 Luca 係近年迪士尼最差嘅電影？？？？ 我又唔覺 咁1/2的魔法/魔海奇緣呢？ 其實我覺得《Luca》仲好睇過《Toy Story 4》 呢套戲簡單到冇乜金句 有都可能係『你喺到搞咩呀？你個蠢材！』(誤) 戲入面想講嘅 主角們 已經用行動做咗出嚟 好鍾意903 DJ阿檸寫嘅呢句「希望大家捉緊自己個艾伯圖」 有一個好似艾伯圖咁嘅朋友真係好難得 處處為你著想 佢嘅世界你係佢嘅唯一 如果你有 就要好好珍惜 p.s.我唔排除真係有人覺得唔好睇 同前作無關 但好多人都係睇完人comment先決定睇唔睇 如果見到樓上個啲comment 真係唔會敢去睇！ —————————————— #盛夏友晴天 #Luca #迪士尼 #彼思動畫 #pixar #disney #海獸 #友情 #冒險 #偉士牌 #Alberto #路卡 #艾伯圖 #電影 #卡通 #影評 #平反

【 AGA重新演繹竹內瑪莉亞《Plastic Love》】 _ 置身閱後即焚的時代，海量訊息不停撲面湧來，再重要的事，在網上流傳的時間，最多也不過一兩天，嚴肅新聞如是，消閒娛樂話題的「壽命」更短，所以作為影視娛樂的創作者、表演者和幕後策劃者，都會用盡方法，希望自己的作品「生命」能夠在廣闊無垠的網絡大海裏多點時間「浮上水面」讓人看見。 _ 例子的確很多。除了近日紅到「爆廠」的 #MIRROR 與 #ERROR 之外，亦想起AGA。由她作曲、 #林若寧 填詞、 #波多野裕介 編曲、 #舒文 監製的單曲《City Pop》，早前派台後，先後獲得港台「中文歌曲龍虎榜」、ViuTV「Chill Club推介榜」和TVB「勁歌金榜」冠軍，商台「903專業推介」最高亦去到亞軍位置。 _ 成績那麼好，然後呢？還有然後嗎？就這樣「眼白白」看着這首新歌讓其他作品蓋過嗎？唱片公司環球唱片就想到不如推出另一首歌，延續《City Pop》的討論度。問題來了。臨時臨急，哪來新歌？今時今日唱Cover如此流行，重新演繹的舊歌，其實也可以當作新歌來聽，所以AGA聰明的選擇了近年備受追捧的「日系City Pop洗腦神曲」、竹內瑪莉亞（竹内まりや）於1984推出的《Plastic Love》。 _ 之前另一篇報道中已寫過，陳偉武執導的《City Pop》MV第53秒，清楚顯示霓虹招牌的「Plastic Love」和「突然のキスや 熱いまなざしで」（突然的Kiss、灼熱的眼神），其實是《Plastic Love》開首第一句歌詞，導演承認：「《Plastic Love》係City Pop文化嘅神曲，難得AGA同舒老闆（舒文）將呢個文化帶入香港主流樂壇，我好想借呢個機會向神曲致敬。」 _ 到底《Plastic Love》有幾神？這首歌由竹內的丈夫、日本City Pop其中一位靈魂人物山下達郎創作，收錄於大碟《VARIETY》裏，單曲當年推出只在「Oricon公信榜」獲得最高86位，未算標青。33年後，即2017年，一位名叫「Plastic Love」的YouTube用戶上載《Plastic Love》的原曲，配以一張竹內年輕時的黑白照片，意想不到的是，這首歌竟然在網上瘋傳，至今已累積接近6,400萬瀏覽率。及至2019年，唱片公司Warner Music Japan則在此曲面世35周年，推出短版MV，收錄於紀錄竹內出道40年的精選大碟《Turntable》，可見AGA今次選擇重新演繹《Plastic Love》並不是隨意選擇，而是呼應她的新歌。 _ Cover Version分為兩個部份，上半是日文原曲，下半是梅艷芳1987年推出、陳少琪填詞的改編版《尋愛》（《烈燄紅唇》大碟）。由於AGA新版是重新編曲，所以當代氣息更重，畢竟香港人唱日文怎也及不上日本人，所以個人觀感覺得AGA翻唱《尋愛》的部份較《Plastic Love》優勝。除了翻唱版本，AGA亦於日前推出《City Pop》的英文版，由AGA一人包辦曲詞，開首兩句歌詞：「I would never tell you if you’re way over the top／Love and hate this kind of citypop」正是廣東版的最後兩句，在盛夏不想外出的慵懶日子，若將兩者連同2018年台灣創作歌手 #9m88 的翻唱版接續收聽，說不定可以狂Loop大半天。 _ （23052021） _ #游大東影視筆記 #游大東 #AGA #CITYPOP #竹內まりや #plasticlove #梅艷芳 #山下達郎 #江海迦 @privatezoo @yamanyamo @momomomoc @9588hk #yautaitung #coversong #coverversion #23052021