［三叔～～～咪依依郁郁～～～同你唔係好熟］尋熊的冒險，買返幾個貼勞蘇都好喎（＊）

經濟原文：繼尋失物AirTag推出　三星下周更新SmartThings Find服務 （https://bityl.co/6UqT）

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折

1. 古語有云Good artists copy, great artists steal. 我偶像畢加索講嘅。記住，copy, stealｂ同Plagiarism就已經唔同。計埋咩Homage，pay tribute，inspired by，二次創作之類，更加各有不同。一九二九個成九日講自己點戀英，到頭嚟全部都只係用一個「抄」字。正所謂愛斯基摩人講雪有百幾個詞語，中國人講馬都有百幾種咁啦。「所以中國文化應該唔係鍾意抄，得一個詞」

2. 但講返，扯，蘋果Air Tag咪又係抄Tile（畀人告添），咁三叔咪抄上抄咯，又如何？一向係咁架啦。你去告三叔丫。至於你講道德乜乜嘅，三叔一樣長升長有，總唔見ESG基金唔買佢（＊）

3. 如果你講社交平台嘅，更加係全部同質化，遲下我貼張圖，根本一有啲咩掂嘅feature ，所有人一齊抄。例子包括抖音嘅短片，Instagram嘅story。最新當然係Clubhouse嘅語音嘢 - 我都唔記得咗有幾多個平台一齊抄，我唔係講大陸嗰啲喎。

4. 等於Miniso咪抄無印咯，又如何？一樣照上市，美國上添，我唔見畀人拉人封艇喎。然後咩越南巴西，就一大堆照抄Miniso。

5. 用我舊同事嘅講法（嗰次係講開澳牛炒蛋秘方聲稱得兩條友知道）：嘩，有冇去瑞士銀行租個保險箱鎖起佢呀？記得兩個唔好一齊坐的士呀。

6. 真係一路摸上去，扯，無印咪又係西友嘅Private Label搶其他品牌生意。咩係Private Label？即係百佳超值牌，惠康特惠牌No Frills，Tesco Value 牌（相當難食，好似有隻冇咁難食嘅 Tesco牌），Donki 情熱價格咁之嘛。知你邊隻好賣，咪整一隻出嚟同你撼。

7. 仲有，啲Private label一係抄你嘅包裝，一係就整到啲包裝好鬼核突，特登的，你估真係冇人睇陳偉霆英文照出街咩on9。呢啲又係經濟學101了

8. 真的，Patreon早兩日先講Amazon嘅Private Label，你去搵乜，第一頁應該好多都係佢自己嘅嘢（甚至唔話你知）。固然有人話超級市場玩呢啲嘢都玩咗百幾兩年。咁但，Amazon對佢自家website（同埋閣下）嘅控制，又似乎遠超過超市對自己店面啦

9. 順手講埋，Tile單官司都話你知，呢啲嘢冇乜咁高科技，Big Tech一抄就抄到。不過係咪反競爭就等法庭判啦。之但係，蘋果自己做手機做埋個OS，咁佢自己推埋呢個勞蘇貼，你個Tile在佢平台就當然好難同佢競爭。

10. 類似呢啲嘢無處不在，呢，最新就話蘋果自己都進軍埋廣告，新app Store做多啲廣告位。同時亦都打壓Facebook，美其名就為保護用家私隱，實情就係自己禁臠（呢個詞真係妙），幾時到你柒指伸手落去再奶？用戶是我私家雞，誰能憑愛意要富士山私有？

（＊）話說上次去首爾，真係幾乎以為唔見咗隻勞蘇。嗰次同埃汾太去水原（！），冇食牛肋排冇食炸雞，但去咗睇K League（明顯係我嘅主意），世界盃競技場，水原三星（！！！）藍翼對FC首爾。睇到一半，「喂，勞蘇呢？」「唔係畀咗你咩？」。結果波都冇睇完（場波悶過日本出汁，啲大媽一路睇一路食辛辣麵），就返返首爾搵熊，沿路埃汾太仲上網睇首爾地鐵有冇啲友漏低隻熊咁。結果當然係返到去，發現根本冇拎出嚟啦。Home Alone咁。

（＊＊）咁固然三叔有其他問題添，所以我冇睇ESG基金買唔買，可能因為其他嘢唔買。但話說回頭，呢啲ESG，又係搞撚笑，搵日再鞭屍。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

香港小店經營真係好陰公豬，
希望伯伯早日康復⋯⋯
趁落場去打個轉先，希望有開工鞋買啦＠＠
#無得擺買BV不嬲都無錢買😂

【鋤強扶弱的廣告】

大家聽過跑馬地琦琦鞋店嗎？我之前未聽過，不過今日我想介紹的是這間量腳訂做皮鞋的鞋店。

每星期我都會帶孩子到銅鑼灣耀華街補習。應該差不多一年前吧？就在補習學校附近開了一間燈火通明的皮鞋店。你知道耀華街有什麼嗎？我最熟就只有聰嫂糖水，附近還有一些晚禮服、時裝的店舖，但都不是我杯茶，也沒有穿著的機會，所以那些店我都過門不入。

可是那間皮鞋店讓我印象特別深刻。首先是燈光，真的特別光猛；其次是櫥窗，總是把不同款式、不同顏色，閃令令的皮鞋密質質的展示出來，我未見過同款同色的皮鞋在櫥窗重複出現，實在目不暇給。

不過要數最特別的還是店員，全都是上了年紀的伯伯，有時候他們在店內坐下，有時他們站在店門、櫥窗旁，有時他們索性在店外附近抽煙小息。幾次我都有衝動想入內看看，但見到店員，他們很友善的，望一望我，我害羞便卻步、轉身離去。我想：他們可是我的叔父輩了，我實在不好意思開口要他們為我拿鞋、給我試穿。

而且那些皮鞋，一看就知道是真皮，鑲有閃石的都異常閃耀。（我後來上網找資料才知道他們是用真水晶鑲在皮鞋上）感覺那價格是闊太級數，於是就更不敢入內了。或許很多人的想法和我差不多，都不敢入店參觀，所以每次我經過時，這鞋店都是冷冷清清的，格外孤單淒涼。

但幾星期前，琦琦鞋店掛上了「結束」兩個大字，還有「清貨」。我還想：「好像才新裝修開了沒有很久，這麼快就捱不住了？」我沒有放在心上。直到前天，滑手機時見到這新聞：「手造鞋店「琦琦鞋店」遭BV控侵權 九旬東主中風入院」

國際名牌Bottega Veneta（BV）及Balenciaga控告鞋店侵權，說琦琦鞋店出售的手袋、鞋及銀包抄襲其原創設計，要求法庭頒令禁制琦琦鞋店出售及交出所有侵權貨品。

琦琦鞋店東主伍松富先生已九十幾歲，因此官司而被激至中風。東主兒子伍啟明先生表示無奈，他說店舖在網頁上已開宗明義說鞋款如有雷同、敬請指出，便不再出售，可是BV卻不先警告琦琦鞋店，便直接提出控訴。琦琦鞋店一方面和他們商討庭外和解，另一方面也心灰意冷，決定結束營業離場。

琦琦鞋店在1975年開業，東主白手興家，一直賣自家手做皮鞋，用料好、穿著舒適不在話下，款式緊貼歐洲潮流。新聞說陳方安生、鄧蓮如和一些富商太太都是他們熟客。之前舖位在跑馬地黃泥涌道已有四十年歷史，可是因業主開出天價租金，終於在2015年承接不住而忍痛離場。他們找了很久才找到銅鑼灣耀華街的舖位東山再起，可是現在又遇上官非，實在教人心灰意冷。

BV是世界品牌，其實怕一間家族經營的手做皮鞋店什麼呢？我知道侵權在法律上是不對，但同樣我也不清楚潮流，不知道侵權款式是否像Miniso抄Muji和Uniqlo一樣明目張膽且無恥。淘寶又唔見你告？再者法外有情，東主已經九十幾歲、鞋店也明言如雷同被警告就不再出售，為何非要打官司，非要鞋店燒銀紙至結業才心息呢？

這種置人於死地的營商方式我不喜歡。恭喜BV這世界上多了一個人（即是我）認識到你們這國際大牌子了，不過我就一定不會幫襯。

今天經過琦琦鞋店的時候，燈火通明的店舖變成散貨場，「結束」兩個字大得讓人心痛。在此我呼籲大家，特別是需要穿得體高踭鞋上班的OL、喜歡手做皮鞋的女生，希望你們下班或周末可抽時間去銅鑼灣耀華街琦琦鞋店走一趟，如果見到心儀的皮鞋，不妨買，因為真的比平日價錢平了很多。最後營業日為二月十五日。

如果你也為琦琦鞋店感可惜的話，請廣傳這「廣告」。

琦琦鞋店 Gi Gi Shoes
香港島銅鑼灣耀華街31號
電話：2890 6260
Facebook專頁
https://www.facebook.com/gigishoesworld/

6/2/2018 5:25pm更新：

剛剛我到過琦琦鞋店，親自跟後生伍老闆和大叔店員打招呼。

我買了一雙真皮短靴、一雙真皮斗零踭皮鞋過年。很多款都沒有37, 38這些大路碼了，但6號碼或以下還是有很多。也見到有40號鞋款。召喚小腳／大腳女生撐場~🙇‍♀️🙇‍♀️🙇‍♀️

店內還有很多真皮手袋、晚裝閃石鞋、晚裝包包。大家有興趣可到店內選購。最後營業日為15/2。

歡迎大家繼續廣傳！🙇‍♀️🙇‍♀️🙇‍♀️

2/2/2018 8:20pm更新：

來自區議員楊雪盈 Clarisse Yeung報告：「剛剛到了琦琦，店裏很忙着清貨。由於事件已進入了司法程序，琦琦謝謝我們關心，他們也正在處理。已留下聯絡方法，希望能幫到他們～」

（利申：這不是收錢賣的廣告。只希望能盡自己微小的力量，呼籲大家幫手散貨，讓琦琦鞋店不至於既要因官司燒銀紙，又要因散貨不成蝕得更多。始終年關了，不想店東和店員伯伯過窮年...

而店員伯伯、大叔其實也面臨失業。他們在鞋業打滾多年、有經驗又友善。如大家認識其他鞋店老闆、經理的話，歡迎介紹。

有讀者留言，她由婆婆個一代開始已幫襯琦琦。很多日本人專誠飛來港買，因款式同材料都好，明碼實價。讀者又說其實很多款式琦琦有做開，只爭在無申請專利.....所以琦琦被告侵權實屬不幸。

留言内有關於琦琦鞋店的新聞連結，大家可自行參閱。）