_ #FunsetOfArt #HideandSeekStore 初初入行, 對個世界好有嚮往, 唔知係咪叫做走入個大染缸, 呢樣嘢會想買, 嗰樣嘢又覺得要有. 不過去到七年前淨係專注一種顏色去置裝,感覺上個人開始識揀咗少少, 會唔係幾想同人撞衫, UNIQLO UT 唔係無買, 但唔會一街都係嗰陣着, 特別係當你見到啲肥叔着嗰陣, 就會有呢啲感受.（雖然我都已經係阿叔） 喺香港買衫算係幾四通八達, 比較多人識嘅牌子講得出嘅都有, 就算有無專門店, 識個朋友做代購, 遠至法國嘅都好快到手. 識 @hideandseekstore 嘅 Tiff 都係因為工作, 以前會問佢借衫做 styling, 經過又會搵佢打下牙骹, 加上佢又知我味嘢, 所以間中做嘢之餘亦同時係消費, 因為佢識搵啲日本特色品牌, MEANSWHILE, Still by Hand, BIB, KUON 等等嘅日牌, 都係佢引入嚟香港俾大家認識接觸, 對於唔太想同街上途人 style 撞到應一應嘅, 佢舖頭啲嘢確係有啲料到. 而呢件 Funset Of Art, 就真係可以稱得上「戰衣」嘅 item, 玩襤褸、刺し子、藍染呢啲傳統嘢嘅日牌唔算大路, 但都唔少, 2015 年春夏嘅 Junya Watanabe 係一個高峰, KAPITAL 一路玩梗, 仲有 Blue Blue Japan, FDMTL, visvim ICT, Porter Classic, 呢啲都係可以講得出嘅基本嘢. 有日上去 Hide & Seek, Tiff 就好醒水咁拎咗呢個牌子出嚟, 佢就介紹話係個㗎仔用啲古布嚟人手重新車件衫出嚟, 當下就對呢一件 pullover shirt 無乜抵抗力, 因為啲古布係唔會一模一樣, 變相每件都係獨一無二, 成個過程幾乎係無慮即決就帶咗佢走, 亦成為咗有啲重要場合都會拎佢出嚟威威嘅一件嘢. 咁啱今朝佢 Instagram 就 post 咗件背心, 望落又幾吸引, 強烈建議大家有癮真係去昅昅實物, 你就明我講嘅獨特喺邊度. - 最初入行時, 對世界十分嚮往, 不知是不是走進大染缸, 既想買這個東西, 又會想擁有那個產品. 不過在七年前開始專注一種顏色去置裝後, 感覺上便開始變得會去選擇, 不太想和別人同衣服, UNIQLO UT 也會去買, 但不會是一街都是的時候而穿, 特別是當你看到一個叔叔穿着時, 便會有這樣的感受. 在香港買衣服算是比較方便, 比較熟悉的品牌能夠說出來的都有, 不論有沒有專門店, 找個做代購的朋友, 遠至法國的也能買到手. 認識 @hideandseekstore 的 Tiff 都是因為工作, 以前會問他借衣服襯造型, 經過又會與他閒聊, 加上他也知道我的穿着喜好, 所以偶爾除了工作, 其實還會消費. 因為他會找一些日本特色品牌, MEANSWHILE, Still by Hand, BIB, KUON 等等的, 都是他引入來香港讓大家認識接觸, 對於不太喜歡和街上途人風格太雷同的, 他店內的服裝便有料子. 而這枚 Funset Of Art, 便是可以用「戰衣」來形容, 以襤褸、刺し子、藍染這些傳統工藝製作的日牌不算是王道, 但也不乏, 2015 年春夏的 Junya Watanabe 是一個高峰, KAPITAL 一直在推出, 還有 Blue Blue Japan, FDMTL, visvim ICT, Porter Classic, 這些都是可以瑯瑯上口的基本知識. 有天在 Hide & Seek, Tiff 很識趣地拿出這個品牌, 便介紹是一名日本職人將古布解拆, 然後再人手縫製出衣服, 當下便對這枚 pullover shirt 沒有抵抗力, 因為古布不會一模一樣, 所以每一件都是獨一無二, 整個過程幾乎沒有考慮便把它帶走, 亦成為了不少重要場合都會穿着的服裝. 恰巧他的 Instagram 便發了新照片, 是一枚背心, 看着也頗吸引, 強烈建議大家感興趣的去看一看實物, 便會明白我所說的獨特. _ #新嘢都要潮 #20200819