《PROHR Gathering 9月份》

今次PROHR Gathering將為大家帶嚟一個非常特別嘅主題 – SOFH指紋性格分析。了解對方嘅性格，對人際交流有莫大助益，MBTI、DISC、九型人格等等相信大家都認識，有冇諗過，睇指紋原來都可以知道一個人嘅性格?

大家可能會諗起玄學，我初初都係咁諗，但後嚟了解過，其實指紋學並非玄學，而係綜合數據嘅分析結果，指紋喺胚胎期的13至19周形成，具有遺傳性、個體獨特性和終生不變的特點，有遺傳學家稱之為「顯露在體外的遺傳因子」，至今已經發展超過200年。我哋可以從指紋，閱讀出一個人嘅先天性格特質，及潛在能力分佈。

了解到今次嘅嘉賓Golden Profiling創辦人原來都有幫唔同機構做SOFH工作坊，所以今次特登邀請佢嚟PROHR Gathering分享，畀大家體驗下指紋分析及如何應用喺HR工作上。

各位PROHR會員，請準備好手指參加。如果未成為PROHR，趁今次活動加入後就可以即時參加，仲可以加入我哋嘅WhatsApp群組一齊交流～

詳情及報名：https://bit.ly/phrg09
加入PROHR: http://bit.ly/prohr_membership

————————————————————
緊貼 #HR小薯蓉 Facebook專頁更新，設定HR小薯蓉為搶先看

《得㗎啦》

開始做Career Coaching之後，每日都會遇見唔同性格唔同價值觀嘅人，為咗增值自己，所以之前去報讀咗一個MBTI職業性格測試課程，希望對唔同嘅人唔同嘅性格有更加深入嘅了解，可以更加立體全面咁樣去提供Career Coaching服務。有位好朋友叫Tony，由細識到大，有一日佢搵我傾偈，覺得自己事業上好似去到一個樽頸位同埋覺得自己老婆有外遇。我睇一睇佢份履歷表，當堂嚇咗一跳。

以下係佢其中兩份工作嘅簡介：
- Assist marketing team to manage all-round daily operation
- Assist in implementing marketing activities
- Assist in building up new brand image
- Manage office supplies stock and place orders
- Perform marketing projects, event supports and coordination
- Manage all-round daily operation
- Manage online sales platform
- Manage office supplies stock and place orders

覺唔覺得有咩問題？我睇到有四樣問題。係我講呢四個問題之前我想同你簡單啲介紹吓我呢位朋友：中學時期認識，差唔多15年兄弟，睇住佢同青梅竹馬嘅女朋友結婚生小朋友，為人非常之穩定怕轉變，每間公司都做五年或以上，依家依間公司做咗10年，職銜係Assistant Marketing Manager，人工兩萬。佢嘅口頭禪係「得㗎啦！」老婆叫佢好好執份履歷表，人望高處，依家係一家之主，有兩個小朋友唔應該做而家呢份明顯Underpaid嘅工作，因為要養家，小朋友開始返學洗費會好大，Tony會講：「得㗎啦！我有分數，我哋而家生活都唔錯吖！」Tony依份工晚晚九點幾先收工，有時星期六都要返工，老婆同佢講：「老公，你可唔可以多啲時間陪屋企人同埋陪下我？我哋兩個好耐冇出街拍拖食餐飯。」Tony會講：「得㗎啦！呢份工係咁忙㗎啦！我都想多啲時間陪你，但係而家份工又穩定，老闆又唔錯，同事都唔差。同埋我哋住鰂魚涌，依份工係返北角真係好近。」

人最怕就係明明自己有能力但係鍾意打穩守突擊，冇時刻裝備自己、冇危機感，冇好好準備，冇咗團火，不思進取，溫水煮蛙。最後，Tony發覺老婆最近晚晚好夜返屋企，有時會行開行埋偷偷地講電話；又收到風老闆諗住短期內裁員，自己好大機會有份。Tony突然之間好徬徨。「得㗎啦！唔緊要，捱多一陣就冇問題，遲早會升職。」Tony咁樣同我講。大家估下佢係咩MBTI性格？去到呢個位都冇一團火去改變自己。得！等我幫你改！我執好你份履歷表先。

好的，典型香港人履歷表嘅四大問題。

1. 太「行」太公式化
2. 冇個性
3. 唔立體，冇生命力
4. 防守性太重

Tony份履歷表明顯係防守性太重。用詞太保守、謙卑。仲有詞窮、被動、完全睇唔出佢係一個管理層。邊有理由兩份工作都係用同一隻字（Assist,Manage)仲要不停Loop住使用，俾人感覺唔到佢兩份工作有Career Development，仲有唔識表達自己，英文能力差。建議參考我本書用多少少Action Words，譬如Initiate，Implement，Drive，Accelerate這些字聽落去都比較似返個管理層，唔係一個啱啱入職會做嘅事。同埋將自己一份工作分為三個主題，用%分佈俾人感覺你做嘅嘢比較立體，當然履歷表仲要提及份工作入邊嘅Achievements啦！記住唔好淨係寫結果，HR想睇到嘅係你如何、點樣去做到/達到呢個Achievements。用STAR去表示。做一個Storyteller，唔係單純話俾人知你係做咩，履歷表唔係「介紹自己」，履歷表係幫你攞到一份新嘅工作甚至最少都要係一個面試機會。寫得咁保守，咁被動，明明自己有做過都唔識得突出自己，唔識得將優點放大，缺點收細，呢份履歷表好難會成功！如果加埋個人不思進取，唔肯去跳出自己嘅舒適圈，咁你嘅人生同埋事業都好難去突破。呢啲就係防守性太重，心態唔改變，成日覺得「得㗎啦！」，寫嘅嘢都會隨着心態去寫，咁你會覺得份履歷表會寫成點？

千祈唔好成日覺得「得㗎啦！」計劃趕不上變化。性格決定命運，但係心態決定成敗。