關於林鍾之戰，我想説的是...

利申：同林作合作了兩年以上，工作主要focus在Candidate Profile Sculpturing上，協助求職者履歷表大變身、大學生寫Personal Statement，有不少讀者做了他下線，私底下亦係好朋友。

我覺得林鍾之戰，在Marketing角度，已經開始faded out，始終香港人比較三分鐘熱度及善忙，雖然10個香港人有10個都想睇林作俾人打柒，因為佢實在太「乞人憎」、「點解俾人打都值$1,000,000？」，但係如果呢幾日都係維持係「打嘴炮」嘅層面上面，我覺得最後件事會不了了之。

坦白講，我覺得如果林作真係應戰，其實未必會輸，就算係輸未必輸得好慘，即係唔係俾人打死或者係暈咗𠴱種，最多俾人KO，始終有頭盔有保護裝備，林作運動細胞咁強，有香港版利物浦沙拿之稱，不停喺擂台遊走，甚至好好保護個頭，其實未必會輸得好慘。

咁點解林作要考慮呢？我覺得第一係要面，因為佢係精英，佢每件事追求完美，（好似佢幫求職者做Candidate Profile Sculpturing就知道）佢唔可以接受失敗，亦都輸唔起如果俾人打到口腫面腫𠴱個形象，佢係一個心思細密嘅人，自然每方面都要考慮清楚；第二，林作根本唔缺錢，成日話自己窮嘅人，其實係最有錢，作為朋友當然知道佢一個月搵幾多，1,000,000對佢來講真係散紙，之前佢籌旗眾籌甚至賣自己西裝其實都係一種反向銷售/逆向宣傳，利用負面嘅新聞去宣傳自己嘅人氣，甚至利用自嘲去達到佢希望得到嘅點擊率同埋媒體發酵，佢係一個機會主義者，我估計佢一開始都冇諗過Derek咁認真，當兩個追求完美嘅人碰埋一齊，火花自然大。第三，我同Derek 素未謀面，你俾$1,000,000我就同你打，你當我係邊個？

如果我係林作，件事慢慢已經開始淡，如何保持熱度呢？

1. 尋求拳擊教練贊助，每日更新訓練過程，三個月之後操到好fit，讓觀眾同全香港人一齊投入林作變大隻，越級挑戰鍾生。
2. 自己再拎$1,000,000出嚟，將成件事變成慈善拳賽，提供網上直播，每人收取港幣$10，收益會捐出去比慈善機構。
3. TVB太藍，而且目標觀眾唔係你哋想target，可以考慮搵杜汶澤或者係VIU，個人認為最好係鍾生的YouTube channel。
4. 自己又整返一個YouTube channel，甚至考慮同鍾生合作，亮相他的頻道，邀請埋自己媽媽，應該會好爆。
5. 同自己旗下品牌做Cross selling，帶動林作保險同埋林作西裝。

如果我係鍾生，我無啦啦俾人擺咗上枱，條氣唔順，但就算贏咗又好似冇乜意義，同埋林作真係好賴皮，太多Bull shit，永遠唔Let’s go，錢又拎咗出嚟，但係場比賽已經打緊，對方一直遊走防守，咁我咪好瘀？我應該點做呢？

1. 再度加碼，林作可能覺得自己值$5,000,000、或者在自己YouTube channel協助林作公開招騁下線。愈多甜頭，對方才會有興趣。
2. 份合約中文林作睇唔過眼，何不搵林作師傅淸洪草擬一份英文合約？這樣林作便沒有下台位了。
3. 制定一個期限，如果過咗期限，對方都沒有回應，這樣全香港便知道你已經贏了（面子）
4. 如果搞唔成，最後還是將原本的$1,000,000捐出。
5. 直接搞一場超級慈善拳賽，再次邀請Mayweather，有觀眾或者冇觀眾都可以，為最近死寂的香港娛樂加一點熱度。
6. 同林作鬥埋文鬥，自己睇過幾次Derek演講，轉數快、頭腦清晰，辯論都未必會輸，一場文一場武，觀看意欲大增！

如果將單純的「你追我趕打嘴炮」戰役提升至國際層面，八卦的香港人會更加開心。

如果真係有拳賽，希望是一場熱血的、有體育精神的、並且充滿競技性質的。

香港人，永遠支持雞蛋，更加鍾意睇逆境波。同埋相信好多人包括我都想同鍾生打一場，最多我收$30萬😎

IG: Fulltimeheadhunter

【 國立大台】
第207集：Netflix中文片名趕客 /扶姬賣身養少年/Mayweather唔打又打 拳擊擂台決戰Mcgregor？/欠債要靠賭博來還
收看節目︰http://www.passiontimes.hk/prog/84/207
主持︰黃洋達、英軍、和仔、Darling

《國立大台》
第207集： Netflix中文片名趕客 /扶姬賣身養少年/Mayweather唔打又打 拳擊擂台決戰Mcgregor？/欠債要靠賭博來還

節目連結︰http://www.passiontimes.hk/prog/84/207
主持︰黃洋達、英軍、和仔、Darling
首播日期︰2017-02-20

節目群組：https://www.facebook.com/groups/masterchannel

#netflix