世界其實沒有Perfect match，反而有好多Mismatch。要配對話難唔難、話易唔易，
作為獵頭，要了解配對雙方的性格、願景同要求，再喺云云的選擇當中選出最符合雙方條件的人，最後為佢提供到一個最適合的「伴侶」，當然仲會幫佢fight到加人工。

每日返工，最開心的一刻就係接到通電話或者收到個message，係求職者同我講話「我有offer喇！我搵到Dream job喇！我今日簽咗約喇！」，然後多謝我幫佢搵到perfect match。

好似昨晚咁，我又收到一個好消息：成功「配對」，搵到一份加咗20%人工、Title高了一級的Marketing dream job。

以上就係獵頭的工作？當然唔係。

其實唔止，眼見好多人都煩惱緊「點解搵唔到工、點解搵唔到一個更好的老闆、點解CV石沉大海、點解唔識回答面試官嘅問題」，我個心都會好炆熷，於是我去年推出Career Coaching，內容係教你點樣增加曝光率、點樣Sell自己、點樣響面試當中令人留下良好兼深刻的印象，總之就係調教你成為別人眼中的“Perfect match”

由Profile Sculpturing著手，例如CV content及design、cover letter、Linkedin、 profile相、Visumé等等，再根據你的性格、過往的工作成就及經歷度身訂造一套適合你的職涯規劃及攻略，你仲可以揀選適合自己的導師、甚至係現任的HR做模擬面試，完成Coaching仲可以幫你免費配對工作。

其實今日我所做的一切都係抱住幫人等於幫自己的初心，得到「You are beyond a recruiter」一句，尤勝千金。

#獵頭日常
#全職獵人
#Fulltimeheadhunter
#Fillturecareercoaching

Fillture Group Limited

Follow我哋IG：

🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter

《The biggest risk is not taking any》

「我今朝遞咗信喇，終於輕鬆晒！嚟緊靠你啦！」女友和我說。離開做了八年嘅工作崗位真係唔容易，當中經過好多內心嘅交戰，睇住女朋友嘅筆記簿寫滿晒辭職嘅好處同壞處，呢個過程真係辛苦佢，佢決定跳出舒適圈，自己創業，佢寫出嚟嘅好處就係：可以做自己喜歡做的事；時間更彈性，可以做更加多、學更加多；可以跳出自己舒適圈，試不同的東西；心態會變返積極，有衝勁，唔想一世做同一個領域，沒有靈魂意志慢慢磨蝕。但係壞處就暫時只有一個：短期內缺少穩定收入。佢寫「短期內」即係對自己好有信心，覺得自己創業之後，已經去到破釜沉舟，逼到自己去懸崖邊，死都死掂佢，心態正確。

決心要夠強大，才能將不可能變成可能。

「創業，就係一條孤獨嘅路，雖然你而家有Partner，但喺你創業成功之前，可能冇人識、冇人知，直到你創業成功為止，先至有人知你做咗啲乜，而且有好高嘅機率，你會失敗。過來人經驗分享，創業，心理上係孤獨嘅，你必須忍受好多以前你返工時唔會遇到嘅情況。返工你人工穩定，而且仲唔錯，創業之後，你好大可能要長期處於低薪狀態，直到你賺錢為止。不過，呢段路我都會同你一齊行，你唔會係孤伶伶一個人。」我和她説。辭職創業，其實機會真係一半一半，但係總好過墨守成規、安於現狀，人生好多選擇，不論辭職轉工創業都係一半一半機會，搏到嘅話將來嘅你會多謝而家有勇氣嘅自己，萬一真係失敗，將來嘅你都會多謝而家嘅自己令到自己人生有故事及經驗，錯誤讓你變得更好。

The best way to make your dreams come true is to wake up.” — Paul Valery.

最近遇到好多Career Coaching個案，有幾個真係一個月前問我、想了解吓什麼係Career Coaching，因為「自己而家工作唔係咁順利，返工唔知點咁樣」同佢傾完之後，大部分都會同我講要預約Career Coaching，少部分會同我講「考慮吓」，但之後唔夠一個月少部份嘅人就會同我講：「啱啱通知被炒魷，已經失業。所以想盡快裝備自己。」諷刺嘅係，同類事件唔止發生一次，最近嘅市場令到工作變得好冇安全感，連獵頭公司都要減薪、轉合約制、叫員工一個星期返三日，就知道而家個市場真係好難預計。我相信搵得我幫手嘅人都有各自嘅需要同故事，尤其是而家香港咁嘅情況，政治不明朗，經濟下滑，失業率高企。而我都分享一下一位朋友Kenny嘅故事：Kenny從事Marketing已有15年以上經驗，咁多年佢嘅工作生涯都比較順利，以前搵工、轉工對佢嚟講難度唔大，遞履歷表出去，好快會有面試機會，好快會有Job offer。而以前工作雖然辛苦，但多姿多彩，見多識廣係Kenny留喺呢個行業咁耐嘅其中一個主因。但係自從去年6月開始，前公司生意漸差，到9月好幾個客戶取消了幾個大型活動之後，老闆竟然要Kenny轉做part time，當時已經有啲失望，喺公司做了10年，而且幫公司做咁多好成績，公司生意差就要佢轉兼職，或者停薪留職，因為啱啱結婚，又要供樓，又要照顧屋企老人家，開支好大，被轉part time 之後根本已經入不敷支......點知低處未算低，新年之後就出現武漢肺炎瘟疫，前老闆仲好無情地叫Kenny作決定辭職，到而家已經失業3個月。由從來無諗過會失業，亦從來無諗過會搵唔到工作，Kenny呢幾個月不斷遞求職信超過100封，只有5個interviews，但第一輪面試之後就没有回音，因為Kenny有10年無搵過工，空有咁多年Marketing經驗原來係唔值錢，因為而家個市場流行Growth Marketing，佢唔夠與時並進，佢好後悔自己一路都安於現狀，停留係自己覺得好安全的舒適圈，唔好好去正視自己、增值自己，其實市場上好多好多有野心嘅求職者都想取代佢。Kenny下個星期係有工返，但係連佢自己都估唔到自己人到中年要走去做一份自己從未做過嘅工作：去老婆屋企人開嘅補習中心入邊教畫畫。Kenny雖然對而家處境好失望，但為咗老婆、為咗自己個家庭絕對唔會絕望，因為自己仲有好長條路要行，相信總有一線希望。

當你持續的說你非常忙碌，就永遠不會得到空間，當你持續的說你沒有時間，就永遠不會得到時間，當你持續的說這件事明天再做，你的明天就永遠不會來。

連Big4高層都同我講今年佢哋好大機會會「升Grade停薪」，但係好多人都選擇繼續留喺九月睇吓咩環境，最近好多行家都同我講其實依家好多公司都積極請Big4求職者，但係好多都被拒絕Offer，Big4求職者選擇繼續停留係一個安逸穩定嘅工作直至九月加升Grade加人工，但係九月嘅時候佢哋會後悔，因為而家少部份選擇跳出去嘅同類型求職者已經攞咗個工作職位。逆境波，公司可以選擇防守，但係好多公司都會選擇進攻。

「最大的風險，就是永不冒險。世界變化如此快速，唯一註定會讓我們失敗的，就是不敢冒險。」— Mark Zuckerberg

《HR主持Annual Dinner 4要點》

又快到年尾，今年Annual Dinner搵咗邊個做MC未? 我知大家作為HR，經常都會畀人擺上「台」做司儀，一句「你得嘅！」就畀人推咗上去。雖然你曾經反抗，但最後都係只能夠「X那媽，頂硬上」

作為頂硬上嘅過來人，我請教過啲專業司儀朋友，同大家分享下主持活動嘅幾個要點：

1.利用朋友

朋友呢個時候係應該攞嚟好好利用，因為Annual Dinner觀眾都係同事，台下有好多你識嘅人。攪氣氛需要互動，你可以target較熟嘅朋友，最好揀啲玩得，平時又識講笑嘅人同佢地互動。你可以問下佢地問題，叫佢地舉下手，運用佢地炒熱個氣氛先。

2.講嘢要正面

做MC講嘢要正面有分寸，如果你聽日仲想返工的話...千祈唔好攞「我都知老細今年未必加人工架喇～」、「Sales同Marketing坐得咁開，係咪唔啱呀？」呢啲咁嘅嘢嚟講笑。HR應該清楚大家嘅人物關係，炒高氣氛同PK可以只係一線之差。

3.做足準備

員工活動特別係Annual Dinner呢啲大場面一定要做足準備，了解成個流程、抽獎抽咩，度定講稿同攪gag位。子華神做棟篤笑都要度稿唔係爆肚，何況你唔係子華神? 而且你仲應該搵人同你做幾次rehearsals，確保一切順利。

4.把握做司儀機會

你可能會問，主持下活動駛鬼咁認真咩？又搞氣氛又練習又盛？份Payroll唔駛做啦~呢個位擺明係豬頭骨～ 雖然做MC係有啲挑戰性，但大家千祈唔好睇少呢個機會。老實講，份payroll做得幾準有幾多人知？但一次主持活動，你嘅表現隨時令全公司老細對你另眼相看。喺現實世界，我真係有位朋友因為幫公司做MC做得好而一戰成名，得到老細垂青平步青雲，皆因佢表現出過人嘅表達能力。

所以，下次有主持嘅機會我好鼓勵大家去爭嚟做，人人以為係豬頭骨嘅嘢其實可以係最好嘅機會。當然你都需要有好嘅技巧，如果你有興趣學多啲主持活動嘅技巧，嚟緊我地將會喺《Be a Presentable HR》workshop詳細講解。

Workshop詳情: http://bit.ly/presentable_HR

#10月27日前早鳥優惠
#2人同行再額外9折

————————————————————
緊貼 #HR小薯蓉 Facebook專頁更新，設定HR小薯蓉為搶先看