［當年今日］爆嘅唔係雷曼，而係LTCM。然後當然係聯儲局救市，股市照升。呢啲先係歷史。

歷史驚人的相似？話你知，恒大嘅前世情人唔係雷曼，比較似嘅係LTCM。雖然都係唔似，但你當恒大係李嘉欣，雷曼係李嘉誠，LTCM係洪欣咁咯，「至少李嘉欣同洪欣都係女人」。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 後生仔應該唔知咩係LTCM，早早叫你睇多啲書（呢本非常好睇），

2. 1998年嘅秋分，就係LTCM，Long term capital management 爆煲之日。本書點解叫When Genius Failed？因為LTCM嘅發起人，Scholes同Merton，正係Genius（另外有個伊朗仔），勁過Genius Bar嘅Genius

3. 有幾Genius？你做金融嘅，如果唔識佢兩個，得罪講句，真係好打有限。Scholes正係Black Scholes model 嗰個Scholes（唔係曼聯嗰個，OK？），期權定價option pricing，CFA Level I都讀。咁Merton乜水？其實係叫 Black–Scholes–Merton model。

4. 有幾Genius？冇，佢兩個拎咗1997年諾貝爾獎之嘛，「冇乜特別」（＊）．攞獎係因為樓上講嘅嘢，Derivative pricing，有冇話你知我Master讀呢啲？「我本書有講」（＊＊）

5. 你見到嘅係，連諾貝爾獎得主都唔會time the market，都唔會覺得自己識好多嘢。甚至最後都係預測唔到市場嘅凶險。普通人何德何能？

6. 順帶一提，當年幫LTCM封棺材嘅最後一根稻草，係俄羅斯國債違約。

7. 當其時嘅市場常識係：nuclear powers do not default。的確，從來冇核武國國債違約，帝俄年代有，蘇聯年代都有，「但嗰時未有核武」。

8. 吹啤脹嘅係，俄羅斯嗰次違約，唔係美金債，係本幣（盧布）嘅債。你諗真啲，係完全違反常識的。國家有印鈔機（阿富汗就冇），盧布印幾多都有，點會違約？但，蘇維埃巨熊就係做啲你估唔到嘅嘢。

9. 認真的，當時都有研究，到底你如何可以將呢啲政治事件，列入你嘅quantitative model？答案係：好難。

10. 但冇話唔可以做，你留個大啲嘅margin of safety咪得，正如騰訊跌一半都大把人買。偏偏LTCM就係唔留margin of safety嘅。幾時都話，槓杆害人。不過人地冇所謂，OPM，其他人嘅錢。

11. 我可能週末Patreon講（但月尾冇乜新讀者訂，可能留返10月1先）

（＊）順帶講埋，既然係Black–Scholes–Merton model，有時甚至叫做Black–Scholes，Black先生同Merton應該至少平起平坐（if not more），咁Black先生去咗邊？點解冇份攞諾貝爾獎？答案好簡單，我唔使查維基都知（因為我寫過幾次，但第一次都唔使查），因為佢死咗。諾貝爾獎只頒畀在生嘅人，所以日日跑長跑嘅村上春樹再等下先，佢老哥等得，仲有一大班吊鹽水嘅等緊。

（＊＊）後來點解冇做quant 冇變火箭數學家？好簡單，我有自知之明。無數咁多大陸仔印度仔勁過我啦。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

對著鏡子梳理眉毛的時候，突然被廁格內傳出的一聲慘叫嚇呆了。

是一星期前的事，但那聲慘叫實在無法忘記。

「Everything alright？」我隔著門問。

「咔」一聲，門慢慢打開，是我 team 的一位同事。

「嚇親你，」同事頹喪地走出來，「唔好意思。」

明白的，這陣子，很多同事都被恆大搞瘋了。

其實個世界就係咁現實，而這個所謂金融世界，比現實更現實是常識——好景的時候稱兄道弟，冧市的時候各自閉翳。地踎啲講句，出得嚟行，唔通唔使還。

意思是，好景的時候自然心紅，一心紅就進取，客戶用一蚊買兩蚊債券，屌，基本嘢。

好喇，冧市喇，作為一家穩健的金融機構，就梗係先自保，借畀你嗰一蚊，唔該還咗先。

本身這個有借有還的遊戲是十分公道的，但為什麼同事會發癲？因為，叫唔叫個客還，銀行是有 sole discretion 的，亦即係話，我哋可以叫個客還，亦都可以叫個客唔還住。

「Susanne 真係 on9，」這位兩日冇剃鬚的同事完全不介意大聲地公告天下，「黃生淨係隻艇都成億，係成億 full pay 呀，佢點會 default 呀，唔好癲啦。」

我叫佢冷靜啲，似乎令佢更加唔冷靜——「Susanne 話要 call 佢 margin，真係好撚短視，要我而家叫佢還，佢實還㗎，還完之後咪即刻 cut account 囉，係咪要咁吖？」

開口埋口的 Susanne 是 risk management 那邊的同事。

「晦氣嘅嘢，你同我講冇所謂，對住 Susanne，盡量低聲下氣好嗎？」

「低聲下氣？我對住個客已經成隻狗咁，對住條八婆又做多次狗？」

「你客氣，Susanne 都仲有斗零咁多機會隻眼開隻眼閉；你開拖，佢一句 no 就係 no。」

聽我這樣說，同事終於冷靜了一點，但目光仍然盛著恨意。就在這時候，我給了他一個匪夷所思的建議：「你有冇 airpods？」

「有，why？」

「你而家入番去廁格，去 YouTube 睇一個 MV，歌名叫做《小諧星》。一路睇，一路聽，一路聽，一路留意歌詞。」

是難以置信的，但這首歌真是萬靈的仙丹。

香港的娛樂事業可以靠一隊叫 Mirror 的年輕人起死回生，本來真是半信半疑，直到非常後知後覺地聽了這首《小諧星》。

慚愧承認，之前真係一首 Mirror 都未聽過，唔係唔想聽，係到咗某個年紀，總是有一股惰性拖延著那份接受新事物的勇氣。

然後一係唔聽，一聽即刻癲咗。那個 MV 的四百萬個 views 當中，我應該貢獻了最少一百個。

起初當然是被周秀娜小姐 draw 入去，她那個被 Edan 飲晒杯奶茶的扁嘴表情，喂大佬，真係溶掉了所有中佬的心。

睇吓聽吓，原來這是一首無名小子單戀女神的歌——女神已經有男朋友，而且還要是事業有成的有錢人，典型一個雞蛋挑戰高牆的故事。

愛情裏的廢青與富豪又好，工作上的 front line 與 risk management 也罷，很多時就是無力與大力的對決。

有時候，當你知道力不如人的時候，唯有像黃偉文寫的詞一樣：「跟他怎可能拼，只好專心做諧星；將單戀劇情，改寫出喜劇場景；用我痛苦表情，換你那好心情，留底這半條命。」

對，最緊要留底自己條命。

做人遇到的任何挑戰，不要看成是單一的難關；三盤兩勝冇把握就五盤三勝，放長雙眼，就是為了增加自己的勝算。

回到自己座位，我問同事有沒有聽到那首歌。「有，多謝你 Marcus，我一定會好好同 Susanne 講。」

故事的結局怎樣？最後 Susanne 還是要同事 call 個客 margin，然後那個客真的一怒之下 cut 了 account。

但。

今天在文華酒店吃完午飯，我才親眼看到這個故事的反高潮。

面前的畫面：Susanne 很陶醉地拖著同事的手，在酒店的櫃臺 check out 房間。

我非常好奇，於是 text 佢：

Hey… I saw you and Susanne at MO…

佢個回應。

霸氣到一個點：

She made me a slave in the office. I made her a slave in the room.

人生，fair enough。

留底半條命，你總會找到，把對手就地正法的機會。

［大師冇點你］香港Amazon？其實係香港維珍。

TLDR：廣告收入。入北水。賣盤。可能唔跟時序，亦可能部份發生，全部發生，或者全部唔發生。係喎，有包生仔？但錢已賺

＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 真的，出完業績有女讀者（靚女嚟的說）嚟多謝我，我唔明，佢話1137。我話，升8%就嚟多謝？點都睇兩三成先啦。（又，個倉位係我嘅，唔係佢嘅，我冇問佢買幾多，亦唔會貼人地出嚟）

2. 講明先，當然有啲其他嘢冇升咁多，甚至有啲嘢輸錢。但我Patreon透明度已經相當高，美股持倉全部公開，新買嘅就幾錢買買幾多都公開晒。好多時事先會話你知添（沽？我唔沽貨的），只係舊嗰啲只講咩位買咗，冇講買咗幾多，免得你知我有幾多股票—太少又怕你恥笑，做才俊（？）做到你咁撚窮，太多又怕你綁架我。

3. 港股呢？都差不多，爭在有啲舊股票呀月供呀冇貼出嚟。原因？都冇乜，只係好似以前啲青樓女子咁，腰或腳度綁返條紅繩（*），自我安慰話自己唔係一絲不掛除淨雷咁。又或者傳說中嘅可以性交唔畀錫嘴，留返最後少少底線咁。不過世界難撈，嚟緊（應該呢個星期六？）會全面解封，呵呵呵，好似女優下馬咁

4. 一個星期18%，喂，還不錯啦。當然唔會隻隻都咁，唔會個個星期都咁—除非係老千，或者輸咗唔話你知。實情呢，一年有18%（你冇睇錯，係一年）已經相當相當好。

5. 你可以話目標唔夠遠大，但唔好咁中二病，個市場先理撚得你「目標」幾多。「我唔貪心目標只係三年50萬變300萬」「我唔貪心儲咗500萬諗住全職炒股一年賺100萬生活費」。

6. 得，梗係得，你back test實得，實搵到大把三年50萬變300萬嘅股票，你全副身家買李斯特城捧盃都得。後者呢？一年20%，你買美股指數都做得到添，今年已經達標添 —但唔好講金融海嘯啦，我又當你2020年坐得定3月冇嚇死啦（你全職炒股就知有幾大壓力），唔好講最差嘅情況，就問你2015或2018年時點算？要跌喎，咁你啲生活費邊度嚟？沽晒啲嘢佢？咁你之後個本咪細咗咯。況且，個個講就天下無敵，自己做就祖雲奴域啦，超過一半基金都跑輸指數，你真係勁過人地？明明輸錢又賴大戶又有優勢。

7. 但講遠咗，一個星期18%，真係相當不錯。雖然買得45000賺得8500（咁都夠我打兩個月邊爐嘅）。但，William Hung啦，我已盡全力，月尾我就只係得嗰45000蚊，瞓晒落去。都話之後戶口得返幾百蚊。「咁你啲生活費呢？」。有八達通有信用卡嘛大佬。

8. 講返，有人當1137係香港Amazon，都係網購嘛。實情老細唔似，但先講業務

9. Amazon做網購，Yes and No．Patreon都寫過，冇錯網購佔佢收入好大部份，但利錢好低。你大約都諗到，又貨倉又司機又搵人執貨，成本好高的，亦因為咁光頭佬畀人當孤寒財主。都可能係，但辛苦錢，邊似其他幾間Big Tech坐定定收錢咁易？（當然有能者居之，工程師涼冷氣絶無問題，我呢度只係用返好多一般人嘅睇法去講）。

10. 網購有幾唔好食？一個數字話你知：Amazon收入幾乎係Facebook三倍—但Facebook 賺錢仲多過佢，死未。

11. 當然Amazon呢個微利，又同時間係佢嘅護城河 — 你細啲嘅公司根本冇可能做到咁平，去做即日送貨之類。Black Rock亦係靠呢類方法令啲細公司踩唔到入場。唔好咁天真以為「貴價」就一定係暴利。

12. 呢方面，1137亦都係一樣。你以為好好搵，實情唔係。仲要香港市場細。舊年上半年毛利兩億半，下半年都係咁上下，今年上半年都係。冇乜增長。毛利咋喎！

13. 而Tech人會知，Amazon仲有AWS—收入貢獻唔算多，一兩成，但食水深，差不多貢獻一半盈利，怕未？1137就冇呢啲嘢了。

14. 不過，Amazon仲有第三味收入，其實都相當大，只係因為Amazon太大而被忽略咗。

15. Amazon嘅廣告收入，都70億美金一季。即係有幾大？「即係多過YouTube」，嚇死未？講緊差不多10% market share 的。

16. 呢度就係得意嘅地方：1137 一樣有廣告收入！暫時好似未係好大，但增長好快！早兩年講緊幾百萬，舊年上半年1000萬，舊年下半年1400萬，今年上半年去到5000萬！喂聽講毛利都係兩億幾咋喎（呢啲收入係毛利之後再加的）

17. 講返，呢個應該會係未來動力。亦係我上星期買嘅原因，留意我係業績前買嘅，咁固然業績後大升，但我係估唔到的，我仲覺得份業績麻麻添

18. 你可以話right for the wrong reason，但，仲有兩個原因。首先當時股價已經近52星期低位，固然唔代表一切，但個Margin of safety 大啲，出錯空間大啲。

19. 仲要，第二樣嘢，估入北水嘛！呢個先係原因！恒指季檢你掛住望邊隻染藍邊隻踢走，但冇留意1137入咗恒生綜合指數—本身唔代表乜，但呢個係入港股通嘅pre requisite．

20. 到真係入到？嘩，不得了，因為1137太細。你可以話大陸佬冇興趣買呢啲，但公司真係太細，你求其一條微信女搵到幾個農民已經夠。咁當然係入之前買定啦，入唔到點算？冇乜點算。Bonus嚟啫

21. 再長遠啲？我大膽估，最後可能都係賣盤。王維基係係香港Richard Branson，多過香港Jeff Bezos。你見佢做過好多唔同嘅生意，搞過補習社，做過水貨教科書，之後當然仲有城市電訊。同埋搞唔掂嘅電視。

22. 但重點係，佢唔係偏好做特別一類嘅業務，只係睇下邊樣過癮，又有缺口，可以顛覆。呢度咪就係Richard Branson。Richard Branson拍馬都冇Jeff Bezos咁有錢，但過癮好多。

23. 拿，呢啲Patreon一早講晒的。當然原則上我係唔鍾意畀貼士之類，係成個思考過程先緊要。但未能免俗，同埋費事有人覺得我只講唔做，講就叻自己買就唔得。唔係話咩好巴閉，但都真係唔係十分非常差。

（＊）忍唔住都係要離題，又要講Fetish，女仔身上嘅各種裝飾都好吸引到我。包括正路嘅耳環，少啲見嘅臍環，更少見嘅脷環乳環—或者簡簡單單就咁腳度有條鍊咁，都係十分之sex appealing嘅東西。陰環？見識少，冇遇過。

＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

融資不是只有借錢這麼簡單！4 成自備款，券商借你 6 成資金額度，所以你開了 2.5 倍槓桿來操作！

但是當股價跌到融資維持率低於 130% 的時候，券商就會發出追繳令，2 天內要先補錢還錢， 不然就賣你股票來還債，這就是所謂的融資斷頭。

影片中也會跟你分享，如何藉由觀察融資餘額來作為判斷個股價格的輔助！

0:00 開始
0:12 融資不是只有借錢(2.5倍槓桿算式教學)
0:45 融資賠錢的話...
1:20 融資斷頭
1:30 觀察融資指標買股票的小技巧(以台積電為例)
2:14 掌握大盤扣除ETF籌碼變化

大盤扣除ETF資券進出
https://www.wantgoo.com/stock/margin-trading/taiex-exclude-etf/transactions

追蹤訂閱賺錢行情不漏接 🔥 掌握股市即時資訊 👀
Facebook 請搜尋【就是愛玩股】
https://www.facebook.com/wantgoo.fans/

訂閱 【 玩股網 Telegram🔎 】
https://t.me/s/wantgoo

【玩股網】簡單投資，美好生活！
https://www.wantgoo.com/

成為 RF 鐵粉團的一分子！只需港幣 $40 一個月，即享獨家影片及專屬貼圖優惠！
https://www.youtube.com/channel/UCETuQf4lzTrfevoHdSGo8Ew/join

成為一名經人Patreon :
https://www.patreon.com/awesomomists

www.RagaFinance.com
RagaFinance Facebook:
https://www.facebook.com/ragafin/

?是日焚道 - Everyday's Vin! Patreon ?
http://patreon.com/calvinchoy

◎◎◎訂閱 ◎◎◎
▶
Ragazine : https://www.youtube.com/channel/UC5DWcqCjBne2-wRnrjxkuHQ?sub_confirmation=1

▶
Raga Finance: https://www.youtube.com/channel/UCETuQf4lzTrfevoHdSGo8Ew?sub_confirmation=1

#RagaFinance #美股 #債息
------------------------------------------------------------------------------------------------------------------------------------------
免責聲明：《Raga Finance》竭力提供準確資訊，惟不保證絕對無誤，資訊如有錯漏而令閣下蒙受損失（不論公司是否與侵權行為、訂立契約或其他方面有關），本公司概不負責。

同時，《Raga Finance》所提供之投資分析技巧與建議，只可作為參考之用，並不構成要約、招攬、邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《Raga Finance》主持、嘉賓、編輯及記者無關。

同時，《Raga Finance》所有節目或資訊，相關內容屬作者個人意見，並不代表《Raga Finance》立場。
Raga Finance
網址: www.ragafinance.com

#美股焚化爐 #Archegos #中概股