#垃圾酒吧 的故事 @drfernshk 劣到想搵 #劣食觀世音 打救 Properly Dr. Fern’s Gin is — not only the worst gin/hidden bar — the #WorstBar in Hong Kong. For one particular moment I thought I have mistakenly passed a secret tunnel and channelled to MK at the other end of the tunnel. - - 其實，近年好多業內人士都講，繼Whisky之後，最有機會堀起嘅就係Gin。無錯，就係當年好友Charlotte係LFK扮大陸人叫人請佢飲嗰杯 #氈酒東尼 。老實講，係香港真係好難搵到一間酒吧，能夠做到一杯好嘅 Gin & Tonic（係好難，唔係冇，近年香港有隻白蘭樹下係好嘢嚟，下次有機會先講）。 當然，講起Gin & Tonic，好多人心目中都覺得佢係下欄嘢，因為製作簡單，而且又冇乜技巧。最正路莫過於都係一Shot Gin加上一支Tonic Water撞埋。明嘅，真係明，飲得Gin & Tonic仲計較乜鬼有冇誠意，本身呢樣飲品就係冇乜誠意。然而，亦都勝在夠直接，好唔好飲完全都係靠支Gin。 - - Dr. Fern’s Gin本身主打就係Gin，堪稱全港Gin數量最多嘅酒吧。甫踏進酒吧，彼人立即要求坐吧枱，一心諗住會一會呢到啲Bartender，睇下佢有乜料到，結果就係冇料到。 彼人想飲Gin，其實係一份情意結，當年有幸去南非開普敦，一心諗住去同葡萄酒結緣，點知最後返嚟念念不忙嘅係當地嘅Gin & Tonic。記得係當地某酒店內嘅一間Bar，同埋號稱儲藏過半百款Gin，無需餐牌，Bartender前來「問診」，簡單幾條問題，已經知道怎樣的Gin才適合你。繼而一款Gin，配上一款特選Tonic Water，（的確就連Tonic Water都有得揀），再配上時令水果或香料搭配，湊成一杯出色的Gin & Tonic。又如食神精神，整一碗靚嘅拿渣麵都唔係咁簡單。一杯好飲嘅Gin & Tonic又真係咁簡單咩？如果Gin & Tonic 就等如 Gin + Tonic，那麼「洗H請你哋班Bartender係到咩？」 - - 當然，話說回頭，打從南非返香港後，四出訪尋香港特色美味嘅Gin & Tonic，但只有一兩處合心意，大多教人失望，終於機緣巧合之下得悉Dr Fern’s Gin存在。或者有啲唔同公平，因為彼人入場前真係寄予厚望，所以徹底失望⋯。 偏偏冒名嚟到呢間Dr Fern’s Gin，bartender九唔搭八。 - - - 👦🏻：「你有咩介紹？」 🍸：「你想飲咩風格？shit柒又得。甜啲又得。」 👦🏻：「我想要啲Refreshing嘅。」 🍸：「可以呀（循列介紹幾款）。」 👦🏻：「我想問你哋會點整？」 🍸：「就咁Gin & Tonic。」 👦🏻：「有冇咩材料係入邊？」 🍸：「你想飲Cocktail?」 👦🏻：「唔係。即係例如我飲Hendrick’s，會加青瓜。」 🍸：「哦～你想飲Hendrick’s！」 👦🏻：「唔係！」 🍸：「你想飲Hendrick’s可以試呢幾支呀，仲哋味道差唔多」 👦🏻：「WTF🤦🏻‍♂️！」 （後來發現原來Shit柒係Citrus） Bartender MK 不是罪，因為作為食客你絕對冇得揀，唔通真係學食神話齋，作為一個廚師，應該考慮到食客最細微嘅心理。當然彼人明白唔係間間Bar嘅Bartender 都好似Quinary嘅Samuel Kwok咁，行出嚟成個明星咁，但都唔好咁MK呀，態度又差（係咖，香港嘅衰客最叻就係話人態度差）客觀講幾句，作為一間係中環核心地段Landmark嘅酒吧，毗鄰Louis Vuitton，店內嘅人員起碼都能講得一兩句英文掛，放心，You know彼人並無以偽ABC去Order嗰杯Gin & Tonic啦，但有意無意見偷聽到其中一位Bartender同洋人食客介紹道，「We are Gin Bar💁🏻‍♂️」，當然英文都係小事，今時今日，識英文又有乜用呢，識PTH才重要？ 另外，彼人係香港都去過好幾個地方飲Gin & Tonic，Hugger Mugger又好，Madame Fu又好，甚致Steak House La Vache都整到Gin & Tonic，佢哋都識得成支Tonic Water呈上，同南非一樣俾你自斟自飲，而偏偏呢間Dr Fern’s Gin就係得呢一杯，仲要啲冰有咁大粒得咁大粒，飲冇兩啖又飲完，索價兩百大元，呢個價錢不如去The Old Man好過啦。 中環Landmark價錢淘寶質素，其實真係要幾折墮先會係中環云云幾百間Bar揀到嚟呢一間，莫過於貪你係Landmark，食完飯行過去夠近。 圖一：Dr Fern’s Gin 圖二：南非的Gin&Tonic 圖三：南非的Gin&Tonic Bar 圖四：Hugger Mugger Gin&Tonic 圖五：La Vach