「記錄一下」 掌聲鼓勵 歡迎我的新寵回家 來回踱步差不多一個月 究竟要 iMac還是air 還是pro 最後決定了iMac 然後又次次未下手 本來在五年前買下的Mac book air 每一次剪片都接近爆炸崩潰嘅程度 (我的意思是我和電腦都接近爆炸的程度) 今天是一個特別嘅日子 跟我五年多的電腦已經完成任務了 在最後一段的與你相處的時光 依然有熟悉的氣場 在嘈吵的風扇機聲下 完成了最後佳作 《IG曲奇試食》 感謝你的陪伴 我會繼續加油的 你辛苦了！

[gfmurmur9849] (續:#gfmurmur9622) Hello🥴 我係［#gfmurmur9622]嘅樓主，多謝你哋嘅comments，我全部都有睇，其實只要俾個渠道我訴到苦我已經覺得好開心，現實生活中我都唔夠膽同身邊嘅人去討論感情問題🙏🏼 回應返對我哋情況嘅疑問先，點解會覺得係「我養緊我男朋友」？我諗大家誤會咗，我唔係講緊我現在養緊男朋友，我係講緊如果再咁樣落去我係咪要變咗養緊男朋友？ 其實我同佢共同儲嘅呢一筆錢，真係為咗共同嘅一齊去上車同日後嘅生活，兩個人一齊用嘅錢嘅規劃，但佢將呢一筆錢洗晒係佢屋企人身上，獨力靠我自己而家呢一筆錢去用，其實如今我已經睇開咗都冇乜所謂，已經同佢一齊去睇樓中。 另外就係我同佢嘅生活費，以前都係share嚟用，我而家其實都係我會盡量比多啲，因為唔想佢辛苦，但佢都好體諒我，基本上都好少出街，而買嘢方面本身我哋兩個人個性格都唔係好中意買嘢嘅，都有共識。 另外回應返點解我覺得「佢屋企人對佢唔好」？就係因為其實我男朋友真係每個月大部份嘅錢，三份二嘅人工都係俾咗屋企，但佢屋企裝修完佢就住一個仲細過工人房嘅房，基本上入面淨係擺到一張床，用舊梳化椅墊嚟比佢做床頭墊，真係超級細嘅房，連我男朋友平時咁鍾意打機嘅位置都冇，呢個已經係佢唯一嘅興趣，但佢屋企人就係住大房瞓五尺床，大書櫃大衣櫃，用Mac機用dyson風扇，裝修得好靚真係新屋嘅樣，但係佢間房就死氣沉沉又up dup，第二個人根本入唔到去佢間房嘅個種屈質，我真係好心痛佢點解咁辛苦使咗咁多錢出去，但自己咩都用唔到； 佢屋企人出入次次都飛的，就算係去好近嘅地方上堂，佢屋企行去MTR真係兩三分鐘路程，都係的士出出入入，話驚出汗喎，但我男朋友平時送我返屋企，我哋都係行路咋！相反佢屋企人買親咩都要用大牌子，風筒都有好幾款，音響又要買最好，梳化又要買最貴，床褥又要最貴，呢啲唔係我吹水，係有次我去佢屋企，佢屋企人自己同我曬命嘅時候講，其實佢哋要點樣洗錢我冇所謂，因為真係唔關我事，唔係佢哋咁樣洗我男朋友嘅錢，然後我望住我男朋友件T恤着到穿晒窿見到lin頭都唔捨得買新，我真係超級心痛，之前見到佢條褲爛到個褲袋係見到入面孖煙通，我當時雖然嬲佢但都係死死地氣去u記買件新比佢。 佢阿媽如果煮飯比佢兩姊妹食嘅話佢都會煲湯煮花膠真係認真煮啲有營養嘅嘢，但我男朋友夜收工返嚟，佢就煮公仔麵，其實我就好唔鍾意男朋友食公仔麵，佢平時已經食唔定時個胃唔係咁好，唔健康又冇營養，之前我同我男朋友住過一排，我收工返嚟幾夜都好會去買餸，煮飯俾佢食，星期六日都會煲湯，有時都會煲下啲中式糖水比佢，因為佢嘅工作好辛苦，要好多體力，唔明點解次次都係煮公仔麵俾佢！ 佢哋都有follow呢個page我唔想俾人認得🙏🏼我表面上都做得好大方，扮唔care，但講真我care嘅唯一原因只係心疼男朋友 第三樣嘢就係有人問點解唔可以去我屋企住？ 其實坦白講我屋企人都唔太鍾意我男朋友，而我男朋友自己其實都好怕羞，我屋企人喺度嘅時候佢都唔係好夠膽上嚟，佢都會上嚟但係佢會好緊張，所以有時佢真係唔鍾意嘅話我都唔會逼佢。 其實六七年嚟，每次過時過節佢阿媽生日定係母親節，我都會買嘢送俾佢屋企人，但係咁多年來佢都冇買嘢送俾我屋企人，有嘅話都係一兩次同埋係我買完之後，係我屋企人面前講話係佢買嘅，至少氹吓我屋企人開心，等佢哋知道其實我男朋友都好好，但其實我男朋友真係好遲鈍，都係食到近呢一兩年我真係喺佢面前講，話希望佢可以到我屋企人都主動啲，買野比佢哋，唔需要貴重但係至少係一個心意，大時大節都祝福一下，然後佢都淨係買咗一次野，仲要係佢叫我自己去買，買完之後佢過返數俾我……….. 其實我都幾唔開心㗎，因為佢屋企人其實樣樣野都要名牌，我買野比佢阿媽都冇得慳，都會買啲好野比佢，但係佢買野比屋企人就冇乜心意，我都明白其實佢因為唔了解我屋企人所以就比較難去拿捏佢地喜好，但係唔知點解我仲係覺得怪怪地咁😞 佢阿媽成日都覺得佢個寶貝仔係最好嘅，有幾次都話我整嘢食都唔好食，如果寶貝仔同我結婚嘅話第日真係有排佢捱，呢個真係佢原句嚟架，咁多年來我煮飯俾佢食啦仲多過佢煮俾我食啦，如果真係唔好食嘅話點會食到咁多年呀？而且我啲朋友同埋屋企人都冇話過我整野難食，至少我都肯整呀。之前同過男朋友住一排，我收工返嚟都係要買餸煮飯俾佢食呀，咪又係咁過，幾時有委屈過佢？究竟係咪每一個阿媽都覺得自己隻寶貝仔就係100分？人哋個女就係地底泥？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

【@businessfocus.io】 飛起Intel！ 台積電助蘋果造「地表最強」CPU 性能翻倍 Mac 最平5499港元有交易 . 推出iPhone 12系列不到一個月的時間，蘋果（NASDAQ: AAPL）於香港時間今日（11日）凌晨2時舉辦了今年秋季第3場新品發佈會「One More Thing」。本次發佈會最受矚目的是蘋果自研的處理器「Apple M1」，被稱為全球性能最強大電腦處理器。此外，蘋果亦介紹3款搭載台積電製Apple M1晶片的Mac新品，預示著蘋果自2005年以來的Intel晶片時代終結。 . 蘋果自家第一代處理器Apple M1 . Apple M1處理器與iPhone 12搭載的A14 Bionic處理器相同，皆是採用台積電最先進的5納米製程技術製造的。不同的是，Apple M1處理器是首款系統單晶片（SoC），一次性整合之前Intel處理器所需另外安裝的微處理器，其內裝有高達160億個電晶體，較A14 Bionic處理器高出35%。 . 蘋果強調，Apple M1是最快的處理器，具備8核心CPU，當中結合4個效能核心以及4個節能核心，擁有更高效的能耗比，較以往Mac長達2倍的電池續航力。在GPU方面，蘋果使用內建顯卡機制，擁有8核心GPU，最快達6倍GPU效能，比同級產品高出2倍的效能且耗能更低，令用戶可以順暢的切換畫面和軟件使用。 . Apple M1處理器亦有內建專門處理人工智能運算的16核心神經引擎（NPU），有助於增強人工智能任務。此外，處理器內建有一個專門針對安全考量的設計部分，為用戶資訊安全方面做防護措施。 . Mac系列 . 3款全新的Mac在發佈會亮相，包括MacBook Air、MacBook Pro和Mac Mini，它們都將搭載Apple M1處理器，CPU和GPU效能都會明顯提升，續航力也大幅增加。 . 新款MacBook Air擁有8核心CPU效能最快達3.5倍，配備最多達8核心GPU，繪圖處理速度最快達5倍，這是歷年來MacBook Air最大的提升。內建16核心神經引擎，機器學習（ML）速度將提高最快達9倍，因此面孔識別或物體偵測等App都可在極短時間內完成作業。除此之外，MacBook Air是無風扇設計的，所以它進行任何作業時都不會有嘈雜聲。電池續航能力方面，MacBook Air可長達18小時，打破歷史以來的最長續航力。 . 新款Mac Mini的外型雖沒有太大改變，但CPU效能加快了3倍，GPU效能最高可達6倍，機器學習速度則最快達15倍。其內裝置最多可達2TB SSD的全快閃儲存裝置，最快可達3.4GB/s的速度。同時，Mac Mini具有先進的散熱設計，操作時能夠保持低溫、安靜且高效能。 . 新款13吋MacBook Pro主打2.8倍快的CPU，GPU效能可達5倍，機器學習速度最快達11倍，並可支援iPhone以及iPad的App。電池續航能力方面也有所提升，無線上網時間可長達17小時，影片播放時間可長達20小時，是Mac歷代以來擁有最佳續航能力的Mac產品。 . 售價方面，MacBook Air 999美元（約7,799港幣），Mac Mini 699美元（約5,499 港幣），MacBook Pro 1299美元（約9,999 港幣）。 . macOS Big Sur . 蘋果向來強調軟硬件整合，因此這次macOS Big Sur是為Apple M1晶片專門研發的作業系統。蘋果將Big Sur稱之為最先進桌上電腦作業系統的最新版本，精美的設計讓Safari、地圖和訊息等App有更重大的更新。其外觀到核心設計都是經過精心打造，以充分運通Apple M1的強大功能，從而提高效能和延長電池續航能力。另外，與iPhone和iPad一樣，Big Sur可立即讓Mac從睡眠狀態喚醒。Big Sur在JavaScirpt的執行速度最高可達1.5倍，反應速度提升接近2倍。 . 蘋果表示，將在11月12日正式推出macOS Big Sur版本更新。 . Text by BusinessFocus Editorial . #BF今日科技 . @businessfocus.io 瞭解更多商業財經資訊 .⠀ #money #investment #business #finance #life #startup #startups #management #company #expert