你可以在這集學會 1. 學會 Lukas Graham 的《Love Someone》! 2. 了解 Apostrophe 是什麼 3. 歌詞中的「lose 'em」該怎麼唸/唱 希望大家可以把影片看完，給我們一些建議、LIKE、互動 想要學會什麼歌，下面留言告訴我~~ —— 👉 lukasg.lnk.to/TopHitsRK 讓你聽更多！ —— 【#唱歌學發音】分為三個部分： 1. Lesson 刁鑽的部分我來詳細解說，放心點開影片吧~~ 2. Repeat After Me 別說你不會! 我一句一句的帶大家唱，就是要你學會它 3. 挑戰時間 伴奏放下去! 把學會的統整起來，給大家挑戰一下! #看ig學英文 #唱歌學發音 #1分鐘跟著唱 #英文 #英文筆記 #英文單字 #english #英文發音 #發音 #英文學習 #生活 #實用 #教學 #工作 #英文筆記 #唱歌 #ktv

由默書零分到演講冠軍 學好英文有三樣嘢好緊要（二） 有讀者問起，我係點樣學好英文。自問英文唔算特別好，叫做見得下人。今次就同大家分享一下，個人認為學英文最重要嘅三件事。 1️⃣第一，要知道自己想要啲咩； 2️⃣第二，要下苦功； 3️⃣第三，要夠厚面皮。 上次提到，學英文要知道自己想要啲乜嘢，同事要理解自己嘅強項同弱項，再重點培養。今次講第二點，學英文一定要下苦功。 ❗️除非你係一個語言天才，否則學語言係一定要下苦功。再叻嘅人學其他語言嘅時候都一定要打好根基。 上文提到，我嘅聽說能力比較強。但係唔代表我呢兩方面冇俾心機。中學嘅時候參加朗誦同演講比賽，為咗可以喺比賽上有好嘅成績，我煲咗好多次哈利波特，入邊嘅人點樣講嘢、用咩語氣、用咩口音，我會完全模仿晒。用「現代」少少嘅講法，就係不斷mimic/ shadow 錄音帶入邊嘅每一句，不斷重複又重複。 ✅「語感」就係咁培養返嚟。大個咗發覺，有「語感」對於學文法非常有幫助。因為，當文法錯嘅時候，你個腦自然會同你講「喂，呢一句好似唔係好對路喎」。所以有機會的話，都係要多啲浸淫喺英文嘅環境之中。 有時候我又會對住鏡自己同自己講嘢。甚至乎，會錄低自己講英文把聲自己聽返，睇吓有邊啲為發音唔好、又或者係可以改善嘅地方。簡單呢個 feedback loop 好重要。 至於讀寫呢兩方面，我自知比較弱。平時串深字，就真係會逐個逐個字母讀出來，例如 exercise 係 E-X-E-R-C-I-S-E，去到考試默書嗰陣，心裏面就會默念番出嚟。中學嘅時候，全班得我一個人，每個星期剪一篇南華早報，然後寫評論比英文老師改。每一次寫演講比賽嘅講稿，我都會搵一位喺英國返嚟嘅朋友幫我改完又改、改完又改，改到啱為止。細細個未有Netflix嘅年代，我就會上大陸嘅土豆網，專搵一啲BBC嘅劇集，有晒中英文字幕，一邊煲劇，一邊見到唔識嘅字就抄低，然後查字典。唔係講笑，我屋企仲有好多本煲劇時候嘅筆記簿。 其實而家比我細細個嘅時候都好多呢一方面嘅工具，簡簡單單YouTube同埋Netflix都已經可以係你學英文嘅好朋友。再唔係的話聽歌學英文都係一個好好嘅方法。不過真係要識揀邊個填詞。 🤗個人覺得90年代嘅英文歌其實都寫得幾好，聽下啲Westlife 呀，Backstreet Boys 都幾好。再唔係比較現代一啲嘅我會推介英國嘅James Bay同埋丹麥嘅Lukas Graham。James呢除咗唱歌好聽，佢填嘅詞非常有詩意，經常令我諗起林夕。而Lucas Graham嘅歌詞好寫實，有少少似黃偉文。 今次講到呢度，下次繼續。歡迎大家留言討論一下學英文嘅心得。喜歡的話，記得儲存同埋分享俾朋友！加油！ #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #學英語 #英文