視覺減齡從手做起｜秋冬潤手霜推介 咩天氣，手仔好DRY。你知啦，隻手成日做野，又打字又拎手袋又拎文件又咁又咁，好易因為乾到有紋。面保養得好啫，但手俾人發現原來係資深美少女，咁點得呢。而家皮膚開始又乾又盛咁樣樣，開始要放支hand cream係身邊，唔係隻手「鞋烚烚」，一陣無人拖咁點算。 A. LUCAS’ PAPAW OINTMENT 木瓜膏 呢支萬用膏都唔使多講，之前都有介紹過。之前我隻手因為濕疹，又出小水泡又爛，都係搽佢好返。天然發酵木瓜提煉而成，搽咩地方都得。細細支放係手袋好方便。 B. L’OCCITANE 乳木果潤手霜 天然成分，20%乳木果油，搽完即刻滑，感覺好滋潤。因為仲有蜂蜜、杏仁油、椰油，正，夠潤，但唔油，因為吸收得好快。啱晒我呢啲DRY人，其實佢都寫明for DRY skin。haha C. 澳洲膚潤康10%碳醯二胺高能軟膏 之前濕疹手，一接觸化學物質，就痕到xx，有一位護士小姐介紹呢支軟膏我用。英國醫學大全都有推介。搽左無咁痕，仲可以搽面同身。主婦手、腳跟龜裂、爆拆、痕癢都攪得掂。軟膏好似有層油包住咁，非常滋潤。 D. Crabtree & Evelyn Lavender Hand therapy Crabtree每年聖誕節promo排隊買嘅盛況，唔使講大家都知。薰衣草香味真係最愛，好relax，聞到個人都好放鬆。夏威夷堅果油、乳木果脂、玻尿酸水合因子，舒緩肌膚鬆弛乾燥，仲有好香香嘅薰衣草味。嗯，我好香呀。haha E. lixone Hand Cream 呢隻hand cream係母親大人係西班牙買俾我，聽講話係西班牙嘅有機天然品牌。有機堅果油含有豐富VIT E &脂肪酸，補充皮膚油分及鎖水保濕。質地輕薄，吸收好快，但都好夠滋潤感。難怪導遊都熱烈推介，西班牙必買手信之一。 #lixone #handcream #loccitane #lucaspapaw #ointment #caricapapaya #madeinaustralia #madeinlondon #crabtree #crabtreeandevelyn #lavender #handcare #handtherapy #fuyunhon #ureacream #madeinfrance #dryskin #sheabutter #arganoil #hkblogger #hkbeauty #hkgirl #hkig #hkiggirl #hkiger #hkigbeauty #natalieluvbeauty

護膚保養唧唧裝｜ABC人氣產品 生於香港，潮就一定架喇，講緊係潮濕。香港天氣的的確確係會令好多人都有皮膚病，例如我。所以我會選擇有醫生推介嘅產品，呢幾支買定黎做急救，它們都係黎自西洋。 1. La Roche-Posay 抗敏舒緩面霜 轉天氣濕疹敏感可能同時一齊黎，敏感時皮膚勁乾，又怕搽野仲衰，唔緊要，可以搽呢支面霜。來自法國仲要皮膚科醫生勁推，無得輸啦。精簡成份，無香料，無防腐劑，舒緩敏感皮膚。 2. KIEHL’S 醫學強效深層去皺精華 老，一定會黎。紋，就一定唔可以俾佢出黎。呢支去皺紋、魚尾紋、虎紋及唇紋，對付乜紋都得。成份有2種不同分子透明質酸，一種係表層吸收，一種係底層吸收，底面兼顧，幾全面。仲要去皺產品黎講唔太貴，需知有D係天價。識KIEHL’S都係因為麥當娜，巨星都用呢個牌子幾有noise。 3. VITACREME B12 因為睇日本雜誌話藤原紀香激愛，所以買左第一支黎用(OMG都唔知幾多年前)，一用就愛上。唧出黎粉紅色，搽上面有小小調色作用，我平時當Base咁用。呢支面霜其實好有料，全球熱賣30年，皮膚科醫生推介，瑞士醫學製造廠 FCC 生產。一支可以解決皮膚疲倦、老化、暗沉、乾燥、疤痕、粉刺印痕等問題。BB又搽得，男士剃鬚後又用得，眼又用得，曬後又用得，汗疹又用得，真係想問係咪咩都得。可以改返個名，叫B12萬用膏都得。 4. LUCAS’ PAPAW OINTMENT 木瓜膏 百年歷史，由一名醫生研製，去到澳洲國民必備嘅地步。主要成分係發酵過木瓜提煉而成，天然溫和。皮膚乾裂、護唇、燙傷、曬傷、割傷、蚊蟲叮咬、暗瘡、腫痛、皮膚癬、尿布疹、暫時舒緩皮膚炎及濕疹症狀、適合BB及小朋友使用。萬用膏唔嫌多，一支功能多，CP值勁高。 多謝收睇 :lol: 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ http://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty #pleasefollowme #pleasefollow #hkbeauty #beautyblogger #larocheposay #lucaspapaw #vitacremeb12 #kiehls #hkblogger #hkgirl #hkigers #hkiger #hkbeautyblogger #natalieluvbeauty